蠔站 (諾士佛臺)

营业中

休息中

生蠔 $10/隻堂食指定生蠔$10/隻優惠，店員冇介紹係邊隻，但同自助餐嘅生蠔質素接近，重海水味，配白酒飲唔錯，以蠔做主題嘅餐廳黎講，絕對吸引。香脆蒜蓉包 $38比較普通，冇特別重蒜蓉味，但焗得好脆，牛油都落得好足，夠香。香辣炸雞翼 $78似係自己做炸漿，因為每隻雞翼嘅脆皮都厚薄不一，辣度其實冇乜，但配泰式辣醬中和返啲油膩感係幾好。如果你本身唔鍾意泰式辣醬，可能問店員要tabasco/檸檬都係一個唔錯嘅選擇。黃金軟殼蟹扁意粉 $158意粉可以選擇長通粉/扁意粉/天使麵軟殼蟹炸漿有啲多，口感好脆，但同時都太油膩。自問極愛軟殼蟹嘅我，完全食唔晒，有啲失望。意粉醬嘅鹹蛋黃亦都有啲多，食落好粉，如果係好似香辣蒜油炒意粉嘅做法可能會好啲？ or 落多少少cream做返多啲creamy嘅口感都可以中和下食沙嘅感覺。 但味道係夠味，如果軟殼蟹少啲漿應該係夾嘅。食飯當日係爆場，店員明顯不足，但好值得一贊嘅係：忙到甩轆，完全冇停過手，要等好耐先有人serve，但店員係好helpful，唔會唔記得左你嘅要求，而且語氣係好nice，0脾氣。如果你係收左工，同同事想食下蠔chill下飲下嘢，呢度係一個唔錯嘅選

一心諗住慶祝情人節前中後嘅乘客都漏單多次同店員反映佢哋都表示跟進最後1.5小時後 發現根本冇落單最錯係我自己選擇了這店舖永不錄取祝大家到此店時吃得幸福適合那些想減肥又想坐成晚感受氣氛的食客

沉日睇完無美斯既球賽⚽️本身諗住番屋企不過嬲嬲地 所以去食最愛既生蠔🦪一黎梗係整兩打先啦👍🏼新鮮卡邦尼長通粉又係必食嘅🫶🏻👍🏼👍🏼不過食完都滯滯哋但每次嚟親都必定嗌重芝士🧀Pizza🙈🙈

結婚25年了❤️❤️，揾個地方慶祝下！老公同我都鍾意食生蠔配白酒，所以就去咗蠔站（諾士佛臺）共進晚餐。我哋叫咗兩打＄10蠔及一支白酒，絕配！仲有炸薯條、藍芝士羽衣甘藍沙律、肉眼扒、比目魚、龍蝦天使麵，每碟美食擺盤都很精緻，極之美味。特別一提伴菜有驚喜！椰菜花蓉及紫薯蓉超級啱口味，普通餐廳未必有得食。我哋由7：00p.m.食到9：15p.m.非常滿足，盡興而歸！下次再有喜慶節日或聚餐，必為首選！😘

今日嚟到尖沙咀諾士佛臺酒吧街揾食， 環境都算大 ， 枱與枱之間距離唔多，可能係酒吧關係 比較光線比較暗。 餐廳播歌嘅range都好大😂歐美、日本、K-Pop都有！今日星期六，七點幾嘅黃金時間，都晤算多客人，享用時間：限時1.5小時 ，叫咗個 四色芝士pizza，炸雞翼，啡菇黑松露飯， 另外叫咗佢嘅招牌🌟十蚊一隻蠔我哋嗌咗兩打，蠔雖然細隻但係以$10價錢嚟講算好抵，上菜都好快，四色pizza 皮薄 重芝士，正！ 雞翼 正常水準，不過不失，最鍾意係啡菇黑松露飯，有濃鬱嘅黑松露味， 令人回味。整體食物水準令人滿意， 職員服務好有禮貌， 有時間會再光顧

喺尖沙咀返工，有幾間蠔店一直都係我嘅waiting list入邊，今次終於有機會過嚟食呢間舖頭。咁就叫咗幾種都係美國嘅生蠔啦，感覺味道係由淡去到濃味，發現佢嘅秘製蕃茄汁又真係幾好味，價錢亦都相當親民，有機會可以再嚟

係香港想食高質少少既蠔，又或者想喪食唔心痛又唔想係普通放題質素，我心目中，必定會諗起佢-蠔站地點位於尖沙咀諾士佛台，非常易搵，一去到環境都係非常舒適，好岩聚會或者拍下拖浪漫一下前菜芒果牛油果大蝦沙律🥗作為一個牛油果控，真係必點，牛油果既幼滑加上芒果既香甜，仲有大蝦的彈牙，作為前菜真係過之而無不及做人最緊要成雙成對，前菜都係一樣，蟹餅非常之出色，一絲絲嘅蟹肉混合少少彩椒，保留清爽度，又係必點到今晚主角 ，$10蠔，一聽價錢都知性價比極高，仲要係甘新鮮，一人打半都係基本啦如果唔食蠔，都唔使擔心，佢pizza作為前菜都係唔錯嘅非常香脆，芝士仲拉絲 😍😍😍

今日係南非蠔$10隻，海水味重新鮮creamy略咸，非常高質量，其他蠔吧至少$39隻，叫左半打一個人嘆再加其他蠔收尾，滿足突然想食蠔的欲望！下午2:30無人包場一樣😎

因為好中意食蠔，就揀左一間多好評嘅餐廳試下。同朋友2個人叫左20隻$10蠔，另外再叫左12隻推介生蠔！真係好好食好滿足🤤🤤就算$10隻既生蠔一啲都唔失禮，比相象中大隻，全部蠔都好新鮮，試左幾隻西班牙蠔好creamy同海水味重😍真心推薦！另外叫左豬手，豬手都正宗，有跟酸菜，酸菜亦有切絲，唔錯，但個皮唔夠脆，有改善空間。仲有叫左風乾火腿配蜜瓜，24個月既火腿好濃郁，蜜瓜好甜，呢個組合真係好完美🤤餐廳氣氛都唔錯，店員有禮貌，已經好期待下一次再去了。

朋友生日飯，朋友鍾意食蠔，就揀咗呢一間蠔站！$10一隻蠔勁抵食，呢個價錢，食到新鮮蠔，喺香港真係好難搵🥰🥰當然唔止淨係食$10蠔咁少！黎得蠔站，梗係要試吓佢其他唔同嘅推介生蠔🦪😋😋美國蠔咸味重啲，但好creamy👍🏻👍🏻太平洋蠔，好爽口，啖啖肉🥹🥹👍🏻👍🏻好好食！西班牙蠔，好新鮮，好creamy 😋😋果然一分錢，一分貨！！！！🥰🥰👍🏻重質有質，重量都有量！任君選擇💛💛好值得推薦🫡🫡另外個炸魷魚圈，炸到好脆但入面又唔乾身，同埋係好厚肉，唔係薄it it 嘅👍🏻讚讚讚！！！辣味蜆肉扁意粉，真係有啲辣，但辣得黎又好惹味，可惜蜆肉冇乜味，好白烚完，就咁擺喺面頭🤨🤨最後仲有個香脆蒜蓉芝士包，真係超級脆🤣好香脆，好好食😋

尖沙咀蠔站我黎過好幾次，每次食完都會有下一次返轉頭嘅機會，食物質素保持得唔錯。但今次再幫襯，可能因為疫情過後，餐廳人手有啲短缺，個個侍應都做到踢晒腳～想叫order都真係需要耐心等候一下。··🍕【四式芝士薄餅】我個人麻麻地芝士，但依個芝士薄餅我竟然食咗成四塊😱薄薄嘅餅底鋪滿咗滿滿嘅芝士，分量十足，而薄餅薄身脆口，同餡料重量十足嘅芝士配搭，一啲都唔會有好膩好滯。·🦪【$10生蠔】雖然唔可以同靚生蠔媲美，但佢依個價錢絕對對得上佢嘅質素！覺得好食過自助餐生蠔😂·🪿【法式煎鵝肝】我唔好鵝肝所以無試到，得老公試咗。佢既評語：「真係好普通，兩粒星」

本來想去食燒生蠔 結果冇位置搜了一下 看到這裏竟然有一間生蠔$10嗰隻 然後看到評論竟然說$10的也不錯 那我就懷着食評價的心情 過來一探究竟 一坐下的時候什麼都沒看 便問了服務員是不是有$10的生蠔 他說有 我便說先來一打 然後還在看其他食物的時候 生蠔便已經上枱了 我沒有問是什麼生蠔 看樣子應該是美國的熊本吧 小小的一隻 吃了兩隻之後馬上先追加一打 結果吃完兩打生蠔之後 只點了一個蟹餅 蟹餅可以吧 就不過多評論了 然後什麼也吃不下了 原本還想試試看他的意大利麵 還是下次

食物質素唔錯，各國生蠔🦪拼盤新鮮，另外再試咗$10特價生蠔，食落都唔錯，雖然鹹咗少少，但係以$10依個價錢嚟講，已經算相當出色。經OpenRice book仲有正價餐牌八五折，三個人開咗兩支白酒，兩打生蠔，兩個main course （一個意粉，一個豬仔骨）兩個小食（炸雞翼，薯條），最後埋單都係每人五百幾蚊算好抵食👍🏻途中發生咗少少插曲，開酒時開斷咗個木塞有待加強開酒技巧，一致認為可以再encore

想食蠔，就來咗蠔吧。叫咗2個生蠔拼盤，生蠔拼盤有8隻，來自唔同國家，$199. 生蠔易入口，但普遍偏咸。另外叫咗冬陰公意粉，本身以為冬陰公應該比價濃味，但意粉味道偏清淡，都不錯的。再叫咗半半pizza, 芝士&蠔站， pizza 正常發揮，不錯。店員收盤速度好快，真係你食完嘅下一秒即刻收走。訂座時寫有85折 但埋單並無任何折扣！！！係走咗諗返先發現冇比優惠，唔老實。餐廳應該主動結算折扣，而唔洗食客要求。講真我食飯係專注食飯傾偈， 唔expect 要我自己記住有冇優惠。大家如果去記得留意有冇比折扣，餐廳唔會自己比，比人感覺好差。。

疫情前，好多朋友都知道呢間嘢，食物唔差，地點方便，又收得夜，又有蠔食，多唔敢講，但應該嚟過超過20次。。。都大大話話2,3年冇嚟，一入到舖都覺得怪怪地，好似變咗劈場咁😵😵係，係劈場，咩解究一間西餐廳變成咁？一個貌似老闆定經理嘅女人披頭散髮傳菜，轉頭又响我地隔離同班男人猜枚😧無錯係猜枚，真係估你唔到。。。講返嘢食，加咗價貴咗，菜色高級咗，多咗熟食海鮮菜色，但餐廳以生蠔做主題嘅生蠔竟然可以差成咁你地不如cut咗佢啦，薄到好似X夫芝士咁，不過我明，實有人衝出嚟話:「$10一隻仲想點？」所以我地再叫咗一打正價$39一隻嘅生蠔🦪，12只裡面得一只冇碎殼，係一只呀，主打賣生蠔嘅餐廳可以開到咁，真心建議不如正正經經做好餐廳食品先，人均消費差唔多600，咁嘅用餐經驗真係冇下次👋🏻👋🏻