蟹八爺

营业中

休息中

前幾日尖沙咀行行吓街，見到呢間新開嘅舖頭。裝修好靚，橙黃色嘅格調，於是就入去啦。打開個餐牌見到$49就可以食到蟹黃麵，真係好抵。食落去都幾野味，加埋$20三小碟有糖心蛋同埋其他配菜同嘢飲，另外仲嗌咗$10嘅生煎蟹黃小籠包，咬落去爆曬汁，個底煎得好脆。杯秘製檸檬茶係用香水檸檬整，超級好飲。尖沙咀嚟講性價比非常高，因為記得上次喺深圳食蟹黃麵都要$98人民幣。唔記得咗影個面嘅相，但係小籠包爆細汁所以影低咗。

放工喺厚福街亂逛搵食，撞正呢間新開嘅「蟹八爺」，見價錢幾親民就膽粗粗試吓！💰價位驚喜平時食蟹都要過百，呢度一個「蟹汁撈麵」都係$49，真係幾抵食！生煎蟹粉小籠包$10/隻，大大粒仲爆湯汁～👅味道點評1️⃣ 蟹汁撈麵：汁底夠濃稠，撈埋蟹膏同蟹肉碎，幾足料，不過蟹味偏淡。2️⃣ 生煎蟹粉小籠包：皮略厚（似上海小籠包質感），一啖咬落去爆湯好過癮！但同蟹汁一樣，蟹粉香氣唔突出，食落有啲似普通豬肉湯包😂✅總結：$50有找食到蟹料理，性價比贏晒！如果追求濃郁蟹鮮味就可能要諗諗，但當係平民版蟹宴都算合格👌

今日心血來潮去咗尖沙咀搵地方食，同朋友漫無目的咁行，見到呢間新開；個價錢計返同返深圳食蟹三寶差唔多，又加上鍾意食海鮮所以就入去一試。食品質素唔錯，分別叫咗個至尊蟹飯，四色小籠包，套餐小食。至尊蟹飯：分別有蟹黃、蟹肉、蟹白膏，蟹膏有驚喜，大家食嘅時候記得要有淺至深食先有驚喜；不過今日個白飯口感唔太好食，雖然都唔影響嗰四個不同嘅蟹配食，如果個白飯口感好食，更加提升整體。$20套餐配件小食：任何蟹肉麵/飯可加$20變套餐，包括mini雲吞x2, 肉條x2, 流心蛋半隻，汽水x1, 整體不過不失。4色小籠包：包括有黑松露，冬菇雞肉，麻辣，同埋另外一個唔記得😜。除咗麻辣外，其餘3色嘅口感都好香，好濃；麻辣既麻香味感覺得第一啖破皮有淡淡麻香味外，其肉質蓋過左個麻辣香味，但係整體上都好食。而家仲係試業中，不過唔知之後個水準會唔會keep到/提升！會再試🤤

係尖沙咀行街見到呢間新餐飯，店員話為上海嘅蟹皇麵（咁岩係上海返嚟） 見到店面裝修都唔錯，於是入去試下！一個蟹皇麵套餐（有4款蟹醬汁）去撈面，價錢大約$14x 左右，味道不錯，有4個唔同口味同層次嘅蟹汁蟹膏。另外叫左個蟹皇飯，$49左右（見到呢個價錢覺得：點解咁抵😂） 再加多$20變左個套餐，有3樣小吃（真係小）同一杯野飲，個飯撈啖啖蟹汁蟹膏都幾好味。不過用嚟撈$14x 果4個醬仲好味。所以建議唔想食麵可以叫飯撈👍🏻 另外有驚喜係杯野飲（茉莉花豆漿 熱） 味道幾好飲，有清新清新嘅感覺。