蟹八爺

营业中

休息中

窩夫與蝦子餅星期日晚在尖沙咀覓食，走到厚福街，選擇不少，決定光顧「蟹八爺」。窩夫很喜歡牆上的畫。麵食49元起，十分抵食，另加20元起可升級做套餐，配三款指定小食及飲品。單點了水晶蝦仁蝦籽湯麵($69)，水晶蝦仁晶瑩通透，鮮嫩爽口，加上足料的蝦籽，味道更有層次。湯麵用上幼麵，口感爽滑。湯底顏色較深，但不會太鹹。光顧「蟹八爺」當然要吃蟹黃麵，對自己好一點，來個極品至尊蟹黃麵(單點價$148)，拌麵用上較粗的麵，掛汁效果較好。一次過吃齊蟹膏、蟹王、蟹肉和蟹白膏，味道鮮甜不腥。窩夫較喜歡蟹肉和蟹白膏，蝦子餅則較喜歡蟹膏和蟹王，各有所愛，不用爭食。套餐的三小碟分別是糖心蛋、小酥肉和炸蟹黃小雲吞，少吃多滋味，特別喜歡炸蟹黃小雲吞，雲吞皮夠薄夠脆。套裝的飲品選了秘製檸檬茶，用的是香水檸檬，味道不錯。蟹粉娃娃菜($24)性價比高，蟹粉份量太慷慨了吧。生煎蟹粉小籠包(每隻$10) 壓軸登場，新鮮熱辣，包底煎得香脆，要小心爆汁燙口。

尖沙咀🚇厚福街又有新嘅抵食餐廳🎊，呢間蟹八爺雖然店仔細細，👏不過裝修都感覺幾有格調，佢哋主打🦀蟹粉菜式，而且價格親民，所以令我感覺🤩幾驚喜。招牌黃金瀑布蟹黃麵🍜只係$49，加增量50%蟹粉🦀同麵只需要加$20。蟹粉大大碗👍鮮味十足蟹油香撲鼻🤤！撈勻到每條麵都掛滿金黃濃漿，🥢食落令人好滿足，重點係$69💰有呢個份量，真心抵食！  佢哋主食加$20就可以⬆️升級成套餐，包三小碟（有溏心蛋、小酥肉加炸蟹黃小餛飩）同埋🍹嘢飲，都幾高 CP 值。飲品都幾高質，🍵龍井熱情果茶酸甜果味加茶香，😍平衡度好，超解膩。熱茉莉花豆漿🥛入口順滑，豆香混合茉莉香，☺️清雅有層次。蟹粉小籠包🥢（$29/3粒）湯汁滿滿，🦀蟹粉肉餡多到漏，湯汁鮮到震😋！四彩繽紛小籠包（$29）可以揀🌶️辣或者唔辣，我哋揀咗麻辣+香菇+雞肉+黑松露，♨️一籠試勻4款辛香風味！  甜品水晶雪梨凍🍮只係$10，清甜雪梨汁凝成🍐Q彈果凍，食完濃味嘢😆清爽一下啱啱好！

很少這樣憤怒，也沒有寫食評的習慣，17:26到，全店沒有人，等了15分鐘，比了一個眼神給待應生，她説豬扒炸緊，到二十分鐘我忍唔住，再追問，都是同樣的答案，再加了一句:（等多五分鐘你等唔等到？）我相信應該唔有人再等了吧！我食個豬扒麵啫，老闆真可憐，已經冇客，啲伙記仲要幫你趕，唔理你有幾好食啦，可悲!現在咁既服務態度，所以要請外勞係應該嘅。請這班人在飲食行業裏邊消失，為免影響香港好客好服務的聲譽。!!!!!

極品至尊蟹黃麵套餐 $168成個套餐勁豐富，有四碟蟹粉撈麪，麵質煙韌掛汁，蟹粉多過麵好多，好彩套餐可以免費續麵，嗌多份麵就啱啱好撈曬。蟹粉入面有蟹膏、蟹黃、蟹肉，炒制過所以油香四溢，激發曬蟹嘅鮮香味，幾出色，食到後面會有啲滯，嗌啲fresh啲嘅嘢飲就正了～我地就嗌咗紅糖薑茶，因爲蟹始終寒性，薑茶可以中和下糖心蛋+蟹黃小雲吞 +香炸小酥肉套餐附上嘅小菜，小雲吞同小酥肉炸得幾香口，糖心蛋熟度啱啱好，幾正！蟹粉小籠包 $29皮薄餡靚，有汁飆出，蟹嘅味道都幾出～手剝河蝦仁 $49肉質鮮彈，都幾鮮甜，配上蝦子，都幾香！

一開始攞住兩杯野飲入去，門口男職員都冇出聲，然後入去叫寫野，有紋身既女職員叫我地自己掃code，落完單過左陣再同我地講呢到唔比飲自己野，然後就沒收左我地既野飲😓但係呢d唔係應該一早起我地入門嗰陣就出聲咩？如果佢有講，我地或者都唔會入去食。同埋唔理係餐牌定墻身，冇任何告示唔可以自帶嘢飲🙄之後我話要取消一部分既食物，佢就話廚房已經整緊，全部都冇得取消。同埋餐牌有寫可以免費續麵，首先一開始上嗰份麵已經唔多，後期續就更加少，係之前嘅一半only ，而且續麵速度都好慢。食食下有位外賣哥仔想攞外賣，但係袋外賣一直擺入面，冇人攞出黎卑佢，正常都應該擺出黎卑人攞啦。唔怪得網評好多都話呢間鋪服務態度差，本身d食物都係中規中矩，但係睇住個女職員西口西麵真係好冇癮。仲要冇任何服務都要收加一，而呢樣餐牌都係冇寫嘅🙄

香港主打吃蟹黃麵的餐廳真的比較少，之前看到人吃真的很吸引，這次來到這間新開的小店就是專門吃蟹黃麵，而且價錢不算貴，可以試試看！極品至尊蟹黃麵套餐（１６８元）一次過就包括了四款蟹醬，分別是甘香的蟹膏，香滑的蟹王，解甜的蟹肉和軟糯的蟹白膏，跟爽滑的麵條拌勻一起別，滿滿大閘蟹的鮮味，又香又滑的，每條麵條都裹上大量的蟹黃醬汁！套餐還玩有糖心蛋，小酥肉，炸蟹黃小雲吞和飲品，整體性價比不錯的。炸蟹黃小雲吞挺有驚喜，炸得香脆，又有蟹黃香。巨獸級生炸特大雞髀（５５元）生炸雞髀保留到大量的肉汁，吃起來皮脆肉嫩的，而且真的非常大隻，吃起來特別滿足的。

尖沙咀厚福街有間主打蟹黃蟹粉嘅小店，裝潢古色古香，好有中式風味。$49起蟹黃麵價錢親民又吸引。升級版「極品至尊蟹黃麵」，有四款蟹黃，鮮味濃郁，拌麵中，黃金色醬汁包裹住麵條，但麵條略為硬身。套餐包配菜三小碟，香炸小酥肉，外脆內嫩，幾有驚喜；蟹黃小雲吞細細粒，一啖一隻，皮薄餡鮮；糖心蛋香滑唔過鹹。還有冷茉莉花豆漿清香舒服，啱晒夏天飲。四色小籠包外皮稍厚，但一咬就爆汁，湯唔算太鹹，四款口味，味道分明。最驚喜反而係「宮廷蟹黃豆腐煲」，上枱仲有火keep住熱，豆腐滑到入口即化，蟹黃鹹香剛好。整體性價比高，適合想簡單食蟹黃又唔使破費嘅朋友。

同老公book mark咗呢間餐廳一段時間今日終於帶埋兩個囡囡過嚟試吓我哋book咗lunch嘅時間好彩有訂位，因為去到已經有人排緊隊喺門口報咗訂座資料之後，雙手有紋身嘅女職員（唔知係咪接待員？）因為見到我哋有BB車同兩個小朋友，但未能夠安排到舒適嘅位置俾我哋（好似因為大枱已經有人坐緊）而不斷同我哋講唔好意思，見到佢咁誠懇嘅態度，所以我哋都冇所謂啦因為點第一個餐（蝦仁湯麵）嘅時候，唔清楚原來可以加$20轉套餐，所以點選咗一個$30既三小碟小食。後來發現點錯了，就搵一位高瘦嘅女職員，佢嘅答覆係「落咗單冇得取消」，所以就算啦，但可惜到最後呢個小食好似漏咗單？冇嚟到？然後呢個湯麵上嘅時候，男職員漏咗蝦仁俾我哋，一直追問都冇任何答覆。直到見到接待員經過，我哋再試吓問佢，佢用1分鐘時間就將蝦仁送到我面前一直都見佢好繁忙身兼好多崗位咁，但佢都可以好快處理我哋嘅問題另外點咗一個「桂花年糕」，因為年糕上嘅時候我同先生仲食緊主食，然後囡囡自己拎咗一舊嚟食話冇味，最後發現原來係高瘦女職員俾漏咗桂花醬真係忍唔住講咗句成間舖頭得一個係清醒咁做嘢。By the way，食物質素唔差既，極力推介蟹黃麵四色小籠包最

上次早上突然黑雨， 我同朋友剛在尖沙咀都怕大雨，馬上去找地方， 見到附近有一間中菜平靚正，幸好仲有開，我們入去幫襯先！其中點了蟹黃麵有驚喜蟹黃麵拌麵用上較粗的麵有蟹膏、蟹王、蟹肉和蟹白膏，食落都幾鮮味薑茶又夠大杯，食完蟹涼少少飲啖薑茶都不錯👍蟹粉小籠包新鮮熱辣，我們每人叫一籠都唔怕貴， 價格合理， 不過原來有加一， 餐牌點時未見加一字眼， 埋單二百多元食到飽！另豬排麵不過不失，份量又大份都是好抵食！下次仍會再幫襯的中菜館！

水晶蝦仁瀑布蟹黃麵蟹黄麵靈魂所在係蟹黄。 蟹黄質地細膩，味道鮮美。 烹製後，蟹黃嘅香氣四溢，跟麵條結合，整碗味道散發出一種誘人嘅鮮味， 喚醒味蕾。蟹粉大湯包包得滿滿！湯汁可用飲管，吃時要溫柔小心防熨。那精華湯汁真是大滿足，整口蟹肉鮮味。荔枝蝦球賣相可愛，幾可亂真。外層酥脆，內裏爽彈，帶來豐富層次嘅口感。龍井熱情果茶龍井茶，有濃郁的香氣和甘醇的口感。而熱情果，味道酸甜，帶有熱帶水果的獨特香氣。 將兩者結合，其味道會是龍井茶的清香與熱情果的酸甜，好飲。陳皮琵琶烤梨好滋潤啊！就算炎炎夏日都要潤一下。味道不會過甜，少少漿口感，補皮膚彈性啊！

我自問真係好鍾意食蟹，魚子醬， 首先要講嗰個花雕蟹，真係好爆膏， 魚子醬好鮮甜， 魚子醬加呢個魚子好好食， 可惜我7月19號冇新鮮海膽 所以冇得叫， 但係所有食物都冇令我失望， 但係 如果掂內有賣酒飲呢就真係冇得輸， 店內雖然麻雀雖小就五臟俱全， 食蟹嘅時候呢就有蟹醋啦 小籠包就有小籠包㗎醋啦， 所以呢度要加分 登清楚邊一樣嘢 係點邊一樣嘢， 講真我成十年都未畀過香港有個讚嘅， 但係呢一間呢佢要我寫200個字冇問題因為真係好食， 希望我下次過嚟食嘅時候有海膽， 因為佢講明要有新鮮嘅日本海膽先會返貨如果唔係唔會畀我哋呢啲客人食

發現到厚福街有間新開唔係好耐嘅餐廳專係食蟹嘅！仲要價錢好平！花雕蟹超爆膏宮廷蟹黃豆腐煲超推薦份量唔少，仲要超香，佢啲豆腐好滑仲要好有豆味水晶凍甜品只係$10 超抵呀！

店員態度勁差，同趕客冇分別，毫無待客禮貌。令人深感不滿。當時請求帶位，該名店員不僅毫無笑容，甚至連基本的言語回應都沒有，僅以手指隨意指了個方向，態度冷漠至極，彷彿顧客的存在是一種打擾。整個過程中，店員未有任何友善的引導或詢問，神情不耐，完全缺乏服務業應有的熱忱與專業。 這樣的服務態度，嚴重影響消費體驗，也讓人質疑貴店對員工的教育與管理。服務業的核心在於以客為尊，若連最基本的禮貌與尊重都無法做到，實在難以讓顧客願意再次光臨。希望貴店能正視此問題，確保類似情況不再發生，並給予顧客合理的解釋或改善承諾。

水晶蝦仁瀑布蟹黃麵 $59加配套餐（ 溏心蛋，蟹黃小雲吞，香炸小酥肉） $20單獨吃麵條，麵條最中心位置是硬，配上蟹黃後味道還可以，但份量真的有點少。加配小食：溏心蛋正常，蟹黃小雲吞的雲吞皮很硬。小酥肉很像吃麥樂雞的感覺，肉質沒有先嫩可口反而有點乾， 而且炸漿不夠脆，外皮也是炸得有點硬。香酥炸豬扒麵套餐 $49加配套餐（ 溏心蛋蟹黃小雲吞香炸小酥肉）$20最先來是是這碗麵，麵條麵條最中心位置是硬。豬扒等了很久才來，豬扒有把骨和肉剪開，但是豬扒炸得過乾，味道正常。蟹粉大湯包 $68是用塑膠碗去蒸這個蟹粉包，很失望。正常用瓷碟而不是用即棄塑膠吧，而且這個粉包的頂部的皮很厚而且沒有完全蒸熟，雖然味道也及湯汁是正常，但那個塑膠碗真的大打折扣。熱紅糖薑茶正常熱茉莉花豆漿豆漿外有一陣淡淡的茉莉花茶味道，很奇怪的感覺。木匙羹不夠順滑，用上來的時候不舒服。因為店舖沒有大門的關係，外面有人在抽煙，二手煙是會吹進店內，要不斷吸入二手煙，感覺很難受。餐牌上沒有著名需要有加一服務費，只是在電子點餐的最後寫了“或會收取服務或附加費”感覺很不良好，沒有下次。#小師奶 #美食 #尖沙咀 #不推薦

今個夏天食豪DD，蟹黃麵都食到四小款的蟹黃，加錢叫套餐都唔洗$200，好親民極品至尊蟹黃麵有蟹黃，蟹白膏，蟹肉及蟹膏，以往我都係食雌蟹的膏比較多，今次就可以一次過食到公蟹，雌蟹的蟹膏，每條麵條都沾滿蟹黃蟹肉，每一口都係鮮美。我哋要套餐，有流心的糖心蛋，脆口的蟹黃小雲吞和酥脆的香炸小酥肉，仲有罐可樂飲呢。宮廷蟹黃豆腐煲豆腐白嫩嫩，仲有不少的蟹黃，用小鍋熱上，我哋試下加蟹黃豆腐在麵條上，感覺很滋味，不加錢要蟹粉，加呢個豆腐都好夾。荔枝蝦球外脆內軟，外層就好似荔枝殼一樣，搞開之後就食到爽口彈牙嘅蝦球，配埋甜酸醬都好開胃。水晶雪梨凍造型非常可愛，好似一個小吊梨一樣，味道清甜滋潤，夏天食都好養胃。