蝦蝦燒 (已結業)

近年好興嘅流水蝦🦐你地試咗未呢🤤食過好幾間嘅我今次就嚟到位於荃灣大鴻輝11樓嘅蝦蝦燒🦐一入到鋪頭就可以見到座位與座位之間有一條水槽，裡面啲蝦隻隻都好大隻，好生猛，食流水蝦最享受就係可以邊食邊夾，唔洗下下都行出去夾蝦。當然鋪內都有啲座位係要安排到外面夾蝦，如果想坐正正喺缸邊邊燒邊夾，最好就係預早打電話嚟預約定喇☎️除咗蝦之外，店內亦有各式海鮮可以任食，例如帶子、扇貝、鮑魚，就連魚都好幾種提供，最啱就係我呢種咩都想食嘅人，唔洗揀，今次可以全都要🤤但都要記得珍惜食物‼️小心眼闊肚窄啊🫃🏼講完海鮮，燒烤當然就離不開一籃子嘅肉啦，豬牛羊雞，全部都應有盡有，食材新鮮👍🏼而且最重要係好乾淨，咁就食得開心又放心啦🫶🏼最後最後，我想提一提餐廳會贈送每人一串鰻魚，呢個真心好好食🤤我都忍唔住要問店員有無得encore🐒答案係有嘅，每客$20，即刻要攞兩條嚟‼️皮脆肉鮮，真係依家打出嚟都成口口水🤤🤤得閒真係要再去翻尋味🉐整體嚟講，蝦蝦燒係我食過嘅流水蝦入面比較高質嘅餐廳，地方舒適，食物新鮮，乾淨，種類多，我比9/10，真係好滿意💯💯

平時去食流水蝦，好多時候都係只會出面提供一個大池，客人們就拎個冰筒出去夾🧊但蝦蝦燒呢到十分人性化地將夾蝦區設係餐枱旁，除左方面左食客之餘，仲等客人可以望住啲蝦係旁邊游下彈下添🦐呢個價錢對於在場食物選擇黎講完全係物超所值🤩因為餐廳所提供既海鮮種類繁多，包括生蠔，扇貝，帶子，鮑魚，蜆類等等，而且樣樣都係十分之新鮮，所以以呢個價錢可以任食各款海鮮絕對係回本之選🦞除左海鮮之外，當然唔少得各款已經串好既肉類啦，只要係出面拎完就可以放上爐到燒，仲係上下層🤣又可以慳返啲時間爐具雖然唔算好大，但火力比想像中強，如果係烘蒜蓉法包既話🥖基本上只係需要2分鐘左右🥰食落仲要卜卜脆，加上有2層，所以有殼既海鮮就可以放下層🦪集中咁燒番貝類而驚喜位仲有少量甜品同熟食，仲有菜檔同麵檔位🤣均衡補充哂營養🥦飲品都好多唔同種類嫁，而我就最愛清熱檸檬飲🍋新鮮流水蝦+海鮮+自助串燒燒烤(平日成人晚市)$348

琴日去咗位於荃灣嘅蝦蝦燒食海鮮放題，食足2.5小時😍😍😍估唔到呢度有咁多嘢食，有鮑魚，生蠔，唔同種類嘅海鮮，例如螺、魚、魷魚，非常豐富！肉類嘅選擇都唔少，有串燒、丸、牛扒，燒菠蘿，而家入坐仲要每位都送一串白膳添啊！除咗嘢食之外，嘢飲嘅選擇都好多，我最鍾意荔枝烏龍茶，真係超好飲，甜甜地，好適合女仔飲！拎完嘢食之後就返埋位自己燒啦，仲可以夾流水蝦添，隻隻蝦都勁生猛😍😍一開始夾我都好驚，一夾啲蝦就跳起，我都俾佢嚇到跳起左啊！記得夾完蝦之後要放佢入冰水入面等佢凍暈左先好拎去燒啊！順帶一提，估唔到啲蝦咁多膏，每一隻入面都有一大舊橙色嘅蝦膏，我今次就食咗好多隻蝦，當然啦，要回本啊嘛！最後埋單每位大概$400左右，不過勝在海鮮份量夠多而且又好玩，食嘅時間又長，唔會食個半鐘就趕你走！

呢間即撈鮮蝦嘅燒烤店，整體而言唔錯。餐廳裡面魚缸撈d蝦非常新鮮，活力充沛，亦係今次用餐嘅重點之一～贈送嘅每人一串鰻魚係一個驚喜，味道鮮，燒到皮脆肉軟超級好味～除左自助式蝦串烤以外，仲有好多不同海鮮可以喺自助區自取，我食個晚就見到鮑魚、生蠔、螺、蚌、扇貝、帶子、蜆等。最令人驚嘆係……有整條魚和整隻蟹！仲有各式肉類、蔬菜、包類等選擇，特別推薦串燒牛、扇貝同花蟹，鮮味大隻，十分唔錯～雪櫃有多種雪糕和飲品可供選擇，連懷舊情懷嘅Apollo 都有，幾抵食～

第一次幫襯，星期五怕人多，訂早場，1645上到話可開波。職員安排坐蝦缸邊，工作人員問黎過都？未，佢細心講點燒會安全啲，幾細心。入坐每人一串厚切鰻魚（好食）。行個圈睇吓有咩食？有好多串燒串（無只食三兩串，味道還可），海鮮種類就不少，雖然都係冰鮮，但睇落唔錯，又有一啲小食，估唔到竟有街邊滷水尤魚豬利生肥，幾攪野但間野重點遊水大頭蝦，望吓個缸啲蝦都算大隻，落手捉幾隻試吓，燒好入口，多膏彈牙，蝦種問題，所以蝦味唔特別重。（燒左兩個幾鐘，唔見加個蝦，所以缸內剩抵啲蝦幾細隻）。再試幾重冰鮮，燒鮑魚生蠔黃魚，幾好，食左唔少蟹就差啲，唔彈霉霉地。要讚係職幾細，一見攞鮑魚，就過來幫剪開，話鮑魚內臟內自爆，所有幫剪開總括黎講，4舊可以燒150分鐘海鮮（冰鮮），算抵食。會再來

兩個半小時任食流水蝦，哈哈燒荃灣分店地方更多大更加闊落，每一張枱都可以坐喺蝦缸隔離，可以即時望到生生猛猛嘅大頭蝦喺當入面遊嚟游去， 因為太生猛既關係，夾下都好似遊戲甘，要好講技術眼明手快 仲有各式各樣既海鮮， 見到店員清洗得好乾淨，仲會不停refill， 有蟹、扇貝、鮑魚、魷魚、翡翠螺、生蠔等等 入座每人會有一串每次最期待既鱔串燒， 肉質嫩滑彈牙，外皮脆卜卜，勁好食 另外最值得欣賞既就係呢度店員收拾速度好快，海鮮殼蝦殼之類都唔會搞到成枱都係性價比：5 / 5推薦指數：5 / 5

荃灣區出左名多嘢食，今日約左個朋友黎蝦蝦燒食豐富嘅海鮮大餐。兩個半小時任燒任食，又食得又玩得入座後店員會送上每人一份鱔串燒， 簡直係我最愛，肉質嫩滑外皮香脆最重要係活捉大頭蝦嘅環節，每枱隔離都放置左蝦缸，入面有好多大頭蝦，客人夾走部分大頭蝦之後，店員亦會隨即補上。基本上隻隻蝦都好新鮮，又游水又生猛， 而且蝦頭充滿蝦膏。除咗有活捉大頭蝦， 海鮮吧上面亦都放滿唔同嘅海鮮選擇， 有生蠔、鮑魚、翡翠螺、魷魚、帶子、扇貝、花蟹等等，而且店員仲會不停refill， 包你食到飽住走。除咗海鮮，都有唔同嘅串燒，講得出嘅應有盡有，羊肉串、雞肉串、牛肉串、腸仔、雞翼、菠蘿、窩夫、多士唔少得😋整體食物質素：5 / 5💰性價比：5 / 5👍推薦指數：5 / 5

是次慶祝兒子生日於是選擇較有趣味的餐廳海鮮選擇都頗多唯獨貴妃蚌成日都拎唔到肉類,飲品選擇都唔少但係熟食就太少喇而且冇甜品，不過都有幾款雪糕最吸引都係蝦缸，喺枱隔離，可以慢慢夾兩個鐘時間都夠食

好想燒嘢食，好想燒嘢食，好想燒嘢食 😂😂今個冬天，都無去BBQ，所以今晚就去了食蝦蝦燒，可以大燒一番👍🏻餐廳裝修都幾美觀，有啲打卡位，可以影吓靚相。每一個座位旁邊都有魚缸放活蝦，好多蝦呀，游來游去，好有趣😀入座後，餐廳會每人送一件，好好味，魚肉好鮮味，外表有少少脆口，唔錯唔錯👍🏻我哋第一件事緊係夾啲蝦去燒，蝦蝦好活躍，在魚缸游來游去，夾的過程都好好玩。夾完的蝦要放入冰水入邊一會，才可以燒😋咁我地就出去攞其他嘢食，佢哋有好多串燒，重點係好多海鮮可以燒，正呀😋😋串燒方面，有羊架、牛仔骨、雞翼、雞肉等等，太多了。我最鍾意的是燒羊架，啖啖肉，加上調味粉去燒，味道更佳👍🏻👍🏻海鮮方面，我都有好多選擇，我食了很多隻元貝同埋鮑魚，真係好抵食呀😀到主角蝦蝦出場啦，啲蝦好好肉，有啲重有蝦膏，係任食呀，真係好開心呀😂😂除了有好東西食，飲品都有好多選擇，我飲了一支真露，同埋其他飲品，可以講這一餐飯真係盡興而歸👍🏻👍🏻

前排天氣轉涼，一於去燒下野食，但又唔想戶外燒得咁辛苦，即刻諗起荃灣既蝦蝦燒！唔止有得燒多款海鮮，仲兩粒半鐘任飲任食，爽丫丫！最有特色既係佢地有新鮮既活蝦俾你地即夾即燒，你個位隔離就係一排排既魚缸，全部都係大大隻既活蝦！夾完擺落冰水冷凍，即燒即食，肉質超彈牙！講下重點海鮮區先！真係有超多款俾你揀，大大隻既扇貝、鮑魚、生蠔，望落都好靚仔好新鮮！其他肉類同串燒都勁多款式！佢仲有set大蝦，鰻魚俾你食左先！鰻魚勁厚肉勁滑！仲有幾款調味粉比你調味調到適合自己為止！最後仲有唔同口味既雪糕俾你任食！玄米茶雪糕真係我的最愛！燒完重口味既野食清一清佢！邊夾邊燒邊食真係好過癮，價錢又合理，真係一定要試下！

諗起海鮮燒烤仲要任飲任食，就即刻諗起位於荃灣既蝦蝦燒！睇個名就知，佢地既蝦係最出名！果然，去到現場就知 名不虛傳！一排排既魚缸入面裝住好多新鮮生猛既海蝦！大大隻！海鮮配料區超多選擇！應有盡有！扇貝、鮑魚、生蠔隻隻都好多超新鮮！其他肉類配料都勁多選擇！另外，仲有熟食區比大家頂住肚先～ 有勁大粒咖哩魚旦、炒西蘭花、炸餃子、炸蝦等等～當然急不及待即刻燒蝦、鰻魚、鮑魚、生蠔同扇貝啦！旁邊仲有勁多調味粉比客人任落唔嬲！新鮮既海蝦，你睇下幾大隻！不得不提既係鰻魚！勁大塊！一路燒啲鰻魚既油一路滴出嚟，燒到啲皮脆脆地～超爽口入口即溶！仲有飲品櫃同雪糕櫃都好多選擇！食到咁上下就整返杯雪糕～真係好耐都冇食得咁痛快！

鍾意食海鮮又唔想係屋企搞，蝦蝦燒岩哂我！座位隔離就係水缸，好多生猛游緊水既蝦蝦任夾任燒！大大隻蝦肉又彈牙，仲有唔同醬汁調味揀！外面既自助區勁多野食！有肉類、蔬菜，當然唔少得仲有好多海鮮任食！有扇貝、帶子、生蝦，螺、蟹、鮑魚等等，全部勁新鮮，回本真係冇難度除左燒烤既食物仲有十款左右既熟食！係燒緊既途中都可以醫下肚仔先！飲品既種類都勁多，估唔到既係酒精類都係任飲、仲有韓國真露！仲有多款雪糕任食，食到肚仔脹住走

放工搵食，朋友提議燒烤，於是我們就決定去「蝦蝦燒」開餐！「蝦蝦燒」位處荃灣大鴻輝中心11樓全層，一開升降機門就見到大大個霓虹燈招牌，好易認！餐廳全自助式，有超過50款肉食和瓜菜，牛羊豬雞應有盡有，一定有一款啱你心意！海鮮方面，除了流水蝦，估唔到連鮑魚和生蠔都有，大大隻，非常juicy和肥美！夾好食材，就埋位燒。唔好睇佢爐仔細細，分上下兩層，三人共用其實都好夠位。加埋大大個抽氣管，燒了2-3個鐘都唔怕成身燒烤味！咁多肉食，私心推介燒叉燒，肉質勁嫩滑，非常易咬！玉子燒都係必食，好香蛋味！新鮮從水中撈起的活蝦，真係生蝦咁跳，燒前記得用冰凍暈牠們，燒得更人道和方便！枱頭有四款調味料，我最愛係孜然粉，好惹味！飲品方面，放滿四個冰櫃，連啤酒都任飲，啱晒酒鬼！最後埋單，每人$348加一，抵過星期五、六、日去食！

🌟不知道大家喜不喜歡吃燒烤，我呢就很喜歡了。來香港一定要來這家位於荃灣市區的烤蝦店。他並不是一般的燒烤店，而是要自己動手從水槽捉大頭蝦的燒烤店，這裡的蝦是鮮活的，活生生的。捉起來很刺激。俗語說：“自己動手，豐衣足食。”今天我就來一頓的烤蝦。🌟🌝🌝 雖然說是烤蝦專門店，但是這店還提供其他新鮮的海鮮、豬、牛、蔬菜給大家烤的。海鮮的種類一點也不馬虎有：新鮮鮑魚、活帶子、活扇貝、活螃蟹、生蠔、花螺、光吃這些都已經值回票價。豬和牛的種類更是多不勝數，有豬排，豬大腸、牛排、牛舌、牛肋骨、雞翅膀、雞軟骨、羊排務求讓你double 滿足。蔬菜瓜果琳瑯滿目，總之讓你隨便吃，吃個夠。🌝🌝🌸還有他會給每一位客人送上一塊鱔片，這塊線片非常厚肉質很彈牙。記得不要把它烤焦。🌸💠醬汁選擇有很多，我推介大家泰式酸辣汁加蒜蓉加香蔥，這個配搭既香辣又酸爽。💠 💝還有甜點呀！女孩子最愛吃的雪糕，冰激淋，日式的、港式的都提供，吃完熱的，再來冰的。真是大滿足了。💝🍓🍓劃重點：兩個半小時食物任吃、飲料任喝🍓🍓💫💫💫要記得預約哦！💫💫💫

近排去左荃灣食流水蝦+海鮮+串燒燒烤放題，價錢$348就可以任食2.5小時，真係好抵食，如果想食大頭蝦，就放些冰塊落桶，再加少少水，用夾係水缸夾大頭蝦就可以，每隻大頭蝦都好生猛，食落肉質結實又多膏，另外只要預先係網站或WS訂位，都會送鱔一串，食落皮脆肉質厚實，之後就可以係自助區拎飲品、海鮮、串燒及甜品除左食流水蝦之外，自助海鮮區會有鮑魚、扇貝、蟹、魷魚、魚、螺、蠔等多款海鮮供應，每款海鮮都十分新鮮，鮑魚爽口彈牙，蟹鮮甜肥美串燒及肉類選擇都好多，有豬頸肉、雞翼、台灣腸、多春魚、大腸、牛仔骨等，大腸食落甘香鬆脆，牛仔骨食落肉質嫩滑，有牛肉味最後就唔少得蔬菜、小食及甜品類，有粟米、南瓜、雞脾菇、菠蘿、蒜蓉包等蔬菜及小食，菠蘿味道香甜多汁，蒜蓉包蒜香味濃郁，食落香口，最後食埋雪條及雪糕就剛剛好