蝦蝦燒

营业中

休息中

今晚試呢間蝦蝦燒真係超出預期，超級正！呢度燒烤任飲任食，最近做緊特別優惠加$1仲打埋邊爐，真係好抵😱飲品超多選擇：除左汽水果茶檸檬茶仲有多款啤酒燒酒！燒烤張枱隔離就係長長魚缸，好多隻新鮮既大頭蝦游黎游去，超級生猛😂個燒烤爐分兩層，夠晒火力，啲野食唔駛燒好耐就有得食，呢度既工作人員好好人，會過黎提點下啲野食要燒幾耐，又會幫手剪下蝦鬚同剪鮑魚，仲教我地調味😁除左蝦，其他海鮮都好正，大蜆都有幾款，我地食左好多蠔，加蒜蓉辣椒做調味黎燒真係好好味，鮑魚大大隻唔會乾，其他串燒都好有誠意，有牛豬雞羊、魷魚多春魚、蕃薯仔菠蘿粟米蒜蓉包…..真係數唔晒咁多野食。邊燒邊食邊玩捉蝦，真係食得好開心。最後食埋甜品雪糕，完美既一餐😁😋下次一定會再黎！

這間人氣海鮮自助餐廳位於佐敦的永富大廈，主打無限任食流水蝦及海鮮。店內環境寬敞舒適，裝潢以簡約的港式為主，自助區有專人打理，乾淨又衛生，源源不絕補充食物。蝦蝦晚市 - $348/位6:00PM至11:30PM(無限時優惠), 另加一服務費推廣活動期間，完成簡單任務即可享優惠價$1享用小火鍋。小火鍋多款湯底口味選擇，奶白色的豬骨湯不油膩，有少少粟米。流水蝦每枱均設有獨立的魚缸養飼鮮活大頭蝦，可享受夾蝦的樂趣，店員會不定時補充。記得先準備好冰桶放置適量的冰塊及冰水，才能將蝦凍暈燒烤。厚燒鱔串限定每人一串，經調味帶點微鹹的醬香，白鱔肉厚肥美有著豐滿的魚油脂，燒起來香脆又嫩滑好惹味。海鮮方面，原隻生蠔有著肥美飽滿的蠔身，裙邊帶爽脆，咬開奶滑鮮嫩，蠔味鮮甜而不腥；鮮活鮑魚厚肉爽身，有著明顯的鮮甜味；雪白的扇貝及帶子爽滑彈牙，有著純淨的鮮甜，還有田螺、蜆及原條鮮魚等。肉類方面，有基本的牛豬雞扒、雞翼及鴨胸等等，又有一串串的牛豬雞串燒，燒起來嫩滑多汁而不乾柴，魷魚的觸鬚帶點焦脆。熟食方面，有結實彈牙的咖喱魚蛋、辣酒煮花螺辛香有嚼勁、韭菜豬紅細膩不腥、椒鹽蝦及金黃酥脆的日式餃子等可作小吃。其他方面，有

這間自助燒烤店位於佐敦可無限時任飲任食各種海鮮，每張餐枱都連着流水蝦水道，可以邊食邊夾蝦。蝦蝦晚市 - $348/位小火鍋 +$1拍照及上傳到社交媒體打卡即可加配，選擇了豬骨湯底，有著濃厚的鮮甜。流水蝦每隻約 5-6 吋長有手掌那麼大，夾起來濺起不少水花很有趣。厚燒鱔串(限定一串)結實富彈性的白鱔燒得外脆內嫩，滿嘴油脂的甘香。海鮮自助區有雪白肉厚的扇貝及帶子，又有鮑魚、生蠔、沙白、青口、灰蜆及黃沙及原條鮮魚仔等，預先清潔好不帶沙，鮮活入口鮮甜。冷藏櫃內有林林總總的肉扒、串燒及蔬菜等火鍋配料。其中最喜歡串燒有雞、豬及牛肉，羊肉串更有咖喱調味正好掩蓋其羶味。火鍋肥牛片肥瘦相間，肥而不膩，瘦而不柴。多款熟食正好作小吃，香脆的炸餃子不油膩，有著飽滿的五花肉餡；辣酒煮花螺辛香帶點酒香；翡翠西蘭花爽脆清新。雪糕冰櫃有三款本地香港品牌的雪糕杯，低糖低卡成份比較健康，而自家製的芒果牛奶布甸質地嫩滑。五六個冷櫃放置罐裝飲品選擇超多，其中無糖的玉泉梳打水及自家製冷泡茶比較健康。

一入去就見到一堆海鮮，跟住就係好搶眼嘅生猛流水蝦大水缸✨啲蝦喺度跳跳紮，新鮮到不得了！即撈即燒，彈牙又鮮甜，真係食到停唔到口㗎！😋 仲有鮑魚、三文魚鮫、生蠔、墨魚同帶子，樣樣都係新鮮到冇朋友，洗得乾淨又大件，抵食到到無朋友！🦪🐟而家仲有超抵嘅「加1蚊小火鍋」推廣，可以一邊燒海鮮一邊打邊爐，啱晒而家天寒地凍，雙重享受暖粒粒！🍲🔥 串燒方面有雞翼、豬頸肉、羊架樣樣齊，連豬大腸同雞腎都有，仲有個雪櫃專放蔬菜串燒，醃得入味又唔會太鹹，食完唔會口渴，正！🍢🥬甜品櫃仲有芒果啫喱奶凍同雪糕任食，飲品仲有多個雪櫃揀，無糖茶、汽水真係乜都有！🍨🥤

好耐冇食燒海鮮，呢度有流水蝦，只要你夾得到就可以燒嚟食，有啲蝦超級生猛一夾佢就郁嚟郁去，職員好好禮貌會教我哋點樣燒先會最好食。啲蝦源源不絕供應，可以放心慢慢夾。而家加$1有得打埋邊爐👍🏻👍🏻一坐低職員就會俾人一串肥美嘅鱔我哋，超級推介，因為肉質厚，皮燒至香脆超好食！之後即刻去自助區度拎嘢食先，海鮮方面有大量鮑魚、生蠔、帆立貝、蜆，種類非常之豐富而且份量好多喺自助區任攞任食！返到去就有得燒🤩個爐夠熱啲食物好快有得食，見到一大堆鮑魚一定要即刻衝過去拎拎拎，記得鮑魚要剪咗個殼先至可以燒，否則個殼會裂開彈出嚟。鮑魚燒完之後幾香口，可以去自助區加啲蒜蓉香蔥調味。另外我鍾意佢哋嘅扇貝，大大粒超好食！肉類方面，有牛仔粒、雞肉串、多春魚、魷魚、豬肉串、豬大腸等等，滿足晒想燒烤嘅慾望😍其他蒜蓉包嗰啲唔使講都一定有嘅，去到最後原來仲有日本雪糕，推薦！

佐敦這間流水蝦的燒烤，好特別，香港少有呢類型餐廳 ，即打撈即燒好新鮮～活捉生蝦，真係好好玩，有個冰桶俾你自己夾，餐廳現在加一蚊仲有個小火鍋，打埋邊爐,勁抵玩！仲有自取海鮮，琳瑯滿目，帆立貝，海螺，鮑魚、帶子、生蠔、鮮魚等等🦐🦐流水鮮個頭勁多膏， 鮮甜新鮮新鮮又夠爽！出邊仲有蒜蓉，牛油，辣椒等等，可以自取調味！仲有啲丸類啊，肉食可以燒或者打邊爐，熟食都有好多多款。還有啤酒汽水，韓國燒酒，甜品雪糕都可以喺出邊任取任食，雪糕仲有榴槤味添！餐廳：蝦蝦燒 (佐敦)地址: 📌佐敦白加士街10-24號永富大廈1樓

呢餐餐廳勁多海鮮食，仲有流水蝦蝦缸，可以自己夾新鮮蝦，好好玩！每人會送一串海鰻，同一啲聖子，很好食又香口。而家做緊優惠，加一蚊仲有火鍋 ，好扺食！任取鮑魚、海螺、扇貝、生蠔、蜆同及魚等等不同海鮮都係任取任食，店員服務幾好，不停幫我哋倒咗啲教海鮮殼～～鮑魚好新唔韌，生蠔🦪扇貝都好鮮冇腥味！燒緊嘅時候肚餓，仲可以喺熟食區拿食物即食先，還有好多款的肉類🥩丸類都有可以用來打邊爐同燒！汽水，還有生啤，啤酒燒酒都係自己出邊自取任飲。甜品雪糕🍦好多唔同味道有芝麻、榴槤、雲呢拿味等等☝️總括嚟講性價比都幾高😋餐廳：蝦蝦燒 (佐敦)😋地址: 📌佐敦白加士街10-24號永富大廈1樓

餐廳的食物性價比很高，雪櫃上都放滿了不同種類的海鮮，有鮑魚、鮮魚、三文魚、蜆、螺、墨魚、帶子及生蠔等，每款海鮮均很新鮮，廚房姨姨都不停的清洗及添加，只吃海鮮都已經值回票價了！而串燒方面也放滿了數個雪櫃，腸仔、台灣腸、雞軟骨、雞腎、豬肉串、雞肉串、羊架等都有，味道也調味得剛剛好，燒後味道不錯！另外，餐廳還正在做推廣，加1元就有一個小火鍋，可以用作打邊爐用，火鍋湯底更有番茄湯、麻辣湯及豬骨湯選擇，味道也不錯！

上網見到佢哋嘅荃灣分店結業真係好可惜🥹之前去過都見到佢哋人山人海要預約位置！！太耐冇食大頭蝦 今次就去咗佢哋佐敦分店👍🏻👍🏻呢度有多條水道 好多生猛嘅大頭蝦 店員會不定時refill🥰確保大家可以夾完又夾 如果未嚟過嘅話店員一開始會教我哋 出去先攞冰桶同埋水 然後將大頭蝦放落去浸暈3分鐘就燒得 因為我哋好驚😂店員哥哥超好人 幫我哋夾埋放落冰桶 而且教我哋好多隱藏食法🫶🏻🫶🏻🫶🏻每一隻大頭蝦都爆膏 超級推薦大家試吓！！呢度除咗大頭蝦爽口彈牙之外 仲有好多款海鮮同埋自助燒烤 全程都可以解放雙手 好值得大家同屋企人朋友一齊過嚟🤗

這店的海鮮櫃，真的讓人停不了，味道新鮮，清洗亦乾淨，有鮑魚、三文魚鮫、生蠔、墨魚及帶子等應有盡有，絕對值回票價～而現在推廣更有加1元小火鍋，可用作吃火鍋用，一邊燒一邊吃火鍋，可滿足心急的大家～串燒類也有超多種類，雞、豬、羊架等都有，豬大腸、雞腎等內臟也少不了，蔬菜類串燒也有一整個雪櫃，醃料味道也是惹味，吃後不口渴～甜品櫃的更有芒果啫喱奶凍及雪糕等任吃，超值～飲品方面，也有數個雪櫃的飲品可供選擇，無糖茶及汽水類也有～

當日book 8點，提早7點半到左，食兩輪蝦已經冇曬蝦，叫男店主加蝦剩係叫坐低等等，等左成15分鐘加蝦，結果問其他店主原來係成間鋪冇曬蝦，冇得refill，剩但個空缸

時間：2:30-5:30人數：2人價錢：折完之後$681 （5:30離座有8折，呢個優惠幾抵）食物：1.啲蝦🦐數量多，而且新鮮有膏。係啲水到夾上嚟嘅時候仲會彈吓彈吓，冇揸流攤🫡2.凍海鮮有鮑魚、蜆、魷魚🦑、扇貝。不過值得一讚嘅係調味料區有牛油同蒜粒，仲有其他醬料，用嚟燒扇貝真係一流！😋😋😋職員補貨補得好快，職員見到得返一半扇貝，就會即刻補返滿。👍🏻3.肉類唔算太多，有牛仔骨、雞翼🍗、牛肉粒、豬肉，叫做牛雞豬都有啲，牛肉粒就麻麻哋，其他正正常常冇乜問題4.飲料選擇多，有四個雪櫃，不過主要都係甜嘅飲品/汽水，茶嘅選擇就好少，得一格。環境：1.我哋兩個人，坐緊一張四人枱，係啱啱好。因為枱上面有個燒烤爐、邊爐仔、裝蝦嘅筒仔、垃圾桶仔、兩個人嘅碟同筷子🥢，都真係放咗唔少嘢。如果一張四人枱係四個人坐，真係會好迫。2.為左方便食客夾蝦，所以餐廳將啲枱放咗喺蝦池隔籬，客人就咁坐咗喺啲蝦隔離😂呢個體驗幾得意。不過夾蝦嘅時候要小心隻蝦掙扎，啲水會四圍彈，有機會會彈到其他食客。服務：1.員工服務好好，會主動幫手燒烤同埋剪蝦👍🏻👍🏻👍🏻

今晚一行四人到蝦蝦燒聚餐，見到啲流水蝦，有得捉蝦，就已經好興奮。侍應殷勤款待，仲好好人建議我哋點樣燒會最好食。 跟佢嘅方法真係冇死，真係超好味！嘢食都幾新鮮，啲蝦都好生猛，有啲夾都夾唔住，成隻飛走咗😂除咗有蝦之外，出面嘅任食Bar仲有生蠔、蜆、各式各樣嘅魚、扇貝、東風螺等等⋯一坐低嘅時候，佢就會上每人一條鰻魚串，超肥美，烤到個皮超脆，入口油脂豐盈。呢一個簡直係世一。野飲正正常常，有可樂、韓國嘢飲、自家製羅漢果茶等等嘅涼茶⋯

心癢癢想食燒蝦 ，大熱天時熱辣辣，去咗有得嘆住冷氣食燒蝦嘅「蝦蝦燒」😍。坐低一人一串燒鰻魚，跟住就衝出去攞冰攞水嗱嗱臨夾蝦燒先，記得要浸暈d蝦先好放去爐仔度燒，每隻蝦超生猛🤩，肉質幾彈牙！自助區有多款海鮮、肉類、蔬菜類、甜品、飲品等等、、、款式也挺多👍🏿！海鮮鮮味十足，仲有我最愛嘅燒雞翼😬嘆住冷氣燒烤係爽嘅，難怪幾多人幫襯🙌！回本之選：流水蝦、燒魚、鮑魚、生蠔、、、為食妺👧🏻食咗三轉😂！

❣︎ 流水蝦🦐放題燒烤🍗🔥座位隔離就係蝦缸 邊望住啲大頭蝦遊黎遊去邊燒烤自己係蝦缸到夾起就燒 絕對新鮮🔥.一坐低就送上每人一串鱔員工們會幫手燒鱔 魚肉肥美 魚皮燒至香脆 正.自取區食物種類繁多 最吸引的首當其衝一定係海鮮除左流水蝦🦐仲有帆立貝·魚·螺·鮑魚·北寄貝等等 肉類🥩蔬菜🥬丸腸類都好多選擇🤩🤩估唔到仲有蒜蓉包.調味料除左基本香蔥醬油辣椒之外仲有牛油同蒜蓉 可以加在海鮮上 更添風味另外必試泰式辣汁 用黎沾點流水蝦食一流