蝦蝦燒

营业中

休息中

今日去左一間好玩又好食既餐廳! 即取即燒大大隻流水蝦!! 場地好大 座位隔離就係水缸 D水好乾淨! 望住佢地來游來游去 又幾過癮! 出面有好多其他海鮮選擇! 有生蠔、帶子、鮑魚、扇貝、花甲、鮮魚、魷魚、三文魚、螺等等，全部都好新鮮!另外仲會有多款肉類、蔬菜、麵包任拎!!  飲品有汽水、啤酒、韓國燒酒!! 甜品區都有多款雪糕!✨隻隻蝦都好大隻又生猛! 夾佢上來個陣要手快狠準 秘訣係要一野夾佢隻眼甘佢就吾跳了! 即時放入冰桶凍暈佢之後就可以燒架勒~蝦肉非常爽彈又鮮甜 夠哂新鮮 真係好食!✨每位客人都會奉送一串鱔魚 好厚肉又無骨 成啖食好正!✨肉類我推薦牛仔骨同埋羊扒 灑上孜然粉 辣粉 夠哂惹味!店員親切有善，見到我地吾係好識處理海鮮，會主動過來教我地點樣燒生蠔同鮑魚，加埋D蒜容落去真係好好食!✨另外可以加$1 就會多一個火鍋比我地打下邊爐仔 ， 用來煮蝦又另一番風味!!餐廳整體來講真係幾高質 食材靚而且好新鮮! 海鮮無限燒! 好玩又好食!

同朋友去左佐敦蝦蝦燒試佢哋嘅任食放題，真係又新鮮又好玩，值得推介！流水蝦係呢度嘅重點之一，自己夾蝦再燒，超新鮮，蝦肉彈牙又鮮甜，燒完更加香脆，真係好滿足。🐟🔥 海鮮選擇多樣，包括鮑魚、扇貝、魷魚等，每款都保持鮮味，放題食到飽。🦪🐚肉類方面同樣出色，有多款串燒任意揀，適合唔同人需求🥩🍗 野飲選擇仲正，除左一般放題野飲之外，佢仲有多款口味既燒酒！勁正！仲有佢地有埋個火鍋，想打邊爐亦得！甜品方面仲有雪糕，食完一輪燒烤用嚟清清口就最適合唔過！🍦 餐廳空間寬敞，氣氛好熱鬧，服務員仲會幫手處理蝦，同分享燒烤小貼士。

佐敦呢間「蝦蝦燒」真係海鮮控天堂！🦐主打即夾即燒流水蝦放題，座位旁就有生猛大頭蝦缸任撈，仲可以體驗「冰鎮→現烤」嘅過程，蝦肉燒完爆膏又彈牙～😍🦀海鮮控必試✨ 海鮮吧每日新鮮到貨！14+款選擇：肥美原隻生蠔🦪爆膏扇貝/帶子鮮甜鮑魚/馬友魚沙白/青口/黃蜆 (燒到卜卜聲開殼最正)🔥 自製蒜蓉牛油海鮮店家提供金銀蒜+牛油🧈，推薦燒扇貝時加牛油，奶香混合海鮮汁超邪惡！🥩串燒區驚喜▫️ 牛肋骨/豬大腸/雞翼串▫️ 邪惡爆汁台灣腸🌭(海鮮 vs 肉類，我投海鮮10票！)💥隱藏玩法➕$1即開火鍋！用燒烤剩餘海鮮湯底淥大頭蝦，鮮味double up～🍲 仲有任飲韓國飲品+啤酒🍺

最近和朋友去試佐敦的蝦蝦燒，這是我第一次體驗流水蝦自助餐，感覺非常新鮮🦐。蝦子活潑跳躍，肉質彈牙，讓人忍不住一口接一口😂。除了蝦，鮑魚和帶子也很新鮮，看到鮑魚還會動真是驚喜😮。蜆的選擇也不少，個頭挺大🐚。我們還享用了嫩滑的額外鰻魚🥢，每一口都很美味。這裡的串燒也很不錯，特別是雞翼🍗，外脆內軟，讓人印象深刻🤣。另外，加一元就能打邊爐的優惠🔥，非常方便。如果燒烤慢的話，煮一煮也能快速享用，滿足了想同時吃燒烤和火鍋的需求👍🏻。

今晚同朋友嚟咗呢間餐廳，真係會抱住個肚走😂5 小時任飲任食新鮮嘅流水蝦任夾任食😋非常生猛。餐廳地方好大，除咗流水蝦，超過百款食物任你食，海鮮、串燒、熟食、火鍋配料、甜品同飲品，啤酒、清酒都係任飲，超級豐富!!!🐟海鮮區生蠔、鮑魚、大蜆、原條魚、扇貝、螺等…每人仲會送一串白鱔，肉身好肥美肉類/🍢串燒區串燒同肉類睇見都花多眼亂😂牛仔骨、豬仔髀、豬扒、羊架、雞皮、雞軟骨、雞柳、豬羊肉串、腸仔、多款丸類同蔬菜…仲有燒賣、窩夫🧇有驚喜!!!甜品雪糕杯、仲有自家製甜品飲品飲品選擇多，汽水啤酒任飲架～加一蚊仲有埋個小火鍋，燒烤又可以打邊爐，又可以夾流水蝦🦐有得玩有得食，今晚真係超滿足😋。

Be大愛食海鮮😍😍呢度應該滿足到廣大嘅海鮮控啦！！可以以$348呢個價錢無時間限制任飲任食～燒烤之餘～而家仲可以加一蚊雞追加埋小火鍋🔥食得暢快又滿足！！.✨大量新鮮海產：重點有💁🏻‍♀️紮紮跳流水蝦🦐、肉厚彈牙鮑魚、海水鮮味原條海魚🐟、鮮甜扇貝&帆立貝😋😋等…感覺淨係食海鮮都值回票價；.✨燒烤食材：多款種類任君選擇嘅😚😚串燒、肉肉、蔬菜、甜食等等～目不暇給～實在令人揀得好興奮🤟🏻.✨啤酒茶飲汽水雪糕邊食邊飲最爽皮🍻🧃🥤最驚喜係連Be最鍾意飲嘅麝香葡萄燒酒都有😘食飽飽食埋杯雪糕就更perfect啦！！

最近同閨蜜去咗佐敦食放題店內食材款式好多選擇✨新鮮流水蝦 ✨海鮮 ✨自助串燒燒烤全部都係任食呀每枱都附送鹽焗鮮蝦．燒鱔鱔係勁好食．好厚肉又Juicy加$1 火鍋湯底仲有三款湯底選擇座位旁邊就係長長嘅大魚缸一堆堆新鮮生猛嘅大頭蝦夾上嚟仲瘋狂跳躍．超級生猛放冰筒凍到佢暈咗 就可以燒喇蝦頭爆膏．肉質鮮甜超爽彈冰櫃仲放滿不同種類嘅海鮮鮑魚．生蠔．螞．帶子．扇貝．原條鮮魚仲有個擺放不同蜆類嘅專區超多款串燒保證食幾轉已回本最後一定要用另一個胃食埋雪糕作結

是晚心血來潮想食燒海鮮～去咗蝦蝦燒🦐去到嚇一跳同往常人山人海嘅狀況大有不同！竟然唔使排隊🫣(同老闆娘傾開計得知荃灣分店已結業🤧🤧而家得番佐敦店咋!!)咁高質嘅餐廳要頂住呀！鍾意食嘅朋友快啲去支持吓啦！好驚連呢度都唔做就真係可惜呀！！.而家平日晚市時段無限時任食都只係$348@位(另加一)(宵夜時時段更只需$298免加一)除咗可以捉流水蝦🦐～仲可以一次過食齊多款海鮮🦪🦑(大推海魚,鮑魚,帶子,生蠔等等等等！非常新鮮！)、串燒🍡(連懷舊魷魚乾都有!!)、肉類🥩🍖(推薦牛仔骨～牛味重又肥美！)、蔬菜🌽🥦(鮮菠蘿同粟米都好甜！)、前菜🍢熟食、甜品(布甸、雪糕🍨)、任飲啤酒汽水🍺🥤🧃(連韓國燒酒都任飲唔嬲！)加$1仲可以要埋小火鍋🍲(可自選蕃茄、麻辣、豬骨湯底)😀可以品嚐哂燒烤及火鍋～性價比極高🫰🏻🫰🏻兼勁滿足！！

最近去咗佐敦間蝦蝦燒，試咗佢哋個流水蝦燒烤放題，真係幾得意又新鮮！🦐 自己夾啲生猛流水蝦嚟燒，啲蝦肉燒完之後勁鮮甜，外脆內嫩，每隻都好多汁！ 唔止蝦，其他海鮮都好高質，鮑魚、扇貝、魷魚，燒完都仲係好鮮味！🦪 唔識處理海鮮都唔使驚，啲店員會好樂意幫手，超貼心！👍燒烤梗係要食肉啦，牛仔骨燒完香噴噴，又嫩滑，雞翼燒到外皮脆卜卜，係必食小食！🍖 自助區好多配料揀，蔬菜、丸類乜都有，任你夾，食到好豐富！🥬飲品除咗汽水，仲有韓國燒酒同日本水果酒，啱晒鍾意飲酒嘅朋友！🍶 甜品區嘅雪糕都好正，食完燒烤食返杯，perfect ending！🍨 環境又闊落又舒服，燒烤區設計得幾好，唔會覺得逼，啲店員又好nice，成餐飯都好開心！😊價錢方面只需$348就可以無限時任食，真係夠晒開心任燒任食！🍢 如果再加多1蚊，仲可以一打埋邊爐，真係超值！🎉 咁樣既配搭，無論鍾意燒烤定鍾意打邊爐都啱晒，真係照顧晒唔同口味嘅朋友！😋總括嚟講，蝦蝦燒真係唔錯，海鮮新鮮又多選擇，燒烤又好玩，啱晒一班朋友或者一家大細嚟開心share！價錢又合理，抵食！💰

流水蝦任飲任食，有得玩又有得食👍🏻餐枱側邊就有水缸，大家可以一路食一路捉流水蝦，一路食一路，啲蝦源源不絕咁供應可以放心食唔使爭。而家加一蚊仲有得打埋邊爐咁就更加抵！超級推介佢哋嘅自助區，無限鮑魚生蠔海螺鮮魚蜆等等嘅海鮮，全部都係任夾飲食食到幾多就係自己嘅🤩超級推介佢哋嘅鱔，本身都鍾意食鱔，佢哋條線超級厚身，個爐夠熱好快就將佢完全烤熟，皮脆肉爽，加上小小椒鹽更加好食！大家記得小心鮑魚，一定要剝殼先燒，如果唔係就會彈到自己。生蠔都唔錯幾大隻燒到佢八成熟，仲係非常軟滑嘅時候加少少蒜蓉就最啱。另外扇貝都係非常之值得食，扇貝肉超大粒，放喺爐上面可以加香蔥同辣椒調味，都係記得唔好燒過龍，保留肉質軟滑就最好食。另外燒烤有嘅嘢佢哋都有齊，不論係肉類牛仔骨、蒜蓉包、魷魚、腸仔、多春魚等等，咩都齊晒，呢啲料全部都可以放落去打邊爐，好抵呀，又有燒烤又有火鍋！飲品方面基本上無糖茶汽水果汁全部都有，可以放心，去任飲任食！蝦蝦燒 (佐敦)佐敦白加士街10-24號永富大廈1樓

好食又好玩，流水蝦任食雪櫃上放咗好多海鮮，有帶子、生蠔、鮑魚、三文魚、螺、蜆、墨魚同鮮魚等….所有海鮮都好新鮮同好有光澤，廚房部嘅員工都不停清洗同refill海鮮另外唔少得嘅就係串燒，多至70款羊架、豬肉串、雞肉串、雞軟骨、雞翼、鴨胸、丸腸、台灣腸，仲有蔬菜，茄子，菠蘿，蒜蓉包等調味料亦非常全面，除咗基本上香蔥、辣椒、蒜頭之外仲有牛油同調味過嘅蒜蓉，加上海鮮到燒立即提升層次另外每張枱都有好多調味粉，包括味椒鹽同孜然粉將所有串燒嘅味道推到最高峰記得試埋佢哋嘅泰式辣汁，配海鮮，流水蝦食一流座位旁邊就係流水蝦缸一邊食嘢望住流水蝦游來游去每隻蝦都好新鮮夾起嚟好生猛，小心彈全身濕晒而家仲做緊推廣，加一蚊可以食埋火鍋又多一個食法，成餐飯都好忙仲有汽水啤酒冷泡茶任飲

之前聽聞荃灣嗰間分店結業 太耐冇食新鮮嘅大頭蝦 今次就帶左男朋友黎呢間好出名又高質既流水蝦放題 而家淨係得返佐敦分店🥹有興趣記得試吓‼️個人建議扇貝上面放啲蒜蓉粉絲 無得頂 系咁encore😂-當然唔小得主打嘅流水蝦🦐 非常生猛 可以將佢哋放入冰水暈大概30秒再放落個爐到燒 每隻蝦都非常大隻 蝦膏多到瀉出嚟 食落鮮甜彈牙🙌🏻值得一提嘅係 本身我哋唔太敢夾 店員好熱心咁幫我哋整 又教我哋點樣睇住嗰火喉 好抵讚🥰打卡佢地社交平台每人會送一條燒白鱔 厚身啖啖肉 無骨又香滑 外皮香脆🥰

突然好想食海鮮🤤 走咗去佐敦搵到間超正嘅海鮮放題，一入門口就見到個生猛流水蝦大水缸，大頭蝦仲係游緊水㗎！🦐 自己揀自己夾，店員仲好貼心先幫我哋處理好蝦頭蝦腳，真係懶人福音！😍大頭蝦每一隻都生猛到彈下彈下，夾上嚟仲係活蹦亂跳，新鮮到不得了！🔥 蝦肉彈牙又鮮甜，簡單鹽燒最夾！除咗大頭蝦，仲有大量唔同款式嘅活蜆, 新鮮又飽滿, 陣陣海水味, 超爽! 海鮮還包括 ~ 魚、鮑魚、青口、螺、帶子、扇貝、蠔、魷魚、三文魚鮫... 等等, 海鮮控一定滿足到！🐟🦑🦪 肉類方面有串燒牛柳、羊肉、羊架、牛仔骨、乾魷、雞柳、豬串骨... 等等, 食肉獸都唔會失望！蔬菜方面我最欣賞原條茄子、菠蘿、蒜蓉包, 其他蔬菜串都好唔錯呢! 🍍🍆熱食方面選擇都唔少, 🤤 尤其最愛係醉蝦同椒鹽蝦，醉蝦酒香濃郁，蝦肉入味又爽口；椒鹽蝦外脆內嫩，鹹香惹味，食完一隻接一隻，完全唔想停！😋而家加 $1 就可以加多個1人邊爐，火鍋料都有齊全! 🔥 每枱仲送鱔燒串，真係抵到爛！🎉最後再來個雪糕、雪芭, 完美! 

今晚試呢間蝦蝦燒真係超出預期，超級正！呢度燒烤任飲任食，最近做緊特別優惠加$1仲打埋邊爐，真係好抵😱飲品超多選擇：除左汽水果茶檸檬茶仲有多款啤酒燒酒！燒烤張枱隔離就係長長魚缸，好多隻新鮮既大頭蝦游黎游去，超級生猛😂個燒烤爐分兩層，夠晒火力，啲野食唔駛燒好耐就有得食，呢度既工作人員好好人，會過黎提點下啲野食要燒幾耐，又會幫手剪下蝦鬚同剪鮑魚，仲教我地調味😁除左蝦，其他海鮮都好正，大蜆都有幾款，我地食左好多蠔，加蒜蓉辣椒做調味黎燒真係好好味，鮑魚大大隻唔會乾，其他串燒都好有誠意，有牛豬雞羊、魷魚多春魚、蕃薯仔菠蘿粟米蒜蓉包…..真係數唔晒咁多野食。邊燒邊食邊玩捉蝦，真係食得好開心。最後食埋甜品雪糕，完美既一餐😁😋下次一定會再黎！

這間人氣海鮮自助餐廳位於佐敦的永富大廈，主打無限任食流水蝦及海鮮。店內環境寬敞舒適，裝潢以簡約的港式為主，自助區有專人打理，乾淨又衛生，源源不絕補充食物。蝦蝦晚市 - $348/位6:00PM至11:30PM(無限時優惠), 另加一服務費推廣活動期間，完成簡單任務即可享優惠價$1享用小火鍋。小火鍋多款湯底口味選擇，奶白色的豬骨湯不油膩，有少少粟米。流水蝦每枱均設有獨立的魚缸養飼鮮活大頭蝦，可享受夾蝦的樂趣，店員會不定時補充。記得先準備好冰桶放置適量的冰塊及冰水，才能將蝦凍暈燒烤。厚燒鱔串限定每人一串，經調味帶點微鹹的醬香，白鱔肉厚肥美有著豐滿的魚油脂，燒起來香脆又嫩滑好惹味。海鮮方面，原隻生蠔有著肥美飽滿的蠔身，裙邊帶爽脆，咬開奶滑鮮嫩，蠔味鮮甜而不腥；鮮活鮑魚厚肉爽身，有著明顯的鮮甜味；雪白的扇貝及帶子爽滑彈牙，有著純淨的鮮甜，還有田螺、蜆及原條鮮魚等。肉類方面，有基本的牛豬雞扒、雞翼及鴨胸等等，又有一串串的牛豬雞串燒，燒起來嫩滑多汁而不乾柴，魷魚的觸鬚帶點焦脆。熟食方面，有結實彈牙的咖喱魚蛋、辣酒煮花螺辛香有嚼勁、韭菜豬紅細膩不腥、椒鹽蝦及金黃酥脆的日式餃子等可作小吃。其他方面，有