蝦蝦燒

营业中

休息中

朋友食過幾次呢間「蝦蝦燒」任食流水蝦放題話勁正，今次帶埋我過嚟encore咁話喎～呢間餐廳位於佐敦白加士街，搭巴士或者地鐵都方便嘅～ 朋友話呢間餐廳勁爆要提早book位，我哋book咗7:30，準時到準時入場開波～一入到去發覺間餐廳真係好大，睇返資料原來有成六千呎，但係依然係座無虛席， 非常之熱鬧！睇嚟今次實冇介紹錯😜餐廳話由於已經冇晒二人枱所以安排咗張四人枱俾我哋，正！間餐廳大部份枱與枱之間都會魚缸裝住大大隻又新鮮嘅大頭蝦比客人自己夾！搶到埋位侍應已經預先安排咗10隻8隻大頭蝦俾我哋燒住先，同時間每一位客人會送一份白鱔肉，一隻貴妃蚌，同埋一條蟶子皇！白鱔肉真係好肥美，個皮燒到脆卜卜，肉質鮮嫩啖啖肉好正！貴妃蚌同埋蟶子皇都好鮮甜！可惜無得encore!不過呢間餐廳最正嘅除咗係任夾流水蝦之外，就係佢免費任食好多款唔同嘅海鮮!鮑魚、扇貝、大蜆、海螺、魷魚、海魚⋯全部都係任食！！！！ 個重點係佢哋一啲都唔易行係咁refill 從來冇見過呢個海鮮section 係吉嘅！除咗有海鮮任食之外，呢間餐廳都提供咗兩大櫃唔同嘅肉類丸類比客人選擇，個人推介牛仔骨！其實仲有熟食嘅，不過因為實在有太多其他選

聽D朋友講開，最近流行食『流水蝦』，但我未試過，朋友就帶我來到呢間佢認為做得好嘅一間，位於佐敦白加士街的『蝦蝦燒』。估唔到嘅係真係好多人食，好彩朋友之前book咗位，所以都唔需要等，可以跟預定的時間入座。首先待應會送上一堆剪咗手，腳的大蝦，一人一隻蟶子同埋一人一大舊的白鱔片，之後就係自助式，包括喺大魚缸撈蝦，幾好玩，有桶，有冰塊提供，撈咗放喺檯面随時燒得，同時亦有幾款熟食提供。但係……我哋倆人都係海鮮迷，專攻嘅係元貝，鮑魚，蕃薯蜆，普通蜆，生蠔，仲有我喜歡的翡翠螺，咁多嘢食，超開心，待應仲好細心教我哋點樣剪開(分開)鮑魚同D腸，以免唔留意就『炸』開。除咗海鮮，仲有肉類，蔬菜，茹類同埋今年勁多嘅菠蘿，燒咗之後都依然juice，仲有一樣從試過的雪糕—奶茶雪糕味，好特別吖。

聽朋友介紹佐敦有間任食蝦嘅串燒鋪頭，今日專登同幾個朋友一齊去試下。一嚟送咗啲特別海鮮，鰻魚同聖子都非常入味。場地提供多款海鮮，主要有鮑魚，生蠔，魷魚，元貝，蜆，螺，仲有原條海魚。另外有多種肉類串燒，不過少食。點少得主菜流水蝦呢！要自己捉落冰水凍暈再放上網燒，過程幾新奇有趣。蝦又大隻又多膏，實在太好味，每人都食咗好多。不過小心啲同快手啲夾蝦落冰桶，如果唔係會彈到其他客人🤣。仲有雪糕野飲任食，不過唔係咩出名牌子所以冇乜特別啦。場地都幾大，聽聞有6000呎，位同位距離還好，會頂後面嘅食客😂。環境企理衛生，工作人員好勤力，會定期過嚟清理枱上食物殘渣桶。室內空氣十分流通甚至係大風😂😂。食野食到成手污糟，如果可以場內整個洗手盆俾人快速洗手就prefect😗。每位連加1收394食2.5小時，時間上係足夠食的。

之前見有幾個朋友食過，想試呢間好耐架喇，今日終於試到。上到去攞位，職員俾左張座位圖俾我地方便自己搵返自己個位，都好細心☺️見全場都爆滿呀，好在book左位，坐低嘅時候，侍應都好細心地問我地係咪第一次燒，都好詳細講解俾我地聽👍🏻抵讚！啲蝦可以即夾即燒，真係好過癮，啲蝦好生猛，一夾會跳起，絕對唔可以猶疑，要快狠準🤣餐廳有預先俾定幾隻蝦我地燒住先，同埋送左每人一隻蟶子同埋鰻魚🤩出面仲有自助海鮮吧同肉類，全部都任燒架，仲有啲熟食添呀我最估唔到係海鮮吧真係好多種類呀，多到影唔晒，帶子啦，扇貝，連鮑魚同埋蠔都係任燒😍最神奇地連魚都有得燒呀，係全條🙈最鍾意食海鮮嘅一定要全部都試下，可惜嗰日我地唔算太肚餓，如果唔係一定試晒咁多呀！！肉類都好多選擇，餐廳全部都一串串咁串起左方便客人燒我下次一定要留定個肚黎試晒其他😍最後梗係食返杯雪糕啦

2.5個鐘流水蝦+海鮮+肉串+ 蔬菜放題一行到入去見到個場咁大真係嚇一嚇😨仲有好多魚缸裏面啲蝦好新鮮生猛咁游嚟游去🦐星期六去 成個場真係爆曬👨‍👩‍👧‍👦如果想食weekend 嘅話記住早啲book定枱啦📞成班朋友嚟又有得玩又有得食真係幾唔錯🥳..................⁣⁣📍蝦蝦燒 Cooking HaHa🇭🇰佐敦Jordan🌍Hong Kong....................⁣⁣👅 蝦蝦🦐💰 $358+10%=394💬啲蝦真係勁生猛💦即刻夾上嚟要用冰🧊凍暈佢哋先 再攞去燒🔥啲蝦勁新鮮彈牙勁多膏🤩❗️🌕🌕🌕🌕🌗...................⁣⁣⁣👅新鮮鮑魚💬 一開始嘅時候會有一人一隻鮑魚, 記得用鉸剪剪咗個殼同啲內臟先燒✂️燒完都唔覺得太縮水🙂我哋冇落調味料都覺得幾有鮮味爽口☺️出面其實都有鮑魚攞 但係好快就俾人攞晒🤦🏻‍♀️食咗兩個半鐘都係見到一次出邊有得攞😢❗️🌕🌕🌕🌕🌑...................👅魚🐟💬 原條魚咁燒🔥再落少少鹽調味🧂已經好鮮好滑好好食😋可能重點係朋友仔燒得啱啱好😍❗️🌕🌕🌕🌕🌗...................⁣⁣👅帶子/扇貝/蠔🦪🦑

見做緊優惠就同另一伴黎食！今餐比想像中有新意，因為有好多落手落腳，同另一伴分工合作嘅機會。一黎就同男朋友去咗夾蝦，啲蝦真係好生猛！會係咁係個筒到跳。跟住我就負責剪啲蝦腳，佢就出去夾海鮮，跟住大家一齊幫啲食物調味。啲蝦好新鮮，有啲仲有膏tim! 我最愛係燒生蠔！ 好少餐廳有提供生蠔！ 我用左餐廳提供嘅蒜、蔥黎調味，已經好正。另外，佢仲有螺肉、扇貝、鮑魚、蜆，全部都係任食任拎！肉類方面都有好多選擇，我最鐘意係牛仔骨、雞軟骨。牛仔骨脂肪分佈平均，色水新鮮，食落唔鞋口！雞軟骨都係比較少見，佢有提供埋孜然粉俾我哋調味，個味道燒出嚟同出面串燒鋪嘅真係好似。另外平時少見嘅食物，例如格仔餅，蒜蓉包都有得燒🤣 我最尾就自己整左個格仔餅 加舊雪糕係面頭,好滿足!總結，鋪地環境闊落，食物refill得好快, 種類都算多。雖然個爐睇落好似好細，但我覺得兩個人用啱啱好！ 由於主打海鮮，所以呢間最適合鐘意食海鮮嘅人！

攞嘢食嗰個 counter 有大量鮮活嘅海鮮，帶子、扇貝、海蜆、海螺、鮮魚等等應有盡有，專人即開即燒，確保新鮮，最驚喜嘅係竟然有我至愛嘅墨魚頭，海水味重，非常高質。一坐低就會送上每人一份嘅新鮮白鱔同埋鮑魚，白鱔相當肥美，被燒製過後油脂四日，令人欲罷不能。燒雞翼，燒雞翼有全翼同中翼選擇，都有好幾款味道，個人最愛蒜蓉味同埋孜然味嘅雞中翼，前者蒜蓉味道香濃，後者充滿大漠嘅風味。活燒扇貝，由於係即開即燒嘅關係，扇貝鮮甜味美，肉身飽滿，賣相有如居酒屋咁嘅貨色，只需要輕輕加少少蒜蓉已經相當好食。海蜆海水味濃，隻隻肉身都脹卜卜，燒緊嘅時候啲海水源源不絕咁湧出，令人食指大動。鮮蝦，呢度嘅重頭戲係鮮活流水蝦即捕即燒，夾起生猛嘅鮮蝦， 放入冰桶度將佢整暈，咁喺燒嘅時候就唔會喺個爐度彈下彈下，即捕即燒嘅鮮蝦果然係特別爽口彈牙，有得食又有得夾，正。

釣蝦場去得多 但係你哋有冇去過可以釣蝦又連埋食放題嘅地方呢 😲佐敦有一間叫蝦蝦燒嘅海鮮放題🍴客人可以即埸夾🦐然後放落冰桶入面，因為要冷死那些🦐否則燒嘅時候會彈起身 蝦缸放喺客人嘅旁邊真係好方便👍間餐廳最好味嘅一定就係呢啲流水蝦因為佢除咗新鮮之外佢哋嘅蝦膏都好多😍男朋友們在可以即時顯露新手剝吓俾女朋友食盡顯細心嘅一面 呢度嘅海鮮選擇非常之多！！仲有成條魚俾你夾返去真係好誇張！除此之外仲有帶子鮑魚生蠔聖子等等種類繁多～等得唔耐煩嘅朋友可以喺熟食度有啲小食先～我就夾咗西蘭花同埋都有啲即食嘅蝦，溫馨提示鮑魚唔可以就咁燒㗎🤔因為佢個殼好容易爆開造成危險 飲品方面佢哋會有幾個雪櫃任攞 食飽咗仲有雪糕添呢一餐真係好豐富呀

😍7cm大新鮮鮑魚、8cm大貴妃蚌、扇貝海鮮瘋狂任食😍今日去咗個有得玩有得食嘅地方😍原本以為只喺去釣蝦🦐，原來喺捉蝦🦐🤣仲竟然有咁多海鮮任食，真喺食到停唔到口😍講返間餐廳先，餐廳好似室內BBQ場咁除咗各式各類嘅海鮮之外，仲有BBQ必備嘅肉類、丸類，款款都串好晒方便燒。想即刻食，仲有唔少熟食貨應，飲品種類都好多，食飽仲有雪糕填飽另一個胃。我們剛好被安排坐在魚缸旁邊，可以自己夾蝦食。海鮮種類好多，多到食唔切😆包括：大大隻新鮮飽魚（仲郁緊㗎）、8cm大的貴妃蚌、新鮮扇貝、原條新鮮魷魚🦑、即開生蠔🦪、大蜆、東風螺等等肉類包括：咖哩雞翼、牛肉串、羊架、牛扒、牛丸、腸仔、魚蛋、龍蝦丸、漢堡扒、芝士腸、肥牛金菇、鴨胸、鴨腎、雞軟骨等等其他串燒：多春魚、日本蕃薯仔、格仔餅、燒菠蘿🍍等等掛住爭取時間食，好多都未試到，掛住食飽魚同貴妃蚌，全部好新鮮，好鬼正。職員教我地要剪咗飽魚肉後放在扇貝殼上燒，否則飽魚殼會好易燒爆。建議帶位男士去幫手剪😂女仔剪到手都軟。有個溫馨提示俾大家，盡量唔好戴隱形眼鏡去食，因為張枱比較細，基本上好似薰緊自己塊面咁，燒緊嘅時候都幾熱，戴隱形眼鏡應該會感覺更加眼乾。仲有記得著「襟」污

佐敦開了一間面積非常大的流水蝦點，是朋友介紹我來吃的，本身就是愛蝦之人，特意來這裏任吃個夠！$358一位就可以任食流水蝦、新鮮的海鮮魚鮑魚、貴妃蚌、扇貝等等…香港地還有這個特惠的長，我不能說是窮人恩物，但三百幾蚊食個夠，確實是非常抵吃！除了海鮮任食，還有一個熟食的位置，未立即燒起海鮮來吃不打緊，可以先找些熟食。有另一排凍櫃放滿了其他肉食，還有其他全消、瓜果、雪糕櫃等等，應有盡有。不過最吸引的還是流水蝦，一排排滿滿的流水蝦排在兩旁。蝦還很新鮮，大大隻，燒起來還左動右動，所以一定要用冰水把蝦浸暈才拿去燒。

最近經常聽到啲人講佐敦有間好超值嘅燒烤店，主打即夾即燒嘅大頭蝦，聽到都覺得好吸引，所以約埋個朋友一齊去試下。沿樓梯上到餐廳，首先見到一個好長好長嘅蝦缸，全部蝦都大大隻好生猛，未坐底就好心急咁繞一個圈睇下有咩好嘢食先。食物嘅擺位好整齊，劃分海鮮區、串燒區、熟食區，甜品及飲品區，全部都自助形式，鍾意邊件就自己夾。首先當然係食我至愛嘅海鮮啦～海鮮區有10多款海鮮選擇，有鮑魚、花螺、生蠔、扇貝，花甲、原隻魷魚等等。好鍾意食蝦嘅我燒左幾隻就轉移目標食生蠔、鮑魚同扇貝，蝦好彈牙加少少鹽提鮮，味道一流，其他海鮮都好新鮮。鍾意重口味嘅朋友可以加啲蒜蓉、蔥花、辣椒作調味，我就唔落任何調味，因為我鍾意食原汁原味嘅鮮味。燒左好幾轉，已經5成飽。食完海鮮後，就梗係食下其他啦～串燒款式有幾拾款，真係睇到都流口水，因為已經5成飽，所以無可能試晒所有食物，唯有揀一啲自己比較喜歡嘅食物。🍢串燒魷魚鬚，加少少孜然粉，惹味好多。🥩薄切牛仔骨，牛味濃，肉質滑，自己燒仲可以控制生熟程度。🍍推介燒菠蘿，無添加任何味料，超多汁，食完咁多燒物，食件燒菠蘿好解渴。真係太多款式，無辦法逐一形容其美味，大家睇住我食不如親身去食啦。記得早

<有得玩又有得食既夾蝦燒>💕位於佐敦這間蝦蝦燒, 有成6千幾尺大, 你會見到有好多流水蝦, 因為這餐廳主打賣點就係可以俾你自己夾蝦, 再放係炭爐上慢慢燒. 又可以玩又可以食, 啱晒大人小朋友. 別以為這裡只有燒蝦, 其實仲有大量海鮮, 肉串, 蔬菜等. 全部都係任食任燒的. 而且仲有熟食前菜, 最後仲有埋任食雪糕生果. 絕對係食物種類多款, 而且又抵食好玩, 一間值得回頭再試的餐廳😎平日價錢$328位. 係好似🦐餐廳:蝦蝦燒🍡地址: 佐敦白加士街10-24號永富大廈1樓

出海釣魚成日都聽到 係餐廳入面釣蝦又聽過未呢 今日黎到佐敦嘅蝦蝦燒 一路釣住蝦一路燒野食 釣完啲咁新鮮嘅蝦仲可以即燒 店員仲會一路睇住魚缸入面嘅蝦 有唔新鮮嘅蝦就會捉走佢地 確保客人食到最新鮮最好味嘅蝦 除左食蝦 餐廳入面仲有好多款唔同嘅食材比客人夾黎燒 又丸又海鮮又蔬菜類 但對於食肉獸嘅我 燒野食又點少得肉 燒肉就一定要配返冰凍嘅野飲 無野爽得過一路燒野食一路飲住冰凍嘅飲品同朋友傾計🤣🤣難得黎到咁得意嘅餐廳仲有任食梗係要瘋狂打下卡啦

真係食到哈哈大笑，皆因好玩、抵食、好食😍喺佐敦人氣燒蝦海鮮放題💥餐廳裝潢簡約，周圍都有滿載生猛蝦🦐嘅魚缸，而每一枱都有個獨立電爐。新鮮生蝦可以從魚缸捉，然後立即攞去燒😋肉質特別鮮甜彈牙，仲有好多蝦膏🤤每枱都會有牛油焗蝦、鰻魚串及蟶子。自助區同時都提供勁多款式嘅海鮮，有原隻鮑魚、生蠔🦪、蜆、扇貝、成條魚🐟、螺等～～真係見到都興奮😆另有生肉類及蔬果，部分仲用竹籤串好，燒嘅時候好方便。 牛肉粒香濃嫩滑，金菇牛肉卷我更是瘋狂encore。仲有燒蒜蓉原隻茄子🍆及菠蘿🍍太肚餓等唔切，亦不妨試吓佢哋嘅風味小菜🤗有辣酒煮花螺、涼拌魚皮等。 當然一定要試雪糕，出面未食過😋😋

今日係7月6號星期二我哋一行三人去咗佐敦一間蝦蝦燒餐廳，顧名思義係主題食蝦嘅，咁入到去我哋訂咗三個人，侍應帶我哋去坐埋一邊而呢一餐係食大概兩個鐘三個字，坐低見到隔離有個蝦缸，俾我哋自己夾，夾完自己先，嗰啲係大頭蝦都好生猛好大隻，另外出面有啲燒物，金沙骨啦雞翼啦豬頸肉啦叉燒啦有啲瓜類最緊要係有新鮮嘅鮑魚元貝原是條馬友，原隻魷魚都好新鮮，最緊要係佢地送一串鱔魚，好有魚味，好鮮味，仲有出邊有啲自助嘅嘢飲俾你拎啦雪糕啦餐前小食呢有啲咖喱魚蛋啦，東風螺，仲有佢呢度必食嘅蒜蓉多士，好好味😋😋