蝦蝦燒

营业中

休息中

訂左8點 人流吾算多～算坐得舒服 第一次去體驗流水蝦餐廳吾錯既印象🦐🦐 野食野飲都多選擇 出去簡海鮮就好似平時去街市買禁每人差吾多400,唯一覺得吾太好既就系食到一個鐘都未夠就叫人埋單先，雖然可以繼續坐..但感覺吾太好,到差吾多夠鐘個陣又催幾次。明明未夠鐘但一直反覆提醒，食到無哂癮。而且一直揮手叫人黎...明明睇到都扭轉面走開野食黎講既話系可以再去但吾好對服務有要求 ～ 建議都系食海鮮為主，部份熟食同串燒um...BTW. 蒜茸包都好食既 🤣🤣🤣

明明無人在等，一半地方空台，食物亦已燒好，卻幾分鐘食埋都唔容許要立即起身走，結果要遺下食物浪費，e間公司折墮到極如果有人在等我也不好意思遲一分鐘走，但我肯定是沒一個人在等，而且有一半台無人坐最激氣睇另一台幾個靚女坐，男服務員就一直幫她們加蝦，一有骨殼就立即清掉，我們台垃圾還要自己拿出去扔，到最後睇到服務員直接用手幫美女拿蝦，而且明明跟我同時到，我都被趕走時她們仍在坐著吃，証明e間野服務員想點就點而且態度惡劣，你敢出聲服務員會用只有你同佢聽到既聲線講粗口，如果不是一家大細在，我早就開佢拖

不停咁催客 列如你9點鐘夠鐘 你8點半拎少量既野食諗住燒埋走 但係侍應會係8:45分開始催你 每隔3-4分鐘同你講 務求你9點走人 咁個火其實大得唔去邊 你燒少量野食起碼都要4-5個字 當然啦 你可以話點解唔選擇D快熟既野食 咁我要選擇自己唔食既野食為快而食 咁不如最後半個鐘我走咪算咯係咪先 咁果陣我都係最多遲5-10分鐘 你可以話人地舖頭一開頭講到明 係 無錯 咁當時如果燒緊既野食係咪就咁浪費？野食方面你真係好鍾意食燒海鮮係值得推薦 不過你要擺好齊來燒一次性燒 因為真係燒得好慢要時間 總之野食方面係多選擇 同埋新嘗試自己夾蝦玩既樂趣既 不過店務員既態度就真係差🤷🏿‍♂️基本上佢唔會理你 但會係夠鐘時候係咁催你

睇ig成日見到人食即夾嘅燒蝦🙈已經蠢蠢欲動，第日放假就即刻約埋朋友放工就去試💠任食海鮮 2.5小時 $338 流水蝦係個缸入面養住🦐新鮮生猛又大隻，想食邊隻就夾邊隻，夾完放落啲冰到整暈佢就可以慢慢燒，好似好殘忍🙈夾佢地上黎有機會掙扎‼️要小心唔好嚇親，唔係會彈到周圍都係水除左蝦，出面仲有多款海鮮選擇，鮑魚、蠔🦪、扇貝、大眼雞🐟、海螺🐚、蜆等等，超多🤩鮑魚同扇貝肉質都好彈牙，仲有鮮味，質素唔錯肉類已經一串串串好晒，方便拎之餘仲容易燒，有牛扒、雞肉、雞翼等等，全部都醃得好入味，燒好之後仲可以自行加味椒鹽/孜然粉等等，質素似bbq場強烈推介大家食蒜蓉包🤣味道香口，極邪惡飲品方面，由果汁、汽水、啤酒、茶、到涼茶都有齊，加$10仲可以任飲suntory生啤，呢個價錢抵到爛。不過我就揀左小朋友至愛嘅Qoo果汁🤣雪糕都有好多味可以揀，推介海鹽焦糖😳咁多野食又任食海鮮，都擔心舖頭會蝕本😦一路夾一路燒夠晒特別又好玩，要推薦俾朋友黎🌟🌟

佐敦都可以食到泰式流水蝦放題！流水蝦即夾即食，新鮮好味又有參與感。任飲任食仲包括各類海鮮、肉、蔬菜、水果串燒、飲品、雪糕等新鮮流水蝦及自助串燒放題（2.5小時）＄338/位一入座店員就會上一盤鹽燒蝦、一盤蒜蓉焗蝦同埋一串厚肉彈牙嘅鰻魚。人人有份流水蝦——呢度嘅主角佢哋就喺每檯隔離嘅水缸入面，隻隻好新鮮生猛喺度等我哋夾起，將其放入冰筒凍暈，再放喺爐上面燒熟，佢哋啲蝦夠哂新鮮，鮮味十足。唔洗加任何調味都好好食，肉質彈牙爽口，仲有好多蝦膏添。海鮮如果覺得食蝦唔夠喉，咁佢哋仲有好新鮮嘅海鮮喺出面比我哋任燒任食。而海鮮種類有帆立貝、生蠔、鮑魚、蜆、田螺、貴妃蚌、同埋數款嘅魚等。而佢哋嘅帆立貝同鮑魚就最不得了。帆立貝好厚肉，大大粒，仲要夠哂鮮甜。而鮑魚隻隻仲識郁，證明仲係活鮑魚，肉質爽口彈牙，店員仲會主動幫我哋拆埋殼。另外，肉類選擇都好多架，大推呢個牛肋骨自助串燒有四大個保鮮櫃整齊排列咗肉類、丸類、海鮮等，仲有水果、窩夫、蔬菜等，首推必燒菠蘿酸甜多汁，開胃解膩。熟食必推炸蟹鉗，夠哂香脆，蟹鉗口感彈牙。飲品都係任飲，有三個大雪櫃，入面有各種嘅汽水、茶飲、果汁、啤酒等，大人細路都啱飲。另外仲有得攞調味

黎之前記得卜位,咁就唔洗等了之前食過其他餐廳既流水蝦體驗都唔多好, 今次朋友推介話一定要試就捉左我黎流水蝦就係個位隔黎，間唔使會有d好跳皮既蝦玩水，之後就有少女式尖叫，場面都幾搞笑🤪然後帶位入去見到個爐唔係燒極都唔熱既個款,今次係咪要為流水蝦一雪前恥啦?確實今晚真係有幾多驚喜位飲品除左基本既茶同汽水之外,仲有清熱飲品，細心😍😍每台都會送一人一串白鱔，超肥美☺️海鮮方面除左蝦,仲有鮑魚, 蜆,青口凍肉方面有唔同款式既腸,丸, 牛, 豬...等好多款仲要樣樣水準都唔差雪糕都有至少5個口味

相隔個多月我再黎殺蝦啦~~上次食完之後一直回味至今, 決定又要黎食啦除左掛住D蝦蝦之外, 佢既凍肉部份都好出色,令人念念不忘仲有仲有,燒鮑魚時記得唔好連殼燒呀, 如果連殼燒會燒燒下成隻飛起, 真係毀容到有機會呀所以大家一定要聽話 剪左殻先好燒✨😉另外仲有大大隻扇貝可以自己加蒜蓉粉絲辣椒去一齊燒，惹味無窮飲品方面令選擇困難症既我好困擾最後竟然比我見到有清熱氣嘅清熱飲仲有兩個口味添 燒野食啱晒啦除咗生肉仲有大量嘅熱葷可以選擇肚餓嘅時候唔駛等就有得食

一直都好鍾意食流水蝦 之前食過荃灣分店 覺得佢嘅環境唔錯 難得經過佐敦 又未諗到食咩 所以同👦🏻去咗呢間大型嘅流水蝦場食放題😍2.5小時任飲任食 除咗有10多款嘅海鮮之外 仲有得夾流水蝦 真係好玩又好食！平時燒烤真係好驚好熱 食到成身臭臭🥹呢一間大型蝦場 地方面積都比較大 枱與枱之間嘅距離都比較闊 冷氣都好足 唔會好熱 唯一一個缺點係呢度樓下真係好難泊車🚗**一定一定要訂位 如果唔係有機會白行一趟**一入座會送甜嘅鮮蝦喺個爐上邊 同埋每人有一條白鱔😍重頭戲梗係位於座位隔離嘅蝦缸 裏面有滿滿生猛嘅流水蝦 隻隻都好似我手掌咁大隻 蝦缸裏面嘅蝦超級多 夾極都夾唔晒😂一夾起佢哋就知要即刻放起個冰桶到 等佢哋暈咗先放上個爐到 蝦肉鮮甜彈牙 肉質結實 食落爽口好味😋除此之外 令到我最驚喜係佢哋嘅蝦頭會有滿滿既蝦膏😍真係食極都唔厭😚🐟白鱔肉質夠實正 食落軟嫩滑溜 食落冇碎骨 外皮燒到好焦脆 口感一流👍🏻出邊有好多海鮮可以拎 在冰面上放滿了生猛海鮮 鮑魚、沙貝蜆、生蠔、原條新鮮黃花魚、大眼雞、泥鯭、魷魚、扇貝等每樣都鮮甜唔腥 特別值得一提 佢哋嘅扇貝真係好新鮮 肉質嫩滑鮮甜 仲大大隻 加埋蒜蓉同辣椒

見到好多foodie朋友推介呢間流水蝦放題好似好吸引咁😍今晚一於約左好朋友過黎試下先呢間係佐敦嘅大型流水蝦場「蝦蝦燒」主打即夾即燒生猛流水蝦仲有多款生猛海鮮同自助串燒燒烤限時2.5小時任飲任食超抵好彩一早book定枱，今晚幾乎座無虛席😌😌😌坐低冇耐店員會送上一堆海蝦同白鱔燒住先海蝦果然好新鮮，蝦肉唔會霉，蝦頭仲有啖啖蝦膏餐廳入面有個大魚缸裝滿海蝦，真係幾多蝦，絕不欺場👍🏻👍🏻🔥仲有海鮮自助區，提供多款海鮮，例如扇貝、桂花魚、生蠔、鮑魚等等有專人即場清洗乾淨先比你燒，仲可以refill唔洗驚冇哂我地今次一於試下燒桂花魚先~原條桂花魚都幾大條，燒到剛剛好仲保持肉質鮮嫩🐠🐠🐠啖啖魚肉唔會有好多細骨啱哂我食到咁上下都開始有啲口渴呢度有五個大雪櫃裝飲品，汽水、茶、特飲等應有盡有總有一款合你口味整體來講呢個蝦蝦燒放題性價比超高已經book定枱下次同屋企人再過黎食😚😚😚

你以為即捉即燒蝦得泰國先有？依家係香港都有得食啦❤️今日就去咗佐敦嘅「蝦蝦燒」啦🦐 佢哋主打就係即刻係魚缸夾蝦即刻燒😚不過夾上嚟唔好即刻放落爐啊！首先要夾佢落冰桶，凍暈咗先好燒🦐真係好新鮮㗎😌仲好多蝦膏添👍🏻除咗蝦之外，佢哋仲有好多新鮮海鮮，好似去咗個魚檔咁😍 扇貝，生蠔，鮑魚，蜆，魚都有幾款👍🏻樣樣都好新鮮鮮甜💕仲有唔同款嘅肉類，蔬菜🥬連蒜茸包都有除咗要燒嘅嘢，仲有前菜，食完嘢仲雪糕食，汽水同指定啤酒又任飲😍加$10仲可以任飲生啤🍻真係好爽😄蝦蝦燒任食任燒可以燒足2小時30分鐘㗎❤️每位仲送一串白鱔，串白鱔仲好肥厚，好juicy😚你哋都快啲約埋朋友一齊去chill吓啦❤️

兩個半鐘任飲任食仲有任夾流水蝦喺入座就會見到烤爐上經已一早已放咗鹽燒蝦、牛油蝦，之後仲會有每人一串嘅海鱔。而每檯嘅側面就有流水蝦槽，所以夾蝦勁方便，而流水蝦嘅蝦槽內隻隻都係生生猛猛，又大隻，仲有蝦膏添，夾到之後就放喺冰桶凍暈佢，之後就拎上爐去燒。夠哂新鮮，肉質彈牙又爽口。而出面嘅海鮮區仲有勁多海鮮，好似有螺、蜆、扇貝、生蠔、鮑魚、貴妃蚌同埋數款嘅魚。樣樣都好新鮮，仲有專人即場清洗同refill，而最推薦一定係鮑魚，隻隻仲識郁㗎，勁新鮮，肉厚之餘仲帶一份嚼勁。注意：燒鮑魚前要先剪開鮑魚殼。除咗海鮮之外，串燒都係亮點之一，有裝滿4個大雪櫃嘅串燒。有各式嘅肉類、丸類、蔬菜等。而最推薦就係牛肉粒、菠蘿、蒜蓉包等等，仲有好多都好好食，不能夠逐一推薦，一定要親身嚟試下，大家都一定會食到捧住個肚走。而飲品都有三四個大雪櫃，入面放滿咗各式嘅汽水、果汁、茶飲、啤酒等。全部都任飲，食燒烤配埋汽水或啤酒就一流。

#蝦蝦燒 (佐敦).再次食蝦蝦燒，食物同一年前食嘅都大致一樣。.一開始會有一人一串嘅肥鱔肉串、一粒貴妃蚌，同一盤粗鹽大頭蝦。.膳串真係好肥美😍燒完外面亁身裏面爆汁。.貴妃蚌鮮甜，唔洗點任何醬汁都已經夠好食。.係出面自助無限量拎嘅海鮮，一樣咁多，幾款魚、貝類、鮑魚、生蠔🦪、元貝…...個人好鐘意食鮑魚，出去拎野食嘅時候比我咁啱撞正refill鮑魚😍大大隻仲識郁架，揀鮑魚邊會卷起嘅，就係仲係活嘅。記得剪走個殼先燒，如果唔係會爆殼，容易整親。鮑魚點泰式青醬好味。.扇貝都好大隻而且鮮甜。🤩加牛油蒜頭同埋辣椒仔燒，完美。.魚類都好正，😋一開始拎條馬友先，長身果條就係，用粗鹽曬一層喺魚表面，放係下層燒，差唔多到最後就食得，🐟魚肉滑滑又香，有烤過嘅鹽香氣，🥲有啲後悔無整兩條黎食。.係位置旁邊嘅蝦缸，大量大頭蝦可以即夾蝦即燒。店員會不時留意住蝦缸👀差唔多無咩蝦就會加蝦。😗燒左好多蝦食。.串燒有成幾個雪櫃，好多款選擇。我自己幾鍾意雞軟骨、大腸、魷魚🦑。大腸真係第一次見有得自己燒，😂燒哂啲油脂變到脆脆地，同係街食差唔多，好得意。.魷魚燒完爽爽地又香令我諗起泰國啲烤魷魚檔。.個爐唔大有兩層，但下層熱度唔大，

今天終於和朋友來到想試很久的蝦蝦燒了！我們到達時，爐上已放了一些用海鹽醃好的蝦，吃完可以在魚缸裡夾，由於是活蝦，真的超新鮮，而且很大隻又多膏，一流！扇貝也是巨型的，而且即開，十分肉厚鮮甜。鮑魚也是必吃，雖然細細隻，但真的很彈牙鮮甜。另外每人會送一條白鱔串，這個白鱔不是任食的，必須珍惜地吃，因為真我很美味，燒完後魚皮很香脆，魚肉嫩滑入口即溶。食物種類十分豐富，除了流水蝦，還有大量海鮮，肉類和蔬菜等。我們吃了不是很多肉類，因為主力吃海鮮，羊架也是我的推介，味道不羶，肉質嫩滑，羊味香濃。其他肉串則比較普通。熟食也有供應，不過我們沒試。平日另加10元就可以享用生啤任飲，好超值。唯一要挑剔的，就是室內的通風系統，當天抽油煙機不能有效運作，所以室內好大油煙，吃完後回家途中全身都帶著濃濃的油煙味！

同朋友嚟到佐敦嘅蝦蝦燒，餐廳地方非常大，一入到去已經超多人係到燒緊，好熱鬧!我同朋友兩個都超級鍾意食海鮮，所以第一輪都主攻食海鮮，任食真係好鬼爽！一開始會送一條肥美饅魚比你，燒到皮脆肉嫩就一流啦!每張枱隔離都有個水缸，養住啲流水蝦啲蝦都好生猛幾大隻，要夾完啲蝦放入冰桶度，大約幾分鐘，整暈佢，之後就可以燒喇 唔好睇少呢個燒烤爐，火力十足，好快就熟，而且有上下兩層，一邊燒一邊食，幾乎食唔切。另外值得一讚，店員會不停幫你倒曬D海鮮殼，又會教你要起殼先燒鮑魚，餐廳抽油煙都做得非常好。呢度仲有個好大既海鮮檔，有鮑魚、帶子、貴妃蚌、生蠔、扇貝、大蜆！除咗蝦之外，仲有好多食物嘅選擇俾你燒，例如海鮮、丸、菜類等等，緊有一款啱你口味。其他食物就串好曬一串串俾你燒，平時去BBQ燒既呢度基本上都會有。飲品選擇好多，有啤酒汽水。甜品就有雪糕，不過我既甜品就係燒菠蘿，超級多汁啊!

我同朋友都係海鮮🦪🦐🦀🐟愛好者，今日帶左佢去佐敦食流水蝦，唔單止大頭蝦係任食，連海鮮、串燒、熟食、雪糕同飲品，全部都係任飲任食，$338有得玩又有得任食海鮮，好超值💯呢間餐廳地方好大，不過7點前已經滿座，所以記住BOOK左位先啦😉💕一入座就會每人送一串鰻魚，鰻魚好肥美，燒到皮脆肉嫩，超級好味😋座位既隔離放左一個好長既蝦缸，客人可以好方便就夾到蝦蝦黎燒。呢度嘅大頭蝦好生猛，游嚟游去，要自己用鉗夾佢哋上水。鉗上嚟之後唔可以即刻燒，要先放入冰水凍暈佢哋，之後就可以開始燒啦🔥🦐🦐枱面有不同嘅調味料，可以揀自己喜歡嘅味道調味，我哋就覺得孜然粉幾惹味🤤大頭蝦頭非常多膏，食落鮮味十足，蝦肉好新鮮彈牙，有d個肚仲有蝦籽添。食完蝦就出去拎海鮮，海鮮檔的海鮮種類都好多，有鮑魚、生蠔、扇貝、大蜆、大眼雞等。扇貝同鮑魚都好大隻又新鮮，食左幾轉海鮮都回晒本🤫🤭😂除咗海鮮，其他食物就串好晒一串串俾你燒，串燒種類真係講得出既都有😍串燒有雞串、豬頸肉、雞皮、豬大腸、雞翼、魷魚、漢堡扒、蔬菜類等等，多達三十幾款，就連蒜蓉包同窩夫都有，真係大人小朋友都啱🥰自助區仲有熟食，有咖喱魚蛋、蟹蓋、花螺、牛腩、麻辣椒鹽蝦……實在太