蝦蝦燒

营业中

休息中

自己捉蝦🦐自己燒🔥，有得食又有得玩😺一開始會有職員教我地應該點樣處理d蝦同燒，一步步教我地好細心！見到我地唔熟手都會幫我哋🥹啲蝦都正常size，唔會太細。味道就考驗自己嘅廚藝啦！燒幾耐，落咩調味都好大影響🫣食材選擇都好多，除咗海鮮仲有雞肉、牛肉，丸、腸等等任君選擇👍🏻不過價錢都唔算便，試玩過一次，有體驗過就夠了🤣

如果你係蝦嘅發燒友，黎呢間任食海鮮店一定可以滿足你嘅慾望🦐 話說之前我哋去咗釣蝦場釣左成個鐘都係得嗰幾條蝦毛，今次竟然有任食蝦嘅餐廳!!!全間餐廳都有好多條蝦嘅管道，無論你坐邊你都可以親手夾起勁生猛嘅大蝦。餐廳入面亦有唔少小朋友，帶埋小朋友嚟仲可以教佢哋親手夾蝦訓練佢哋嘅膽量🤭而餐廳位置好方便，佐敦地鐵站一出行2分鐘已經到。一上餐廳已經見到好多飲品選擇，可樂，涼茶，啤酒等等，總有一款啱你心水🍻飲品旁邊已經有一個好大嘅海鮮bar，扇貝，鮑魚，生蠔🦪全部都係新鮮即開即燒，最特別嘅係連魚都可以完條拎去燒。除此之外，餐廳亦供應不同種類嘅串燒，啱晒食肉獸嘅朋友，但我哋嚟呢度目的主要食蝦同海鮮，所以就冇拎太多串燒啦😂我哋一埋位就出咗去拎冰桶同埋水，因為蝦真係要自己親手夾親手燒😋每隻蝦都好生猛，夾咗佢入冰桶都有機會跳出嚟，好刺激😝而燒烤爐分咗兩層，上面嗰層燒海鮮，而下面嗰層係燒串燒，海鮮嘅精華會滴落串燒，特別惹味😚醬料方面選擇好多，除咗基本豉油之外亦都有泰式醬汁，重設有大量牛油，可以自行DIY整香蔥蒜蓉牛油醬，配燒扇貝，燒蠔一流😍兩個半鐘任食海鮮放題我哋食咗三轉蝦同大量海鮮，而且我哋每一次拎海鮮埋枱

之前食過一次蝦蝦燒覺得好好食介紹朋友，然後朋友心情唔好就話唔需要一齊去食野就揀咗呢間呢間果然質素保持到，Keep住水準之餘人流都冇減少，好多地方夠大，位置夠多，食物都keep住refill呢個必食緊係流水蝦，仲有海鮮啦黎到店員先幫你爐既第一層放滿流水蝦，然後問你有冇食過，冇嘅話就唔係咁講解會每人送返一串鰻魚然後我哋就拎住個盤出去海鮮，蜆係必須食的，要拎大量海鮮必食，食得到一定為本，新鮮流水蝦，愛蝦一定要食，多膏肉類選擇都多，雞羊牛豬都有，自助式想食幾多拎幾多最後記得一定要食蒜蓉包同窩夫，脆卜卜。加牛油同煉奶，肥仔甜品但好正😋😋😋飲品種類超級多最後記得食甜品呀雖然地方大，但最好book位，因為真係好多人食，而且環境幾好，仲有打卡位，真心一定要食

最吸引係有新鮮的流水蝦，可以睇中隻蝦就夾，就係咁吸引左我黎, 發現仲有好多海鮮，有鮑魚，蠔，扇貝，帶子，蛤，魚…流水蝦好鬼生猛，我鎖定目標夾蝦，隻蝦好快就彈走咗，夾左幾次先成功夾到，即刻放入冰筒，等隻蝦暈左先可以燒咁多種海鮮都可以一拎返黎就直接燒，唯獨是鮑魚係燒之前要做啲事前功夫，避免鮑魚殼燒燒下爆，就要剪左鮑魚個殼走先可以燒2.5小時任飲任食，淨係食海鮮都回到本😁仲有其他的丸類，肉類，瓜類，熟食，雪糕…醬汁除咗普通的醬汁外，仲有牛油同泰式辣醬可以揀，燒既時候加埋一齊燒，會更加入味調味料都有四種，辣椒粉，孜然粉，味椒鹽 同 粗鹽，燒好既食物可以任意調味飲品都佔5個飲品雪櫃，好多款式揀，多到眼花撩亂👁

終於試到佐敦呢間蝦蝦燒🦐🦐🔥，好玩又好食。嘩，估唔到星期二都咁多客，但餐廳都好大，坐得舒服。一坐底，店員就同我地講，要拎個冰桶出去拎冰，整桶冰水一陣夾完啲蝦就擺落冰水冰暈佢。啲流水蝦好生猛，又可以我技術屎，成日都要夾幾次先夾到。🤣餐廳會送每人一串白鱔，好好食又好肥美。出面既自助區好多野食。熟食有我好鐘意既涼拌魚皮，出面真係好少食到。海鮮區真係好似啲人講成個街市海鮮檔咁。有蠔、鮑魚、蜆、墨魚、帶子、不同款既魚。仲有肉類、蔬菜、飲品同甜品，太多選擇。出面好多醬料，又有粉絲，燒海鮮絕不單調，見到人整蒜蓉蒸扇貝，利害。我地食到最後一刻，好滿足。

環境：一個字「迫」，枱與枱之間基本上好貼，做生意都要顧及下食客感受吧！食緊野，後面張枱走咗，職員極速9秒9執枱，職員個掃把柄督到我，仲叫我應該拉埋D張椅，我都唔知仲可以點拉？桌子超細，基本上放完爐、冰桶、小垃圾桶......已經勁迫，生熟食物都係放埋一齊。食物：多選擇，海鮮有蠔、鮑魚、元貝、成條魚、蜆........新鮮程度可接受其他有腸、雞皮串、豬柳漢堡、丸、蒜蓉包......熟食：咖哩魚旦、烏冬、拍青瓜、醉蝦......飲品：超級多選擇：汽水🥤、啤酒🍻、涼茶......總括：整體來說可以一試，但不會再試！

讚：超多野食，好過去食buffet，我去時有鮑魚放題，各樣都新鮮好好食，員工都有禮，飲品還好起碼有酒飲，這個價黎講係算很不錯的。彈：二人座用一個爐，四人、六人都用一個爐、如果我無睇錯八人都用一個爐。這個硬傷，本身大多數食物都要花時間燒，有d仲要剪完先燒，個爐又唔係大，如果多人全男去食我覺得會食唔飽。

第一次黎蝦蝦燒，之前見朋友黎過，感覺幾得意😎餐廳空間好大，店員安排左我地近魚缸果邊坐，望住啲蝦係到游來游去，已經好期待開餐了🥰餐廳劃分幾個區域拎野食，有海鮮類，肉類，蔬菜類，飲品區同甜品區。一開頭，店員已經附送左一盤蝦同一盤海鮮，有鱔😍燒鱔好好食！跟著，我地就拎左好多生蠔、扇貝、鮑魚、蜆…返去慢慢燒，非常好食😍本身以為啲蝦好難夾，但原來都比想像中易，最緊要夾得快！一邊夾蝦，一邊燒烤，好玩又好食😋絕對會推介俾朋友！剩係食海鮮都夠回本😋

今日收咗工同朋友嚟到位於佐敦白加士街嘅呢間蝦蝦燒到食海鮮bbq放題 餐廳真係超受歡迎晚飯時間嚟到全場爆滿 好在我哋有book位先可以食到兩個人都畀咗張四人枱非常夠闊落 座位隔離就已經可以任嘅泰國游水超生猛嘅大頭蝦 新鮮果然係唔同 肉質爽甜之餘 蝦頭膏仲非常甘香惹味 仲有巨型海鮮櫃可以任食任夾 我就夾咗條黃花魚 肉質嫩滑 而且一啲都唔會點埋泰式醬汁超正呀仲有大大隻嘅扇貝非常鮮甜 加埋蒜蓉牛油一齊食停唔到口 回本話咁易仲有唔少嘅熟食 飲品 燒烤材料 都係任食㗎

今日食呢間流水蝦放題，主打即夾即燒流水蝦同各款新鮮海鮮，仲可以食足兩個半鐘。自助區：- 海鮮：有鮑魚，帶子，蠔，扇貝，大蜆，魷魚…- 各款肉類：有雞翼，雞軟骨，豬大腸，牛扒，多春魚…- 多款丸類：芝士腸，紅腸，腐皮卷，台灣腸，獅子狗⋯- 蔬菜：菠蘿，南瓜，粟米，翠玉瓜，茄子，香菇 …熟食區：唔駛等，即刻可以食- 飲品都有好多款選擇- 雪糕/雪條都有好多款式- 有咖喱魚蛋，手拍青瓜，椒鹽大頭蝦等等熟食大頭蝦🦐：- 好大隻好生猛，凍暈咗就可以拎去燒，即夾即燒- 燒好後外殼香脆，肉質彈牙- 蝦頭有好多好香滑嘅蝦膏蠔：- 大隻肥美，雖然燒完後會有少少縮水，不過完全唔影響蠔嘅鮮味- 入口軟滑，味道濃郁鮑魚：- 大大隻好飽滿，好厚身好多肉汁- 肉質結實但一D都唔韌扇貝：- 肉質彈牙鮮甜，經過燒香後仲有焦香味- 加埋蒜蓉粉絲，粉絲吸收左扇貝嘅精華同鮮味，加少少辣椒更惹味椒鹽雞軟骨：- 燒到卜卜脆又有咬口- 加少少椒鹽更惹味三文魚鰭：- 魚油香味濃，肉質嫩滑- 燒到焦香香脆，加少少粗鹽海水味更突出燒菠蘿：- 外面焦香，內裏多汁Juicy- 酸酸甜甜，開胃解膩

今日終於同朋友夾到時間又Book到呢間想試好耐嘅流水蝦啦！因為我哋都早放工所以食到佢個早蝦蝦時段由17:00至到19:15一坐低店員都好好咁問我哋有無食過好有心機咁教我哋點燒同點處理啲蝦一開始已經有十幾隻處理好嘅蝦放咗係爐上面燒住先朋友就負責燒我就負責岀去拎嘢食款式都有好多我哋都係主攻海鮮🙈有大大隻扇貝，生蠔同鮑魚扇貝好大隻可以用唔同嘅醬料去調味個人覺得最普通嘅牛油，蔥同辣椒粒已經好好味朋友就好喜歡佢個泰式辣汁。生蠔初頭見佢細細粒諗住燒完可能都會縮晒水點知燒完又唔差熟咗都仲Keep到幾大粒又夠Juicy。鮑魚要剪岀嚟先可以燒如果唔係驚會爆殼不過就算離殼燒都唔會好乾食落幾有鮮味。三文魚骹無諗過自己咁樣燒都可以咁好食魚肉好滑食落魚油味濃，好香無落任何調味料已經好好食而且唔洗好驚會燒燶因為我哋無咩時間理佢都無燶到而且肉質仲Keep到好滑🤣流水蝦到今日嘅重點啦😍第一Round放係度燒個啲唔算太新鮮之後自己夾個啲就夠哂生猛夾上嚟啲蝦都夠哂跳脱嚇親我😂😂希望我啲叫聲唔好嚇親人😂好彩朋友夠膽處理我都係交返俾佢就好了有個桶可以放冰同水凍暈咗啲蝦剪咗啲鬚就可以拎去燒了秘製醉蝦蝦肉結實彈牙而且好入味，夠晒

心思思又想食蝦蝦燒，去咗佐敦分店食。2.5小時任飲任食正呀！一入門口已經見到好多飲品全部海鮮任攞任食任燒，真係見到都興趣😆魚都有幾款，魷魚、鮑魚、大蜆、生蠔、扇貝。游緊水既蝦大隻又生猛，好快就要游入我個肚裏面🤣成功呀！夾到隻蝦蝦啦！拿拿臨放佢入冰桶涷暈佢先。收穫都幾豐富，一陣可以慢慢食😋密密夾密密燒密密食😆燒完一輪蝦要燒吓啲海鮮先。我夾咗條魚，鮑魚、魷魚、生蠔、扇貝。大大隻魷魚🦑好味😋其實出面仲有好多串燒蔬菜任攞。攞多兩杯雪糕返去食先。

海鮮真係食極都唔厭佐敦呢間蝦蝦燒超級旺場平日晚市都爆滿 真係厲害2.5小時任飲任食 價錢只係3百幾蚊一位性價比極高 包埋酒水流水蝦好生猛 夾上嚟即時燒好新鮮蝦肉爽口彈牙 無得頂自助海鮮檔仲有鮑魚 蠔 扇貝 蜆 魚 螺真正全部任食 超爽 本身係鮑魚迷 食左超過10隻🤣 正啊不過燒之前要先將個殻拆開 唔係燒唔到架入座時每人附送一條鰻魚串 呢個好味記住要燒到魚皮脆卜卜 入口超正另一邊自助區仲有大量串燒 肉類 蔬菜 水果一應俱全 仲有個甜品櫃 真係大滿足😆爆場係有原因👍🏻

之前去過覺得好多嘢食，尤其是海鮮🥳依次帶埋屋企人去嘆番餐🥳平日夜晚坐滿晒👍🏼好有人氣。一坐低爐上面已經有大約十隻大頭蝦喺度燒緊～另外一人有一串大鱔串，好厚肉又肥美。我哋主力燒海鮮🥳自助區魚檔有好多款式嘅海鮮～選擇都好多，有原條大眼雞丶三文魚鮫丶扇貝丶蜆丶鮑魚丶蠔丶東風螺⋯我最鍾意燒蠔🦪原味燒都好有風味。而服務生提醒我哋，鮑魚要用鉸剪剪走個殻先燒，如果唔係會燒到爆跳彈起😝而燒魚配泰式辣汁好食喎。其他肉類和蔬菜嘅串燒選擇都唔少，鴨胸丶羊架丶豬髀仔丶一口牛丶雞翼丶開邊茄子丶小番薯丶格仔餅⋯我就好鍾意燒菠蘿，多汁超甜！另外，雞髀菇好大一串，燒完厚肉又彈牙！依到有咁多海鮮燒～又有得夾流水蝦，食到超飽，作為海鮮控真係好滿足！

一直好期待食流水蝦🦐，所以突登book咗呢間喺佐敦嘅蝦蝦燒😃。坐咗喺流水蝦水缸隔離，望到啲蝦游黎游去，目測啲蝦好有活力💪🏻！有兩個半鐘食，時間好充裕。店員有預先講解點樣釣蝦，但到自己夾嗰時都有啲雞手鴨腳😅，夾完啲大頭蝦上黎要放入冰筒浸死，否則燒嘅時候會彈黎彈去😵‍💫。冰唔夠嘅話，隨時可以出去攞，非常方便👍🏻！ 第一round嘅蝦係店員攞俾我地，仲幫我地燒埋🔥, 仲有附送一人一串鱔。啲蝦size都ok, 無落咩調味就咁落咗少少鹽，食落都幾有鮮味，以任食嘅程度黎講，絕對抵食😋。除咗任食流水蝦🦐之外，仲有熟食區同自助區俾我地夾啲野返去食同燒。熟食比較特別就係醉蝦，而自助區嘅肉類都算齊，一般燒烤店有嘅肉類🥩，例如雞牛豬羊都有，而且有唔同調味😆，啲肉都醃得幾入味！海鮮都可以任攞，款式都算多！特別推薦扇貝🤓，佢啲扇貝都幾大粒，而且附近有牛油蒜蓉同粉絲攞，可以自製蒜蓉粉絲蒸扇貝，非常好食☺️。仲有鰻魚魷魚生蠔東風螺，重點係鮑魚同原條嘅魚🐠🐟，呢兩個係必食item!整體黎講，蝦蝦燒有唔少回本位🙈，性價比頗高，大頭蝦同各類海鮮都值得一試🥰，而且地方幾闊落，啱哂一大班人聚會。