蝦蝦燒

营业中

休息中

第一次食流水蝦，原來係要生夾，夾入個冰桶時隻蝦仲識郁要拎冰去凍暈佢先，好新鮮。開始時重有鰻魚串燒送比你，肉質肥美鮮味，油脂充足，非常好味。出面有扇貝，鮑魚，蜆，北寄貝，魷魚之類海鮮夾，另外有唔同肉串可以夾，職員亦會主動教你燒。出面有唔同醬料比你選擇 牛油 蒜蓉 辣椒粉 孜然粉 ，可以按自己喜好調味。飲品免費之餘，連韓國真露燒酒都係，食海鮮送酒係一流。佐敦餐廳環境夠大，食材新鮮，可以盡情咁價海鮮，絕對物超所值!!

蝦蝦燒係我食過咁多間任食其中一間嘅至愛，因為餐廳有多款海鮮可以任燒，齋食海鮮都夠回本！呢度👈🏾海鮮種類有好多，由蝦、飽魚、生蠔、螺、三文魚骹、原條魚不等。由於餐廳限時2.5小時，所以我建議大家先燒價錢比較貴嘅海鮮類。不過大家放心，餐廳嘅電爐都好夠火力，啲食物好快就會燒熟！所以燒完海鮮，都仲有大把時間可以食其他嘢！其他食物嘅種類同樣繁多，我就最鍾意燒牛扒、牛仔粒！而餐廳仲會喺每張枱提供幾種調味料，可以因應自己嘅喜好配搭。落咗調味料之後，我發覺原來自己可以燒到啲食物咁美味！頓時覺得自己都有做廚師嘅天份😂雖然夾蝦係餐廳嘅主打，但我就覺得有啲嘥時間，不過一家大細同成大班朋友來玩都真係幾有趣！

📍#蝦蝦燒 (佐敦)佐敦白加士街10-24號永富大廈1樓♡人均消費: $776▪️▪️▪️▪️▪️▪️▪️▪️▪️▪️▪️▪️▪️▪️今日到訪蝦蝦燒，有2.5小時可以任燒任食。最特別嘅地方係每一台嘅旁邊都會有一個蝦池可以活捉生蝦，自己捉自己燒～ 蝦肉保證新鮮😋每一隻蝦都好生猛，捉嘅時候記得要睇準時機， 用夾夾實左就要即刻放落冰筒，否則啲水就會彈到周圍都係😎 除咗蝦之外，亦有唔同嘅海鮮可以選擇，例如：鮑魚、扇貝、蜆、青口、馬友等等～ 亦都有唔同嘅調味料可供選擇，例如: 泰式醬料、蒜蓉、牛油、辣椒等等，亦會提供粉絲，可以自製蒜蓉燒扇貝😋 非常過癮。入座後，每一枱都會有鹽焗蝦已經預先醃好😋 一入坐已經可以準備開始燒。另外亦會有鰻魚，鰻魚真係好抵讚，燒到佢表皮脆卜卜，食起黎仲有啖啖油香，好味既！蝦肉方面，餐廳選用既大蝦大隻肥美，有部份蝦頭亦有蝦膏，肉質結實鮮甜有嚼勁，但蝦味就唔算突出，需要加上放喺燒烤夾旁邊嘅調味料，如孜然粉、鹽、辣粉等等。除此之外亦都有唔同嘅燒烤食品，例如：牛仔骨、腸仔、多春魚等等，都有茄子同翠玉瓜，可以自製蒜蓉燒茄子😋 非常惹味。▪️▪️▪️▪️▪️▪️▪️▪️▪️▪️▪️▪️▪️▪️

呢到出名流水蝦，但我就對蝦唔算太大興趣，又懶搣蝦。不過見到呢到放咗咁多水缸養住啲蝦都覺有趣。亦見到餐廳細心，一入到去就有醃好嘅蝦喺爐上燒緊，我地可以燒住咁捉蝦，唔怕要等太耐。蝦肉爽口夠味。我嚟呢到重點唔係食蝦，我係嚟食串燒同埋佢啲海鮮。蜆、貴妃蚌、生蠔、馬友、黃立䱽、鱲魚、扇貝、鮑魚，種類超多會不時轉換，目不暇給，仲見員工不斷清洗海鮮補給，非常新鮮。可以燒烤魚類嘅放題好少，呢到完全滿足到鍾意烤魚嘅我。串燒都有好多種類，質素都唔錯。仲有好多飲品，啤酒燒酒仲可以任飲，一路暢飲一路燒烤，冇得輸！

我上次已經同朋友去過荃灣嗰間《蝦蝦燒》，因為覺得佢d海鮮🦞超正，所以今次決定要再去食過🤭價錢呢度嘅價錢平日係$348一位及加一，限時2.5小時。食物雖然價錢唔算太平，但勝在有好多食物種類可以燒，特別係海鮮（除咗可以夾蝦之外，出面仲有鮑魚、各款魚、沙白、桂花蚌、魷魚、蠔等）👍🏾鍾意食海鮮嘅朋友一定唔可以錯過！除此之外，呢度仲有好多串燒，蔬菜類、肉類，咩都有，就好似去咗大美督燒烤咁，不過就唔使去到咁遠！我就最鍾意牛油蒜蓉包、豬大腸、夾餅😋😋另外，大家仲可以淥菜，淥烏冬，同埋食啲冷盤小食。咁多嘢食，只怕冇時間食晒😂特別一提嘅係，呢度都有好多飲品，啤酒已經有好幾款，仲有韓國燒酒、涼茶，任君選擇，成班朋友嚟呢度食嘢、夾蝦、飲酒、傾偈真係好正！

ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧唔洗講都知我係蝦蝦燒常客真心正！帶埋我去可以唔洗燒野食🤣🤭已經嚟過N次！因為我鍾意食海鮮🦐除咗蝦之外大把海蝦有鮑魚，扇貝，原條魚，東風螺，大蜆，貴妃蚌全部都係任拎！而且每一次都唔會見缺貨情況除咗拎返去自己燒之外，仲有一啲製成品任你選擇而且肉類選擇勁多🥳🙌🏻仲有蒜蓉包，格仔餅再唔係鍾意都可以自己煮烏冬💕座位旁邊有流水蝦可以夾，店員都會不停咁加蝦🫶🏻唔怕無蝦夾！我哋都爐都好夠熱！啲嘢食都好快熟🥰平時我最鍾意食係鮑魚🥰❤️今日覺得扇貝加牛油🧈蒜蓉辣椒，鮮味倍增蝦就灑鹽落去燒～真係勁Yummy✌🏻必吃！！然後蒜蓉包我哋加咗牛油🧈同埋格仔餅🤣食落去酥酥軟軟😍然後再食咗超級好味嘅玄米茶雪糕❤️溫馨提示各位記得訂座🙌🏻經常爆滿喔🙈💕𖣲 ꕀ ꕀ 𖣲 ꕀ ꕀ 𖣲 ꕀ ꕀ 𖣲ʚ︎ɞ ᴋɪɴᴏᴋᴏ ʀᴇғᴇʀʀᴀʟ ɪɴᴅᴇx ʚ︎ɞ❤️❤️❤️❤️❤️❤️❤️❤️❤️❤️𖣲 ꕀ ꕀ ꕀ𓈅 𖠳 ᐝ ꕀ ꕀ ꕀ 𖣲៹ 𓉮. 蝦蝦燒៹ ﹆. 佐敦白加士街10-24號永富大廈1樓₊˚· ७── ⁼³₌₃ ⚗︎·̫⚗︎如果鍾意我嘅分享☷➿記得fσℓℓσω me ◡̈ ‎ ༘ ♡讚好

終於黎食到朋友一直推薦既蝦蝦燒😳因為我一直都特別鐘意食蝦🦐一坐底店員就開始介紹返呢度燒海鮮既一啲秘訣：一開始要去拎冰水🧊夾到新鮮既蝦唔可以即時燒，要先凍暈。鮑魚要先除殼，才可以燒等等佢哋呢度有大量海鮮任食😳😳除咗非常新鮮既流水蝦，仲有元貝、扇貝、鮑魚、魷魚🦑、生蠔🦪、蜆等等☝🏻元貝同鮑魚都非常鮮味🤩另外自己再配上牛油🧈和蒜蓉，好滋味😋😋😋👏🏻👏🏻除左海鮮呢度仲有大量肉類、蔬菜和熟食等等，任君選擇🫢我自己就試左燒🍠仔，甜甜地，唔錯👍🏽另外燒菠蘿🍍和翠肉瓜都有驚喜😳因為做到外脆内多汁既效果😆呢度又可以食又可以自己落手捉啲新鮮蝦食，真係好有趣😁訓練到自己眼明手快🤪唔係就會彈到啲水周圍都係🤣又好味又好玩，下次絕對要再試埋佢哋其他野食👏🏻推薦👏🏻👏🏻

朋友最近話想食燒海鮮，見佢未食過呢間，決定帶佢黎再訪蝦蝦燒🤗入到黎見到佢哋既海鮮種類都仲係咁多👏🏻而且保持到水準👍🏽坐低會先係爐上比盤蝦你燒住先，格離就見到新鮮大頭蝦，隻隻都遊緊水🤩仲有蝦膏👏🏻另外每人都有一串白鱔，白鱔油脂較多，令到肉質非常滑，而且又厚肉有口感🤤今次黎到除左海鮮，仲有另外燒左啲肉類：羊架同豬仔骨。每張枱有調味粉，分別有辣椒粉、孜然粉等等，配搭落肉度，風味十足👍🏽自己都可以燒到外面燒烤店既質素。呢度既員工都好好，當發現水池内的蝦較少時就會馬上refill。另外仲有熟食小食：魚蛋豬紅等等。食完海鮮、串燒，當然仲唔少得甜品：有菠蘿雪糕，我最鍾意芋頭味👏🏻另外飲品都有三大個凍櫃比你選擇，汽水啤酒都有。蝦蝦燒真係一間多元化的任飲任食餐廳。

平日三百幾蚊食足兩個半鐘，海鮮肉類都係任食，仲有多個牌子嘅啤酒汽水，連韓國真露都係任飲，非常抵食佢啲肉類部份有醃製，亦都有啲原味串好咗，鍾意食原汁原味又得，加上枱面嘅調味粉亦得，個羊架大大件好厚肉，唔使落粉都好夠鮮味👍🏻流水蝦任夾任燒任食，雖然有大有細，但隻隻都好新鮮，有啲仲有蝦膏同蝦子場內好多一家大細一齊嚟，見到啲小朋友最鍾意就係夾蝦同埋跑去拎雪糕食🤣 扇貝、貴妃蚌同生蠔真係好抵，我哋瘋狂食，仲可以按口味落蒜蓉同牛油，再講開蒜蓉牛油，個蒜蓉包真心超正，雖然食海鮮放題走去食包好似傻傻地，不過脆卜卜真係好難忍口🤭雖然張枱唔算好大，但個爐就夠的骰，加上冷氣夠，所以都幾舒服

👧🏻😋👅🍽✨勁豐富海鮮👍🏻-蝦蝦燒🇭🇰 佐敦白加士街10-24號永富大廈1樓 🇭🇰-🔥室內燒烤場地方真係好大, 雖然燒海鮮需時, 但放題有2個半鐘好夠食🔥店員入座時有講解流程, 燒烤爐兩層可用, 有冰桶, 垃圾桶, 生熟夾; 行過仲會幫手剪鮑魚殼, 好主動-2.5小時放題 平日 $348/位✔️流水蝦✔️海鮮✔️串燒-🦐流水蝦💯一入座有拎左幾隻放上爐, 等我地快D有得食 (另加一人一串燒鰻魚勁好味, 可惜冇得任食🤣)💯之後自己捉果啲仲新鮮, 蝦肉爽口勁多膏😍-🦪海鮮✨三百幾蚊有得任食貴妃蚌真係抵到爛! D蚌燒到開殼入面大大隻超肥美✨鮑魚又係另一個亮點, 雖然細細隻但真係好鮮甜✨另外仲有扇貝, 蠔, 蜆, 魚等等, 海鮮款式好多, 同埋真係keep住Refill-🍢串燒💯串好晒好方便, 最有驚喜係羊肉, 墨魚, 超甜既菠蘿-🥤飲品及雪糕✨啤酒燒酒任飲, 雪糕有阿波羅同cocoberry, 我一個人食咗三杯: 玄米茶, 抹茶, 香芋好正😆

一直好想體驗食流水蝦，因為貪佢即捉即燒即食，呢到滿足我嘅願望。入到去就見到餐廳準備嘅大頭蝦，未捉蝦先興奮。快快手拎冰桶裝冰水同蝦仔嚟場激戰。佢地活潑好動，難免會俾水花濺濕少少。凍暈咗嘅蝦就慢慢被燒，佢地肉質彈牙鮮甜，仲有好滿滿蝦膏。檯上仲有好多調味粉，可按喜好幫蝦增加風味。除咗流水蝦仲有好多海鮮任食，貝類，魷魚，仲有好多款魚。仲有好多調味醬料提供，可以炮製好多唔同風味嘅海鮮。蒜蓉牛油扇貝，蒜蓉辣生蠔，全部都可以呢到整到，非常方便。仲有好多串燒，都好有質素。

第一次去食流水蝦放題，估唔到原來裏面有咁多嘢食，而且啲海鮮都正佢有提供飲品，海鮮，串燒，仲有熟食等等，可以無限任食，然後枱隔離仲會有好大個水箱，俾你可以夾走啲蝦啲蝦勁有活力，我每次夾佢哋都跳開咗，搞到我好似虐待緊佢哋咁樣🤣🤣🤣如果要凍暈啲蝦嘅話，你就要喺出邊拎冰同水，亦都非常之簡單濕紙巾後邊仲有個QR code可以俾你掃，等你可以知道唔同食物嘅食法同埋燒嘅時間平時食蠔同鮑魚幾貴下，依家一個價錢就有得無限任食，而且好新鮮，所以真係食得好開心

估唔到流水蝦放題咁正，三百幾蚊就有得無限任食海鮮🥰🥰蝦定係海鮮都係新鮮嘅隔離仲有得新鮮即夾👍🏻啲蝦非常之鮮甜，好新鮮，海鮮嘅鮮味都好夠海鮮入邊仲有可以原條魚，同埋鮑魚等。而且一入，店員仲會送你兩條鱔串燒，同埋準備咗第一批蝦俾你燒住先，個爐都好夠熱，好快熟啲蝦完全冇屎，食得非常之開心海鮮同蝦係最好食嘅，而串燒就比較普通🤔唯一美中不足嘅係佢冇提供手套，所以剝蝦殼嘅時候都係要用下自己隻手，不過佢有濕紙巾提供，而且隔離都有廁所👍🏻

上幾個星期成日食好西既朋友仔帶左我去位於佐敦任食好玩活蝦海鮮燒烤放題餐廳《蝦蝦燒》聽朋友講呢度嘅宗旨就係要側飽你仲要係用重海鮮側飽你#食飽先講一行樓梯上到餐廳就見到超多飲品燒烤飲燒酒溝啤酒是必須的😆呢度絕對可以滿足到酒鬼需要現場座無虛席建議一定要book位一坐低就見到座位旁邊嘅魚缸有好多大大隻嘅蝦四圍遊朋友急不及待拉我出去攞燒烤食物有2個大雪櫃分別擺咗唔同嘅扒同埋燒烤食物海鮮種類都多有唔同既魚、生蠔、帶子、元貝最開心每人有一份又大又厚嘅白鱔串燒燒到個皮脆卜卜肉質爽口彈牙真係好好味最後梗係唔少得食甜品啦強烈推介海鹽味嘅雪糕 高質味道

是日靚晚餐 - 很正式既三百幾蚊任食燒海鮮!! 🤩地點: 佐敦地鐵出口行兩分鐘到，約朋友都方便，平靚正唔使穩世既環境: 台台都有獨立抽氣，完全唔覺有油煙飲品: 梗係啤酒汽水任飲啦!! 但係精明既我就飲無糖既麥茶, 咁咪可以食多件海鮮又唔肥!食物: 主打梗係食海鮮啦! 話明蝦 蝦燒, 呢到D蝦係流水蝦俾你任捉, 活生生架! 重有鮑魚、大扇貝、生蠔、魚同螺等， 食一ROUND海鮮已經番本! 食肉獸既你，重有幾款腸，扒，雞翼， 肉丸，肉串等等， 食飽飽後梗係食甜品先圓滿，自製燒WAFFLE, 外脆內軟, 再加雪糕，食完我個腩好C伏