蝦蝦燒

营业中

休息中

朋友生日，book左一齊燒蝦燒海鮮。包括：生蠔、沙白、扇貝、鮑魚、魷魚、就連原條魚都有，款式數之不盡。場內唔同角落都係任食流水蝦，環境都算寬敞。欣賞餐廳定時會檢查水缸，將唔點郁嗰啲蝦移走，又會周不時添加新蝦，確保客人夾起係生鮮嘅蝦。燒蝦時間唔需要太長，蝦肉燒完後咬落真係好驚豔，肉質爽彈又紮實，仲要好多膏，配搭粗鹽燒或者就咁原味食都別有風味！海鮮每款都十分鮮美，當中一定要推薦每人一串嘅鰻魚，鰻魚好易燒，烤到外表乾身，夠曬焦香又脆皮，內裏保持嫩滑多汁，就算無咩醃料都十分夠味！貝類無一不新鮮，最驚喜係隻隻厚肉，珍珠蚌海水味濃郁、食落鮮甜，可以隨個人口味加調味。仲有一推肉類🥩唔少蔬菜同各類小食提供，例如：翠玉瓜、菠蘿、一口薯、蒜蓉包、窩夫等等。真係食得鮮味又夠飽！

蝦蝦燒故之然係主打燒蝦，亦係我今晚嚟幫襯嘅主要目的。因為我真係好鍾意食蝦😆。一開始就有一轉蝦，唔洗自己慢慢夾。趁住啲蝦未食得，就去拎一轉海鮮。啲海鮮好新鮮，見到啲鮑魚仲係郁郁吓，絕無欺場。仲有蜆，蚌，螺，魷魚，扇貝，生蠔。是晚限定係每汁燒鱔，都好大份，咁樣即燒即食真係超好味。今次仲食咗啲唔同嘅嘢，就係玉子燒。真係好有驚喜，外層燒到燶燶哋好香口。當然主力都係要食蝦，啲蝦真係新鮮游水㗎。大家唔想俾水彈到真係要眼明手快，隔離枱不停撩搞到啲蝦係咁彈。食咗好幾轉蝦之後就食甜品，可以燒有格仔餅，仲有好多款雪糕。食足兩個半鐘真係好滿足。

呢排做嘢好忙又辛苦，加上又岩岩考完試，真係要食返餐好，善待下自己😛😛，朋友介紹呢間餐廳係佐敦，係任食自助燒烤餐廳，主要係俾你自己捉啲新鮮嘅大蝦係旁邊水池入面，捉果時都有啲技巧，放啲蝦係冰桶入面凍暈佢，等佢地暈咗再放上燒烤爐上面，佢哋啲蝦真係又大隻又新鮮，仲有間餐廳好好囉，嚟到會送鹽焗大蝦同鰻魚，員工姐姐仲教我哋點樣去燒鮑魚🥰👍🏻，放喺帶子上面一齊燒再自己落啲自製調味料加啲蒜蓉同埋辣椒粒，成個感覺升級哂，真係回味無窮好鮮味啊而且入面燒食物品種多元化，可以自己選擇燒海鮮仲有成條魚啦有貝殼類啦有好大隻嘅花甲囉，有時仲會有蟹添啲仲有最值得一讚嘅係佢哋啲雪糕係低糖㗎，例如我最鍾意食佢嘅海鹽味同埋朱古力味全部都唔係好甜囉，對於我鍾意食甜品嘅人來講真係好好，一個人食兩三杯，都唔會覺得好有罪惡感真係好開心，入面仲有好多自助飲品揀有啤酒仲要有黑啤有涼茶有果汁，仲有韓國燒酒Tim，自己鍾意飲咩可以任飲

蝦蝦燒，其中一間分店位於佐敦白加士街，距離地鐵站只三分鐘路程，位置方便，而且餐廳面積非常大，座位非常多，一家大小，好友聚餐亦相當適合。餐廳以流水蝦作為賣點，流水蝦當然非常生猛新鮮，捉的時間亦要眼明手快，餐廳點員亦會耐心建議處理方法，相當貼心，值得一讚。新鮮流水蝦入口彈牙，有部分更有鮮甜蝦膏，配合各種調味料，正。除咗流水蝦，餐廳仲有大量海鮮任食，鮑魚魷魚，大蜆，魚，蚌，元貝，帶子等等，每一種用來燒烤都好適合。餐後自制一個朱古力雪糕窩夫，完美。

新鮮初體驗埸內有一行一行架水缸養住D蝦, D蝦都幾生猛, 個缸就係台架左或右邊。一開始一台會派一個桶用黎裝半桶冰半桶水，有咩用呢? 其實係要黎凍暈D蝦先, 用鉗鉗住心水靚蝦, 根手就放入桶到HOLD一陣, 然後燒之前前鬚角。今餐飯都幾忙架, 要自己燒丫ma~野食架種類都OK多, 海產有扇具,鮑魚,生蠔,花甲,大花甲, 魷魚等等, 肉類有雞肉串, 豬肉串,豬仔脾,雞翼. 仲有白鱔(呢樣係一開台上一人一條), 呢味魚係幾好味, 肉爽! 可以燒架仲有雞比菇, 翠肉瓜, 菠蘿,尖椒,窩夫,蒜蓉包 (有蒜泥牛油自己畢), 仲有白灼菜(自己灼), 少少熟食e.g. 醉蝦, 豬紅,腌青瓜, 魚皮,螺等...以上講架只包括我地當日有食架夥, 仲有D玉米,多春魚,成條架魚 茄子, 冬菇,南瓜,腸仔,獅子狗等我地冇燒到既。講返D蝦先啦, 肉係幾實既但唔算太大隻, 生蠔就一般啦, 帶子係好食既, 鮑魚都OK. 雞翼都好入味.翠玉瓜,雞比菇就正正常常. 仲有自助調味料Bar, 有蒜蔥辣椒醬油, 同一個唔知咩好似泰式架汁~ 每台仲會有孜然粉, 粗鹽,辣粉可以加落D肉到, 唔知係唔係加得唔夠多呢, 加左都冇咩味。

一進店已被吸引著，就是眼前的海鮮冰櫃，都整齊的放著許多不同款式的海鮮！基本上貴價的鮑魚帶子、東風螺及蜆等都有齊，就連生蠔及墨魚的都有，海鮮種類繁多！但當一轉身，又看到了後面的兩個雪櫃，放滿了不同的串燒，天吶，這性價比實在太高了！再走前一點便能看到冰淇淋及雪條冰箱，都很多選擇！回到位子上，還可在桌子旁的水簇箱裡抓蝦吃，超新鮮，想吃那隻就那隻！另外，餐廳還會每位客人送上白鱔串一串，厚肉多汁又肥美，燒後魚肉還非常嫩滑！

佐敦真係美食嘅地區，今日日語發掘吓呢一區嘅美食，抬頭望已經見到呢一個招牌。👍🏻海鮮重頭戲大頭蝦條條都好生猛，係流水蝦槽游來游去。蝦肉幾彈牙而且鮮甜，蝦頭仲有好多蝦膏添！（燒之前可以剪走蝦鬚同腳，會更加方便，燒緊嘅時候可以加少少粗鹽更惹味）其他海鮮可以自己拎: 生蠔、扇貝、珍珠蚌、花甲、馬友等等，全部用冰鎮住，貝殼類全部都好肥美，無沙無碎。👍🏻肉類、串串全部嘅存放位置好衛生，食物款式有：多春魚、羊架、牛仔骨、丸腸類。另一邊廂亦都有無限蔬菜：南瓜、翠玉瓜、粟米、茄子。不過今晚着眼點都係海鮮，肉類就真係冇燒過(*¯︶¯*)👍🏻飲品甜品自助餐形式，想飲咩就拎咩！款式包羅萬有，仲有多款口味嘅雪糕，極度推薦大家一定要試吓佢嘅蒜蓉包同埋窩夫餅，燒然之後可以加埋朱古力醬，真係夠晒圓滿。👍🏻👍🏻餐廳有好多個流水蝦槽，個爐嘅火力都幾足夠！

食物款式多又新鮮，外面自取的，更有一個超大的海鮮冰櫃，冰櫃上均放滿了海鮮，有鮑魚、魚、蜆、東風螺、墨魚、生蠔及帶子，會不斷的加滿，不會沒價，鮑魚的更還在動，海鮮都很新鮮～而走前一點，則有兩個放滿了肉類及串燒等小吃，有八爪魚、多春魚、豬大腸、台灣腸、羊架、雞翼等等……想吃的基本都有齊～而熟食的也有，眼看有6盤，旁邊還有水可淥菜及麵吃，應有盡有～甜品方面也有兩個大冰櫃，一個有多款阿波羅雪糕，而另一個則有雪糕及雪條，整體性價比超高～

我又嚟我飯堂佐敦蝦蝦燒，我最鐘意佢啲蝦夠生猛，時間長。而家社交平台like and share 個post,影相放自己社交平台,會有機會無限時任食。一坐低職員例牌送上一串超級肥美嘅串燒白鱔，重點推薦大家呢個白鱔啲肉厚得嚟好彈牙。每一次燒流水蝦嘅我真係覺得好開心有得玩有得食，唔單止有蝦仲有其他海鮮：鮑魚、帶子、生蠔、花螺、鮮魚、魷魚，元貝以上全部都係新鮮，任你燒。我喜歡燒熟嘅蝦肉夠曬彈牙鮮甜，蝦頭啲膏又甜又多。提提大家鮑魚記得要剝殼，燒鮑魚肉十分嫩鮮。加啲泰式辣汁更惹味。佢調味料有椒鹽、辣椒醬、孜然粉、鹽、泰式生蝦醬、蒜蓉和豉油。大家可以盡情咁發揮自己嘅調味本領。除咗燒海鮮，仲可以燒其他蔬菜肉類，食晒咁多嘢其他嘢一定好飽。呢度啤酒汽水唔少，可以開懷暢飲。雪糕係任食，口味眾多，小朋友見到一定好開心。而且呢度晚市超多人，記得訂位呀！千萬不要浪費食物！

食海鮮就梗係最緊要新鮮啦，呢間燒海鮮就啱晒我嘅心水啦😆餐廳喺佐敦，係專食流水蝦同其他海鮮既，每個位嘅隔離都有一個魚缸，入面裝滿左大頭蝦，店員教我哋用冰桶裝冰，再放蝦入去整暈佢，跌下超級生猛，一唔小心就會跳出來，啲蝦我仲食到有蝦膏添，真係超正😋除咗蝦之外，仲有好多海鮮放滿左喺度，有好多款魚，沙巴、蜆、扇貝、帶子、貴妃蚌…..我哋就最鍾意食佢個貴妃蚌，啲肉夠晒爽口彈牙😘除咗海鮮之外，佢呢度都有唔少肉類同埋丸類可以燒，佢嘅雞肉同牛仔骨都唔錯😍呢間餐廳真係相當唔錯，值得encore❤️

上網睇到有依間鋪既廣告 即刻同朋友Book位去食😍😍上到去好大間店 見到有好多蝦😚😚店員講解完之後我哋咩都唔理 即刻開餐😍成個體驗好好 蝦好好食 好多膏 野食好新鮮仲要好好玩😚😚

上次食完荃灣蝦蝦燒，今次帶哂D朋友來同朋友為慶祝生日。今日轉左來佐敦敦蝦蝦燒分店兩個半小時任食，啤酒真露任飲，唔控制下真係打住醉拳返屋企，海鮮種類都幾多下，有 貴妃蚌、蜆 、生蠔、鮑魚 扇貝、帶子，魚都有三四種選擇，所有食材都好 新鮮，今次係d生蠔就差少少，上次荃灣就ok啦。流水蝦即夾即燒，最好食居然係D醉蝦， 蝦膏跟花雕酒 融合在一起，食落去又鮮又醉呀。如果想食海鮮真心推介可以來呢度試下#蝦蝦燒 #香港美食 #hkfoodies #hongkongfood#美食#美食blogger

蝦蝦燒真係食過返尋味😋😋今晚同朋友又黎食，真係食得好爽😳流水蝦任燒，d蝦根本就係張枱隔離，鍾意夾幾多就燒幾多，而且隻隻蝦都好新鮮跳跳紮，燒完勁爽彈❤️再黎就係堆海鮮山，生蠔，扇貝，大眼雞，象拔蚌，沙白，鮑魚，螺等等☺️真係每款都好正，特別係象拔蚌同大眼雞，鮮美🫡真係食海鮮都可以食回票價🤭然後仲有凍肉，豬牛羊都齊晒，佢嗰度嘅土匪雞翼調得好好味，燒完又脆卜卜，入邊啲肉又嫩又juicy!!!佢哋嘅飲品櫃有勁多唔同種類嘅飲品，仲有真露添，用嚟送串燒真係一流🙌🙌當然仲有甜品雪糕啦，呢餐食到好飽，好滿足！推介俾大家來😎

Bookmarked 佐敦咗啲間餐廳好耐。今晚終於約齊人嚟。2.5小時任飲任食新鮮流水蝦海鮮串燒。有得玩，又有得食。自己捉完流水蝦之啲度有得玩，又有得食。自己捉完流水蝦之後，即刻bbq，超新鮮，蝦頭爆膏！ 海鮮係自助式出出邊攞。種類都好多，東風螺、魚、鮑魚、貴妃蚌、蠔、原隻帶子。全部都好鮮味。員工仲好好，定期過嚟教你唔同海鮮要燒幾耐。另外仲有五十多款既串燒任君選擇。飲品方面有可樂、王老吉、啤酒、燒灼、烏龍茶。幾乎係你要有咩既都有。超盡興嘅一晚。

因為係釣蝦場灰左機所以轉戰夾蝦要食到滿意—今次食呢間蝦蝦燒任食海鮮， 除左新鮮夾既蝦之外，仲有生蠔，鮑魚，魚，螺等可以燒，仲有一般BBQ 有既雞牛豬肉同蔬菜可以煮仲有少量熟食而每人會包一串白鱔厚肉q軟q軟—-個爐好似細細個咁但其實上下都可以放野食黎燒而且火力好夠所以2個半鐘好夠時間燒食到好飽——蝦方面，一埋枱就已經有一d處理好左既蝦有調到鹽味但可能佢要消滅左一d死蝦所以呢批蝦有3-4隻係唔新鮮嘅但都理解既而佢全部蝦都好大隻多肉新鮮同多膏———最後仲有窩夫🧇，雪糕做甜品雪糕部分就普通啲無咩大牌子既雪糕但四百幾蚊有咩多海鮮， 已經好抵 仲有甜品已經好好h