蝦蝦燒

营业中

休息中

位置跟佐敦地鐵站只相距數分鐘，就可以以用親民價錢享用任食海鮮大餐，還可以自行捕捉活蝦，即捕即燒超級新鮮！室內裝飾簡潔，大型水缸飼養了很多大頭蝦。餐廳通風良好，每桌都有獨立的電烤爐跟排氣扇，使用餐更加舒適。海鮮種類豐富，有鮑魚、大蜆、扇貝、生蠔、魚和螺等等，每款都很巨型很鮮味。店員會在食客用餐前細心介紹，例如要把活蝦放在冰筒凍暈後才燒和處理各種海鮮的技巧。而且還有4個大型雪櫃提供肉類香腸、牛排、雞翅、肉丸和串燒等等。除了無限量供應汽水及冰茶外，更有啤酒提供，餐廳提供小量熟食，當中的秘製醉蝦每隻都啖啖肉超級濃香花雕味，喜歡🤍

估唔到商廈入面都有咁大地方，佢個感覺似人哋戶外嗰啲燒烤場，有自助食物區、長條形水缸、一大排雪櫃，兩個半鐘任食只係三百幾蚊都幾抵👍🏻🌟流水蝦透明水缸任夾流水蝦，有得玩又有得食，夾上嚟放喺串燒爐上面等到蝦殼變咗紅色就食得，啲蝦好多肉好鮮甜🌟海鮮鮑魚、扇貝、蜆、魷魚等等，好多款唔同海鮮，連埋殼一齊燒勁新鮮，樣樣食啲好滿足🌟自助串燒燒烤多款唔同肉類已經串好放雪櫃，鍾意食就拎返去燒，一串串好方便，仲可以拎啲菜夾肉嚟食冇咁漏🌟飲品啤酒汽水都係任飲，兩個半鐘真係好夠時間，慢慢食慢慢飲超嘆☺️

平日星期一至四 任飲任食2.5小時$348/成人，$198 100~150cm 小童🧒🏻📣21:00後入座 8折室內環境超大，有冷氣大人細路點玩點燒都唔怕成身汗😌每一枱都會安排坐喺流水蝦箱隔離，除咗大頭蝦係可以自己揀自己夾上嚟燒，所有海鮮，串燒，熱食，醬料，冰，甜品同🥤飲品都係可以自己出面任拎🤩🦐流水蝦好生猛新鮮，夾完放喺冰桶一陣等佢暈咗就可以燒，即燒嘅蝦肉質一定特別爽彈，基本上唔洗點任何醬汁就係為咗要食嗰種鮮甜😋🦪連生蠔都可以出面自己任揀任燒，醬汁都係自己出面拎完自己調配，重口味鍾意多蒜🧄嘅朋友有福了，可以自行重蒜😏 雖然生蠔唔算係好大隻嗰啲，但自己反而鍾意呢個size啲肉質爽口啲，寧願食多幾隻都唔會溜🥳🐟出到出面好似去咗海鮮部咁，除咗新鮮嘅蠔，鮑魚，扇貝，🐚螺同大蜆仲有幾款原條嘅鮮魚比你揀😳 可以自己揀一條原條燒，幾款肉主要都係多肉少骨，燒起魚質都好嫩滑，好鮮味🍢唔食海鮮嘅朋友都唔會餓親，出面有幾十種串燒任你食，豬牛羊雞肉🥩片，蔬菜🥬麵包水果甜品🍨老人家要食嘅烚青菜定小朋友要食嘅烏冬🍜都有得自己淥，真係乜都齊🤗🍺飲品方面亦都係有幾十種選擇，各式嘅汽水，果汁，茶類，啤酒都有5,6款，

·環境寬敞，環繞自助夾🦐新鮮生猛，即夾即燒。·醬料可自選醬料調味·海鮮有不同魚類，貝殼類（蜆；扇貝；螺；仲有原隻大鮑魚🤤）·串燒有各種肉類（豬、牛、羊、秋刀魚）各式香腸，菇·熟食炸物，烏冬·酒水任飲·雪糕雪條任食烤魚-🐟細細條，肉質鮮嫩，唔多骨😋蒜蓉包-蒜蓉味好足，燒嘅時間剛好外脆內軟😋茄子-隨自己喜好落蒜蓉辣椒，多汁惹味😋燒鱔-肉質鮮嫩，外皮燒至金黃色，香脆可口😋多款汽水，酒類，啤酒，仲有燒酒可供選擇😀

呢日去咗佐敦行街，友人經過蝦蝦燒癮起，就拍板去食啦！一上到去就俾大大嘅飲品櫃吸引，仲有OOHA🤩每張枱都坐喺流水蝦隔離好方便，友人不停夾，我就不停燒，佢真係好鐘意夾蝦🤣好有成功感咁話🤣蝦肉的確爽口彈牙👍🏻普通加啲鹽落去燒已經好好味😋除咗蝦以外，仲有大量海鮮、肉類、蔬菜任食😎全部都不停refill，尤其最多人夾嘅海鮮系保持常滿👍🏻款式又多，原條魚都有3款，最喜歡馬友，油分夠👍🏻仲有螺、蠔、鮑魚、帶子、貴妃蚌等等🤩肉類有羊架、牛仔骨、牛柳粒、多春魚、煙鴨胸、台式腸仔等等，應有盡有，仲有燒雞肶菇，加啲醬油喺面，燒完都唔太乾👍🏻仲有蒜蓉包又係要encore🤤最後雪糕都有好多款口味，呢晚絕對係一趟超值增肥之旅😌

好掛住任燒新鮮海鮮，所以今日我又再黎呢間～蝦蝦燒～食餐勁。呢度唔單止多款海鮮燒，仲有好多其他野燒，豬、牛、羊、雞、蔬菜同菠蘿，但我都係主攻海鮮🤣，回本回本💰💰呢度會送人頭一串超肥美白鱔串，又大條又厚身，燒到皮脆厚身，超正。呢度海鮮先黎既係流水蝦，啲蝦超生猛，冰桶一定要多啲冰凍暈佢地，唔係燒燒下跳走。其他海鮮有魚、蜆、花甲、扇貝、螺、墨魚、蠔、鮑魚。樣樣都新鮮鮮甜，剪鮑魚出黎燒既時候見住佢不斷郁。自助區仲有調味拎，我地將蒜蓉、泰式醬汁同蔥花搞均，放落海鮮燒，好惹味。飲品有汽水、茶，仲有真露、啤酒任飲。👍窩夫干一干，脆卜卜，加埋雪糕食，好正既甜品。

朋友生日，book左一齊燒蝦燒海鮮。包括：生蠔、沙白、扇貝、鮑魚、魷魚、就連原條魚都有，款式數之不盡。場內唔同角落都係任食流水蝦，環境都算寬敞。欣賞餐廳定時會檢查水缸，將唔點郁嗰啲蝦移走，又會周不時添加新蝦，確保客人夾起係生鮮嘅蝦。燒蝦時間唔需要太長，蝦肉燒完後咬落真係好驚豔，肉質爽彈又紮實，仲要好多膏，配搭粗鹽燒或者就咁原味食都別有風味！海鮮每款都十分鮮美，當中一定要推薦每人一串嘅鰻魚，鰻魚好易燒，烤到外表乾身，夠曬焦香又脆皮，內裏保持嫩滑多汁，就算無咩醃料都十分夠味！貝類無一不新鮮，最驚喜係隻隻厚肉，珍珠蚌海水味濃郁、食落鮮甜，可以隨個人口味加調味。仲有一推肉類🥩唔少蔬菜同各類小食提供，例如：翠玉瓜、菠蘿、一口薯、蒜蓉包、窩夫等等。真係食得鮮味又夠飽！

蝦蝦燒故之然係主打燒蝦，亦係我今晚嚟幫襯嘅主要目的。因為我真係好鍾意食蝦😆。一開始就有一轉蝦，唔洗自己慢慢夾。趁住啲蝦未食得，就去拎一轉海鮮。啲海鮮好新鮮，見到啲鮑魚仲係郁郁吓，絕無欺場。仲有蜆，蚌，螺，魷魚，扇貝，生蠔。是晚限定係每汁燒鱔，都好大份，咁樣即燒即食真係超好味。今次仲食咗啲唔同嘅嘢，就係玉子燒。真係好有驚喜，外層燒到燶燶哋好香口。當然主力都係要食蝦，啲蝦真係新鮮游水㗎。大家唔想俾水彈到真係要眼明手快，隔離枱不停撩搞到啲蝦係咁彈。食咗好幾轉蝦之後就食甜品，可以燒有格仔餅，仲有好多款雪糕。食足兩個半鐘真係好滿足。

呢排做嘢好忙又辛苦，加上又岩岩考完試，真係要食返餐好，善待下自己😛😛，朋友介紹呢間餐廳係佐敦，係任食自助燒烤餐廳，主要係俾你自己捉啲新鮮嘅大蝦係旁邊水池入面，捉果時都有啲技巧，放啲蝦係冰桶入面凍暈佢，等佢地暈咗再放上燒烤爐上面，佢哋啲蝦真係又大隻又新鮮，仲有間餐廳好好囉，嚟到會送鹽焗大蝦同鰻魚，員工姐姐仲教我哋點樣去燒鮑魚🥰👍🏻，放喺帶子上面一齊燒再自己落啲自製調味料加啲蒜蓉同埋辣椒粒，成個感覺升級哂，真係回味無窮好鮮味啊而且入面燒食物品種多元化，可以自己選擇燒海鮮仲有成條魚啦有貝殼類啦有好大隻嘅花甲囉，有時仲會有蟹添啲仲有最值得一讚嘅係佢哋啲雪糕係低糖㗎，例如我最鍾意食佢嘅海鹽味同埋朱古力味全部都唔係好甜囉，對於我鍾意食甜品嘅人來講真係好好，一個人食兩三杯，都唔會覺得好有罪惡感真係好開心，入面仲有好多自助飲品揀有啤酒仲要有黑啤有涼茶有果汁，仲有韓國燒酒Tim，自己鍾意飲咩可以任飲

蝦蝦燒，其中一間分店位於佐敦白加士街，距離地鐵站只三分鐘路程，位置方便，而且餐廳面積非常大，座位非常多，一家大小，好友聚餐亦相當適合。餐廳以流水蝦作為賣點，流水蝦當然非常生猛新鮮，捉的時間亦要眼明手快，餐廳點員亦會耐心建議處理方法，相當貼心，值得一讚。新鮮流水蝦入口彈牙，有部分更有鮮甜蝦膏，配合各種調味料，正。除咗流水蝦，餐廳仲有大量海鮮任食，鮑魚魷魚，大蜆，魚，蚌，元貝，帶子等等，每一種用來燒烤都好適合。餐後自制一個朱古力雪糕窩夫，完美。

新鮮初體驗埸內有一行一行架水缸養住D蝦, D蝦都幾生猛, 個缸就係台架左或右邊。一開始一台會派一個桶用黎裝半桶冰半桶水，有咩用呢? 其實係要黎凍暈D蝦先, 用鉗鉗住心水靚蝦, 根手就放入桶到HOLD一陣, 然後燒之前前鬚角。今餐飯都幾忙架, 要自己燒丫ma~野食架種類都OK多, 海產有扇具,鮑魚,生蠔,花甲,大花甲, 魷魚等等, 肉類有雞肉串, 豬肉串,豬仔脾,雞翼. 仲有白鱔(呢樣係一開台上一人一條), 呢味魚係幾好味, 肉爽! 可以燒架仲有雞比菇, 翠肉瓜, 菠蘿,尖椒,窩夫,蒜蓉包 (有蒜泥牛油自己畢), 仲有白灼菜(自己灼), 少少熟食e.g. 醉蝦, 豬紅,腌青瓜, 魚皮,螺等...以上講架只包括我地當日有食架夥, 仲有D玉米,多春魚,成條架魚 茄子, 冬菇,南瓜,腸仔,獅子狗等我地冇燒到既。講返D蝦先啦, 肉係幾實既但唔算太大隻, 生蠔就一般啦, 帶子係好食既, 鮑魚都OK. 雞翼都好入味.翠玉瓜,雞比菇就正正常常. 仲有自助調味料Bar, 有蒜蔥辣椒醬油, 同一個唔知咩好似泰式架汁~ 每台仲會有孜然粉, 粗鹽,辣粉可以加落D肉到, 唔知係唔係加得唔夠多呢, 加左都冇咩味。

一進店已被吸引著，就是眼前的海鮮冰櫃，都整齊的放著許多不同款式的海鮮！基本上貴價的鮑魚帶子、東風螺及蜆等都有齊，就連生蠔及墨魚的都有，海鮮種類繁多！但當一轉身，又看到了後面的兩個雪櫃，放滿了不同的串燒，天吶，這性價比實在太高了！再走前一點便能看到冰淇淋及雪條冰箱，都很多選擇！回到位子上，還可在桌子旁的水簇箱裡抓蝦吃，超新鮮，想吃那隻就那隻！另外，餐廳還會每位客人送上白鱔串一串，厚肉多汁又肥美，燒後魚肉還非常嫩滑！

佐敦真係美食嘅地區，今日日語發掘吓呢一區嘅美食，抬頭望已經見到呢一個招牌。👍🏻海鮮重頭戲大頭蝦條條都好生猛，係流水蝦槽游來游去。蝦肉幾彈牙而且鮮甜，蝦頭仲有好多蝦膏添！（燒之前可以剪走蝦鬚同腳，會更加方便，燒緊嘅時候可以加少少粗鹽更惹味）其他海鮮可以自己拎: 生蠔、扇貝、珍珠蚌、花甲、馬友等等，全部用冰鎮住，貝殼類全部都好肥美，無沙無碎。👍🏻肉類、串串全部嘅存放位置好衛生，食物款式有：多春魚、羊架、牛仔骨、丸腸類。另一邊廂亦都有無限蔬菜：南瓜、翠玉瓜、粟米、茄子。不過今晚着眼點都係海鮮，肉類就真係冇燒過(*¯︶¯*)👍🏻飲品甜品自助餐形式，想飲咩就拎咩！款式包羅萬有，仲有多款口味嘅雪糕，極度推薦大家一定要試吓佢嘅蒜蓉包同埋窩夫餅，燒然之後可以加埋朱古力醬，真係夠晒圓滿。👍🏻👍🏻餐廳有好多個流水蝦槽，個爐嘅火力都幾足夠！

食物款式多又新鮮，外面自取的，更有一個超大的海鮮冰櫃，冰櫃上均放滿了海鮮，有鮑魚、魚、蜆、東風螺、墨魚、生蠔及帶子，會不斷的加滿，不會沒價，鮑魚的更還在動，海鮮都很新鮮～而走前一點，則有兩個放滿了肉類及串燒等小吃，有八爪魚、多春魚、豬大腸、台灣腸、羊架、雞翼等等……想吃的基本都有齊～而熟食的也有，眼看有6盤，旁邊還有水可淥菜及麵吃，應有盡有～甜品方面也有兩個大冰櫃，一個有多款阿波羅雪糕，而另一個則有雪糕及雪條，整體性價比超高～

我又嚟我飯堂佐敦蝦蝦燒，我最鐘意佢啲蝦夠生猛，時間長。而家社交平台like and share 個post,影相放自己社交平台,會有機會無限時任食。一坐低職員例牌送上一串超級肥美嘅串燒白鱔，重點推薦大家呢個白鱔啲肉厚得嚟好彈牙。每一次燒流水蝦嘅我真係覺得好開心有得玩有得食，唔單止有蝦仲有其他海鮮：鮑魚、帶子、生蠔、花螺、鮮魚、魷魚，元貝以上全部都係新鮮，任你燒。我喜歡燒熟嘅蝦肉夠曬彈牙鮮甜，蝦頭啲膏又甜又多。提提大家鮑魚記得要剝殼，燒鮑魚肉十分嫩鮮。加啲泰式辣汁更惹味。佢調味料有椒鹽、辣椒醬、孜然粉、鹽、泰式生蝦醬、蒜蓉和豉油。大家可以盡情咁發揮自己嘅調味本領。除咗燒海鮮，仲可以燒其他蔬菜肉類，食晒咁多嘢其他嘢一定好飽。呢度啤酒汽水唔少，可以開懷暢飲。雪糕係任食，口味眾多，小朋友見到一定好開心。而且呢度晚市超多人，記得訂位呀！千萬不要浪費食物！