蛇王球 (已搬遷) 新店位置

蛇羹用料十足，蛇湯一流，木耳煎蛋亦美味，一直用心製作烹調所有食品的球叔球嬸，有緣再會!The owner couple has closed the shop on May 17, 2021. They deserve a good break after running the shop for more than 22 years. We look forward to their new shop's opening in the not so distant future.

由於今日天氣轉涼，心血來潮想食番碗蛇羹，所以去咗香港大學站附近的一間蛇舖食，舖頭雖然好細只有3張枱，但環境整體尚算整潔，睇咗餐牌見套餐價錢比較化算，就叫咗一個套餐食，有一碗細蛇羹同蛇丸飯。蛇羹的材料非常足夠，一般蛇舖瘦肉都會係多過蛇肉，但呢間蛇肉不單止多亦好嫩滑，淡淡嘅藥材味和爽口的木耳，仲有軟滑的冬菇，口感更勝以往所食過的蛇羹。相反蛇丸飯就比較遜色，蛇丸用生菜伴上，蛇丸口感軟滑同一般肉丸相似，芡汁味道就偏鹹，令整個菜扣哂分。若果以後再想食蛇羹，呢間舖都會係我的首選。

We took a visitor here so he could try eating snake. The owner was rude and spent the whole time passively aggressively grumbling within ear shot at us for not ordering enough food because we wanted to share a few different dishes. The shop was empty so we weren't taking away seats from other paying customers. It was incredibly uncomfortable and unpleasant due to her behaviour. I won't be going back there again. Also, if you're the kind of person who doesn't like animals on tables then be warned

行街噶時候發現左一點隱世小店，就系蛇王球啦，我平時都好中意去小店度食野噶，今日一於入去試試蛇羹啦！熱辣辣噶蛇羹體落去好似好好味喔，蛇肉好嫩滑，而且蛇羹有一陣淡淡噶藥材味，都幾足料噶，有蛇肉、瘦肉、冬菇同木耳，口感超級好，值得來一試。

家住西環咁耐 黎食蛇真係無幾次記起幾個月前天氣仲冷 兩口子就係家附近食蛇牆身排架擺滿一樽樽蛇酒 就知呢間野老字號啦唔提唔得嘅係圖中間張相上面嘅貓貓印象中叫做鬍鬚仔上年走左 小編可以話俾佢由細睇到大架T^T嗌左個羊腩套餐 有一碗蛇羹 一個羊腩飯 仲有碗蛇湯蛇羹好足料 啖啖蛇肉 唔錯羊腩飯肉質都算軟稔 不過不失蛇湯幾濃味 感覺好滋補不過最最最最失望係個炸蛇碌太乾身又無肉食 可能送酒食會幾好 但就咁當小菜食就免了

堅尼地城似乎每行幾步就會有間睇落幾有歷史既隱世小店，閒逛時離遠見到當眼既「蛇王球」招牌，寒風中隨口問下朋友有冇食過蛇羹，咁就唔覺意行左入去喇。小蛇羹 ($45)說來慚愧，食過蛇宴既我對蛇羹要求奇低，因為每次食都覺得只係有d瘦肉既碗仔翅，唯一亮點只係d薄脆。呢碗熱辣辣既蛇羹意外地令我眼前一亮，蛇肉滑溜，食到一瓣瓣類似魚肉既質感，蛇羹有淡淡藥材味，材料包括：蛇肉、瘦肉、冬菇同木耳，食到最後都仲食到蛇肉。料大概佔左六成，比例岩岩好。薄脆用碟仔另上十幾塊，香脆冇油膉味，拎住食都唔會成手油，配上蛇羹好夾。小蛇羹碗口大約係iphone咁闊，2個人都夠分，走時見隔離台既大蛇羹只係多3,4成，可以慳返d錢試其他野呀。

入冬後，大多數人都會去食蛇，但是我的體質不適合食蛇。於是我就試吓龜苓湯，我一開頭覺得龜苓湯應該是很苦的，但是我一喝，味道苦中帶甘有一種獨特的味道！我很喜歡那種味道，飲的數量又多左，我的皮膚好左，暗瘡少左，身體好左⋯⋯價錢為$43，算平，因為他不只落龜板還落左很好名貴藥材。我多數會十點時去飲，味道會較濃，藥用價值也會較高！蛇王捄收十二點，很適合開夜班的人去食！這些在西環的老店，已經得返很少了，請大家多多支持！

同事話想試，故此抱着凡事總有第一次的心態去試。鋪頭細細，放滿老鼠酒、蛇酒等，只有２張細枱，１張大圓枱。由於細枱有客，只好由眼鏡男安排坐大枱，之後點了２大１細蛇羹及臘味糯米飯…先評蛇羹， 值得一讚佢係足料，但實際只係加入幾段蛇肉既碗仔翅，並無其他食評相片出現過的檸檬葉，亦沒有用獨立膠盒裝既薄脆，只有佢用一隻細碟裝十幾塊放喺你面前，最重要厚得嚟又無南乳味。臘味糯米飯，無葱無花生，只有三分一條臘腸，加一碗糯米飯，性價比超低。

蛇羹唔系成日有機會食到，其實我自己本身都中意食蛇羹，好味之餘也系保健食物。偶有機會，今日就來到e度食e度出名的蛇羹。 一碗蛇羹（細）$45, 唔貴。我同朋友一人一碗。 蛇羹內有蛇肉，冬菇絲，雲耳，瘦肉，生粉打成獻。加埋胡椒粉就更好食。e度的蛇羹算很足料，蛇肉分量算多，蛇肉也處理得不錯，爽口唔胜，我個人來說很喜歡！e度的蛇羹算系價廉物美，值得推介！

這幾天天氣漸漸帶點秋意，不楚想來一碗濃淍的蛇羹暖暖身。踏進蛇王球，就像回到了上一世紀。店面陳設簡單，裝修有點殘舊。這裡沒有現代的收銀機，只有一排古老的像中藥櫃桶的木櫃桶作收銀找續。一邊牆有一層層的架子，放滿藥材和浸了蛇（蟲鼠蟻）的補酒和藥油；另一邊牆則有一些食物的介紹和一些泛黃的剪報。點了蛇羹，蛇丸和糯米飯。蛇羹足料，每啖都有蛇肉、豬肉、東菇絲、雲耳絲等，配上少許檸檬絲和薄脆，好味又暖笠笠。 糯米飯只淺嘗了幾啖，略嫌不夠軟糯。蛇丸有點像鯪魚球，味道不俗，不過炸蛇丸應該更加好味香口。吃飽後看了一會牆上的剪報，相信蛇店曾經亦風光一時。可惜蛇店在香港日漸息微，坐了近半小時就只有五個客人光顧。。想起中化讀過的一篇出自西西的散文＜店鋪＞, 作者慨歎古老店鋪快將淘汰，感到無奈;表達了對老鋪眷戀和懷念。。。希望這古老小店能逃過時代巨輪，在古舊的西環頑強地生存下去。

食完飯，男朋友送我反屋企，行行下經過，我就同男朋友講未食過蛇，所以佢帶我去食。一坐低，見到好多動物浸住左，我地嗌一碗2份食，一食落去，感覺似碗仔翅，蛇肉好似d瘦肉感，d料又夠足，味道都好好，可一試👍

Very good Ordered a set of glutinous rice+ snake soup ($45)another set was rice and snake meat balls ($ around 50)you'll feel a hot rush through your bodytaste best when eaten hot =DVery homy environmentand there are a selection of "wine" with all sorts of animals inside

接近十一時，人是疲憊不堪，見這裡燈火通明，忽然有興致吃一碗蛇羹，就坐了下來。坐下才知，這裡的蛇櫃也是爬滿活蛇的，以此看來，這裡的蛇羹，應該不差吧，就要了碗細蛇羹。蛇羹推上了不少的芡，杰杰的，木耳絲、冬菇絲不少，雞絲、肉絲也有，蛇肉切絲，也混雜其中，不算多，不過吃後感覺很好。配套的檸檬絲及薄脆，品質也不錯，深夜時份，坐在這間小小的蛇舖吃東西，特別有味道。主理人問還要不要來碗糯米飯，是日太飽，還是下次好了。埋單26蚊，經濟抵食，可以在這個時候吃碗暖暖的蛇羹，仲想點？