蛇王娟

营业中

休息中

已經是食過M咁多次雖然我住荔枝角，閒時都會去觀塘食蛇王娟娟姐服務態度真係十分好我地今日二個人食了一個A餐$62 大蛇羹一碗+糯米飯一碗+見人頭都比既蛇湯而蛇湯唔夠：）可以免費再加而蛇湯本身好喜歡加佢地既胡椒粉（≧∇≦）因為好夠辣 ，飲完成身暖曬

秋冬蛇王餐 團購HK$26 :「足料蛇羹 + 滋補蛇湯 + 鹵水雞翼 2 隻」足料蛇羹 + 滋補蛇湯 蛇羹非常足料也好吃,蛇湯也可以,豉油雞亦麻麻。店裡面套餐價格差別不大。不用買團購... 店铺应该说没有任何装饰，小圆桌，没有背的座凳。 但这个价格还想要什么？

雖然係官塘返工多年; 但因為一張團購卷方會鑽入宜安街今日方知道一條街內會有三間食蛇羹的店子, 莫非觀塘人同蛇有仇 ? 正值是夜天氣有點涼, 免強也可食蛇進補, 於是放工去搵蛇王娟。又估佢唔到咁多人, 外賣個個都拎團購卷, 我一個人搵位不難的。 老闆加伙記等也比較燥底, 叫極都唔應 … 好不容易先可以落到單! 套餐內包括蛇羹, 蛇湯和雞亦 蛇羹是正常飯碗份量, 蛇肉粗身, 還有不小有雞絲,瘦肉,冬菇絲, 荀等等, 料多份量足但味道偏向淡口不夠鮮甜。 蛇湯:湯色呈現啡色, 藥材味不至於濃烈，有北芪還下了紅棗等藥材味道, 口味較大眾化。雞亦:豉油雞亦, 豉油入味, 但一咬皮肉分離, 肉質亦無彈性可言 。

住係官塘區咁耐, 天氣一凍d就會去食蛇, 而官塘我只覺得蛇王娟的蛇羹係比較有料的~見近排團購有呢間, 我呢d fans梗係要捧下場啦團購包括了蛇羹+雞翼$24, 都普通啦, 又唔算貴~蛇羹: 好足料, 又多蛇肉, 唔似出面的蛇羹咁"稀蚊蚊"(80分)生炒糯米飯: 糯米飯炒得好煙靱, 雖然就無乜料, 我就會用蛇羹d料送飯, 同樣滿足(80分）蛇湯: 好重藥材味, 而且飲完又可以潻飲, 真係好有heart(80分)平時的套餐都只係$40-58左右, 已經有蛇羹+蛇湯+糯米飯, 真係好低

一月七日 (星期六)天氣寒冷，是日老公仔特地帶我到觀塘的蛇王娟吃蛇羹暖暖身據知此店老闆娟姐十分友善，在此已經營十數載，與街坊建立了很深厚的感情亦因此，賣的蛇羹取價也不會高此外，惠顧蛇羹還附送蛇湯進入蛇店，已看到不少人在品嚐蛇羹娟姐看到我們"人生路不熟"，連忙引領我們入座，並特別找了一個二人桌給我們連忙介紹此店的食品，盛意滿溢蛇羹用料十足，蛇肉豐富而味濃配料亦不馬虎，一般蛇羹用的也具備較為失準的，就是其羹底，不夠稠杰，口感不夠膠質蛇湯藥材味甚豐厚，十分滋補吃完味濃的蛇羹，也不失為清清味蕾的湯品連氣喝了湯羹，真是成肚水雖實際沒吃過甚麼，但仍飽了一大截感覺很窩心暖烘烘的不知是蛇羹蛇湯正發揮效用，還是娟姐的熱情美意所打動

話說某夜夜晚 一 點幾兩點.....當時得果10度左右口痕想搵野食同行既朋友 介紹我去e 間蛇鋪...話佢開到好夜...之後黎到之後...見到間鋪 夜媽媽都仲有二三個客人係鋪入面食緊...而外賣我都係排第二個...我都估唔到甘夜都甘多人幫襯....值得一讚既係兩個太子爺 都好好口 好有禮貌 (因為朋友成日黎食...知道夜晚幫手既係 老闆兩個仔)要左個 細蛇羹外賣.....25蚊...之後見佢份左4碗比我...我先知道原來e 度係買 蛇羹送蛇湯(其他蛇鋪蛇湯要另外買)D扑扑趣 既份量仲好多添講返食物質素蛇羹 係比較 杰既( 杰都好過希....希既真係好難食) ,而蛇肉份量都算合理 (都喜係啖啖肉)蛇湯.....有藥材味 (但建議先飲蛇湯 先食蛇羹, 如果唔係 蛇湯d味 會比 食羹時既味蓋左...有錯覺覺得佢唔夠味) 個人覺得如果有機會會再黎食...而且都唔似下面d 食評講得甘差....

團購餐26蚊，蛇羹+蛇湯+雞翼兩隻蛇羹有大量無味雞肉，保守估計雞肉同蛇肉既分量係3:1我唔係黎食雞肉羹ga!!!!!!!蛇湯無咩味雞翼，連滷水汁既色都未上到差不多食完見到d餐牌寫住25蚊有蛇羹+蛇湯咁我買個團購把鬼= =''

團購了蛇餐，$50/二人，有蛇羹加蛇湯 (各2) ，同一客雞翼(4隻)。環境: 好迫(小店)，但一入去都搵到位可能因為團購效應啦，超多人，但都可以接受既。蛇羹: d肉有點粗，肉絲多，蛇肉就真不太多了，可能多客啦，事實上間野又點短時間捉咁多蛇應付咁多客wo...蛇湯: 齋湯冇肉的，但甘甘地，不錯^^雞翼: 幾入味，想再食服務: 員工好好客，不停叫人「老細」，上菜都好快。抵食: 原本覺得ok抵，點知食食下見餐牌，先知原本買碗蛇羹已經會送碗蛇湯，都係$25蚊，而家俾多一蚊只係為了多兩隻雞翼! 咁佢coupon寫的原價$48就取巧了...同埋其實全個餐水多唔飽，我地去左第度再食。anyway, 冬天想食蛇都會再唸起呢間店的

早兩星期見到網上有蛇王娟團購如下:"$26〈蛇王娟〉秋冬蛇王餐 (原價 $48)，「足料蛇羹 + 滋補蛇湯 + 鹵水雞翼 2 隻」"睇落又好似幾抵, 問一問朋友, 佢話自己之前食過娟姐好多次, 又好味又抵食雖然我無買到, 但係呢一日係附近榮華食完飯仲有胃口就黎試下佢既蛇黎到門面見到都幾多人下, 全場坐滿一直坐到後巷, 相信係團購既魔力等左一陣終於被安排坐係後巷店內環境真係好痛苦, D位超迫, 坐到背貼背不特止, 迫到連俾服務員傳菜通過既空位都無, 我食坐左唔夠兩分鐘已經要三次起身讓位俾店員傳菜~真係迫到無朋友囉~雖然店員係好有禮貌同埋帶有歉意地請我讓位既唔緊要, 環境同食物我可以分得好開, 你賞賜一碗美味既蛇羹俾我的話當無數兩個人剛食完飯, 只點左細蛇羹一碗分享, 點知黎到多左碗蛇湯, 原來蛇湯係送既(咁樣羹加湯$25, 團購$26多兩隻雞翼, 原價要$48, 即係一隻雞翼值$11?!)碗蛇羹杰到變左蛇茨, 我甚至可以形容係蛇膏添呀~ 成碗野一PAT PAT, 口感好差蛇肉又韌又鞋, 切到好粗, 係蛇條/蛇塊, 而唔係蛇絲失望~蛇湯淡到似蛇水, 一D都唔濃郁, 既無蛇味亦欠缺藥材香失敗

第一次去，近排好喜愛食蛇去到入娟姐好客咁：隨便坐啦，想食Ｄ咩儘管開聲然後點左個B餐 有蛇羹, 蛇湯, 糯米飯先上左個蛇羹, 娟姐就同我講: 唔好意思呀糯米飯整緊, 好快有架喇, 等多陣丫 同埋蛇羹有少少骨, 小心D食 ( 有交帶, 今時今日未必個個老闆做到)蛇羹多肉足料又夠味, 水份調較得剛剛好蛇湯夠蛇肉味糯米飯就麻麻地但係食嘅係一份"情"

3月18日，13:45總部的一個失誤，年假中午要到官觀墊支運費。便趁機到觀塘舊區尋寶。路經這店，蛇王熱情地在店外招客，見人多，便繼續尋寶。避過午飯時段，才來招回馬槍。要蛇餐B：細蛇羹+蛇湯+生炒糯米飯蛇羹：好杰喎，羹底算鮮，木耳大大片，蛇絲粗壯。蛇湯：甘甜，藥味算濃。生炒糯米飯：雪白糯米飯，絕不可能生炒；極硬身，感覺一般；臘腸爆過，夠香膩。上班時間到，客人逐一離開。不斷傳來店主的：人多要你久等、招呼不到、謝謝、慢行…。- 那不是機械式的，是發自內心的。店主更提醒夥伴看那位客人要添蛇湯。店內暖意倍添。我要再來，為的是那暖意，那人情味。結賬時和店主對答。問：糯米飯是生炒的？答：蒸的，用特別方法，夠硬身嗎？嘿嘿！算你老實題外話：路經大孖，進店八一八；期間有女仕進店買鹽。女仕：以前買那種，10蚊包？店主：澳洲海鹽？7蚊包。女仕：良心店，不會亂起價。店主：我昨天已告訴客人，大把存貨，暫時不會起價。

見凍凍地上回食完宜安街為食貓都唔錯見網友推介,又係附近meet人就一齊去觀塘宜安街蛇王娟試下個套餐本來有諗過食大o個個餐,點知入去見到o華好鬼大碗lor, 自己又唔是好食得咁就小小地試下佢地套餐B即是細套餐都是$40+$5時菜同fds share大o即就$55碗野是好多蛇肉,其實同瘦肉無太大分別,重要小心有蛇骨!!!! 台面有齊脆脆片, 檸檬葉,ok,得番1/3時重會添加,讚 臘味糯米飯就唔是好得,d飯就比較乾,飯面d臘腸薄薄地都ok得蛇湯好香好飲o即,不過之後有d口乾,真是唔知是唔是有味精?!蛇王娟招呼熱情重有派埋咭片. 晚上時間都full tim,重好多街坊去食.reli 是飽肚抵食.最後我2個fd同我食左91,但是老板只是收$90,真是thx晒,唔洗特登找個$1找數

寒突襲港, 今日仍然天寒地凍, 我地呢d 氣虛血疲弱之人,當然要補下啦. 網友推介, 觀塘宜安街 , 咁去試下啦.佢系裕民坊對面上斜路行過d.....系太子, 食碗唔好食既碗仔翅都$12 既時代,娟娟佢做$23. 小蛇羹+蛇湯. 真系= 超值!!!佢重成碗都系蛇肉. 真誇張, 真系超多蛇肉, 須然蛇肉 '鞋' 左d, 其實我反而覺得蛇肉太多, 食太多肉會太滯, 若木耳多點, 再加入東菇絲會更香. 效果會更佳. 蛇湯好香藥材味. 豪氣, 脆脆片, 檸檬葉, 放系枱比你任落.蛇王娟招呼熱情有禮. 下午時間都幾多人.有冷氣, 間舖幾干淨.當然會再來. 食完小碗的都幾飽.

今日天寒地凍，三個人專登再一次幫襯蛇王娟！之前係附近幫襯過一間紡織工會搞嘅蛇宴，食完之後覺得真係唔夠喉！覺得好似Ｄ蛇玩失蹤咁！同檯有人特別推介之下，第一次真正食到好多蛇肉嘅蛇羹，蛇肉好彈牙裏面仲有有雞肉，木耳絲架！而且我覺得最重要就係E個價錢$55套餐，咁大碗啖啖蛇肉嘅蛇羹，仲有一大碗香噴噴嘅臘味糯米飯添！仲加上一碗胡椒味嘅驅寒蛇湯。食完之後成個人暖暖笠好滿足！真係物超所值！E個套餐嘅份量真係可以食得飽一個正常食量嘅男人架！招呼我哋嘅哥哥仔非常好人，最後重要送我哋每人多一碗蛇湯添！真係賺哂！食完之後覺得需要介紹比喜歡中意食蛇羹嘅真正食家，所以特別推介！雖然地方唔算大，但係絕對唔會趕客，佢哋服務熱情親切，而家好少有咁樣嘅服務態度羅！讚！

蛇羹+蛇湯+糯米飯+油菜 全部都好好味, 與隔鄰的蛇王彪差不多可是脆脆片比較厚身, 檸檬葉比較乾 這些還是蛇王彪優勝, 可惜蛇王彪已轉為小菜館, 所以不是每天也有蛇羹糯米飯是蒸的, 味道不錯, 假如是生炒糯米飯會更佳論價錢蛇王娟是比較抵食的老闆娘非常親切店內坐位不算多, 但老闆不會因為有人在店外等位而催促客人儘快結帳讓坐, 反而叫客人慢慢吃, 因為蛇羹和蛇湯很燙口繁忙時間有些少混亂, 但老闆的熱情和禮貌足已補償