影片
相关文章
龙虾冇食评中讲得咁好食和大只，肉身已煮到缩哂水和鞋。另外，花胶和鱼符都好明显只系斋用水/清汤煲熟就算，冇汁酱味好似车仔𩠌咁有味。而个汤，淡而唔够味。反而最好系个小食拼盘，佢哋只需要炸熟佢啫，冇死~仲有，张椅，一d都唔舒服！我谂一般正常成年人个pet pet都大过将椅呀，绝对系一张赶客椅！做楼面的一男一女，可能系老板和老板娘，虽然好明显系生手，但好努力咁为客人提供服务 👍🏽 但温馨提示：做饮食服务时，应著返适合嘅衣著，唔系米白色嘅西装，亦唔系返office工嘅衣著。
继续阅读
👭虾匠(九龙城)👭1⃣冬阴公虾汤掺掺 $48比平时既冬阴公汤淡d，但都好香椰汁味同有淡淡既虾味😚，虽然汤无咁浓但个酸味都足够，辣味就反而唔太觉，配上掺掺(即油面+米粉)都几夹。配料方面都份量好足，但我个人觉得鱼片无咩鲜味😰2⃣招牌虾汤掺掺 $48个汤头好有虾味，但佢系唔辣既。如果有朋友想食辣，我建议问老板拎一只用虾酱炒既酱，加落汤到将个汤头变得更滋味🤪，配料同面既份量都好多，不过扎肉味道较淡。3⃣招牌虾汤配龙虾半只掺掺 $88呢款面岩哂钟意食龙虾既朋友。佢其实就系招牌虾汤既配料再加半只龙虾，即系加$40就有龙虾食😱平时街市一只龙虾都要$100左右啦，呢个就真系性价比好高啦，又多肉又有膏，不过呢我就觉得只龙虾煮得老左少少，如果可以控制个时间好d就perfect喇🤪🤪4⃣虾虾霸霸 $68呢只其实系炸虾饼，佢同一般泰国餐厅唔同既地方系佢成块拎去炸，而唔系制作成一件件咁😳。虾肉质地都爽口弹牙，但厚度就比一般虾饼薄一半，所以虾味唔够浓郁，有少少比炸粉抢左风头。5⃣粉丝皮春卷(4条) $28即叫即做所以好热，要小心d慢慢食。个网皮好薄好脆身，但就细旧左d，所以食完都唔会好有满足感😖。💡以上系午餐价，晚市好似价钱有少少唔同的。另外学生买$40以上既面都有饮品送，有学生证既朋友记得带埋张证去帮衬啦😂推荐度: 7.5/10🏠九龙城福佬村道20-22号学林轩地下A舖🕐12:00noon-11:00pm
继续阅读
餐厅位置离九龙城广场好近，餐厅环境可以。二人座位在水吧对面，员工走来走去，稍为迫一点，坐得不太舒服，如果四人座就舒适多了。员工服务态度很好，会介绍菜单，有礼貌，招待不错。食物方面强差人意，招牌虾汤底很淡（但加了辣酱后惹味不少），半只龙虾细得可怜，一啖食完，味道也不出色！面份量也足够，但是$100一碗似车仔面的净龙虾面来说不值。衹此一次，可以不试，九龙城有太多其他更好的选择。总括来说，如果以$100吃一碗车仔面，不值。
继续阅读
路过几次都未有时间食 今天终于有机会试下个下午茶 ，下午茶时段冇乜人 都唔使等位， 虾汤底几好， 加埋春卷 都好好食 ，下午茶好抵食，但系感觉似食车仔面 ，有机会会试下晚餐。 不过晚餐88蚊一个车仔面真系有啲贵。
继续阅读
行过见到好多人系度打边炉，一人一窝果种。本身都想试下打边炉，不过又见到佢有另一个menu系食汤面之类。价钱同边炉差唔多，不过睇相就好似吸引好多最后叫左个招牌龙虾汤面，差唔多成一百蚊架, 不过好似只龙虾都唔细。个面上到黎都算收货，只龙虾都几大只，仲俾埋较剪同手套你方便你食。个汤就系龙虾汤，配番渗渗，有d似食喇沙嘅感觉。仲叫左个小食拼盆，$35蚊度，又几抵。不过小食就炸得干左小小，但味道都惹味嘅。整体黎讲质素都想唔错，下次食番个一人㶽先。
继续阅读