蘭苑饎館

营业中

休息中

是日與家人共聚晚餐，想食下小菜就諗起呢一間米之蓮餐廳。開咗業咁多年來我都係第一次食。餐廳去到八點多時都有好多人去排隊，等着大概15分鐘終於有位置店內嘅座位亦都唔多所以有機會搭枱。小菜嘅分量其實唔少，包左一碗老火湯油菜同埋無限嘅白飯或者粉面。當日嘅係赤小豆扁豆蓮藕煲豬肉明顯用了十足而且火候足夠。豉汁蒸龍利柳非常一般，龍利樓好像是雪藏的一樣而且肉質不算太滑。菜心是新鮮的，烚嘅時間都啱啱好非常之冧甜另外我哋仲叫咗一個柱候蘿蔔茄子豬軟骨，佇候嘅味道非常之夠而且豬軟骨好冧蘿蔔同埋茄子都做得好入味非常唔錯。另外係金針雲耳魚肚滑雞煲，滑雞唔會好鞋，魚肚分量都好多，幾好食另一主角，開心果糊，我認為略甜，開心果味不重，一般但只是夠特別。

因友人身體不適, 所以搜尋一些清淡的食肆聚餐, 可惜友人最後沒有參加, 不過我們仍決定到此小店一試.果然跟其他食評人說的一致, 若從店外經過, 不會為意這裡有飯餐供應.經過一輪研究, 我和朋友倆叫了一個餐, 留肚叫甜品, 我們選了豆卜雲耳白鱔, 配白飯, 餐點附一碟菜, 可能有些餓的關係, 竟然忘了相機食先, 除了豆卜和雲耳, 還有芽菜作配料, 這裡的餸汁不過咸, 可以放心索汁撈飯, 平常外出不愛吃白飯的我, 也默默的把一碗白飯吃清, 證明這道餸味道不錯.甜品點了這裡出名的開心果糊和黑芝麻糕, 店主貼心的主動切開糕點, 提供兩份餐具給我們分著吃, 感覺貼心, 先吃開心果糊, 這個綠油油的顏色很吸睛, 感覺食了很多粒開心果....到黑芝麻糕, 有著濃郁的黑芝麻香, 可是凍食不及熱的來得吸引, 下次再來的話, 會選熱的吃, 應該會更香更美味的.

蘭苑饎館開業多年，除了龜苓膠、開心果糊等出名甜品外，其家常小菜也十分出色。店內座位不多，要有搭檯的心理準備。小菜晚餐分量足，跟油菜、老火湯、白飯/粉麵。這晚叫了沙茶排骨煲及黑椒洋蔥薯仔雞煲，油菜為菜心及生菜。沙茶排骨煲沒有預期的好，沙茶味道沒有融入到排骨裡。煲底有芋頭，我不吃芋頭，沒有評價。黑椒洋蔥薯仔雞煲，沒有一般茶餐廳的芡汁濃味，這裡的煮法相對健康，保持菜式味道的同時又不會過度調味。老火湯送完即止，今天晚上比較多人，八點多已經送完了。**私心推介: 豉汁蒸鱔，幾乎每次到蘭苑都會點的菜式，可惜朋友不吃魚，唯有下次再來。

聽講呢度有特別既開心果甜品，於是專程過嚟試下，雖然嚟到有其他中式甜品，不過我地都係叫左開心果露同開心果糕嚟食。嚟到個顏色好綠，但餐牌上寫左無添加色素，咁綠係因為用左來自伊朗既開心果，所以顏色會偏綠同淡味。開心味露食上去有淡淡既開心果味，仲有少少起沙既感覺，好好味！而開心味糕味道就再淡d，清甜，可惜太細件，食完想再食，奈何無論開心果露定糕都係幾貴下，想食多碗都要等下次，如果再經過太子會再嚟食！😝😝😝

呢間過去式嘅米芝蓮，我想試呢碗綠色野好耐，只不過我一直都窮到褲穿窿，為口奔馳，食唔起$36碗糖水，佢嘅位置又唔喺我嘅活躍範圍，今日咁啱去佢斜對面間Hami Harmony，順便試埋其實我落單時都唔算忙，仲有吉位，兩個樓面阿姐企喺水吧等出餐，可能廚房人手唔夠，等左好一陣先有得食一見呢碗開心果糊真係笑左，咁拿綠，我以為係菠菜蓉，佢餐牌寫明係伊朗開心果，真係想睇下粒開心果係咪咁綠入口稠度同甜度都適中，開心果係咩味我自己都要recall番，本身都唔係濃味，所以呢個加米加水煮出黎嘅糊冇乜味都好合理，我覺得幾似核桃味，大家都係果仁系好味指數唔算高，但係健康指數相當高，因為望住碗野應該護眼

喜歡蘭苑饎館的中式飯餐、牛筋麵、甜品和自家製的賀年糕今次先和大家分享真材實料的中式飯餐，當天選了「豉汁蒸白鱔」$105，有靚湯、油菜、🍚(可隨意添加)1. 豉汁蒸白鱔，肉質新鮮和爽，豉汁惹味，還有陣陣的果皮香，鱔肉下面是雲耳，真好👏🏼2. 青紅蘿蔔瘦肉湯，湯裏還有其他的食材，真材實料的靚湯🍲3. 健康油菜，落單時說要淋，上桌時，菜心真的「淋」😍，不像坊間說了淋，最後都不淋；說健康是因菜裏不多油，而給的蠔油份量剛好，不太多，又落在碟邊，可按喜好點吃。菜質量好，不老不「鞋」一如以往，整個套餐都很滿意👍🏼，因好味😋，所以滿足和開心😄溫馨提示😉，繁忙時段(午餐和晚餐)很多人，許多時需等位，和可能要搭枱，全店坐滿時會有點擠迫星期一只提供甜品和龜苓膏，沒有飯餐供應

話說有個同事某日去左呢間食糖水，傳來一碗綠色糖水相片過來，完全唔係綠豆沙，問我地知唔知係乜東東😅我地估唔到啦🥴最後佢開估係開心果糊😅咁呢因為貪佢咁特別，而且我又未食過，所以決定去試下，就買左兩樣不同糖水(開心果糊 & 補腦合桃露)回來一齊與同事們分享🤗當我去到呢間糖水鋪，佢地鋪頭似食龜苓膏格局，但係唔止有糖水食，仲有套餐蒸飯食😅都幾特別！先講講開心果糊：聽說佢地係人手磨製，所以好夠味，開心果好香，而且唔會太甜，岩晒我呢啲怕甜的人😅補腦合桃露：又係好足料，濃郁合桃味，又唔會太甜，正👍🏻

今日食完lunch, 心癢癢想嚐甜~之前從openrice見到公司附近原來有間店食開心果糊!好特別呀!決定去試下!其實呢間野, 我出去食飯行返公司時經過好多次了..但一直都冇咩留意佢..唔知佢有糖水食, 更加唔知佢有飯食..睇佢門面, 以為只係食龜苓膠的~今日細看先見到,原來門外都望到佢有d甜品糕點可以買,色彩繽紛都幾吸引。ummm.. 入到去,其實睇佢裝修都勁似食龜苓膠的枱椅都係酸枝的~因為我今日入來只係打算食甜品,所以我只係睇左甜品個幾頁MENU全要都係糖水同甜糕點~但我一早要Target左: 開心果糊!開心果糊 $34好特別呀! 我未見過青bb嘅糖水嫁!!!menu寫, 係採用伊朗出品嘅開心果~伊朗出品嘅開心果係咪特別靚?其實我唔識但呢個開心果糊真係好好味!一入口, 濃濃嘅開心果味,顯然而見, 佢一定係落足料去磨!仲要磨到好細滑,成碗都完全冇顆粒!好香好滑呢個開心果糊, 真係好值得一試!

之前一直bookmark咗呢間餐廳，因為佢有冇味精嘅住家飯同埋自家製無色素嘅中式甜品，仲有中式糖水，今晚終於去咗同男朋友試啦！😁叫兩個餐怕食唔晒而且覺得價錢唔平，所以兩個人share一個餐(可以有兩碗飯送)再加個甜品自選醬汁加兩款配菜同一個主菜，我地叫咗豉汁配雲耳粉絲配白鱔，如果一個人食黎講份量都足夠既， 不過覺得個汁好似太濃，啲粉絲索唔到，白鱔就蒸得岩岩好而個芝麻糕真係勁香黑芝麻味！真材實料，同埋好煙韌，果然有水準！👍👍下次如果經過可以買啲中式甜品外賣😂😂

當一諗到去想食蒸飯我就一定會來到太子呢一間佢哋嘅蒸飯有好多選擇有雞有魚有肉有菜最緊要係真係夠入味，味道夠香、又冇乜落味精！其實他們最出名嘅就係龜苓膏，價錢係比出邊貴好多，但係真材實料，其實我都係因為食龜苓膏認識呢個地方，下次有機會試吓啦我最鍾意就係食佢哋嘅鹹魚蒸肉餅同埋金針雲耳蒸雞！屋企真係煮唔到佢哋嘅味道肉餅裏便仲有馬蹄，增加口感蒸雞蒸得10分滑，煮出嚟嘅汁真係想食多幾碗飯㗎！最後來一個他們的甜品開心果露，真材實料！

每次行完花墟經過都會見到呢間餐廳，見到門面裝飾得好特別，好有80年代嘅感覺，見到門口擺咗好多糕點，我估入面係食糖水為主嘅。。。不過每次行過都冇入去食。今日咁啱經過花墟買花，又落住雨喎，行過呢度又好想食啲甜野，就入咗去食啦🤪🤪果然冇估錯呢度好多糖水嘅選擇仲要全部都係中式嘅有我最鍾意食嘅桑寄生蓮子蛋茶，又有蛋白杏仁茶，我同朋友即刻嗌左呢兩款食住先🤤🤤🤤桑寄生蓮子蛋茶隻蛋好入色呀，不過嗌入去就冇乜味既，只要碗蛋白杏仁茶好好味呀好濃郁嘅杏仁底，食得出係即磨嘅杏仁，唔係用粉沖出嚟嘅。。。食完個甜品又覺得有啲肚餓，於是就打開個Menu睇吓有咩食啦，我哋嗌咗個牛展麵同菜，我想講呢碗牛展面真係好有驚喜，首先梗係要飲埋啖湯，完全冇味精同埋勁重果皮味，淨係飲碗湯都抵晒，真心無味精，然後佢啲面好爽，一啲鹼水味都冇，仲有，佢啲牛展唔係好似平時一塊塊咁，而係好似沙嗲牛肉嗰啲牛肉既切法，呢度啲牛肉真係好新鮮🤫🤤🤤🤤

好耐都無黎過食野啦呢度又有煲仔菜， 蒸水蛋， 白飯任裝係唔少人既選擇唔講咁多啦， 即刻睇圖啦。 沙茶醬蒸雞味道足夠， 唔會太濃， 食落算嫩口， 未蒸到太老，可以一試。 其次係蒸水蛋， 相當嫩滑。仲有蒸肉餅， 鍾意食肉餅既人一定要黎， 好多選擇。

叫左兩個套餐, 寫單個位阿婆員工已經不斷寫錯, 我重複左三次先落到單, 之後同佢講我地只要－碗米粉, 因為食唔晒甘多野, 講左兩次, 最後都係要黎兩碗, 甘我同阿婆講我叫左—碗, 佢立即發難話我叫左而家又唔要, 之後仲要掉張單落我枱面, 當日太子爺在埸亦啤住我地, 其實我唔知我做錯Ｄ咩要受氣食物好亦需要對客人有基本禮貌吧！

對於中式糖水有種固執，我好多時都係食芝麻糊、杏仁露，而男朋友好多時都食合桃露，好處係可以容易比較各店嘅分別。呢間蘭苑饎館明明喺公司附近，照道理就應該一早試過，但今次係第一次黎，好多時行過路過專登黎過都食唔到，有時食飯時間人地滿滿人潮，咁我又唔好意思話入黎食碗糖水；有時又時間太夜；有時又行過黎途中俾其他糖水店吸引左。今次係專程飯後行番過黎，留肚，一心衝著佢地嘅糖水而來黎到都仲有半個鐘就關門，眼見都有唔少客人食緊正餐，咁我地食左野，所以就冇留意正餐有咩食，但知道都有唔少人鐘意呢度嘅中式野，話哂都係米豬蓮餐廳。裝潢幾有中國風，木枱木櫈、傳統印花餐具。甜品供應傳統中式野，馬蹄露、雪耳、木瓜、西米露、杏仁、芝麻、合桃、開心果、甜湯等，定價18蚊至3、40蚊，另外有啲標榜不含香料味精嘅多款糕點，紅豆、馬豆、菠蘿、紅莓、桂花、馬蹄、開心果、藍莓糕等，迷你size定價$12-16。開心果糕 $16、藍莓糕 $14價錢都唔算平，都係預先整好嘅糕點，點單後拎入廚房倒番出黎，size就係正常麵包鋪見過嘅杯裝布丁咁上下。當你懷疑緊開心果顏色嘅時間，餐牌會替你釋疑，寫明出品不含香料、人造色素，採用天然材料製成。

尝试了这里的煲仔套餐，调料、主菜、配菜和主食任意排列组合，考验想象力，十分有趣。菜品量足味道好。我吃到的例汤是红皮莲子和猪肉同煮的，汤底应该还放了鳝骨，令生长在长江下游的我大开眼界特别值得一提的是服务态度非常好，小姐姐不厌其烦地向我解释菜单，绝不让我稀里糊涂地下单，而且不像有些餐馆一个劲地推荐贵价菜。收银的爷叔也很客气。那天若不是肠胃有恙，我本来还想吃糖水的。不过没吃到也好，留一个念想，以后再来。