蘭芳園 (已結業)

老店無開, 入左呢間, 叫左心多多撈面, d面勁淋, 無味, 可能人多, 以剛luk完就比人食, 而且無味, 雞翼凍冰冰, 無味, 最好食都係隻旦同埋肉丁, 奶荼無茶味, 只有奶味, 成$36食水深, 奶茶都做得甘差, 又係一間出左名之後水準即勁差, 以後都五會黎

見到好多報章雜誌電視節目都話蘭芳園D野好食,奶茶好飲, 仲有奶茶冰云云...真係滿心期待去食好野去到叫左牛扒撈公+凍奶茶女友叫左個咖央多士個撈公黎到, 起筷食啦點知... 我究竟食緊咩呢?牛扒冇味, 公仔麵冇汁,撈完幾乎條條都白色ge撈公仔麵, 得勁少汁,撈到d乜?奶茶味道唔錯,靠呢樣出名真係有返D水準可能賣哂奶茶冰,我飲果杯奶茶係用普通冰呢個冇咩所謂,反正食完麵口渴,飲杯野都唔會慢慢飲女友件咖央多士,味道真係普通要比較的話,我覺得維記咖啡粉麵好D後來真係好肚餓,同女友share 左個雞扒撈公呢個好食D, 雞扒煎得幾香, 個麵D汁又多返D但係叫左凍啡, 個凍啡好難飲...唔係招牌, 都應該有唔少人叫咖嘛.,.整得好難飲,仲差過大集團快餐咖啡...希望愈大失望愈大甚麼米芝蓮, 報章雜誌電視報導,佢地食ge, 究竟同我食ge 有幾大分別?還是佢地懂得包裝,識寫鱔稿俾報刊登?食完真係唔覺得有咩十分過人之處...食兩個公仔麵兩杯凍飲一件多士加埋成舊水除左賣蘭芳園個名之外,我都諗唔到點解值咁貴

六月廿三日(星期一)peak season,所以又要食左tea先番去再做野!今晚食呢度!因為佢都係後選米芝蓮名單中!佢仲好勁咁話可能唔比米芝蓮做訪問wor!?食左個特餐:有奶油多,呢度多士好鬆軟,不過澳洲牛奶公司好d!同埋沙嗲牛肉米粉!都幾好味,牛肉冇na過!.....凍奶茶都幾好飲,不過勝香園會奶味重d好飲d老公食左個炒蛋雞肶意粉,個意粉好屋企feel,而雞肶真係幾好食呀!!!炒蛋也不錯呢!如果佢都係米芝蓮,我地兩公婆覺得澳洲牛奶公司都一定入到呢!!!!!!

難得去中環, 想搵d特別野食下, 本來諗住食公利, 點知唔好彩, 休息!!! 聽聞蘭芳園多士好味, 於是黎左.淨係想食多士, order 左多士餐+涷奶茶, order左先知星期日有每人最低消費$20, 被逼叫多個餐, 叫左豬扒包餐.多士都ok, 不過個豬扒包就好差!!! 餐牌個所謂金牌豬扒包有厚切蕃茄, 我地個個無wor, 於是問d staff, 佢地都話係, 之後話加返, 但係拎返黎竟然話無晒蕃茄, 我地真係呆左ar!!! 有咩理由一塊蕃茄都無... 咁唯有照食la... 好難食, 豬扒唔香, 食多啖都唔想...正當我地食緊個豬扒包既時候, 隔離就黎左個蕃茄通, 面頭見到大大舊蕃茄...真係唔知係邊到變d蕃茄出黎?!唔好食得黎服務又差, 門口仲貼住10大茶餐廳, 真係睇見都嬲...一定無下次!!!

成日聽到蘭芳園個大名...話首創絲襪奶茶同撈丁! 上幾個星期就同媽媽去試試...個日落住雨...我地攀山涉水咁去...行左好耐流晒汗...終於去到 -_-" 諗住新店就係老店隔離唔會有分別掛? 大熱天時...當然去新店舒服點!我要左雞扒撈丁同凍奶茶! 媽媽要咖央西多!雞扒撈丁d薑蔥好正 雞扒就冇咩特別 (媽媽之前來過話上次脆d好食d) 凍奶茶...滑...同埋有奶茶冰...但除此之外只係超級普通奶茶一杯...唔覺得特別香...咖央西多超級失望...唔夠甜...炸得唔夠香唔夠脆...大家樂的仲好食過佢!!!雞扒撈丁的確不錯...但不值得行咁遠來...可能等到遲d凍d到老店試會唔會好d...

人人都話蘭芳園好特別我卻覺得一般撈丁係特別，但吾係話真的要"嘩"一聲的好味!個次食d麵仲要癡埋一舊舊，很硬!個西多士香就夠香啦但不夠甜呢(可以本人比較食得甜)個伙計仲話"吾洗加野架啦，我地d西多士裡面夠甜架啦"但我見到既只係一大舊牛油!係好肥不是好甜!價錢以茶餐廳黎講都幾貴下!如果真係想睇下蘭芳園既特別，我覺得去舊店好d!

今天下午三點鐘去Flow揀二手英文小說，點知老細喺門口貼左張紙仔話三點半先番(應該係出咗去買lunch......無問題)，一於因利乘便去蘭芳園歎下午茶兼涼下冷氣。今天只叫咗「芥茉牛脷飽」＋凍奶茶($23)。凍奶茶係香滑，不過啲只係普通大粒塊(飲完杯茶見到啲白的)，並非用奶茶雪成的。芥茉牛脷飽就幾好味，芝麻飽鬆軟，薄牛脷煎得又稔又香口，個醬汁用芥棘同沙律醬調成，比例啱啱好，不太酸也不太棘。可惜以呢個價錢來說份量細咗啲，我三啖已經食完，食完有點到喉唔到肺。環境無甚可言，服務更不值一提，個侍應由我坐低到落單到遽上食物到埋單走人都無出個一句聲，果真有型.........

畢業後都無再去過lu..今日無無聊聊中環遊揀左呢度食0野兩個人揀左茄蛋豬扒通同0架咉西多食...一人一杯凍奶茶...通粉個樣唔錯...好大碗...個湯幾好味...但係D通粉唔知點解會爛晒...豬扒無乜特別...係有好大舊薯仔囉個西多都唔見得好味...其實係無乜味...最後都係要攞糖漿食~奶茶....無特別囉..哈哈~最後六十蚊唔使走人...算係食飽左咁囉...真係唔經過都唔會再尼食lu...

冬天黎既話會坐舊舖.但夏天黎就頂唔順要去新舖啦.不過我都係以食物為先!奶茶基灴上已經係必叫嫁啦.之前試過撈丁.但唔覺得好特別.上次下午茶叫左朱扖公仔麵同厚多士.諗住都係普通茶餐廳野啦,點知...好好味呀!!!先講個多士.佢厚得黎個皮又脆,但個心又軟.食落去非常之咁好味!但記得係厚個隻wo.(因為唔知叫普通個d係咪一樣)個公仔麵都有驚喜.朱扖好好味.麵都煮得好好.唔會太生式者太"諗".個味精湯都好似特別好味咁...食多士再見!

星期日的中環，很多食肆都休市，況且也有一段時間沒到過蘭芳園，於是走過天橋，直接到結志街去吃撈丁。十一點多，餐廳還不是太滿，揀了個至入的角落位坐下，進食時不用左閃右避。熱奶茶是必定的，再來個蔥油雞扒撈丁。雞扒煎得出色，肉質鮮嫩，雞扒表面呈金黃微焦狀，賣相吸引，惹得人垂涎欲滴。丁麵不會起膠，略略撈上了豉油，已經好夠味。不過美中不足的，是那杯熱奶茶。不是不好飲，但茶香味比以往遜色，有點‘行’貨。今天的撈丁套餐，盛為36大圓。

薑汁雞扒撈丁 凍奶茶雞扒煎得幾好...皮夠脆...肉還有彈性..味道都不太濃....以雪藏雞扒計算整得幾有心思麵不夠熱且質素一般(俾個靚麵好喎..話哂連凍飲都38)薑汁不夠汁而且味道冇特別..似叫燒味鋪加薑蔥落撈丁一樣奶茶反而都可以...茶不濃且滑..甜味適中..總括 : 得杯茶同雞扒真係叫好結合環境(逼) 價錢(較貴) 又係失望

到「蘭芳園」吃東西只是一場噩夢。很多人說：「人紅必驕」，想不到這一說法也能套用到食肆上。從老店到新店，由街邊鋪仔，日曬雨淋，到登堂入室，冷氣開放，我見證著這「老字號」的變遷，不是變得更「成熟」，而是更「輕狂」。或者這就是食肆青黃不接的定則。我們「幫襯」的那一天是星期日。原本到回味一下熟悉的味道，但甫一去到，便發現老店竟關門了，原來老店只在平日營業，我們只好走到新店。新店門外排了一列「人龍」，我心想「不辛苦怎得世間財，為了美食，只好等待。」不久，我們便被安排坐到店子的一個角落，環境十分擠迫。不過，不緊要，我們的主角是食物。我叫了一個蔥油雞扒撈丁、一杯凍奶茶和一個豬仔包。先講蔥油雞扒撈丁，麵質過「淋」，相信是過水時間太長。調味的蔥油，其實分別是兩樣東西，蔥是我們平時吃白切雞的薑蔥蓉，油則是普通豉油，感覺上味道不協調：蔥就是蔥，油就是油。加上薑蔥蓉配公仔麵，新潮歸新朝，但味道卻十分奇怪。「蘭芳園」靠香滑的絲襪奶茶起家，相信奶茶的質素不會太差。一飲之下，確然十分香滑，最令人佩服的是，凍奶茶的冰原來也是奶茶所做，這個做法，可保證即使冰融掉，奶茶也不會變淡。但是，可能由於客人太多，有些客人竟不能唱

時常在報章雜誌聽其名，所以星期日專程去試一試。不過可能星期日的關係，舊鋪沒有開在新店吃，不過都幾擠逼。入到去點了，薯仔鮮茄湯底豬扒煎蛋通粉，雞扒公仔麵、奶茶和咸檸七。雞扒味道不錯，外皮很脆，但公仔麵就略普通。薯仔鮮茄湯底豬扒煎蛋通粉，的湯底是我喜歡的有甜味並且有很濃的番茄味。奶茶也很滑。但隔了幾天再去吃薯仔鮮茄湯底豬扒煎蛋通粉，那湯底已不及之前的好，只有甜味沒有番茄的味道了。起初還以為自己點了著仔湯底，水準不穩實是有點失望。

一直都未試過這裡傳聞中的奶茶及蕃茄湯底，所以便與同事行遠些來食lunch。今次入了新店，我已鎖定目標要了蕃茄豬排蛋通粉餐跟熱奶茶。好快便有得食，但估不到幾細碗，蕃茄湯底偏甜不夠酸，不是我喜歡的，蛋煎得好一般，豬排都幾鞋。整個感覺都可能因為期望太高而有點失望。奶茶都還算不錯，但這個餐要成三十多完，又不是太值，但總算試過了！同事又試了咖央多士，熱辣辣，但由於是用西多士的弄法，所以好油，仲好肥添。我試了一件，味道可以，因為剛剛炸起，難食極有限。坐得都幾迫，肥d都食唔到！

放工同一友好到蘭芳園@ 中環傾偈吹水兼食港式茶餐來Happy hours.點了一食物,又牛飽又撈丁又西多…撈丁不錯,幾好味但也幾肥膩!綜合意見:即使係咖央西多士,但還是要加糖漿才好食!