蘭芳園

营业中

休息中

這麼久以來只有兩間餐廳能夠叫我發誓永不回頭的,一間是在油痳地已結業的蒜頭屋,另外一間是這裡!星期六早上九時多未過早餐時候,望見裡頭依然人潮擠湧!但為一嚐絲襪奶茶都照樣殺入去!有一個5呎5高瘦到飢民咁款嘅哥仔問幾多位,回答後依照指示坐下,唔夠一分鐘哥仔指住叫我起身坐去第ニ張檯,話我咁大件阻住條路喎! 轉檯後叫了早餐A要凍奶茶,五分鐘後感覺到鞋面被液體淋正,原來哥仔將碟通粉嘅熱湯倒瀉咗落我隻腳度(好在對鞋嘅防水功能幾好),佢並無即場講對唔住,只係講咗句「後面條靚仔郁咋!唔關我事!」放低碟通粉就行咗去. 轉頭哥仔揸住地拖出現,係咁剷我隻脚一邊口中唸唸有詞「淥唔到你執到啦」.原諒佢教育程度可能一般,呢類人亦影響唔到我週未心情.(可能我個樣唔夠惡,睇落好洽D)但係坐櫃面果個只係一直望住笑笑口唔出聲,管理係咪有間題呢?火腿通粉----通粉的味道像烚完過唔清水,有一陣麵粉味及潺潺地.餐肉煎蛋----賣相痳麻,除了是油下得比較少之外(所以連塊餐肉都煎唔香?)凍奶茶----只可說一句唔難飲!服務態度可能是個別事件,但食物質素真是無可能仲做到我生意.這個早餐組合,在新華肯定會食得開心好多!

我諗係人氣爆燈才導致人來人往,否則此店其實普通不過.今日冒名而來,睇到大家一直在外面小攤0既左手邊出出入入,先知道原來有地舖,仲要有兩間孖住.是日早餐:- 豬扒包+熱好立克>> 我猛問有乜好介紹,個店員話豬扒包,同埋豬扒包喎.見佢極力推介,就試下啦!初頭諗住有乜咁了不起,咪有係法包配一片硬骨骨0既豬扒.點知上碟,係用芝麻漢堡包配上軟林林豬扒架!口感自然唔一樣!好立克冇特別. 薯仔粒蕃茄火腿通+凍奶茶>> 朋友吃第一口通粉就感動不已.唔通佢未吃過通粉?我就覺得好普通喇,樣樣都一粒粒,賣相好寒酸.係蕃茄味重囉~我飲左啖奶茶,好重茶味.同平時既茶餐廳係有d唔同0既~ 奶醬多>> 係跟餐送的,轉做有醬多士,好似我起屋企仲整得好味過佢.如果起中環叫做好抵吃,不過中環要做番高質數少少就差唔多喇,如果唔係好快被淘汰呢!

叫咗個下午茶餐 ($22), 係中環, 算抵食架喇 熱奶茶 - 梗係GOOD 啦, 好香茶味 腿旦治 - D 方包好軟熟, 好好味 員工D 態度好好!! 讚!!

我千里迢迢來到蘭方園兩次（早餐·午餐），是想試一試這間五十年字號和著名的餐廳。可惜，卻大失所望！味道：早餐猪扒包：23蚊一個小小的猪扒包和一杯熱華田，又不是非常好。 午餐雞扒丁： 雞扒炸到缺水。環境：大風到死！大约5部風扇和2部冷氣吹着小小的食店。服務： 不太有禮貌。 衛生: OK，挺好的！抵食：貴到死，不抵食。因此，我很大可能不會在來了。

落了灣仔工作．就很少上環，很懷念中環結志街的『蘭芳園』的奶茶。這日特意與友人來歎一下馳名的奶茶。三點三，人不多，叫了個豬仔飽、熱奶茶。茶來了，一陣子茶香撲鼻，加了糖，攪兩攪，淺啡色的茶在轉下轉，如一塘池水起了漣漪，『吹皺一池春水』，非常浪漫惑人，端近口邊，呷一口。　嘩！　很久未嚐過了，軟滑、幼細，不濃不淡，茶過喉頭，像少女的溫柔，幼滑，沒有一點渣滓。定了神，再呻一口，還是那麼嫩滑，一種少女的冰肌雪膚之感。比起「檀島」的奶茶，那種極濃粗獷的感受，完全不同。猪仔飽來了，一個脆字已形容透了。朋友來了一客猪骨撈丁，醬汁入肉，惹味非常，份量極夠充飢。亦是此店名品。來香港必定要來「蘭芳園」，尋夢園 ,,,, 來「蘭芳園」不試奶茶，是人生一大憾事。

今朝一早從蘇豪往下走, 心想倒不如嘆個早餐先番公司, 亦可再訪蘭芳園. 今次就選擇了舊店, 覺得此處的風味像吃早餐多點. 入到店內, 隨便找個位坐下, 店員亦頗殷勤. 看了餐牌, 選了個最簡單的早餐: 腸仔火腿煎雙蛋+牛油多士+凍奶茶不一會店員便把早餐陸續送上來, 此處凍奶茶的質素實在不容置疑, 香濃幼滑, 想必是全港十佳之內! 厚多士亦烘得剛好. 有時响很多茶餐廳叫太陽蛋, 大多數都是太生, 水汪汪的. 這個煎太陽蛋就剛好了, 蛋白的部份剛熟, 絕馬虎! 至於火腿腸仔當然變不了什麽吧! 從一個很簡單的早餐, 將平凡中顯得不平凡, 這才物有所值!

Went here for lunch finally to try out the famous porkchop bread - 豬扒包~ my friend ordered the French toast!We didn't go for any of the drinks, such as milk tea, as we find them similar almost everywhere in terms of taste. The 金牌豬扒包 was excellent. A bit too small though. The porkchop was warm and soft, nice and juicy, complementing with the nice sauce. Around $14-15~My friend ordered the French toast (咖央西多士). I didn't have all of it. But it was quite good. Didn't taste too sweet and yet th

24號去左個tour講香港文化+創意提到蘭芳園,,同同學行完個tour就行番黎食因為都點幾啦,,食飯時間,,要等位等左5分鐘到,,都算快出面檔個呀姐算幾好態度入到去d呀叔有幾個唔係幾好態度都未睇好食乜就狂問你食乜呀食乜呀好啦揀左蕃茄薯仔湯豬扒丁+熱奶茶後來再+多個"芥young"西多士個茄薯豬丁ok啦...快速上餐既野食係咁上下啦湯底應該係罐頭湯,,然後+d薯仔咁..我無咩感覺豬扒好燶下呀個樣....有骨...我睇唔到差d咬爆牙奶茶都係ok啦...再飲多杯無妨個隻啦後來同同學share左"芥young"西多士我地個份西多士勁薄囉味道就ok啦樓面d呀叔有一位態度真係唔係幾好我都知客多做到人都癲但都唔係黑哂面咁又發哂老脾咁嘛話哂你都係對住d客另有一位就nice好多,,感覺上friendly d收銀伯伯就最好啦^_^好慈祥的樣子整體黎講,,野食ok,,試一次無妨環境老實說係會迫架啦樓面呀叔定呀姐真係睇你遇著邊個啦價$上真係偏貴我知道係中環地段不過係細舖+係街檔要賣到咁貴嘛???$3x-$4x究竟食名氣定食茶餐廳食物??希望唔好俾名氣遮蔽雙眼啦有名氣都要有真正實力先頂得住

之前食過旁邊同名果間，今日特登試下這間有無分別果然有少少不同，我都同是食撈麵，今次食叉燒汁豬頸肉，首先麵質軟硬都已經有分別，這間麵質較硬身。有洋蔥、雪菜茸的醬汁較多，其實個汁已經是碗麵的靈魂，多汁碗麵至好食至於豬頸肉就不太特別，未算太腍滑。但我都是覺得薑蔥雞扒撈麵好味D檸菜都夠未

九月二十六日﹙土﹚這裏的名氣可以說是每一次來也比之前旺盛了一些，名氣上脹的同時，其實食物能否保持水準，往往是很值得擔心的問題。今天同樣趁有點空閒上來吃個下午茶，可能是週六的關係，門口排著長長的人龍，有點想回心轉意，到別處吃了，但既然來到又看流量也算快，就加入排隊行列算吧。週六時份，人較多連食物也較貴，平日的下午茶餐也不設供應，只有個別單點或一些較貴價的餐點。既然坐下了就算吧，平日吃得多美味的豬扒包，今次試點新口味，要了一個雞扒包+火腿庵列及凍奶茶。先送上的是火腿庵列，相當普通的賣相，看似平凡的庵列，但吃起來卻比一般的不平常，第一口把蛋放進口，已吃到內裏還夾雜著細碎的蛋殼，單是這一點已不用多說吧，第一次在這裏吃庵列，亦會是最後一次。隨即再送上的是雞扒包和凍奶茶，平常喝奶茶多也會選擇熱的貨色，但今天天氣實在熱得要命，破例點了一杯凍奶茶，結果就是撞板。喝起來茶味相當淡，奶味卻太多，再加上融了水的冰塊，這杯是奶水嗎？不用說也想像到情景吧，或許是小弟飲不慣凍奶茶吧，下次來還是乖乖別亂試了。雞扒包是這天最滿意的一項，只是雞扒略”鞋”了一點，相比起來也是豬扒包好吃一點。又一次證明，一間餐廳好吃的一樣

奶茶 = 有奶茶冰但無茶味豬扒包 = 小, 薄, 普通薑蔥雞扒撈丁 = 一個字: 鹹 (無其他味)地方 = 小 但冷氣夠 , 乾淨奶茶迷嘅我非常失望四周都係剪報, 懷疑老闆識記者......因為d 野食非常普通,求其指下剪報上面d 野食都無驚喜

Especially travelled to Central for a nice Milk Tea last sun. It's so so so disappointed. What I can tell is that, the one in Cafe De Coral tastes much much better. The milk tea I ordered is so dilute, no tea and no milk flavour at all. When the ice melt, it tasted even worser....how come there is so many good comment to there milk tea? The one I tried especailly bad???

老實講我都係慕名而來店肉環保好迫,冷氣都ok!!豬兜撈面豬肉又唔係特別好食,有少少乾身同鞋口,D汁略鹹,個麪煮到發晒,有點難食~凍奶茶老友D茶味去左邊樹呀,定係奶味過多呢??有D失望~奶油多lee個最好食,多士鬆脆,要整都無難道!!

11點,尷尬時刻,都是當早餐食吧!叫了早餐A$23,內容有:火腿通粉 - 行貨,最突出是其湯,很甜,食後有輕微口渴感,難道是雞粉搭夠?餐肉煎雙蛋 - 一般,蛋煎成太陽蛋,但蛋與白分開,功夫差小少.奶茶 - 招牌絲襪奶茶,又滑又香,無從挑剔.豬扒包$15 - 豬扒夠鬆,包身外脆內軟,加上沙律醬和蕃茄的鮮味,提升了食它的感覺,不過,這個價錢食一個包和上面的早餐,都屬於偏貴!11點到此的好處是,可以慢咽輕嚐,不用如樓下食友般,被無形催趕.

還記得以前看電視節目介紹此有名之古老茶餐廳，一直以其秘方炮製之奶茶聞名，但是每一次到訪必定是大排長龍，不管是外國遊客，買外賣的人還是只想慕名而來的香港人也好，所以從來沒有試過來吃東西。昨天因為看完話劇，因利乘便到此吃個比以前早的晚餐（又可以說是比一般遲的下午茶！）差不多接近六點鐘才進去，也許是接近收檔，所以人已經不多了，跟一般港式茶餐廳更逼，一張臺座三組不同組別之人客，不過作為香港人應該會習慣的。看餐牌時已經有夥計在您身旁以身體語言催促您快下單，我們只有快快地點了一個心多多撈丁麵套餐，跟餐一杯凍奶茶。而另外再加一杯畺汁凍檸七。果然是趕收工還是真的那樣快，不消五分鐘就所有食物也送了過來。1.心多多撈丁麵：有炸雞翼三隻，五香肉丁和一隻熟透的煎荷包蛋，雞翼炸得有點黑色，五香肉丁只是一般，而蛋就個人而言過熟。反而最喜歡那撈丁麵，不會過硬，而且一定有一種秘方醬汁來伴麵，記得要用叉子撈多一會，不然那些醬汁只會沉底而失去那種討好的味道。2.凍奶茶：自己不算是一個奶茶迷，但是覺得奶茶的茶味是特別濃，比其他地方的來得令人回味。雖然說時把數種不同的茶葉撈在一起來沖泡，但是内裏一定還有些秘密是不願公開的。3