蘇杭冰室

营业中

休息中

晚飯時間去到旺角覓食 林林總總既餐廳最後揀左蘇杭冰室 係比佢個餐牌吸引左入到去自己搵位 坐位比較逼 不過都仲有好多位睇到meun都有不少選擇去到最尾個頁仲有西式甜品梳乎厘 第一次見冰室都算多款新式甜品選擇 但我地今日唔算好肚餓 下次再試佢啲甜品啦！叫左兩個常餐🍜自家製辣肉丁麵配炒蛋腸仔豬仔包佢個自家制辣肉丁唔算辣 肉質嫩滑既 不過用黎配飯可能仲正 炒蛋正常水凖 腸仔都係廚師腸味道 個豬仔包就太乾喇 就算有煉奶係上面都係好乾 唔係好食到另一個餐🍜五香肉丁一丁配吉列豬扒始終都係肉丁一丁世一重口味之選而佢塊吉列豬扒都好夠大塊 配左一大pat沙律醬普通冰室快晚飯都可以嘗試下

🐮意式橄欖煎咸牛脷長通粉 $88🐓啖啖肉餐配雞脾 $58🥤凍檸蜜 +$9🦑和風炸墨魚丸 $48🥭芒果梳乎厘配朱古力雪糕 $98🔸上環返工嘅朋友成日都話呢間好味，今次係旺角食佢嘅分店又真係唔錯！文青咖啡店裝修好舒服，但咩都有得食，由港式茶餐到西餐，到食牛扒羊架都有😙最勁係仲要有唔少甜品選擇！🔸意式橄欖煎咸牛脷長通粉係是日晚餐之一，牛脷份量超多之餘仲做到外脆內軟，超出咗冰室期望值👍🏻整體水準絕對好過好多西餐廳，仲要平一截，唔錯！🔸啖啖肉餐係經典嘅茶餐配搭，可以配唔同嘅扒類，我就揀咗炸雞脾❤️算係正常冰室水準，夠大隻同夠脆，雞肉保持到肉汁👍🏻而個蛋配上茄汁食係最佳選擇（可以揀其他汁）🔸和風炸墨魚丸好特別因為佢係用日式章魚燒調味去整港式炸墨丸，😆總共六粒，唔係好多地方有得食，值得一試🔸最後食咗個甜品：芒果梳乎厘😎估佢唔到每一個部分都做到80分嘅水準，仲好食過某啲甜品店，真係周身刀，仲要張張都幾鋒利🤩

近日買咗部單反，但欠一支長鏡未買，心裡總係感覺有所欠缺，成日心思思想落旺角睇鏡頭，今日又又又落咗去星際城巿睇二手鏡.結果...... 咪又被女友小熊話我囉.....唉....... 睇到無哂引，走去食晚飯吧.....衰得佢! 一聽到話食飯，即係笑哂口! 真係撞佢個鬼!被佢拉咗去蘇杭冰室，原因係佢話見到D天使麵好似好正!原來一早有部處.....佢點咗份忌廉汁軟殼蟹天使麵，我就無咩心情囉.... 是但點個粟米肉粒囉.....優點:1, 座位尚算舒服，環境乾淨.2, 天使麵彈牙，軟殼蟹外脆內軟，忌廉汁惹味.缺點:1, 粟米肉粒飯完全唔對路，圖片係粟米汁，上枱係玻璃茨汁，有被騙感覺.2, 不論粟米肉粒飯定天使麵，份量都偏少.天堂係天使麵，地獄係粟米肉粒飯，所以評分只俾50分!"但我食完飯仲想去睇鏡頭囉....""睇咩睇! 反屋企! 亂洗錢!"~~>_<~~

喺旺角見到呢間新開嘅蘇杭冰室 jervois cafe總店就係喺港島蘇杭街我呢啲極少去港島嘅新界人真係唔會特登過海去食到咁就試吓佢呢間旺角分店啦..非常多選擇連貴少少嘅牛扒羊扒豬胺都有就豪一豪佢試吓二百幾蚊嘅羊扒先$208 有三塊半加上配菜都幾多揀咗要飯同蒜茸汁..可以揀3成熟 / 5成熟 / 7成熟我叫咗5成熟中間切開就係咁啲薄嘅邊位就變成全熟肉質幾好好彩唔韌有羊味唔覺騷..奶茶好飲嘅面頭有起到塊”衣”咁多數都唔會難飲.

進來此店覓食純粹是被門外的一張海報吸引煲仔飯就食得多煲仔麵都幾有趣不過食完後就覺得只是一試無妨麵食始終係水煮完即食比較好味因為放在煲內好像有點焗得耐麵變得太軟淋而且份量黎講太少了食完好快就肚餓

張枱面太細，一人坐枱，碟都唔夠位放，放埋杯野飲就冇位食野，佢仲要叫多個人搭枱，全程兩個人逼住食，食得勁辛苦又要壓住個人食野，再好食既野都變得唔舒服絕對唔建議一個人黎食

有親戚從國內來港旅遊，我帶佢哋去旺角行街買嘢，經過蘇杭冰室，餐廳地方都好大，裝修以北歐簡約風為主調，中式及西餐一應俱全，門口餐牌寫有煲仔麵，親戚話煲仔飯食得多，想試吓煲仔麵，於是我們便入座食晚餐。炭燒羊扒揀咗我五成熟，羊扒則有足足三大件。 所有肉扒不經特別醃製及不用鬆肉粉。肉扒以明火炭燒，肉香之外更有煙熏香氣。配黑椒汁更惹味，薯條係即炸，香脆可口。扒餐送是日例湯，係忌廉湯，味道creamy,蒜蓉包香口，紅豆冰紅豆軟綿，甜度適中，奶味香甜。奇味雞煲煲仔麵，奇味雞煲特色在於香辣惹味，味道自然醇厚，雞件和豆卜都好入味，雞肉嫩滑，麵條掛上醬汁，非常美味！鹹檸七清涼解渴。蔥花蝦仁叉燒滑蛋雙拼飯：滑蛋同叉燒、蝦仁絕對係完美組合，滑蛋非常嫩滑，叉燒散發香氣，入口鬆軟，同時不失肉質的咬口，蝦仁清爽可口，撒上適量蔥花，更添美味！芒果疏乎厘班戟，疏乎厘厚身鬆化輕盈，配上香甜果，是最佳的飯後甜品！

位於旺角豉油街的「蘇杭冰室」，係一間地道港式茶餐廳。店內環境寬敞，舒適燈光明亮，感覺潔淨衛生。餐牌上嘅選擇好多元化，有焗飯、常餐、西式晚餐、酸菜湯米線、煲仔麵及甜品等等番茄汁海蝦意粉意粉口感軟硬適中，加入車厘茄、番茄汁及海蝦一齊炒，酸酸甜甜好開胃，味道同口感都好豐富蔥花滑蛋三拼飯餐廳招牌蔥花滑蛋，炒至半熟狀態，蛋汁豐盈！配上牛肉及半肥瘦叉燒，材料充足，啖啖肉，與豉油拌勻後佐飯一流！選用珍珠米，粒粒分明，有米香，夠哂飽肚士多啤梨窩夫配忌廉雪糕窩夫一客有兩件，香脆可口，滿有蛋香🥚配上草莓果醬及香滑忌廉雪糕，甜而不膩，大滿足哦熱檸檬茶&熱咖啡

天氣一轉冷就會好想食啲熱辣辣嘅食物，等個人溫暖番🫶🏻 估唔到冰室竟有有煲仔麵！飯就聽得多，但原來麵都一樣唔差🤩✨奇味雞煲煲仔麵 ($68)雞煲味道好香！打開蓋成碗麵都仲係滾，出晒煙，飲一啖湯即刻暖入心🥰 雞肉入味嫰滑，份量唔算多～ 麵質相對比較淋，但勝在條條都吸晒湯味，好掛汁！ 食到最尾啲湯汁都冇得咁上下。不過如果唔食芹菜，記得走咗佢！因為都幾多下🤣✨人氣常餐 ‘五香肉丁出前一丁麵配吉列豬扒’ ($55)常餐正正常，係預期中嘅味道🤣 但吉列豬扒炸得幾香口，皮食落唔介口，肉都唔會好乾！而且炸粉都唔會過厚，味道唔錯😚🍹菠蘿冰 (跟餐+$10)野飲有大半杯冰，本身味道都比較淡，得好輕微嘅菠蘿汁味～ 啲冰融後，味道就更啖。———————————————————————🌼評分：5個🌕為滿分🫧味道：🌕🌕🌕🫧環境：🌕🌕🌕🌕🫧性價：🌕🌕🌕🌕🫧回頭：🌕🌕🌗⏰限時：NA

位於旺角的新式茶餐廳。現時新式的茶餐廳真的癲覆了我們一代對茶餐廳的認知，這類新式茶餐廳不但座位闊落，餐具精緻，環境企理；重要的是仍然保有傳統茶記的價錢實惠及選擇種類多這兩大優點! 難怪新一代對“茶記"毫不抗拒! …•…•…▫…•…•▫▪✨炭烤阿根廷殼鉰肉眼牛扒 ★ $248肉眼牛扒肥瘦適中，切開牛扒後肉質仍然呈淡淡粉紅，火喉控制得宜! 牛扒鮮嫩多汁，表層微微焦香但肉質依然保持嫩滑，入口滿滿油脂香，非常香口惹味! 茶餐廳居然能提供如此優質的牛扒實在非常驚喜!✨京蔥牛肉煲仔麵 ★ $68  煲仔麵指的是以煮煲仔飯的瓦煲，盛著即食麵! 上桌時煲仔已經非常熱呼呼，在冬天進食真的體驗一流! 煲仔麵配上大量京蔥、西芹、芫茜、豆卜及牛肉，材料豐富，非常惹味! 尤其豆卜吸收了湯底的精華，濃郁入味；牛肉份量也不少，而且牛肉嫩而不柴，非常好吃! 真的只有茶餐廳及大排檔才能吃到如此代表香港的地道風味!✨黃金鹹蛋雞翼(4隻) ★ $48黃金雞翼鹹香脆口，味道濃郁，非常惹味! 雞翼金黃起沙，每一口都吃到鹹蛋黃碎，脆而不膩，滋味又邪惡！實在太好吃了! ✨宇治抹茶梳乎厘班戟 ★ $88茶餐廳居然有提供梳乎厘班戟，當

朋友推荐的旺角茶餐厅被安利猪扒包～很有地方美食特色，猪扒肉嫩，烤得恰到好处～只是用刀切着不方便～反正是尝尝味道奶茶是必点项。和内地对比，香港奶茶不加糖，有需要的找服务员单独加。📍位置：临街，很好找，这里一定要用谷歌地图，其他地图（比如某德），位置是漂的，会导航离目击地十万八千里…餐厅整体感觉和内地比较，除了基本没有服务外（水需要自己倒餐巾纸找服务员要是一张一张给的），味道算正宗～住旺角的伙伴，建议到店试试哟

今日同朋友黎到旺角同佢傾到高質既茶餐廳少之又少但佢就帶我黎蘇杭 話我一定要試下餐牌好多選擇，有一般菜式外，亦有西式例如意粉，扒餐可點非常多元化葱花滑蛋雙拼飯滑蛋有齊叉燒同蝦仁，好豐富滑蛋炒到半生熟，岩岩好食落好嫩滑，真正稱得上為滑蛋！麻辣撈麵雞扒配炒蛋公仔麵用麻辣調味食到流哂汗，但好過癮好開胃，中意辣既朋友不能錯過肉眼牛扒完全估唔到茶餐廳既扒都可以有呢個質素！做到5成熟，切開粉紅色仲不斷有肉汁湧出黎食落牛味重，好高質！炸魷魚鬚炸粉好薄，唔會過厚食落外脆內軟食到魷魚既鮮味，好惹味

餐廳：蘇杭冰室 (旺角)地址：旺角豉油街60-104B號鴻都大廈地下9-10號舖1️⃣ 炭烤阿根廷穀飼肉眼牛扒 $248上枱嗰陣已經被牛扒所吸引，真係好大塊，外表更展示出誘惑嘅十字紋，見到已經超想食。我就要左Medium Rare，火候控制得唔錯，肥瘦適中，肉質鮮嫩多汁，牛味濃郁，非常Juicy，入口仲有陣陣好香嘅炭燒味道。跟餐會有薯條同蒜蓉汁，底下仲有幾款蔬菜，份量十足，另跟一碗西湯同多士。👍👍👍2️⃣ 蔥花蝦仁滑蛋飯 $56店內招牌蔥花滑蛋飯，半熟蛋果然夠滑溜，蝦仁份量都唔少，隻隻都新鮮爽脆彈牙，而且加多幾蚊仲可以有雙併或者三併，可以一次過試埋叉燒同牛肉配料。3️⃣ 瑞士汁撈公仔麵配招牌炒蛋．雞髀 $56雞髀大大隻，肉嫩柔軟，又腍又滑，超入味，加上濃郁嘅瑞士汁撈公仔麵，同滑溜溜嘅炒蛋，配搭都幾特別，相當唔錯，夠哂惹味。4️⃣ 鮮果法式焦糖燉蛋 $68 估唔到茶餐廳都有法式焦糖燉蛋食，表面焦糖燒到脆脆，燉蛋蛋香味濃，口感幼滑，微甜不膩，配上香蕉、士多啤梨同藍莓等水果，令味道有所提升，層次更豐富。5️⃣ 菠蘿冰 +$96️⃣ 紅豆冰 +$97️⃣ 凍檸茶 +$3

阿姐逐張枱fill緊櫃桶啲餐具。Fill到埋嚟我嗰張，整跌咗啲牙簽，執起就好順手丟咗落我兜雞翼度。我帶住十億個??????嘅眼光望住佢，佢就笑住話：「你都唔要㗎啦可」。我答佢：「你都丟咗落嚟嘞，我仲點要？」然後佢竟然仲可以當無事，我話咁你就收走佢啦。奇怪，係咪仲要個食客望住條跌過落地嘅牙簽，喺自己份餐上面。

點了個『牛排餐』晚餐，點知變咗『牛筋餐』，成塊牛排得4分1肉，完全咬唔到，成塊橡膠般。餐湯釋到不得了，根本飲唔落。另外塊餐包，仲薄過把刀，有圖為證。凍奶茶，一啖就飲完，淨返成杯冰，究竟有無搞錯！這樣收人101蚊！有無良心？