蘇杭冰室

营业中

休息中

可能係最高質嘅茶餐廳😍｜📍蘇杭冰室♡炭烤紐西蘭肉眼牛扒伴忌廉薯蓉配洋蔥燒♡｜💰$138餐點已經包咗是日餐湯，同埋客人可以選配飯🍚/意粉🍝/薯條🍟）成碟牛扒嘅擺盤都好靚💓牛扒仲有網烤紋路🥹打卡更加靚靚🧏🏻‍♀️牛扒揀咗5成熟切開肉質粉嫩好靚好吸引❤️‍🔥食落一啲都唔柴好嫩唔會有咬唔爛嘅筋位，牛香味濃配埋燒汁味道都好夾❤️‍🔥估唔到呢個價位可以食到呢個水準嘅牛扒🫶🏻配菜方面：薯蓉口感好滑食落忌廉味偏重，個賣相好得意😂我一開頭仲以為係牛油嚟😂蕃茄仔都有4~5粒，每一粒咬落都會爆汁熱辣辣🔥粟米🌽食落香甜✨薯條係薯肉飽滿偏軟身嘅款式，好有薯仔香🫶🏻牛扒上面片菇配埋汁食甜得嚟又爽口💓好食！♡是日餐湯+餐包♡｜💰跟餐奉送今日嘅餐湯係南瓜湯，質感偏濃稠💛飲落南瓜香氣都好濃郁，餐包暖身已經夾咗牛油喺麵包入面口感軟綿，就咁食同浸湯食都唔錯💛♡奇味雞煲煲仔麵♡｜💰$75💓呢個真係超級熱辣辣，店員會攞大碟+防滑墊去盛住煲仔麵同埋會親自幫客人揭蓋，以防客人燙傷🥰相當細心，雞煲入面嘅雞件食落無雪藏味好滑嫩，麵底係公仔麵🤪配埋佢雞煲嘅辣汁又熱又辣食得好過癮😆另外仲有西芹、三色椒、洋蔥同豆卜索埋辣汁一齊食個味道直接昇華咗😆

🥢 今次大大力推介旺角鬧市中一間人情味爆登而且餐單選擇超級多元化而且有新意嘅冰室！裏面所有服務員姐姐都超級好態度，超級好服務！而且好難得喺冰室見到餐牌竟然有甜品好似窩夫同埋梳乎厘班戟，絕對係又平又靚又正！ ⏳ 上菜速度: 🐄🐄🐄🐄🐄 ✨ 蔥花滑蛋三拼飯 $65個滑蛋好出色，三拼配料好足，有蝦仁叉燒滑牛！揾食指數: 🐄🐄🐄🐄 ✨ 奇味雞煲煲仔麵 $75用瓦煲裝上，公仔麵吸曬汁嘅精華，雞件都入味揾食指數: 🐄🐄🐄🐄🐄 ✨ 阿根廷穀飼肉眼牛扒 $248牛扒粉嫩超級多汁，入口慢慢油脂香，幾有水準揾食指數: 🐄🐄🐄🐄 ✨ 蘇杭滿滿水果茶 跟餐+$20茶裏面水果都好鮮甜，調味恰到好處，唔會死甜揾食指數: 🐄🐄🐄🐄🐄 ✨ 班蘭紅豆冰 跟餐+$20班蘭獨特嘅甜味加紅豆，味道好舒服唔會覺得漏揾食指數: 🐄🐄🐄🐄🐄

早前同朋友們一齊去旺角麥花臣睇Show🤓係豉油街揀左呢間種類超多選擇嘅冰室醫肚😜香煎牛柳配蒜蓉汁作為最為食嘅我揀咗呢晚嘅晚餐A😛包咗好軟熟搽咗牛油嘅餐包同忌廉湯😎香煎牛柳成個拳頭咁大😋肉質軟腍，切開仲有好多肉汁！淋上蒜蓉汁一齊食，就係最經典嘅港式茶餐廳味道😍蔥花叉燒滑蛋飯叉燒同蛋嘅份量都超多！叉燒唔乾柴，雞蛋炒得滑溜🤩加上蔥花一齊炒增加獨有嘅香氣😚焗豬扒飯呢個飯好豐富，有芝士、番茄、菠蘿、洋蔥等等炒飯底炒得乾身，蕃茄汁酸酸甜甜夠開胃！主角豬扒肉質細嫩，容易咬開🤓麻辣肉丁出前一丁肉丁唔係罐頭，味道麻麻辣辣幾過癮！好少常餐有得配奶油豬😍唔少得炒蛋同廚師腸啦😌黃金鹹蛋雞翼雞皮炸到脆卜卜，裡面雞肉嫩滑❣️沾滿起哂沙嘅鹹蛋醬汁🤪我同朋友們都覺得邪惡到痹！我仲叫左紅豆冰🤤成大半杯都係紅豆，正呀！蘇杭冰室 (旺角)旺角豉油街60-104B號鴻都大廈地下9-10號舖

一直都比較少食冰室同茶餐廳既我 最近發現左呢間超多元化 性價比極高既 -蘇杭冰室- 🍽️ Menu上嘅菜式種類超多 除咗港式美食小菜 仲有西餐牛扒意粉 米線 煲仔麵 甜品等等😌 所以把心一橫決定試試佢🤪是日晚餐 #香煎西冷牛扒配黑椒汁🥩 $138所有是日晚餐均會配上餐包同餐湯 另外飯 意粉 或薯菜供選擇😌 我地個晚配上既系蕃茄忌廉湯 濃濃的蕃茄味配上忌廉 好creamy但有蕃茄既酸味中和 一啲都吾膩!!😙 西冷牛扒肥瘦適中 表層煎到焦香 而內裡既肉質幾嫰滑 切開仲見到淡淡既粉紅色 冰室可以食到甘嘅牛扒真系好驚喜架🤩 #墨西哥辣肉醬焗飯🥘 $60個焗飯一黎到 哇左一聲!!😯 因為真係好大碟 女仔應該食吾哂😂 飯底既白飯同蛋炒過所以好香 然後淋上有陣陣孜然味既辣肉醬 再加芝士一齊焗 非常濃郁惹味🤤#草蝦蛋凱撒沙律🥗 $80市面上有某啲餐廳未必會選用羅馬生菜 但冰室呢到選用既系新鮮羅馬生菜👍🏻 草蝦肉質結實又夠彈牙 再配上凱撒沙律必備既配料 一啲都吾輸俾西餐廳😆#特濃朱古力梳乎厘班戟🥞 $88班戟口感鬆軟綿密 空氣感十足 而且蛋漿調配得岩岩好😌 班戟點上旁邊既特濃朱古力漿 層次又吾同咗 再配上

是日出去九龍附近做野，咁啱落到旺角，好想食茶記。就去咗呢一間係豉油街附近既蘇杭冰室。為咗減肥，所以變咗個酸辣墨魚卷雞翼米線套餐，連埋凍飲都係港幣$63。米線同煎炸嘅嘢食分開上，呢點小細心好欣賞呢間餐廳嘅用心。 米線配料足，雞翼同墨魚卷，又炸得香脆可口，整體嘢食水準唔錯👍🏻👍🏻另外餐廳為咗提升室內食客光顧觀感，都擺咗好多假嘅綠色植物係餐廳內，對於通常一個人去食野，會睇餐廳內部感覺既我黎講，我係十分欣賞同支持既🙌🏻🙌🏻

呢度係一間可以由晚餐直落到甜品下場既新式茶餐廳🤩每次去完歐洲旅行翻黎最掛住嘅都係香港食物一款茶記港式口味配上一杯港式凍檸茶走甜就係我既all-time favourite 😗翻黎第二日今朝同朋友講我今日想食茶記Deal 唔deal?😂Deal😎一個葵青區約一個母雷公咁遠永遠會選擇自以為中心點嘅旺角🤣=====================位置🏠地鐵站E2出口大概行6分鐘左右位於洗衣街一帶 附近都係美食地帶菜式選擇📜款式種類都算多而且有好多創新嘅元素一間唔甘心做傳統茶記既新式茶記😎除咗有西餐，酸辣米線，常餐，碟頭飯，仲有估你唔到既煲仔麵同疏乎厘pancake窩夫特式小食飲品等等，真係包羅萬有😍😍每次傾開計都忍唔住想搵埋糖水舖直落，呢間茶記真係一次過滿足你幾個願望，食飽飽直落埋第二個胃，出邊天口熱，唔洗轉場又食到好野，fit😎一行二人，我哋叫咗1️⃣怪味雞煲仔麵-呢個醬汁會有少少香辣，不過唔食辣嘅朋友都頂得順，醬汁惹味，公仔麵非常吸汁，食到舔舔脷🙊不過食得辣嘅我，私心覺得如果佢可以再辣啲會更好😎2️⃣蔥花滑蛋三併飯滑蛋做得好出色，而且三併飯你可以一次過要晒蝦仁牛肉同叉燒，飯底用咗珍珠米再加上秘製

熙來攘往嘅鼓油街有一間價錢親民，食物款式多樣嘅冰室。1. All day breakfast $55🔥🔥🔥🔥炸魚柳香脆肉嫩、荷包蛋流心、煙肉片煎得香口之餘，亦唔會乾爭爭，唔會太咸！！2. 黃金咸蛋雞翼$48🔥🔥🔥🔥🔥一份有4件，雞翼size平均，每隻都大大隻，炸到熱辣辣拎上台面，雞翼面上舗滿咸蛋黃醬，毫不吝嗇食材，咸蛋黃香味濃烈，令人食指大動！雞翼皮煎得少脆，如果肉質可以再嫩滑啲就真係perfect 啦！！

附近做完facial 一個人晚餐🥹食茶餐廳就最快靚正見呢間個門口好新淨光猛🤩同埋入面都坐得幾Full應該無死 唔會差得去邊🤔餐牌選擇超級多🧐由基本的小菜/碟頭飯各類雞羊牛煲🐮🐔🐑去到西餐意粉焗飯据扒跟住有個幾創新既煲仔麵🍜甜品連梳乎厘都有!!😯真係估佢唔到可以咁多元化飲品方面有幾杯望個名都幾特別藍莓/草莓燕麥奶茶🥛🫖都係比較少係茶餐廳見到黃金鹹蛋雞翼 $48一上枱已經超級香😍蛋黃醬都多 勁濃 好咸香雞翼炸得岩岩好 外脆內嫩好juicy!! 推介👍🏻蒜片辣椒帶子意粉 $118帶子好大粒 足足有三粒煎到金黃色 有肉汁意粉份量很大方 勁大兜夾雜有菠菜 健康健康～幾粒辣椒🌶️帶出少少辣香+$20 轉特飲班蘭紅豆冰呢個少見 所以想試意外地唔差，顏色幾靚岩打卡淡淡斑蘭味 陣味唔算太人工紅豆煮得腍同夠甜 幾好飲👌🏻整體環境乾淨☺️坐得舒服 冷氣夠大 出餐快🫶🏻店員態度好友善 無催你落單同趕人走一定會再下次幫襯✨

行街街揾嘢食，嘩！ 比我揾到間咩都有得食嘅茶餐廳呀！有all day breakfast、常餐、茶餐、晚餐、焗飯、意粉、扒餐、煲仔麵、滑蛋餐、煲仔餐，仲有waffle同梳乎厘😋真係想食咩都有呀！午餐都好‘’正‘’架 68蚊，香煎肉眼扒配黑椒汁跟意粉份量啱啱好肉眼扒好juicy，意粉好爽口😋😋，飲特蘇杭滿滿水果茶🍹 滿滿嘅水果又香又清甜，而且茶餐廳有咁特式嘅飲品真係好少見💯💯 麻辣肉丁煲仔公仔麵66蚊，飲咖啡紅豆冰，被餐牌照片吸引而order嘅絕對有驚喜嘅公仔麵💯好香又惹味又有少少辣辣地🌶仲要真係勁熱辣辣😁真係好好味呀😋😋d肉丁係自家制勁新鮮又彈牙👍👍仲有好多配料誠意十足直得Encore 💯💯第一次飲咖啡紅豆冰一邊食一邊飲Super yummy勁消暑呀❄️👍👍🍓士多啤梨waffle🧇加Vanille雪糕🍦55蚊，一般茶餐廳邊有咁正又卜卜脆嘅Waffle架😋係咪好有特式呢😎蘇杭冰室地址: 旺角豉油街60-104B號鴻都大廈地下9-10號舖

蘇杭冰室 網址: https://s.openrice.com/QrbS0hVCA00~ujLoTBA地址: 旺角豉油街60-104B號鴻都大廈地下9-10號舖電話: 28855108=====================奇味雞煲公仔面 + 紅豆冰 ($75+9)湯底好濃郁，有啲辣辣地，仲有鮮嫩嘅雞肉同洋蔥。公仔面好彈牙，唔係煮到淋曬。紅豆冰啲紅豆好大粒，令到整杯都好豐富，紅豆味都好香！鐵板海虎大蝦牛柳配黑鬆露野菌燒汁跟意粉 （$138+3）啲蝦好新鮮，肉質又彈牙，唔會太腍或者太柴。黑鬆露野菌燒汁就好香濃，有啲牛肉嘅味道，令到整個鐵板燒都好豐富。再加上牛柳嘅肉質又嫩又多汁。意粉同啲黑鬆露野菌燒汁一齊食都幾夾！

店內環境明亮寬敞, 大部份都係卡位, 座位闊落舒適, 乾淨又衛生, 服務都唔錯👍🏻！餐牌上嘅選擇多元化, 有焗飯、常餐、西餐、煲仔麵及甜品等等𓌈˒˒ 茶餐 - 鮮豬潤湯通粉 呢個常餐超抵食, 會配火腿炒蛋/煎蛋🍳、蒜蓉牛油多士/豬仔包, 仲可以揀雞湯或蕃茄湯。我揀咗蕃茄湯, 個湯底有好濃好鮮甜嘅蕃茄味🍅, 質感濃稠, 裏面仲有少量杞子; 炒蛋炒得好嫩滑, 蛋味香濃。我仲加咗$9轉紅豆冰, 甜度剛好, 一啲都唔稀, 紅豆香甜軟腍🫘𓌈˒˒ 蔥花叉燒滑蛋飯有叉燒、滑蛋、蔥花, 滑蛋好滑溜, 充滿蛋香; 叉燒係半肥瘦, 啖啖肉, 與豉油拌勻後, 下飯一流🍚！𓌈˒˒ 紐西蘭炭烤羊扒平價嘆西餐！以明火炭燒嘅羊扒有3大件, 食落去有煙熏香氣, 無膻味, 肉質軟腍鮮嫩, 有肉汁, 肥膏唔多, 香口惹味😋！伴碟有大蒜頭🧄、翠玉瓜、蘑菇、烤粟米🌽、薯條🍟𓌈˒˒ 大大個菠蘿包, 加埋杯紅豆冰, 好嘆！

上環的蘇杭冰室經常去，原來旺角都有，天氣好熱，入去食個下午茶抖一抖， 侍應安排一個較涼的位置給我，好貼心，餐牌好多 種類，見到隔離枱的遊客揀咗個 梳乎厘，好精美，但我地都係想食d 鹹嘢，如果未飽才點甜品食試一試啦芝士流心西多士切出來滿滿的芝士流出，味道濃郁豬仔包就有d失望，雖然都係脆口，但完全唔熱，似係整定曬叉燒湯意粉叉燒分量好足夠亦夠淋， 蕃茄湯底外表睇落好濃郁，但其實都幾淡！熱咖啡咖啡係成個餐最正，香濃嫩滑 似係即磨咖啡！最後因為食物味道不如理想，所以冇Order甜品，可能因為今日較忙，影響食物質素，希望下次再來會有改善！

今日係旺角睇戲，睇完戲搵左間冰室就坐低食野，呢間餐廳超多食物種類！中西式甜品等等咩都有！。是日晚餐就order左「鐵板海虎大蝦牛柳配黑松露野菌燒汁配薯菜 $138」同「鮮茄紅衫魚客飯 $98」。鐵板海虎大蝦牛柳份量超大份！大蝦🍤真係好大隻！牛柳因為叫左well done 所以唔會有血水，但仍然好淋身好食！鐵板上碟滋滋聲好有鑊氣！。鮮茄紅衫魚客飯 就好大條魚！鮮茄個汁調得好好食，好有屋企既感覺，無咩味精。。小食我地就叫左「黃金咸蛋雞翼 $48」呢個大推！超好食！黃金咸蛋個汁係流沙狀態，一啖雞翼一啖汁，雖然好邪惡但又真係好惹味。。仲有要推介既係呢度既甜品！點會估到甜品咁好食仲賣相咁靚🥰🥰「宇治抹茶梳乎厘班戟 $88」Pancake口感蓬鬆軟綿，富空氣感，加上抺茶醬、抹茶忌廉、茶香濃滑。「士多啤梨窩夫配忌廉雪糕 $55」外層香脆、裡面鬆軟嘅窩夫 ，充滿蛋香味，加上新鮮士多啤梨🍓好creamy好食。。價錢又平又多野擇，有別於一般冰室種類，環境又大間又舒適。下次都會再黎食🥰

裝修靚仔，環境乾淨既港式茶記冰室～❤️鐵板海虎大蝦牛柳配黑松露野菌燒汁 牛柳非常肉質軟淋，肉味濃郁好有驚喜，虎蝦大大隻肉質結實，伴碟有香脆薯條同埋烤蔬菜，賣相吸引，味道又出色，性價比超高!!🧡瑞士汁雞髀撈公仔麵配招牌炒滑蛋 雞髀大大隻好入味，瑞士汁又香又甜，撈公仔麵超正，仲有嫩滑炒滑蛋，好肯定下次再黎要食多次!!💛特濃朱古力梳平厘班戟 又高又厚既梳乎厘Pancake，蛋味香，質地好軟，原味好食，點棒子醬都好食~💚藍莓燕麥奶茶 超多新鮮藍莓，好足料，藍莓香滲出淡淡茶味💙港式濃滑奶茶 地道港式奶茶，茶味香，飲落順滑

無寫過評價但呢間要我出手原本叫咗蔥花叉燒滑蛋飯+凍華田少冰嚟到個飯叉燒肥到冇晒興趣凍華田阿華田溝水 淡而無味頂唔順，叫佢換咗杯最差係個叉燒飯 啲肉真系肥到見吾到肉！真系無下次！無寫過評價但呢間要我出手原本叫咗蔥花叉燒滑蛋飯+凍華田少冰嚟到個飯叉燒肥到冇晒興趣凍華田阿華田溝水 淡而無味頂唔順，叫佢換咗杯最差係個叉燒飯 啲肉真系肥到見吾到肉！真系無下次！無寫過評價但呢間要我出手原本叫咗蔥花叉燒滑蛋飯+凍華田少冰嚟到個飯叉燒肥到冇晒興趣凍華田阿華田溝水 淡而無味頂唔順，叫佢換咗杯最差係個叉燒飯 啲肉真系肥到見吾到肉！真系無下次！