影片
🥘苏妈。苏妈马来西亚茶餐室（荃湾分店）🥢愈开愈多分店既苏妈，都几犀利。最初由深水埗排长龙食唔到，到而家好多区都有佢踪影，甚至进驻大商场，都相信系因为佢好食，先留得低！今日去左荃湾分店食下午茶（午餐）🔸辣死你吗配仁当牛肉 $64 - 佢可以拣鸡肉/鱿鱼，但我想食牛腩牛筋，所以就选择左牛肉☺️其实都唔系第一次食佢标配既浓椰浆饭，绿色得好均匀🤣配鱼干仔，花生，虾片，参巴酱，好惹味！味道不嬲都好！我自己就走青瓜，酱另上，可以唔驶咁油咁辣！牛肉份量同肉质适中，唔会太硬太腍，唯一系炆牛腩一定都会有多啲油，味道就似马来咖哩咁！唔会太辣。🔸热马来拉茶 - 跟餐配热饮，呢度拉茶几吸引，每次都会叫佢或马来白咖啡，香浓马来风味，少甜岩我🤭餐厅下午茶无咩人，好宁静，环境系舒服，姐姐服务员都好好任我坐，食到饱饱！
继续阅读
苏妈愈开愈多，荃湾苏妈地理位置几好，装修特别，充满马来西亚风味，仲有食物好味，地道马来西亚味道，超钟意。每次必食2份椰香咖央多士（$32），多士烤到香脆，加上咖央酱，食完一块又一块。我通常会叫杯冻柠檬薏米水（$32），唔会好甜。仲有必叫嘅招牌砂煲老鼠粉（$92），打开锅盖，有饭生蛋，要立即捞埋d老鼠粉。老鼠粉其实就系类似银针粉，加上肉碎，好香。但粉会痴哂底，刮一刮会食到脆脆地嘅粉。食马来西亚野一定要试试佢个肉骨茶（$98），我地今次叫左棒棒骨肉骨茶。肉骨茶任添嫁，药材味浓，好滋保。而怡保鸡丝汤贵刁（$62）就一般般喇。大家可以试下喇沙，不过就偏辣嫁。好钟意苏妈依间餐厅，十分地道。
继续阅读
远处见到好多人喺餐厅门口等候开门，我都一齐排队入去试下...正宗够地道．有质数嘅马来西亚菜，餐厅装潢仲好有怀旧风味。样样都吸引，好多款式都想食呀...「槟城白咖哩面」亮点系奶白色嘅汤底，好香好清甜加入虾．鸡蛋．猪红．芽菜，鱼蛋超爽口劲多汁，加上参巴酱令汤底味道更出色。「马拉沙嗲串烧」串烧有齐鸡．牛．猪，沾上沙嗲酱，好惹味。「抺茶榴梿糯米糍」马来西亚出名榴梿，抺茶味嘅外皮口感烟靭，里面包著榴梿肉，幼滑好Creamy爱吃榴梿一定不能错过。「恐龙蛋」恐龙蛋系 两个雪糕球+朱古力脆脆球，几款口味选择下次可以试埋黑芝麻．红豆味雪糕。
继续阅读
今次嚟到荃湾大坝街人气食店 @semuasemuahkg 食番个回乡餐😋 两点钟嚟到 唔驶排咗好耐队就可进入✌️食店楼底高 冷气冻 啱晒我😆以绿色主色调 整洁舒服 怀旧 feel~~本来想叫驰名肉骨茶餐但见到隔离枱 有人食紧捞面 好滋味咁转咗軚叫咗个~~#仁当牛肉捞油面牛肉同牛筋炖得入味软腍 最开心食咗唔会黐牙𠮶只😆大大薯仔🥔同样入味软糯👍配埋炸咗嘅香蒜 特制酱料啖啖入口香浓 非常惹味😋#冻吉仔话梅水这个好饮👍 除咗话梅外还有吉仔肉 酸爽醒神~~正
继续阅读
又系帮衬黄店嘅时候啦呢间苏妈苏妈系食马来西亚菜嘅餐厅 同朋友两个人叫咗一个招牌砂锅老鼠粉 份量都几大 上面有满满嘅花生 鱼干仔 肉碎 干蒜等等 最紧要系只生鸡蛋 将所有材料捞匀 啖啖都有馅料
继续阅读