蘇媽.蘇媽馬來西亞茶餐室 (已結業)

🥘蘇媽。蘇媽馬來西亞茶餐室（荃灣分店）🥢愈開愈多分店既蘇媽，都幾犀利。最初由深水埗排長龍食唔到，到而家好多區都有佢蹤影，甚至進駐大商場，都相信係因為佢好食，先留得低！今日去左荃灣分店食下午茶（午餐）🔸辣死你嗎配仁噹牛肉 $64 - 佢可以揀雞肉/魷魚，但我想食牛腩牛筋，所以就選擇左牛肉☺️其實都唔係第一次食佢標配既濃椰漿飯，綠色得好均勻🤣配魚乾仔，花生，蝦片，參巴醬，好惹味！味道不嬲都好！我自己就走青瓜，醬另上，可以唔駛咁油咁辣！牛肉份量同肉質適中，唔會太硬太腍，唯一係炆牛腩一定都會有多啲油，味道就似馬來咖哩咁！唔會太辣。🔸熱馬來拉茶 - 跟餐配熱飲，呢度拉茶幾吸引，每次都會叫佢或馬來白咖啡，香濃馬來風味，少甜岩我🤭餐廳下午茶無咩人，好寧靜，環境係舒服，姐姐服務員都好好任我坐，食到飽飽！

蘇媽愈開愈多，荃灣蘇媽地理位置幾好，裝修特別，充滿馬來西亞風味，仲有食物好味，地道馬來西亞味道，超鐘意。每次必食2份椰香咖央多士（$32），多士烤到香脆，加上咖央醬，食完一塊又一塊。我通常會叫杯凍檸檬薏米水（$32），唔會好甜。仲有必叫嘅招牌砂煲老鼠粉（$92），打開鍋蓋，有飯生蛋，要立即撈埋d老鼠粉。老鼠粉其實就係類似銀針粉，加上肉碎，好香。但粉會痴哂底，刮一刮會食到脆脆地嘅粉。食馬來西亞野一定要試試佢個肉骨茶（$98），我地今次叫左棒棒骨肉骨茶。肉骨茶任添嫁，藥材味濃，好滋保。而怡保雞絲湯貴刁（$62）就一般般喇。大家可以試下喇沙，不過就偏辣嫁。好鐘意蘇媽依間餐廳，十分地道。

遠處見到好多人喺餐廳門口等候開門，我都一齊排隊入去試下...正宗夠地道．有質數嘅馬來西亞菜，餐廳裝潢仲好有懷舊風味。樣樣都吸引，好多款式都想食呀...「檳城白咖哩麵」亮點係奶白色嘅湯底，好香好清甜加入蝦．雞蛋．豬紅．芽菜，魚蛋超爽口勁多汁，加上參巴醬令湯底味道更出色。「馬拉沙嗲串燒」串燒有齊雞．牛．豬，沾上沙嗲醬，好惹味。「抺茶榴槤糯米糍」馬來西亞出名榴槤，抺茶味嘅外皮口感煙靭，裡面包著榴槤肉，幼滑好Creamy愛吃榴槤一定不能錯過。「恐龍蛋」恐龍蛋係 兩個雪糕球+朱古力脆脆球，幾款口味選擇下次可以試埋黑芝麻．紅豆味雪糕。

今次嚟到荃灣大壩街人氣食店 @semuasemuahkg 食番個回鄉餐😋 兩點鐘嚟到 唔駛排咗好耐隊就可進入✌️食店樓底高 冷氣凍 啱曬我😆以綠色主色調 整潔舒服 懷舊 feel~~本來想叫馳名肉骨茶餐但見到隔離枱 有人食緊撈麵 好滋味咁轉咗軚叫咗個~~#仁當牛肉撈油麵牛肉同牛筋燉得入味軟腍 最開心食咗唔會黐牙嗰隻😆大大薯仔🥔同樣入味軟糯👍配埋炸咗嘅香蒜 特製醬料啖啖入口香濃 非常惹味😋#凍吉仔話梅水這個好飲👍 除咗話梅外還有吉仔肉 酸爽醒神~~正

又係幫襯黃店嘅時候啦呢間蘇媽蘇媽係食馬來西亞菜嘅餐廳 同朋友兩個人叫咗一個招牌砂鍋老鼠粉 份量都幾大 上面有滿滿嘅花生 魚乾仔 肉碎 乾蒜等等 最緊要係隻生雞蛋 將所有材料撈勻 啖啖都有餡料

我個人好耐無去大馬。今次去係因為我想食大馬菜式。點咗個檳城白咖哩麵加馬來西亞奶茶熱飲。下單同個職員講明走辣。等咗5分鐘有得食。個麵好彈牙。個魚蛋好爽口。個湯好甜。好重大馬風味。加上杯熱奶茶，好重甘蔗甜味。好正。真係好似返咗大馬。最後還附送$50 coupon。

馬來西亞拉茶 - 有特別嘅茶味，而且有好多好多泡桔仔話梅水 - 比我想像中嘅熱飲，還要大杯好多，飲完之後，有舒暢嘅感覺椰香咖央多士 - 最出名嘅多士，厚厚嘅加央醬，配合埋脆脆嘅多士，口感一流檳城白咖哩米粉 - 唔算好辣，味道唔差，d白魚蛋都好好食，都算夾口彈牙羅惹炸豆卜 - 面頭d花生加上甜甜地辣辣地嘅醬，好夾，d豆卜脆口，撈埋花生同甜辣醬，正！無限飲嘅肉骨茶 - 好好味嘅肉骨茶，都好重藥材味道，好好肉豬腳灣 - 好淋好入味，好好食

蘇媽蘇媽同同事出去食lunch，之前weekend經過蘇媽蘇媽好多人排隊，難得今日早，冇乜人，就入去試下😋兩個人叫咗兩個主食，加一個小食🤣怡寶雞絲湯河因為我唔食辣，冇乜嘢好揀，就叫咗個怡寶雞絲湯河，入面有雞絲，蝦仁，魚片，牙菜，我將河粉轉咗做老鼠粉，老鼠粉同平時我哋喺超市買嘅銀針粉差唔多，幾鮮甜😎馬拉咖哩雞撈麵好香椰子咖哩味，仲有幾嚿薯仔，本身以為細細碗，唔會太飽，點知食落去又真係幾飽🤣椰香架央多士多士搽咗牛油同埋椰子醬，咬落去好鮮甜，仲有啲似榴槤味🤣🤣

第二次食蘇媽蘇媽，間舖頭裝修好特別，食飯就好似去咗轉馬來西亞旅行🧳咁，最愛嘅係佢嘅多醬咖央多士，啲醬多到就瀉晒落嚟咁濟，除左多士，蘇媽嘅其他嘢食同野飲都好出色😋～🍗百吉爹肉骨茶 - 棒棒骨 💰92（7/10）呢度嘅肉骨茶幾好飲🥣，加入左中藥材例如當歸、川芎等去熬煮，藥香味好重，肉骨茶湯頭顏色好重，肉骨茶可以任添，飲完可以叫姐姐再舀，但我飲完2碗已經覺得飽飽地😂，跟住再食肉，個人覺得棒棒骨一般，肉質冇想像中咁嫩滑，咬落去比較粗糙🍜檳城白咖喱米線 💰58（6.5/10）呢度嘅白咖喱味道偏淡，有淡淡的奶香🥛，配菜有芽菜、幾彈牙嘅魚蛋、豬紅、蝦🦐，份量都幾足，但個人認為可以濃味啲，米線都唔太入味，吸收唔到湯底嘅精華🥪椰香咖央多士 💰32（9/10）一塊多士切成四小件，入邊係由椰奶、雞蛋🥚同糖去煮成嘅咖央醬，加入咗斑蘭葉🍃來增加香味，食到有陣陣椰香同埋斑蘭香，雖然甜度有少少過甜，但都好好食🧉椰汁班蘭冰 💰36（9/10）呢個椰汁斑蘭冰睇圖就好想試，個人覺得好好飲，鮮綠色打卡一流，濃濃嘅椰奶香味同輕輕嘅班蘭香超夾，甜度恰當，入邊仲有西米，好似飲緊有斑蘭香嘅椰汁西米露咁，口感好特別好清新～