蘇媽.蘇媽馬來西亞茶餐室

营业中

休息中

說起馬來西亞菜，近年都幾喜歡蘇媽.蘇媽， 人氣旺當然有個人之處。今次到旺角分店， 店內滿滿的懷舊氣息，可用 QR Code📲落單， 方便快捷。午餐🥢 ～ 怡保雞絲湯河粉(滲滲) $62、 高佬麵配雞扒$72、 椰香咖央多士$35、凍馬來西亞拉茶$22。    🔹高佬麵配雞扒🍝 ～ 撈麵夠惹味， 將蛋🍳撈起來一起吃，口感更加昇華，有超大件雞扒、青瓜、花生和魚仔乾， 配合得很好。 🔹怡保雞絲湯河粉(滲滲)🍜 ～ 每次來都吃比較重口味的麵， 今次點一個清湯來嚐一嚐， 我轉了滲滲， 因為喜歡有兩款麵， 湯底清清地又不錯喎， 有大量雞絲， 還有爽甜的蝦，好味。 🔹椰香咖央多士🍞 ～ 咖央多士絕對是必食， 香脆的多士，配上濃濃的咖央， 推介。 🔹凍馬來西亞拉茶🥤 ～ 馬來西亞拉茶甜甜的味道， 配上一件咖央多士， 大滿足呀！ 喜歡吃馬來西亞菜的一定要試下蘇媽.蘇媽， 誠意推介🙌🏻。🏷️溫馨提示～ 整個用餐體驗均屬個人分享意見， 只作參考😊。

3點幾係朗豪睇完戲有d餓，諗起對面就係蘇媽，依個時間食有樣好，就係唔洗排隊✌🏻tea time最岩一定係咖央多加蘇媽拉茶🤤香口脆身既多士夾住厚厚既咖央醬，入口滿滿椰香，仲夾左牛油，非常邪惡但一定忍唔住食哂全部😋另人地話拉茶拉得越長越多次，泡沫越多就越好飲，依杯d泡泡升到咁高，飲落香滑，茶味同奶味都恰到好處😋另外仲叫左杯桔仔話梅水，酸maymay幾爽。另外忍唔住叫左肉骨茶同兩個菜，份量都幾多下。肉骨茶黎到又無理由唔飲肉骨茶，叫個細細既肉骨茶都可以無限添飲真係好抵😝濃郁藥材味重，羅惹炸豆卜脆卜卜好香口好似食緊零食咁😙玻璃魷魚配通菜玻璃魷魚🦑爽口，炸蒜加辣醬令到成個菜變得好惹味😋怡保肥仔芽菜依種芽菜係短肥身，水份好足，咬落去爽脆多汁。結果諗住食個tea唔小心食到飽左😋

上個星期去食咗蘇媽蘇媽既下午茶，覺得又好食又抵食，所以就再同朋友去試咗晚餐！夜晚同樣係抵食，而且沙田店同旺角店嘅裝修都有唔同嘅特色！店員推介左呢兩款新嘅嘢食：高佬麵配雞扒$72係好有馬來西亞特色嘅賣相個面用咗佢哋獨有嘅醬汁煮，有微微嘅辣味，好開胃，雞扒炸完都好吹口，而且大大嚿，份量好夠，女仔未必食得晒😂甲必丹咖喱豬頸肉飯 $78佢嘅豬頸肉去完構想，需要自己切，但因為好林嘅關係，所以好容易切或者咬得開！咖喱汁好入味，撈飯一流！唔算好辣，唔係食開辣都接受到！去馬來西亞餐廳點可以唔叫珈央多士！出色🫶🏼麵包脆，醬同牛油分布麵包每一個角落，一咬就爆漿，滿足！兩個人share就唔怕肥啦！

今日再黎食依間都幾出名既馬來西亞餐廳，旺角依間店都算比較大間，座位之間不會太狹窄，門面亦都整潔。之前食已經食過肉骨茶，因此今次想嘗試馬來西亞另一出名的食物。我地今次食檳城亞參叻沙和怡保雞絲湯貴刁，檳城亞參叻沙我揀左油麵，配料有魚蓉、青瓜絲、生菜絲、洋蔥絲、波蘿。湯底夠濃味，雖然份量較少，但都值得一試。怡保雞絲湯貴刁依個就揀左滲滲，配料有蝦、魚片、雞絲、芽菜等。湯底十分濃厚既雞湯味，油麵加米粉不同既口感，而魚片亦爽口彈牙。仲有必叫既椰香咖央多士，脆口多士、夠香、夠濃的椰子味醬，每次食都一定會叫一份。飲品叫左美綠恐龍，杯上有額外的美綠粉，覺得唔夠濃就攪渾都唔會太甜。

15 𝓝𝓸𝓿𝓮𝓶𝓫𝓮𝓻 2022🙋🏻‍♂️：話說尖沙咀The one 對面有間馬拉茶餐廳🙋🏻‍♀️：咁就去個間啦 呢間餐廳嘅裝修係帶有懷舊嘅風情，好似置身於係70年代嘅感覺，今次揀咗下午茶嘅時間嚟食，$88嘅套餐有麵，小食同埋野飲，喺鬧市來講馬拉菜真係好抵食，而喇沙嘅味道係同我哋平時食嘅開既好唔一樣，都係睇左Menu介紹先知原來分別係咁大。下午茶套餐主食1. 檳城亞參叻沙（米線） 當我以為喇沙味道係我平時食開差唔多嘅時候，就好似佢所講既介紹酸酸辣辣，食落去，完全冇油膩感，對我泥講係好新鮮，而且有加埋蝦膏既香味，不防一試。2. 怡保雞絲湯貴刁（河粉） 清甜雞湯，加埋份量十足既雞肉，不錯耶。小食1. 椰香咖央多士（半份） 多士香脆 椰香味濃2. 檳城香炸滷肉卷 呢種小食係第一次試，皮脆好似春卷皮既口感，加上實實既肉，係幾特別。飲品美綠恐龍 拉茶對於我泥講，好似馬來西亞菜既初體驗咁，有別於一般餐廳既小食，口感同味道都好新奇，值得去一試。

我係蘇媽蘇媽忠實擁躉，因為蘇媽蘇媽食物質素高選擇多、價錢親民無加一、坐位OK唔使等，真心推薦俾每一位朋友！椰香咖咉多士 $35每次必點咖咉多，今次去旺角分店，人比其他分店較多但都一樣keep 到食物質素，咖咉香滑，多士夠脆，幸福的感覺，讚！蒜香青龍菜 $78清清地叫碟青菜，第一次食青龍菜，原來口感幾爽口又有菜味，蒜蓉炒得好香。怡保雞絲湯河 $62湯河有蝦、雞絲、魚片，滿滿的蛋白質，魚片彈牙，選用新鮮雞肉作雞絲，河粉厚實夠滑，湯底鮮甜有雞味恰到好處，健康之選！馬來西亞拉茶 $19第一次飲，實在回味無窮！馬來西亞嘅拉茶類似香港嘅奶茶落煉奶（茶走），但馬拉拉茶嘅茶底唔同啲，有淡淡嘅香草味，甜味亦有點層次，真係要現場飲先至體會到！必點！

♡ 鬧市中嘅不平凡馬拉菜 ～ 蘇媽.蘇媽 ♡-蘇媽蘇媽係近呢幾個月好出名嘅馬拉菜餐廳亦都聽好多朋友食過好好食😋今日初次品嚐，果然如此。店舖以懷舊裝修為主 ，連地板都用上咗懷舊嘅磁石磚，別具特色。亦都見到好多懷舊嘅玩具起玻璃櫃上，不禁想起兒時嘅回憶。- ♡ 海南鴛鴦燒麵包 🥯♡ $45 呢個外型勁似多士其實用咗海南嘅焦糖麵包烘成入面除咗牛油同咖央醬之外，仲有焦糖～ 必食👍-♡ 辣死你嗎配烤雞髀 🍗 ♡ $72 「辣死你嗎 」係馬拉話 「椰漿飯 」嘅諧音初初仲驚好辣添🥲椰漿飯加咗班蘭同椰漿去煮～ 再加埋配菜：蛋、蝦片、乾魚仔、花生等等，平凡中帶上不平凡！ 雞髀勁大隻～ 有成塊面咁大😎外皮香脆可口，雞肉肉質嫩滑多汁。怕辣嘅朋友可以走辣 ～ 想控制返食幾多辣嘅朋友就可以叫個醬另上。-♡ 美祿恐龍 ♡ $38美祿恐龍係以一杯冰鎮嘅美祿配上未溶解嘅美祿粉製成👍十分好飲～-♡ 恐龍蛋 ♡ $38係可以揀兩球雪糕🍦分別有朱古力、雲呢拿、黑芝麻同紅豆🫘而我就揀咗朱古力同雲呢拿雪糕中有美祿粉同美祿波波多重口感～ #❥ 店舖仲有好多打卡位，休閒咁食吓嘢真係幾舒服。#⇢店鋪資料：蘇媽.蘇媽馬來西亞茶餐

嚟旺角行完街，見到原來呢區都有蘇媽嘅分店入嚟坐低High個Tea先接近晚市時段已經全場爆滿。踏入秋冬季，呢度依然有我最愛嘅榴槤今餐就主攻甜品啦呢間店充滿懷舊特式感覺返咗六七十年代✨魚仔醬撈啦啦個名好得意，蜆肉份量多，隻隻飽滿超鮮甜精華在於面層個醬，辣辣地非常惹味，加咗啲魚仔都好正✨抺茶榴槤糯米糍見到每枱嘅隔板都有推介榴槤糯米糍，抺茶嘅外皮，煙煙靭靭嘅口感，包著軟綿綿嘅榴槤蓉，超好味✨似水榴槤榴槤控一定要試埋呢杯<似水榴槤>一啲都唔似水，味道非常濃郁，仲插著孔雀裝飾，應該係嚟呢度先飲得到✨馬來西亞拉茶奶茶飲得多，呢度嘅拉茶能沖出于厚嘅泡沫，除咗賣相加分，奶同茶嘅比例恰好，仲特別幼滑

之前每月都會到訪一次深水埗基隆街的「蘇媽.蘇媽馬來西亞茶餐室」， 自他們開了分店後就轉去了旺角上海街這家分店了。必吃小食「椰香咖央多士」$35.00，即叫即烘，椰香味十足，咖央香甜，多士酥脆，不會太甜太膩，這是我喜歡的味道。平日午市有精選套裝，我點了檳城福建蝦麵 $62.00 可改麵底，選了油麵因可掛湯，還包熱飲，價錢很實惠。「檳城福建蝦麵」有蝦、 豬腩肉、通菜、芽菜、魚片及雞蛋， 配料豐富，蝦夠新鮮，如想再更增添辣度層次，可要求加辣參巴醬另上。另外肉骨茶系列也有午市精選套餐「細一字骨$88.00 配白飯及飲品」，一字骨超大件，肉厚及腍身， 肉骨茶很香濃當歸及多種藥材味，清爽不苦澀，還可無限添飲，正！飲品我個人喜愛「馬來西亞拉茶」，拉茶香滑，面層還拉出厚厚的泡沫，如怕甜也可在落單前要求調校甜度，奶茶控必飲。

蘇媽蘇媽係深水埗個陣就已經有幫襯佢，記得佢鋪仔細細，晚飯時間總要排隊，為既就係佢既肉骨茶同咖央多。時至今日蘇媽已經唔止一間分店，係上海街618有唔少特色商店，蘇媽亦都帶住一陣懷舊味道進駐。百吉爹肉骨茶 $58無限添飲既肉骨茶，由深水埗年代已鍾愛豬腳彎，腍身有肉香，最愛皮位厚而Q彈，脂肪只係薄薄入口完全無肥膩感。椰香咖央多士 $35依然係舊時既好味道，入口咖央醬加牛油香，香甜停不了口😋辣死你嗎配仁噹牛肉 $66Nasi Lemak椰漿飯，有咖哩牛肉，仲有牛根好好味好有彈性，銀魚花生添口感，仲有佢個辣醬好惹味，重點係個飯充滿椰香，粒粒分明，好好食😋桔仔話梅水（凍）酸甜解渴話梅香，爽👍🏻開左幾間分店都仲保持到昔日味道，值得支持👍🏻

呢兩年 馬來西亞 餐飲品牌 蘇媽蘇媽 開咗好多分店，不過我自己最鍾意都係呢間位於旺角嘅分店，一來懷舊裝修好靚好特別，好多打卡位，二來佢嘅懷舊設計，同排幾十年嘅舊唐樓好襯，呢排位於上海街嘅舊唐樓，政府已經做咗活花，除咗有蘇媽之外，仲有好多其他嘅餐廳同零售特色小店，好多年青人响度創業賣嘢，大家有時間都嚟支持吓啦！食物方面係幾重星馬口味嘅，咖央、肉骨茶等等都好正，不過有啲就真係太重星馬口味唔係好啱我食，唔係話唔好食，太正宗唔啱我啫，例如 Otak 等，建議唔食開星馬菜嘅朋友，由肉骨茶同咖央開始。

主打馬來西亞菜既蘇媽，喺我心目中畢好食既馬來西亞菜。裝飾好有南洋茶室的風情，牆上掛滿大字畫🤩🤩辣死你嗎配烤雞脾 「辣死你嗎」是馬拉話椰漿飯的諧音，青綠的椰漿飯加了斑蘭及椰漿去煮，椰漿飯賣相精緻，味道清香，6款配菜包括乾魚仔、花生、參巴醬等。重點係嗰烤雞脾，又大隻，又嫩，又多汁，嗰雞皮係爆脆♥️將所有材料撈埋，就係一個字正呀😍用豬骨肉熬出的湯汁，香味濃郁，豬腳彎有豐富的膠原蛋白質，脂肪含量也比肥肉低♥️ 客人可以免費無限加湯飲，濃濃的肉骨茶以馬拉配方，但肉骨茶沒有濃重藥材味，加廿款藥材煲足兩個多小時👍👍容易入口椰香咖央多士，多士烘得勁酥脆，自己係屋企絕對做唔至架，咖央同牛油份量岩岩好，食完想再食既感覺😛拉茶都一定要飲呀，係地道既味道♥️♥️

人氣特色馬來西亞餐廳，環境裝修極具馬拉feel既地方😋 ✔️百吉爹肉骨茶 - 棒棒骨 $98👍🏻👍🏻 〔真心推介😋〕Bak Kut Teh - Baby Pork Leg👍🏻肉骨茶味道濃郁👍🏻藥材味濃厚👍🏻無限任添✔️✔️✔️棒棒骨必須配撘教學的混合醬料：蒜蓉+辣椒+黑豉油+頭籌👍🏻味道出奇地夾😋😋 味道升華，回味無窮1.先調醬2.飲碗熱湯3.嚐肉骨茶4.再添熱湯（任添）✔️辣死你嗎 - 仁噹牛肉 $66〔推介😋〕Nasi Lemak - Rendang Beef配撘😋參巴醬🌶🌶香脆的魚乾仔，花生，蝦片，青瓜，蛋👍🏻椰漿飯👍🏻牛肉入味，軟淋👍🏻香口，食慾大增👍🏻香辣惹味✔️招牌砂煲老鼠粉 $92〔推介😋〕Claypot Loh See Fun配料有肉碎、魚乾、蝦乾、豬油渣、雞蛋、蔥、乾蒜👍🏻彈牙煙韌，入味👍🏻砂煲上菜，熱辣辣👍🏻香氣惹味

好耐都冇食馬來西亞嘅食物，始終喺香港唔算非常普及。今日約咗之前一齊去馬來西亞旅遊嘅朋友，特登揀間馬拉餐廳敘舊😎😎喺OpenRice見到蘇媽蘇媽喺唔同地區都有分店，睇嚟都幾受港人歡迎。店舖入面環境光鮮整潔，懷舊風格，都幾多打卡位。佢哋餐牌食物選擇都算幾多，基本上好多大路嘅馬來西亞食物都有估唔到竟然連糯米糍都有，依個糯米糍系列超級吸引，我真係未食過大樹菠蘿糯米糍😋😋可惜最後食到太飽，冇叫到，希望下次再遇到啦😛😛檳城白咖喱麵白咖喱湯底甜甜地，正😎配上少少參巴醬，好彩唔會太過辣或者太嗆，同油麵、海鮮、蔬菜都幾夾👍🏼碗麵配菜都幾多，有豆，有蝦，有雞蛋同豬紅等等，以馬拉野黎講，算係幾豐富👍🏼甲必丹咖喱豬頸肉飯店員推介新出嘅咖喱豬頸肉飯，賣相夠晒靚仔，兩大嚿薯仔，真係超吸引！個咖喱汁好惹味，主角豬頸肉非常厚！夠晒爽口，店員果然冇介紹錯👍🏼食馬拉嘢，必食：咖央多士！要趁熱食，非常香脆！甜度適中，唔會太過膩，兩個人分享啱啱好☺️☺️飲品方面，叫咗拉茶真係起晒泡，相信茶同奶已經完美混合，都幾滑，唔算太甜👍🏼整體嚟講食物同服務都唔錯，今次冇叫到肉骨茶，下次再嚟過先😋

蘇媽.蘇媽馬來西亞茶餐室 (旺角).大雜錦百吉爹肉骨茶- 平日係好少會飲，因為嗰股藥材味唔係人人接受到。但今次呢個有當歸味，入口後微甘，未上煲前仲有一人飲一碗無限refill，唔錯！.檳城福建蝦麵改滲滲- 我每次到來都必食呢個，有蝦，魚片頭等，算濃味.檳城白咖哩麵- 白雪雪咁重椰香，另有豬紅，白魚蛋等配料。白魚蛋非常有味！.海南鴛鴦燒麵包- 之前都係試咖央比較多，今次呢個好似燒燶麵包咁，入面夾牛油，斑斕醬.蒜香青龍菜- 少有馬來獨有菜，入口爽，無渣.蘇媽.蘇媽馬來西亞茶餐室 (旺角)旺角上海街618號地下G01號舖