藝廊咖啡室

营业中

休息中

因為朋友有free coupon所以就係度食左個dinner buffet喇熟食ok la~款式來來去去都係果幾樣~中,西,日,印度既食品都有~~我食buffet一向都是target甜品的但呢間酒店既甜品令我好失望我未試過食buffet食咁少甜品的d甜品個樣係幾靚ge~以為幾好食點知...比佢扼左...完全.唔知係d咩味道奇奇怪怪咁...唉~~~下次要錢真係唔會去呢間呀~

諗住有優惠卷加上之前聽過評語都不是太差，所以叫埋屋企人山長水遠到機場吃自助餐。唉！點知真的......是令人極度失望！！我們一行人八時到達，門口帶位已經態度欠奉，不知是否因我們是香港人呢？？但請不要忘記妳自己都係囉！！還有請敬業樂業！！出去睇睇有咩食，除了有些所謂魚生外，根本就係同去旅行時，食團體自助餐的款式，現在收費正價卻是要$328的喔....而且魚生除了三文魚較為好外，其餘皆不新鮮，而且壽司亦被人揀到所餘無幾，又一直都沒有加添。另一個名唯什麼健怡咖哩及中式名點，咖哩雞完全沒增添不突止仲要係凍的，而另外的中式名菜更利害，沒有任何東西在碟上囉！！！燒味部的白切雞由我到至走都係碟上約六至八件...厲害厲害！！蒸魚我去到時只得條骨，九點左右我問經理是否不會再出，他說去廚房睇睇，不久真的有喇....但變了蒸豆腐。厲害厲害！！想知唔通成晚只係蒸一條魚咁大把？？？想食蠔就請萬勿去呢間，因係冇的.......可能見識少，真的未試過咁價錢的dinner bufffet會冇蠔！！想食碗熱湯粉麵？也令你失望了.......最令人費解的是，為什麼連生果也好像很缺貨般，什麼也沒得吃，想食件水果吧，也為難！

原價 三佰幾, 如用信用咭可以 $2佰幾. 以折後的價錢來計, 食品就可以接受. 而且貪這裡環境舒服, 人又不會太多. 食品方面現在做緊個主題自助餐, 每位都送上鴨干一客, 但就做得好差, 切得薄但煎得太燶, 入口唔化而是又實又硬其他的食品一般, 有我喜愛的芝士 (共有三款) 都算足夠雪糕的種類不多, 只有MANGO / 朱古力 / 雲呢嗱西湯是蕃茄湯 : 好似飲蕃茄汁咁魚生就可以, 新鮮. 個甜蛋做得好好味.總括來說都是環境優勝.

星期五, 老細係富豪酒店會員, 叫晒成個校務處的同工晚上去呢度自助餐.首先一開始就食魚生, 小弟只係食左三文魚刺身, 好肥美, 鮮味, 而且一點也不苦, 之後有個同事一次過拎左十幾塊, 就知真係好好味.之後食過燒牛肉(三成熟), 和牛牛肉(全熟), 炸薯仔, 冇乜特別.正如前人提及, 甜品係呢度的賣點, 佢D蛋糕又真係好好味, 最差係果杯Cocktail, 呈啫喱狀, 而個人推介朱古力焗布甸, 甜度適中, 熱辣辣.埋單每人連加一$200, 不過就算正價都抵.

因為爸爸起附近返工所以星期六就全家黎左同爸爸一齊食LUNCH *好似話機場員工有DISCOUNT因為咁啱藝廊咖啡室有人包左場…所以自助餐就變左要起紅軒食~不過紅軒既環境都一樣不錯一去到就覺得SERVICE很不錯啦..有人好熱情同我地打招呼~「請問有冇BOOK位」跟住就係帶我圩去位度…同我地講慢用..酒店既SERVICE的確不錯嘛都幾多野食揀~有日式、中式、西式、印度………D龍蝦呀青口呀都好新鮮..好味其實都真係幾多野食揀…不過爸爸話平時如果唔係包場…起啱藝廊咖啡室個邊食既話會有更多野食揀…不過始終最最最吸引我既係呢度既甜品一黎好多款式揀啦，二黎係玀親都覺得好好食！！有PANCAKE、雪糕,、布甸、慕士、木糠布甸……等等總之數得出既，呢度都應該有得食其實已經食得好飽，不過Ｄ甜品真係太好食～食左好多…因為試哂全部都覺得不錯哈哈呢度可以考慮做埋DESSERT BUFFET XD

啤龜二人深怕食蒲飛不值看看餐廳的 A la carte menu即被'公司三文治'吸引著我們二人點了：海撤沙律：　零碎煙肉與麵包糠，沙律汁份量適中海鮮喇沙：　啤說喇沙是不應配那麵質的，喇沙味道不夠濃厚，海鮮卻是不錯，有青口，蝦，魚富豪超級三文治：好ｃｌａｓｓｉｃ的三文治，份量大，啤非常欣賞內裡的煙肉．薯條一流，熱辣辣，脆卜卜，令人回味白汁煙肉意粉：味道普通服務員態度良好，有機會會再來

慶祝母親生日，住在東涌想近近哋食自助餐，要實惠的可以去諾富特東薈城酒店；而確保好質素但較昂貴的，可以去富豪酒店的藝廊餐廳。自助餐以海鮮作主題。有澳洲小龍蝦、青口、扇貝、長腳蟹、大蝦、蠔，以不同的煮法的海鮮(燒烤、湯煮、椒鹽、海鮮pie、煎、蒸魚....)，水準OK。肉類熱葷被忽略了，菜式不吸引.... 檸檬鴨、香草羊。刺身... 吞拿魚味道不新鮮，幾年前也有同樣問題。壽司款色多。沙律吧...我喜歡牛油果蟹柳沙律，太喜歡牛油果了；還有我喜歡吃的橄欖。建議加入多些款式的沙律。甜品...很不錯，製作水準高和認真。加入了幾款以生果為主的甜品，不嗜蛋糕者的最佳選擇；還有泰式甜品，以椰青糕最好味。我阿媽最愛海帶綠豆沙，我也欣賞焗蘋果批(以小碗盛著的)。玩特色的有薰衣草布甸，但不是個個接受薰衣草的味道。Cheese cake 不錯。還有大人小朋友都喜歡的chocolate fountain。不可缺少的雪糕bar，可隨個人口味加入topping，sauce。各式生果。綜觀：甜品、前菜較強，海鮮熱葷OK。發現人手不夠，很久才有人收拾餐具。雖然以海鮮為主題，但嫌忽略了肉類菜式，不是個個愛吃海鮮。

酒店住房package包自助晚餐，心想機場的酒店自助餐也不會好食到哪裡去，誰知完全不差!餐廳好大，坐位安排不會太迫。食物選擇很多，而且味道也不錯。負責刺身的師傅會給份量不小的刺身，而且三文魚及金槍魚也很美味，不是普通的貨色。只食熱食已經夠飽，無緣嘗試甜品、雪糕。不過太太說甜品選擇較少，喜歡嘗甜的人會有少少失望。我曾經到過尖東的富豪酒店食自助餐，機場的富豪酒店的確好很多，難怪尖東的店一個笑臉也沒有。

本想去Novotel的，但即日訂不到位，六點半想walk in，小姐話要到七點三先知有冇位，因此才轉戰這間位於機場富豪的餐廳，來之前問過用恆生信用咭有六八折，每位連加一共銀$220剌身即叫即切，廚師一d 都唔「孤寒」，切得幾厚吓。第二次去取還取得極肥三文魚，yummy食物大路，好味。廚師成日走出黎添，一見到食到一半就會拿入去填滿先拿出來，唔會被你見到爛熔熔的樣。雖然refill 無新款食物，但甜品則有更新。款式又多，有疏乎厘、芝士蛋糕、咖啡味蛋糕、焗布甸…唯獨是咖啡有改進空間。侍應幾勤力，一見你食完會立刻收碟。很滿意，會再去﹗

星期日朝早,同老公嚟依度食BUFFET早餐,門口個侍應都唔知點做嘢,都唔係跟次序俾位>___<算…, 入到去, 嘩!睇見勁多人, 心唸"那那聲"食完走人, 跟住睇吓有D乜嘢食, 全部都係普通嘢, 又唔係多嘢食, 跟住同老公求奇食D嘢就算, 最好最好食嘅嘢就係丹麥酥,不過佢地果D係買番嚟, 唔係自己整, 因我食得出係我平時食開果間LA ROSE買架, 所以我知道…仲要唔平每人HK$168.00加一, 如果唔係酒店包埋真係唔鬼嚟

2007年5月27日。晚上到Regal Airport藝廊咖啡室慶祝奶奶生日，食buffet。一向都對富豪沒有好感。食親都無乜好結果：以前試過Regal HK的意菜（麻麻）、buffet（唔得）、中菜（更差）。帶著這樣的心情到機場富豪，當晚應該是龍蝦主題吧。（地點是主人家選的，所以不太清楚）每一位送一份牛柳和半客焗龍蝦。牛柳鹹到死。成晚行4轉o度已經覺得無乜好食：1．生豪有D腥，只吃了一隻2．另一半是蟹迷，但咖喱蟹吃了兩口已停口，很倒楣。3．個龍蝦焗飯賣相差，味道還可以，其他熱盆真的揀唔到乜濟。4．我的至愛bread & butter pudding又唔係好得。。。5．另一至愛紅豆沙更差。。。6．雪糕是pappagallo，好少少啦。服務1個chocolate fountain 旁放水果D冰滿瀉，我跟counter裏面的廚說“水滿瀉了”，他淡淡說了一句“係呀~”，然後眼光光看著從另一邊走過來的職員。。。服務2另一半餐茶叫cappuccino，女waitress說無，改叫了凍檸檬茶，終於竟然連影都無，不了了知，嚇！半價？。。。算把啦。。。

3月30日book 左食這間buffet , 其實係五月母親節都食過...當時感覺麻麻地, 可能係節日..人多食物唔出色!今次好了好多, 居然有長腳蟹和意大利煙肉...洒烹大蝦/蜆, 咖哩炒蟹(勁辣) , 士多啤梨朱古力山,波士頓龍蝦仔等...其餘都係一般buffet有的食物熱檸荼/檸水/奶荼/coffee 自沖自飲(再包一杯飲料)環境就一般, (意思係唔浪漫)dinner buffet 時間18:00-22:00成人$298 小童$198 * 惠顧後送一張優惠卷,一個月內再次惠顧即有6折優惠 加一(以原價計算)

一大清早落樓食早餐,見到好多飛機師同空姐,但點解d機師一d都唔養眼既?? 行左個轉無乜好食咁,係咁夷要左:燒賣唔好食,未至於係叮叮質素,但真係唔好食;咖喱角香香脆脆點會難食??煙肉、豬肉腸、煙肉腸都係一般味道,不過阿廚師某d煙肉炸到乾晒就唔應該拎出黎比客lu;炒蛋而家差左好多,第一次係呢度食既炒蛋真係無得頂,而家可能怕有菌,好熟囉;加左pat 茅屋芝士自製總匯三文治。再行多round都唔覺有什麼想食,見到有黑醋同橄欖油!!即時夾d沙律菜先!!菜好新鮮爽脆,呢度d黑醋幾好味,唔會太酸,但又無alpha個種甜味,收貨!!!煙三文魚唔腥喎,加埋好好味。自助果汁:本來諗住飲西柚+橙汁,點知頭腦唔清醒,整左菠蘿+橙汁,好甜lu。咖啡:只有壺裝咖啡,都好啦!!點知好難飲囉!!唔知係咪已經被即磨咖啡寵慣左,呢d已經唔想再飲喇。反而每檯比客人拌咖啡、茶既鮮奶好香濃,成壺比我飲晒。咖啡bar縮埋一角,應該好多客人都唔知有咖啡/茶,黃金海岸都會有位姐姐拎住2壺茶/啡問客人要唔要,呢度真係要自助;另外呢度d侍應無乜笑容,見到客人入座唔會打招呼/離座又唔會講byebye/多謝晒呢d,同酒店其他餐廳有好大分別。

last week想去迪欣湖玩~而boy friend又有呢間既coupon(lunch buffet買一送一)於是就黎左食其實唔算太多野食~朱古力噴泉d生果冇strawberries~都幾失望d sushi又唔好食生蠔我又唔好~so係咁食甜品好在有papagallo ice cream~~不過d味好普通咋~~食物麻麻~~但service都唔錯wor~d waiters幾nice~~不過正價$178/head我就唔會黎食啦~~haha~~

上星期六細妹生日,專登搭車嚟食,因為有coupons,每人都係$188加一,今次主題係地中海美食&火焰雪山,估唔到嗰晚勁多人,地中海美食有長腳蟹,炸蟹,煎蝦,煎三文魚&熟青口等等,不過要排隊攞,每次都俾各一隻,勁孤寒,時大隻時細隻,有啲根本細到得個殼,完全無肉!而火焰雪山主要係啲mousse包住雪糕,再係外層快速噴上火,味道麻麻,除咗這些,當然都有生蠔,三文魚&八爪魚,啲牛扒幾好味,其他熱盤不太吸引我,北菇蒸雞,牛油烤雞,薯仔,豬腳薑,雜菜,pizza,咖喱牛等甜品都ok,除蛋糕外,有Pappagallo雪糕六款味揀,有朱古力噴泉,生果有西瓜,蜜瓜& 菠蘿粒& 紅豆沙,飲品可自己酙,但得奶茶檸茶檸水,無果汁,如果特價就食得過,正價就唔係幾抵喇!