藝廊咖啡室

营业中

休息中

情人節果日,男朋友訂左位,可由6pm食到10pm,坐左10mins,waiter 送上2客煎鵝肝,好味^^ d三文魚生同tina魚生好食唔掂> <,生蠔ok幾衛生,西菜就幾好味,糖水只得綠豆沙,湯同魚翅都普通貨色mama地,甜品choice幾多,d蛋糕好香濃好正! 果度有即煎"班cake",幾有特色~ 不過間野人手唔夠,d碟食完成20mins都無人黎收... 果日7.30一檯有一枝玫瑰花派!環境都幾舒服***該晚buffet一位要成$600- (包機鐵來回)

六月頭食左個Lunch Buffet, 去時抱有期望, 走時只得失望.去到門口, 因為仲係非典後期, 有酒精消毒, 都幾好啦, 裝修同清潔都幾好. 話晒都係機場酒店, 咁應該質素有返咁上下啦. OK, 坐低飲左啖水就開始出去拎野食啦.我習慣就食冷盤先既, 出到去見到有生蠔, 凍蝦, 青口之類, 跟住搵下三文魚刺身去左邊, 搵左一輪, 終於比我證實左係冇既, 頂....算我個friend食第2round就食蛋糕, 佢一放入口, 我淨係聽到一聲慘叫"好難食呀!!".....好唔好食見人見志, 好...又唔同你計..到我出去第2round, 另一個friend就好鍾意食生蠔, 佢同我講話千祈唔好食生蠔, 我問佢點解佢話d生蠔唔干淨, 好多沙, 我試過一隻咁大把, 的確"索索"聲, 唔敢再試啦.其他野冇咩特別, 都係一d普通野, 唔係話特別好食. ok, 到食生果啦, 西瓜同蜜瓜都好淡唔甜, 好似係仲未熟果隻添. 糖水都係紅豆沙之類既普通野, 係熱既, 算.....我有friend拎到Tiramisu返黎, 不過聽佢地講都係唔好食, 好似話冇Tiramisu既味道, 冇芝士味...我冇食過..

甜品真是不錯，尤其cheese cake 很有水準，食多件已返本！生豪、三文魚等都幾生鮮架......可惜熱盤的選擇真的不多，也沒有太大特色！

因為半價關係香港同九龍兩間富豪都full o左，可能因為遠關係只得機場這間仲有位，不過去到都好多人，都有八九成滿。諗住半價都唔方多野食，點知款式同份量同正價一樣，沙律、熱盤同甜品都好多種類，沒有因為平o左而將貨就價，就算8點幾d食物都不停咁出，尤其是甜品，我估都有出o左十幾款不同的cake，而且d cake都好好味，齋食甜品都回本。

酒店package, 包晚餐同早餐. 先講晚餐, 食物款式頗多, 而且不斷供應. Cold cut 好正, 又好多款式, 而且有Ｄ比較小食到, 有Ｄ幾特別嫁. 反而熱盤就冇乜驚喜, 牛肉同龍蝦都好普通. 但都有某Ｄ食物吾錯. 炸薯仔, 西式炒飯, 香茅豬扒同乾燒伊麵都幾好.甜品比較吾掂, 雖然有好多吾同的蛋糕, 但冇個好食. 所以都係食又甜又大件的生果好Ｄ.至於早餐就普通拉, 食物種類都好多, 中式西式乜都有. 熱辣辣Pancake 就最好味.整體黎講都吾錯. 而且package 包埋, 我就覺得幾抵！！

上星我去機場麗豪住左兩晚，就在這餐廳食足早午晚三餐，其實都幾好呀！?食物種類其實幾多，不過就幾雜下，中西意日冷熱樣樣有，但同一種類卻唔多，尤其熱盆唔係咁多選擇，因此如果你特別喜歡某類食品的話，可能就會覺得?冇野食。幸好我卻是什麼都食，而且對熱盆唔係咁熱愛，就覺得好ok。我特別喜歡佢d芝士蛋糕同中式湯，真係好好味！我在同一間餐廳食晒三餐，因此可以俾個貼士各位：自助午餐最抵食。其實午餐同晚餐食d野幾乎一樣，但午餐卻平一大截！所以食親都一定要食午餐。

食物凍冰冰、選擇少，點心又比D公仔點心人食..唯一最好味都係個焗三文魚柳,係我食過o既熟三文魚最滑之一！整體o黎講$150個breadfast buffet 就絕對唔值！！

生蠔新鮮, 但魚生質素吾穩定. 甜品好食特別意大利蛋糕, 但手快有手慢冇. 食品種類吾多.