薔紅

营业中

休息中

薔紅一直都係灣仔隱世高質茶記👍🏻😋好多野食餐錢平仲要坐得舒服！而且地方大，唔係好洗等位基本上每次嚟一係嗌燒春雞($62)，一係就豬扒包餐($44)😘今日食左燒春雞，大大隻用手撕好開心！皮脆肉嫩，外皮已經有味所以齋食亦已經好夠味，但點一點佢比嘅甜酸醬亦更惹味😆 而且連雞胸位都咬到唔鞋口，好難得！不過跟飯會有d單調，跟意粉會好好多，始終佢會有比意粉醬你，而且唔hea底！佢所有套餐都唔跟野飲，唯一不足嘅地步:-(

薔紅我經常嗌嗌下就叫佢玫瑰餐廳，因為全間餐廳既牆紙都係大紅玫瑰。薔紅十分旺場，中午食飯等十幾位係好正常，不過由於地方大又有澳牛光速上餐既速度，轉流快，位就唔驚冇。餐牌真係咩都有，中式蒸飯到法包都有。不過識食一定係食佢既鐵板餐 或者燒春雞。鐵板餐一大塊雞/牛/豬扒上菜，肉夠份量又夠嫩口，食落啖啖肉又唔會難食，附近真係得佢獨家供應燒春雞又係一個招牌，佢既做法係中式乳鴿做法，皮係脆皮，佐醬係甜酸醬同華鹽一上就半隻春雞，有翼有脾有雞胸，各個部位都食到，煮得夠腍身，雞又多油份，配一碗白飯就岩哂。真係食過番尋味餐廳有手套提供，食呢d真係落手撕，大啖咬先最滋味。

係灣仔返工既好處就係有好多餐廳~ lunch唔怕冇啖好食~今日同事帶我去呢間茶記食燒春雞! 食晏時間見門口有好多人等緊位, 不過2個人搭枱就唔洗等即刻入得!叫左個燒春雞跟薯仔沙律, 上得好快!隻雞燒到層皮脆卜卜! 裡面好Juicy~ 🤤雞脾好滑~ 正!! 不過其他位置就唔是太嫩滑🙈仲有准鹽同泰式辣醬點黎食! 而格離兜薯仔沙律都幾大碗, 味道正常~PS: 即使有膠手套都係食到成手油的~~ 不過有濕紙巾抹手另外飲品要另外加錢~ 熱飲加$5

呢度嘅燒雞同鐵板出名又平又大份，平時d同事都會嚟食下中午咁。而我就比較鐘意佢豬扒包配肉醬意粉set($44). 意粉份量偏細，但係落左茄汁炒過，上面肉醬好多，仲有d粟米係面，食落甜甜地！而豬扒包就更正，包有手掌咁大，雖然豬扒比較細塊，但夠淋同惹味，而佢入面有一d番茄，生菜絲同洋蔥，等個包食落冇咁幹身。佢唯一唔好係所有set都唔包野飲，要加5到7蚊先可以。朋友仔會嗌佢d午市套餐，但望落麻麻地，焗飯味道怪，有d霉

出開灣仔想食個快晚餐， Rose一定係你嘅 first choice, 佢地真係出名快， 係2樓嘅薔紅， 地方舊就舊 d, 但都算乾淨是日特價晚餐我地叫咗 吉列豬扒雞扒腸子花鐵板跟薯仔 $46 另外加$7 要個凍檸茶， 大大件吉列豬扒， 雞扒都唔細㗎， 汁係分開上， 想幾多就自己落， 我地反而會鐘意。 薯條好脆， 唔算係好食， 但一定會飽肚。另外叫咗忌廉煙肉汁焗鴛鴦扒飯 $43, 鴛鴦扒係豬扒同雞扒， 濃濃嘅芝士忌廉汁， 豬扒就有 d 靭 , 雞扒都還可以咁嘅價錢差唔多啦

Heard about this restaurant for quite a long time but still not have a chance to try. Finally my sister bring me to there today!We arrive there at 1pm and no need to queue which is quite nice as Wanchai always need to queue during lunch time.We decide to have a pork chop bun+spaghetti($44) and spring chicken($61). Pork chop bun is very yummy and a little bit sweet. The spaghetti has some corn on it which is quite sweet as well. The best would be the chicken! Size is huge and delicious. 

呢間餐廳既野其實係好食既，燒雞大大份啦，港式碟頭飯係好味又多變化，日日食都唔悶既雖一美中不足係唔包野飲，飲熱野都要加錢不過呢篇食評係for 肉醬意only，唔代表我唔鐘意呢間餐廳，我絕對係會繼續食既如果大家未食過呢間餐廳可能會覺得有個咖哩角有d 怪，但其實呢樣野係呢間餐廳既特色黎，你食咩都會放個咖哩角呀春卷呀係度因為我好鐘意食呢d 小食，所以就算食碟頭飯明明唔match 既，我都會咁而加呢間餐廳分可惜我想食既只係個咖哩角，個意粉係想原個退返俾佢點解肉醬意會有三色豆架！！！好討厭青豆同埋粟米！！！！同肉醬意根本就唔match ！！撇除討厭三色豆呢d 個人喜好唔講， 個意粉都係唔好食既！其實睇相都睇到，點解d 肉醬睇唔到有肉既？？？？根本上呢個肉醬意粉只係一pat 醬，而且個味係唔好味既！！個醬得個酸字同埋好假既蕃茄味個肉醬意係有落芝士去焗，但係都係no good 既因為焗得太乾啦！無拉絲效果之餘仲好硬總之真係好唔好食。

上星期一，我和同事到餐廳食中午，同事推介脆皮燒雞，有半隻燒雞配沙律或者其他，我配了薯菜，同事說幾抵食，我即管試下，試過味道不錯，只是抵食程度則一般，因為只得半隻燒雞，而且凍熱飲還要額外加錢。脆皮燒雞肉質厚身多汁，外層很脆，只是多吃有點膩，幸好有酸辣醬，酸酸辣辣頗醒胃，薯菜是新鮮炸起，味道可以。這兒的午餐會奉送一件咖哩角，咖哩角味道香而不辣，而且是素的，感覺油膩中帶點清新，雖然感到有點膩，可能中午很肚餓，我竟然吃畢半隻燒雞，薯菜和咖哩角。我點了凍檸茶，凍檸茶甜度適中，這餐食得很飽很滿足。

又食去左飯堂，嘆番個TEA，雞脾薯條哩個組合簡直係下午茶界的XO！雞脾薯條哩個組合有好多種，不過唔係間間茶記既都岩自己同大家食，等我食多幾間，介紹下畀多啲選擇大家，一齊分享食野既樂趣。 薔紅下午茶雞脾薯條，唔係炸雞脾，而係油脾，係豉油果隻，幾好樣咁啵！雞肉滑，豉油味濃，夠汁又夠味﹐好食，但唔係好多肉 ，唔係好夠飽，不過咁，話明下午茶，都係份量少既，＄3X，成件事又正常番呀！粗曲薯條茶記之選，粗野正又熱，口感滿足。熱奶茶幾好既。 食野既﹐唔洗咁複雜，簡單又好味。

口痕想食燒春雞又心思思，就去左薔紅食佢既招牌燒春雞；一黎到，個皮真系好熱🔥不過真系幾油，真系架吾中一次就夠。塊皮脆脆地系抵讚👍🏼建議大家用刀叉切開皮先，一切開左個皮，系見到出曬煙 超新鮮熱辣辣！雞肉食落都還好，但不算太嫩滑，有啲'鞋'。對食肉獸黎講就吾錯，啖啖肉系幾有滿足感。食戈陣仲可以點甜酸醬增加食慾 淮鹽亦令嗜鹹既foodie多添1份吸引呢。P.s 1 可配飯/ 意粉/ 薯菜P.s 2 有埋手套同埋濕紙巾 相當貼心☺️☺️

食左三個公司三文治 味道正常份量都算大份另外呢間豬手值得推薦 好多扒房都無佢咁好食不過呢食過兩次都係送外賣，外賣仔話幾錢就幾錢，每次都收多幾十蚊另外有一次就話要比的士錢

午餐必點燒雞！ 套餐價65蚊 加五蚊一共70蚊有飲品！ 中午十二點半到餐廳需要排隊， 但餐廳座位比較多不用等太久！ 大部分人都點燒雞。外皮燒得脆內裏 嫩滑可配 薯條或配薯菜，飯，意粉 ....如果 晚一點去到餐廳需要等位. 大排長籠， 但還是值得一試

呢間食燒春雞好正, 雖然麻煩D , 有手套都OK; 扒都好OK, 唔貴, 50 幾有交易; 普通飯餐推介咖哩汁牛腩, 又係一絕; 再說燒味都合格唔差。總括而言, o岩曬大眾口味。24小時時段, OT 到零晨, 唔食自修室拉麵就一定簡呢間!! LUNCH 12:45 前結帳有85折, 抵食!

小弟第一次你這間茶餐廳因為要等朋友嘅關係我先去攞位入到去就座無虛席全場爆滿首先我想講下佢哋嘅服務質素如果有六粒星我都想比足六粒星因為我等個朋友都等左起碼半個鐘但都無人來催我落單但最後我仲要係叫咗啲嘢食個朋友都仲未到好多嘅夥計哥哥姐姐話不如一陣先攞出黎俾你地食啦費事凍啊啲餸嗰一刻都幾感動因為通常多人去嘅茶餐廳佢梗係想你快啲走啦真係服務一流！豆豉排骨好入味好似返咗屋企食咁鹹魚蒸肉餅雖然唔多肥肉係入邊所以啲肉好似鬆左d蔥爆牛肉多肉味道啱啱好三個餸梗係要配白飯啦

是日晚餐男朋友想去薔紅食個雜扒，咁就同左佢去食薔紅喇。男朋友就當然係叫左雜扒，配左薯菜。個雜扒有半塊雞扒、半塊豬扒、一條腸仔、一塊火腿，再加少少雜菜。雖然話就話半塊，不過望落都好多。男朋友就話味道正正常常，不過勝左好平好抵食。然後我揀左好耐之後就揀左呢個雞扒配飯。黎既時候熱辣辣，加左汁之後不停咁彈油。塊雞扒好大塊，大塊到我食唔哂。最正係蒜蓉汁配飯，好好味。雞扒有少少雪味，唔算好嚴重，可以接受。我好鐘意食個蕃茄。飯就比薯條好食，因為薯條有少少硬。我都覺得呢個價錢呢個份量呢個質素好抵食。