薔紅

营业中

休息中

成日聽到男朋友講灣仔有間茶餐廳燒春雞超好味🤩 今日帶我去食，果然真係名不虛傳!!!!!! 😋😋 灣仔電車站一落，薔紅茶餐廳。半隻$68 燒春雞餐，可以配飯/茄汁意粉/ 薯仔沙律 ，加$5 可以配埋中湯/ 西湯。講返隻燒雞，有俾埋膠手套俾你用手撕嚟食，咁樣有風味啲😂😂 而且雞肉烤得好嫩好滑，火候控制得啱啱好；另配上淮鹽同甜酸醬唔同配搭，我覺得配淮鹽最好味!!! 真係超級推介呀🤩🤩下次會再去食👍🏻👍🏻👍🏻👍🏻👍🏻

喺灣仔返工嘅朋友仔一定都會知道依間薔紅，佢哋最出名嘅就係燒春雞，即叫即燒，如果未食過嘅一定要試下。燒春雞皮脆肉嫩又多汁，十分推介牙！每日lunch time都勁多人排隊食佢

一直聽聞灣仔有一間好食嘅燒春雞，於是心思思過嚟食下。薔紅位於一棟商業中心嘅一樓，要沿住樓梯行上去先見到，都幾隠蔽。不過如果係喺附近返工嘅打工仔，一定對呢間餐廳唔會陌生。畢竟佢一間係價格親民嘅茶餐廳，即使疫情期間都非常旺場。一入到嚟基本上有八成客人都有叫燒春雞，你話點可以唔叫呢！呢度上菜速度好快，坐一陣啲嘢食都嚟齊哂。❤️燒春雞籃 $60一客有半隻燒春雞，一上枱就已經勁香！外皮好薄好香脆，肉質超嫰滑同厚身，一咬落去雞油、肉汁多到滿瀉。餐廳好貼心附上即棄膠手套同濕紙巾，可以盡情用手撕開嚟食（不過小心辣手呀！）另外有泰式酸辣醬同淮鹽比你吊下味，但其實就咁食已經好好味！薯條新鮮炸 ，可惜唔夠香口。好食度：⭐️⭐️⭐️⭐️(4/5)✅性價比高✅可配飯，薯仔沙律或薯條❤️原汁牛腩飯 $51另一個必點菜式，非常大碟。食落充滿油香，肉質好腍，入口即溶，完全無膻味。醬汁略鹹，可以撈落飯食。好食度：⭐️⭐️⭐️✨(3.5/5)✅有差唔多十塊腩，抵食！✅配飯一流餐廳推薦度：⭐️⭐️⭐️✨(3.5/5)價格親民，全部餐都經濟實惠，份量好足，啱哂喺附近返工嘅打工仔！店內環境雖然比較舊式，但都算幾乾淨，食物質素唔錯。講講下真係又想食多次

📍 薔紅 (灣仔)灣仔莊士敦道194-204號灣仔商業中心1樓-燒春雞🐔$68-🔴一定要叫！🔴外皮炸到脆卜卜，香口之餘又唔會太肥膩，熱辣辣食既時候真係要好小心，好貼心地附有手套🧤可以撕黎食，另外配有泰式辣椒醬同胡椒鹽比你點竹你食！配雜菜🥒-我會話係隱藏menu㊙️！事關好想食菜又唔食沙津醬。少少辣凍凍地，夠哂大份！推介呢個健康option,入面主要係椰菜、少少紅蘿蔔🥕、少少脆肉瓜、少少青豆🥬🥒🥦配沙律🥗-薯仔青瓜沙律醬沙律🥗🥔個面頭有少少罐頭雜果🥫，個底有一大半生菜🥬例外都可以配蕃茄意粉🍝、薯條🍟同白飯🍚

嚟到灣仔點樣唔幫襯呢間茶餐廳，識食一定會嚟呢度食😚最出名就係燒春雞餐，附上一對膠手套，淮鹽同甜酸醬，仲可以選擇配飯，意粉，沙律🥗或薯菜，我要左沙律🥗唔使5分鐘就已經有得食，不過小心辣親手，真係好熱，一搣開隻燒春雞，有種好治癒的感覺，肉汁多到流出嚟，色澤金黃既外皮，脆皮肉嫩的半隻雞再配上沙律🥗同埋凍檸茶😋😋食曬真係會好飽😂⁣鐵板豬扒，份量大既選擇，都係可以選擇配飯，意粉，沙律🥗或薯菜，我要左薯菜，港式波浪形薯條🍟 鐵板底，所以會有沙沙聲，豬扒有點鞋同酸酸地，不過份量真心多有兩大塊豬扒😚薔紅特式茶餐廳 灣仔莊士敦道194-204號灣仔商業中心1樓

响灣仔返工，一定要試薔紅嘅招牌燒春雞！佢係即叫即整，上菜時真係好熱，因為我係戴左透明手套直接撕開咁食，而且仲聞到好香，會忍唔住快啲撕隻脾出嚟食🤣隻脾嘅部分係一流👍🏻皮脆而薄，點唔點醬、鹽都好正。個薯條係香港特色粗條波浪形，又係炸得好香口😋整體來講十分滿意！

相信係灣仔一帶返工既朋友仔對呢間「隱世」茶餐廳唔會覺得陌生，事關佢既燒春雞🐔真係出晒名大件夾抵食🤤 而話佢隱世係因為佢係喺一棟商業中心入面，要行一層樓梯先見到真係唔講都唔知呢度有間茶餐廳呀😳經同事認識到呢間茶餐廳，短短兩個月已經幫襯左四次🤣最近一次6月底去幫襯時見到茶餐廳門口擺左好大塊告示版出黎，原來衛詩雅係youtube上有條片介紹呢度既燒春雞，而經過藝人加持後價錢已經由$68加到去$70啦😩雖然價錢加左少少但食客依然係好多，繁忙時間幫襯要等位就無可避免啦🤷🏻‍♀️好彩茶餐廳空間都幾大，入面有幾間麻雀房因應人數而安排入座。坐過兩次房雖然自成一角傾計比較暢快，不過就要忍受房入面殘留落黎既煙味啦🚬.除左燒春雞，茶餐廳基本有既早/午/常餐同小菜都可以係呢度搵到。每次見到餐廳入面貼左唔少鐵板餐🥘實物圖都有興趣想試，只係每次都敵不過燒春雞既魅力，其他同事都係咁話😝******************************🍴脆皮春雞籃 配白飯/意粉/薯條/薯仔雜果沙律 (不連餐飲) ($70)一客春雞籃有半隻雞，雖然叫做燒春雞但其實係用油炸出黎，繁忙時間即叫即炸都係等左5-10分鐘就熱辣辣上桌，

係youtube見明星介紹灣仔「薔紅」，一道燒春雞好吸睛，就吸引左去試下。餐廳位於一樓，格局裝潢都好舊式，可能呢度價錢比較實惠，所以都幾爆場。諗都唔駛諗點左燒春雞（$60），可以跟飯、意粉、薯條或者我選的沙律。店方幾細心，會跟埋膠手套同濕紙巾，唔怕整污糟。春雞有半隻分量，皮好薄好脆，肉質好嫩滑，仲好juicy滴晒汁。本身都算醃得夠味，如果唔夠，都可以點淮鹽（頓時有食緊乳鴿的感覺）或者甜辣醬。沙律係店方自家製的，有薯仔、菠蘿、番茄、青瓜、紅蘿蔔等等，算幾有誠意。原汁牛腩飯（$51）好大碟，有接近十件切腩，瘦肉部位唔算好腍，但黐住好多肥膏，喜歡油脂香的話應該好對胃口，不過個汁略鹹，要撈飯先食到。佢另外仲有多款鐵板扒餐，全部都頗經濟實惠，下午茶時段仲平啲添，所以都有好多人食，下次或者可以試下。

After watching Michelle's vlog, the roasted spring chicken introduced seems to be delicious. The sofa in the restaurant was unfit and uncomfortable. Many customers ordered half-roasted spring chicken. So do I. The chicken was placed on the table in 9 seconds 9. Extremely fast. The server provided plastic gloves, knives and forks. I recommended using hands for the meal.The roasted spring chicken was freshly baked. The chicken skin was totally crispy, but I found that the chicken wing had some bab

呢幾日都係附近做嘢，雅園都食咗幾日，今日轉一轉地方食嘢（間餐廳喺雅園樓上），晚飯時間都很多人，喺梳化位坐低咗，正當我諗緊食咩嘅時候，隔離枱上咗個晚餐好似幾正所以就叫咗老火例湯，飲落去覺得真材實料，唔似一啲茶餐廳，落好多味精，飲完勁口渴，起碼呢度飲完你都唔會覺得口渴先，抵贊涼瓜火腩很多，再加上望落去條魚應該都有七、八兩甘上下，以一個晚餐嚟計，$6、70食到咁大碟絕對超值，跟餐仲有一碗好大嘅白飯，唔夠仲可以添加，相當窩心不過梳化位坐得好唔舒服，張梳發好爛😂

喺灣仔返工嘅一定聽過✨薔紅✨招牌就係大大隻嘅半邊燒春雞🤤🤤💕$68超級抵食🤩有飯 意粉 薯條揀·上到台熱辣辣出曬煙🔥撕開啲肉汁流出黎 帶手套撕落黎食超jeng！😍😍😍仲有泰式辣醬同胡椒粉點意粉係用番茄醬炒既👍🏻味道啱啱好·佢仲好貼心有濕紙巾比你清潔對手添🥰不過食飯時間比較多人要早啲去搵位啦😉

跟朋友經過灣仔，佢話要帶我去食佢最好食最抵食嘅燒春雞，咁啱我又餓到春咁，所以就一齊上左去食。Btw，要行小小樓梯。抗疫期間入去嘅人都要量體溫，同埋人好少。裝修有少少舊式茶餐廳個種feel，但都算乾淨。我地坐底左之後馬上order左三個春雞配薯條($68)（佢好似仲有飯，意粉同沙律揀），凍飲加七蚊。十份有份量嘅春雞！我係有小小嚇親，呢個價錢食到咁大份，真係好抵！（好食到剩係影左兩張相）肉又嫩又好味，薯條係我鐘意食個款薯條！同埋有配泰式辣醬同胡椒粉。另外佢每人有俾手套同濕紙巾，不錯～其他嘢食都唔貴，下次會再嚟試吓佢其他嘢！

到午餐時間了，當然要對自己好d啦，同事介紹呢間茶餐廳，抱住一去試吓心態，一入去見到好多人都係食燒春雞、或者黑椒豬手，所以我坐低諗都唔使諗就叫燒春雞跟意粉（呢個餐可以配飯、意粉或沙律），沙律是生果沙律，雖然未食過，但望到已經知道好味，有用心做的沙律，好快餐就送到嚟啦，意粉一睇就知好味，因為坊間而家好小茶記會甘煮個意粉，茄汁底，重可以叫侍應跟個黑椒汁或蒜蓉汁，個意粉點食都好味，食完意粉，當然到主角燒雞，餐廳好細心配埋即棄手套、濕紙巾，食嘅時候燒雞已經放左成10分鐘竟然重熱到辣手，非常好味，分量亦夠飽👍🏻👍🏻

係一間普通茶餐廳既裝潢，再加上唔使mark低就記得你order既伙記叔叔，你又點會估到佢有性價比奇高既燒雞！我每次都係衝住呢個餐而黎😭😭😭😭😭又脆又靚既皮，再加上一撕開雞肉既汁同埋煙，食到最後既每一啖都係會有唔捨得咁快食完既感覺🥺🥺佢下面啲脆皮花生索左啲雞油同汁，都好好食😭😭食到最後都唔記得左呢個餐係配飯/意粉/薯菜，我就嗌左意粉份量唔多，但食完隻雞咩都夠架啦～唔使怕食得唔方便，因為會好貼心咁附上手套同埋濕紙巾🧻最正係呢個餐$70都唔使，仲要唔使加一，午餐晚餐同價，幾時都食得🥺🥺🥺以後就黎呢度食雞好好獎勵自己！！！🤤🤤🤤🤤

灣仔來講真係唔係好多平價嘢食，呢間個價錢真係平到難以置信啦，每年去書展都一定會去呢間鋪頭食飯，幾十蚊有鐵板餐又香又多汁仲有乜嘢要求？特別燒春雞真係好鬼好食！！！！