薈聚軒

营业中

休息中

一個有藍天白雲的清明假期，呆在家確是浪費，出來鑽er鑽er！這家不錯🥳“避風塘魷魚酥”，脆漿做得好，蜂巢脆漿，夠鬆化，魷魚也處理得很好，新鮮、彈牙，一點都不韌，帶點兒避風塘辣味，有水準。飲茶必食 也看出廚房質素的“蝦餃”。不錯，晶瑩剔透，大隻，蝦彈牙，整整齊齊，合格。“清湯牛肉球”，夠特別，用湯浸住，是浸熟還是蒸完後放到湯𥚃就不得而知了，味道跟一般山竹牛肉沒甚分別，不過它馬蹄和芫茜特別多，比較香口，湯也鮮甜，沒甚麼味精，照鏡！“流沙奶皇煎堆仔”，今天的驚喜，黑白芝麻鋪面，三小粒放在一個小盤中，賣相相當有心思，煎堆皮夠煙韌，熱辣辣的奶黃餡香甜，相當不錯！“原籠馬拉糕”，夠熱夠香，還加了點黑色花紋，又在玩心思，不過這個花紋我就不太欣賞唷，像Halloween主題，一個黑色蜘蛛網。🙄“柱侯金錢肚”，質素不錯，全是有金錢的，沒那些尾位角位、「瀉曬」的部位，醬底很惹味，下面墊了幾塊山根，於是醬也給吃光了。小註：假日hea下，這是個上佳的選擇，樓底高，風景開揚，很舒服，人又不算多，容易拿桌，只是比較隔涉。菜單雖然不是很豐富，但整體出品相當有水準，食材質量高，有心思，值得推薦。

前幾日黎試下午茶，呢間酒樓點心真係幾好味，雖然員工服務態度一般，特別有個後生男仔。首先，我哋叫左芝士蝦春卷、同埋菠蘿叉燒包，芝芝士蝦春卷非常有特色，推介。雖然蝦唔係特別多，但連埋芝士食，熱辣辣，香口，非常吸引。之後，菠蘿叉燒包鬆軟，後來嘅金菇肥牛腸粉，牛肉好彩唔算好硬，食落比想像中好味。

今日中午去飲茶，知道午市人多，已提早11:30前去到攞位，朋友見窗口有枱，就問可唔可以坐窗口位？服務員一句唔得就想走，朋友就問點解唔得呢？服務員話，有位俾你已經好好啦，原本連依一張枱都無㗎，講完就行左出去， 完全冇禮貌可言， 咁樣嘅服務態度，食物有幾好食都係假，簡單的一句：唔好意思有人客留咗位，都唔識講，根本就趕客

依間酒樓食過幾次。食物水準唔錯，屋企人又鐘意食中菜，所以先諗住屋企人生日去依間酒樓食飯。屋企人生日預早兩星期前book枱，點知一星期前親身去到酒樓confirm 話冇資料。唔緊要，即時book 過張枱。今日打去確認壽包係咪蓮蓉做（生日個位屋企人唔食得奶黃）。個位廣東話勁重口音既女接線員，態度十分惡劣。同佢講咗屋企人唔食得奶黃，可唔可以麻煩佢問一問師父。佢話「d壽包一早整好晒，唔會為咗你特別去做，我哋唔知咁多，到時嚟到你咪知囉」。係你哋餐廳話壽包要一早預訂，做好晒就唔洗客人提早打去預訂啦。問一句姐，洗唔洗講咁多說話，最後仲要cut 線！

我哋一行三個，星期日1300左右到都即刻有位唔洗等。裝修新淨，環境清潔，坐低左有經理即刻醒目過嚟攞多張凳擺袋，係可能忙得滯冇人問飲咩茶。不過之後態度都好好同埋會主動加茶雖然價錢唔係好便宜，但係啲嘢食都對得住個價錢比同區嗰幾間茶樓好食好多。啲點心大部份都係三至四件，但係賣相都幾好。上菜速度唔係特別快，不過都可以接受。（係個馬拉糕有少少硬）大致評分都係中上嘅茶樓，反而冇之前啲評價咁差希望佢可以keep住個水準啦！

科學園三期也試了數間酒樓食肆， 這家真是真心推介 !👍🏻最初和家人來試早點點心， 已經覺得味道很好。 再試一次四人套餐中秋做節也不錯。 今次入伙再帶家人來，試了 12位的套餐有超水準的驚喜。 頭抽雞實肉又有雞味。 雜果咕嚕肉咕嚕肉又是不太肥膩。 炸蝦墨魚餅也非常鬆脆。 大蝦伊麵蝦肉非常彈牙 芡汁非常好味。 鍾意食魚嘅朋友也照顧得到 ，班球及頭腩也是分開兩味餸， 可以看到廚師及酒樓處理人的悉心安排菜單。 分量也十分足夠， 大家也讚食物好味。 會經常來這裏 多多支持。

星期日 10點開門 近十一點到達，安排好座位，就無人理😨茶水都無人問，要追問先有🤦🏻‍♂️落單又漏單😅我叫買四樣都三缺一落完單 姐姐又無禮貌 丟單丟菜放落來收碟收碗插過來👻🤦🏻‍♂️態度差都算 食物都比一般茶樓差斑腩炒河分開上🤔睇落唔差🤦🏻‍♂️但青椒比斑腩更鮮真少見😤紅油炒手 得個辣味咩都無🤦🏻‍♂️仲要一般老人家食唔到的程度⋯⋯⋯⋯過了快十一點半很明顯先有比較熟手的番工🤦🏻‍♂️先比較正常

食物質素尚可，但價錢偏貴，性價比十分低當日walk in 等位，但員工Yvoone 安排不妥當，不斷安排聲稱已book 枱嘅客入座，等30分鐘都冇入一張walk in ， 其他等候客人亦發現如此狀況，前往了解時，員工Yvoone 態度十分惡劣，要求經理直接對話以了解實況，竟叫客人自己搵經理，之後更大聲鬧客人，如潑婦一般，如此態度，十分不配合做接待客人嘅工作，唔會再光顧，簡直係貼錢買難受，第一次光顧竟得到如此惡劣嘅體驗相比起逸瓏灣逸翠軒，員工態度好，上菜姐姐唔該前又多謝後，最重要安排入座處理恰當一間食店，就算有提供訂位服務，都應該平衡返walk in 客人嘅要求，食店管理人員相信根本沒有處理當日處理入座員工安排不當嘅問題，所謂經理更只幾句草草了事

家人話白石角呢邊開咗一間新嘅酒樓…咁抱住一試無妨既心態就去試下..屋企人前一日已經打咗去book定枱..所以去到都唔洗等位。環境比一般酒樓細,而且冷氣不足..直情有焗既感覺…問過職員,奈何佢哋已經話個冷氣已經開到最大..家人都邊抹汗邊食..好慘講返食物先…係幾多新派點心…價錢係中上。沙薑豬手粒沙薑味好香..彈牙QQ..切到一粒粒..免卻左食豬手平時咬黎咬去好麻煩嘅感覺..蝦餃大大粒..原隻蝦肉..皮薄。拍青瓜炸墨魚餅..失望咬落一口油…食唔到墨魚餅應有嘅味道..另外仲叫左個蝦多士,同樣咬落去都係一口油..佛跳牆灌湯餃最特別係呢個了..用料上乘..有魚翅，大冬菇，魚肚等..灌湯餃個皮非常之薄，做得好靚..但唔知係特點定頂點..$7x 一客..抵唔抵就見人見智了..但呢度個服務係唔錯的..中間試過倒瀉水同埋跌咗個茶蓋落地下..職員都好快手更換..又重新鋪過布響倒瀉茶個位。4大1小朋友午市埋單9百幾..食物質素只係一般茶樓水準。

不時與家人前來科學園飲茶，志在有得泊車，今日特別走到新翼試吓新店。此店地利優越，一樓泊車，停車場出口就到，放便老人家唔駛走上走落。店舖開10點，我們10點到仍未開門，扣分！等了差不多10分鐘，才可入座。座位近窗，環境唔錯，只係枱與枱距離過迫。點了好幾款點心，點心種類算新派，牛肉球是放湯的，但食不出有何特別。流沙包算趣緻，但就只有兩件。鳳凰糯米雞就算大份，煎出來的效果幾好，這款點心其他酒樓比較少，另外一款麻辣牛肚陳村粉亦是惹味之作。

喺小白鷺玩完水近近哋過嚟食，平日夜晚唔多人，可以慢慢坐，唔會催你走，員工招呼周到， 可能平日唔多人關係。四人餐抵食$1188餐入面我覺得咕嚕黑豚肉最好食新鮮整起粒粒都好脆口又唔會太熱氣嘅感覺， 呢個餐有蝦、有湯羹、有魚有雞、 有菜有花膠， 仲包埋橙汁同甜品， 其實都冇乜嘢可以挑剔。 仲要份量唔細，夠五個人食。我哋加咗個雞粒炒飯， 食係一粒粒唔會黐埋一舊舊， 味道亦剛剛好， 最怕啲炒飯淨係食到鹽嘅味道。 平日散叫有八折，套餐就冇喇。

我聽講呢間係科學園算好食，前一日就book咗枱諗住星期五happy friday。我哋準時去到就話滿晒要我哋都話要walk-in。等咗大半個鐘先入到😰😰😰，期間聽到其他人都話book咗但係要等walk-in🙄。食物嚟講點心偏貴和款式少。員工態度仲要很差！唔會再幫襯🤢🤢🤢

由於太耐無飲茶又加上朋友推介，於是乎就嚟到科學園呢間酒樓飲茶，初時對呢間酒樓都有啲期望…點了八樣點心，全部即叫即蒸，上枱都係熱辣辣嘅➡️燒賣皇➡️黑椒蒸金錢肚➡️蛋煎糯米雞➡️雞包仔➡️咸水角➡️三色蘿蔔絲酥➡️馬拉糕➡️焗叉燒包點心價目表小點 $23 中點 $36 大點 $48 特點 $58 頂點 $68 超點$78(六，日及假期每款加$3)整體來講，點心係精緻嘅，味道亦都唔錯，但價錢算係偏貴，又或者可以話咁嘅價錢出面可以有更好嘅選擇。另外侍應嘅服務水平偏低，完全同價錢唔成正比，總結係有點所望

之前試過白石角三間酒樓，一間係科學園一期，比較舊式傳統嘅酒家，一間喺逸瓏灣商場入面，就坐得比較舒服，比較靜，但係嘢食就一般啦，呢間d嘢食係最好味，平日中午時段比較多人，咁岩遇上科學園返工食晏的時間，都坐滿晒，嘢食方面，叉燒腸，多叉燒，聽聞佢叉燒好似係比較出名，春卷入面啲餡比較特別，我個人就比較鍾意傳統嘅鳳爪金錢肚蝦餃同燒賣就ok la⋯⋯佢價錢都唔係特別平，無下午茶三百幾蚊埋單，but嘢食味道OK下次會再嚟

入夜後，科學園走了日間的熙來攘往，變成沙田遠方角落的孤城。隨著白石角新屋苑逐漸入伙，晚間的科學園又變成白石角居民覓食之地。科學園三期內的《薈聚軒》與新入伙的「朗濤」和「逸瓏灣8」僅一街之隔，今晚試吓呢間中菜館晚飯小菜既功架。今晚點了些家常小菜如「滑蛋蝦仁」，「蜜椒薯仔牛仔粒」，「义燒」試試。要讚「滑蛋蝦仁」熱辣辣上枱，師傅細心處理大蝦並已走腸，咬落爽既，亦真係有蝦味；芙蓉蛋非常滑，正係入口即溶感覺。孩子最愛，給大朋友們送飯亦一流。「蜜椒薯仔牛仔粒」彷彿份量上出了問題，主角牛仔粒數得出四五粒，卻被炸薯角大比數淹沒。夾得到既牛肉粒同薯仔跟蜜糖一齊炒，係帶微甜兼有鑊氣既；問題係冇幾多牛肉粒有得食。可惜。「义燒」最貴；冇折收足$168；瘦過林鄭，凍上，以為食緊隔夜食物，完全吾得。總結： 三碟家常小菜一優一常一負。呢間要識揀小菜嚟叫。質素可以好好同好壞都照上枱。