薈景

营业中

休息中

上次食過會展薈景嘅自助餐，覺得唔錯，今次就同埋家人黎食。同上次一樣，佢哋自助餐嘅選擇食物好多，雖然唔係酒店，但就比唔少酒店的BUFFET食物更加高質同岩食。除左有上次都有的即開生蠔、凍龍蝦蟹腳，今次發現左佢地的印度COUNTER 的印度野非常唔錯。今晚印度COUNTER有三四款咖哩／熱食揀，兩款肉，有雞有魚，兩款素菜，係芝士波菜同燴豆。我依個食肉獸就試左雞，真係拍得住出面印度菜餐廳的，好正宗好香濃，配埋NAAN食就最正，果然係專門由印度籍師傅主理，質素有保證！大家下次黎食BUFFET果陣，除左 主攻"回本" item之外，都可以試一下。

一早之前已經聽聞會展入邊嗰間自助餐廳，係非常唔錯，有好多嘢食，不過就一直都未有機會試。今日就約埋朋友仔嚟試吓！佢哋餐廳自助餐嘅選擇算非常多，冷盤有即開生蠔、冷海鮮、壽司刺身，當然仲有好多款沙律。然後熱盤都仲有好多選擇，有東南亞野、印度食物、西式熱盤羊架等等，仲有好多中式野食。另外飲品包左係任飲，有果汁汽水之類嘅選擇。當然啦，我哋都留返個肚嚟食嘢，唔會飲得太多。生蠔即場由師傅即開，幾新鮮同鮮味，同係咸左少少。冷海鮮首推龍蝦同埋蟹腳，質素都唔錯，幾鮮嫩。其他熱盤仲有啲中式嘅小菜，老火湯、蒸魚、蒸扇貝咁，師傅一路煮一路拎出黎，味道都keep到幾好。日式燒烤更加有燒蠔，好開心，食左好幾隻。個人心水仲有印度嘅咖哩，做得好唔錯，我都食左幾次。至於甜品嘅選擇就比較少，但係味道都唔錯。呢個好靚嘅甜品，就係一個清酒啫喱，味道還可以啦，睇好過食咁。佢價錢唔平，但係嘢食選擇算多，而且質素都唔錯，好多都好岩食。所以食完之後下次都仲會返去食。

係薈景自助餐，每種食物嘅選擇都非常之多，有唔同國家嘅食物，而味道、温度、新鮮度都有一定水準。但係就係可能太多，實力分散所以冇特別驚豔嘅食物，呢個價位嚟講不算高質只算普通。今次以海鮮作主題嘅自助餐除左海鮮亦有當做嘅生果同甜品。例如柚子cheese cake同越式烤雞翼就係當中做得較好嘅食物。分數（五星滿分）：⭐⭐⭐

第一次來可能係打風後來，食物一般，今日第二次來，食物質素非常之好，海鮮好新鮮，熱葷同甜品好正，同第一次完全唔同，可能第一次係打風後有關，下次一定再來食，還有加50元有紅白酒任飲。

第二次光臨, 食物種類很多選擇, 而且很新鮮, 龍蝦, 麵包蟹多膏 (但麵包蟹不是原隻上, 會被斬開很細件), 但生蠔SIZE偏細, 魚生很新鮮肥美, 熟食種類很多, 羊架, 牛扒, 蒜香骨, 日式串燒, 扇貝粉絲, 越式雞翼, 質素都唔錯, 而且服務態度很好, refill速度很快, 而且地方夠大, 唔需要排隊拎野食甜品方面選擇都不小, 但沒有驚喜, 不難食, 但不美味, 雪糕只有H字頭的3款口味, 沒有吸引的地方, 但有自助無張添飲的橙汁, 汽水, 8折後HK$600元一位, 種類質素來說算很好, 值得一試再試

每年生日都會來食自助晚餐慶祝，因為這裡的龍蝦每次都咁好食，多肉，彈牙，refill都算快，生蠔都新鮮，海皇湯足料又夠入味，加上環境舒適好坐，夜景景色優美，值得一試☺️☺️

沒有明確解釋收費月內容，只問是否用生日優惠.我們已表明唔明他的意思，又話要先將生日小孩轉為大人才可免費。聽到一頭霧水。最後找數問侍應有沒有信用卡有折扣。他說用了生日優惠沒有。最後2大人，2長者，1小朋友埋單$3027。找數後，明明寫著匯豐75折扣，恒生8折,唔用生日優惠（1人免費）都比這個便宜。最離譜是如以全數大人收費75折扣連加一都是$2838。更何況我們是2個長者，2大人，1小孩呢。侍應太不老實了。

2年前去過呢間食自助餐，覺得好多野食，諗唔到既都會有，例如：花膠湯、鴨肝多士⋯⋯唔食生野都有好多選擇。上星期再去食，中式食物少咗，但竟然換來「爐端燒」咁特別～🤗～整體質素keep到既👍。

年紀大咗食得唔多 自助餐基本上都唔會自己畀錢食，除非有人請或者公司食飯啦。今次又有人萬歲，所以我地又揀咗去薈景食喇。薈景個位置喺灣仔會展， 所以基本上好多位都可以望住維港食飯，景觀冇得頂。自助餐包咗橙汁汽水啤酒，可以自己喺外邊拎， 另包一杯餐茶。 如果想飲白酒嘅，每位加50蚊就可以任飲。自助餐最緊張要既梗係夠多食物種類啦。我覺得薈景既食物款式都唔少，但未到花多眼亂。基本回本位既燒牛肉，羊架，龍蝦，長腳蟹腳，生蠔等等通通都有，另外haagen dazs雪糕有 3種味， 雲呢拿，朱古力同埋咖啡。 大家可以因應自己嘅喜好重點出擊。因為嘢食嘅種類太多喇，我自己都淨係試咗50 ％左右， 我大概講下自己嘅preference。推介既： 燒牛肉，羊架，長腳蟹腳， 椒鹽鮮魷唔推介既： 燒龍蝦仔（0鮮味）， 燒腩仔（ 啲皮係唔脆㗎）因為是日係星期5既關係，人頭588加一，再用匯豐卡有八折。呢個價錢如果要自己畀錢，我會揀食其他嘢😆 但自助餐嚟講佢嘅質素係ok嘅

對上一次去還是叫匯景餐廳，今次再來，明顯價錢貴了但質素也高了，食物多了龍蝦冷盤，其實也不太貴，有匯豐信用卡可享有七五折，牆腳蟹很好味，有很龍的海水味，不錯不錯。蝦餃也比很多大酒樓好吃得多，還有熟的龍蝦味，也很好味，我不吃生蠔，太太說生蠔也不錯但不太大隻，整體食物不錯。五位大人丶三位長者一共4100多元，其實不算貴,順帶一提：很少地方有飲品供應，有橙汁和汽水啤酒，加$50還可任飲紅白餐酒

話說小資女要到香港會議展覽中心（Hong Kong Convention and Exhibition Centre)參加高峰會議，而午餐時間只有數小時（笑）。不對啦，今個lunch 是小資女Nanako 難得一餐悠閒吃⋯所以便選了靠海而立的薈景。會議展覽中心一年內舉辦大大少少的展覽及演唱會、拍賣行的春拍秋拍什麼什麼的，對於接待來自世界各地的貴賓，服務水平要求一定有水平。而我帶著半興奮半疲累的心情，被侍應們都笑容對待。讚啦！而我就喜歡吃日本蟹粥，自助餐這麽多東西吃，我也吃粥，因為我就喜歡那不行嗎！？好吃好吃的，美味しいですよ！要不是變態也不會討厭這麼可愛的甜點今天很公主^_^

復活節將到相約朋友一齊去食午餐朋友推介呢間餐廳的自助午餐呢間自助午餐有好多沙津，冷盤和甜品環境又唔錯好啱女仔相約一齊去傾下心事我們好好彩坐到近窗邊位無敵海景可惜今天天氣麻麻如果天氣晴朗藍天白雲應該仲靚呢間主力以沙津為主沙津都有7-8款也可以自己簡料自制沙津冷盤都好多款簡熱葷就相對少有兩款主菜和兩款餐湯也有現煮意粉和湯麵但最吸引都係佢既甜品佢既甜品賣相好精緻細細杯，款款試曬都可以但有一兩款味道麻麻有的可惜仲有haagen daz雪糕

前兩日病病哋～唔想鬱喺屋企成日食白粥，中午走咗去灣仔搵喺新鴻基中心做嘢我朋友食飯，佢介紹咗呢間“薈景”食中午自助餐,因為朋友知我嘴刁～所以介紹呢間選擇又多食物質素有好嘅餐廳畀我… 一去到門口已經感覺良好， 環境好靚🥰職員好有禮貌，心情都好左… 入到去見到好多種類嘅食物～ 好豐富嘅沙律吧好靚好大個嘅紅菜頭， 要推介嘅係冬陰功湯麵同埋老火湯，老火湯好足料，好味😁我飲左四碗😆再讚多一次，全店嘅員工都非常之有禮貌同親切😗🥰病都好返哂🤣我一定會再去😊

今日我嚟到位於灣仔會議展覽中心嘅薈景餐廳食自助餐，呢到嘅自助餐都幾多嘢食。帶生蠔、魚生、長腳蟹、青口、中式、日式......應有盡有😋😋魚生方面有帶子、三文魚、八爪魚、吞拿魚...都幾新鮮嘅👍🏻👍🏻生蠔同長腳蟹方面食落都有海水味，咸咸地不過今次啲生蠔就好似比較細隻咁😟但都不過不失😋另外甜品區域都有好多唔同款式，有啫喱，有hagazdeas雪糕、朱古力噴泉、心太軟...心太軟都做得唔錯一切開都有爆醬嘅朱古力👍🏻👍🏻👍🏻

之前都嚟過依間食過幾次，印象都唔錯🥳👍🏼咁啱同男朋友有得早放工，我就提議不如食好啲，慰勞下大家👍🏼😋一諗就諗起依間食自助餐😋嗰晚去walk in，等左一陣就可以入去👍🏼一坐低梗係去食生蠔先啦！不過就比以前少左款😥😥整體來講海鮮都幾新鮮！特別龍蝦值得一提！男朋友唔食龍蝦，都夾左幾舊食😛😛😛😛😛😛係依度食飯最緊要就係環境大，望住海景，食物款式又多！性價比係高嘅👍🏼👍🏼👍🏼👍🏼😘😘😘😘😘