薄餅怪獸

营业中

休息中

薄餅怪獸怪獸多寳(迷你批)$65有時候，好想食薄餅，但又唔知叫邊款薄餅，種種配料都想試下！咁，呢個怪獸薄餅就幫到你啦！佢有洋蔥，青椒，辣肉腸，火腿，蘑菇，菠蘿，牛肉，豬肉～～包羅萬有，平民價錢就可以食到6寸嘅薄餅啦！真係好好！薄餅係厚批，麵包鬆化，食到卜卜聲，非常鬆脆，細細件又容易入口，美味啊！台式辣味炸雞$18而家冇得去旅行，但又想親身試下台式炸雞嘅味道，呢間餐廳就可以幫到下手啦！件炸雞熱辣辣，又香噴噴，一入口啲雞油出曬嚟，肉質鮮嫩，可口多汁！海鮮闊條麵(白汁)$62裏面有蜆肉，蟹柳，蘑菇，魷魚，芝士，長通粉等等！蜆肉勁多，帶來海水鮮甜味道，蜆肉肉質鮮甜，美味無窮。蘑菇在麵底，量數不少，菇味香濃，可算一絕，我個人特別喜愛！加上自家白汁，令到通粉更加鮮味可口。通粉軟硬度適中，小小彈口，容易入口。凍檸茶跟通粉只需要加$5，茶葉味香濃，沒有掩蓋檸檬鮮味，比一般茶記檸茶更好！百事可樂$16

好少在屋企附近食飯，基本上每天回家經過的這個pizza店，見經常好多人，開左咁耐都無試過，今晚放工，決定一試。七點幾，餐廳大半滿，好多人堂食，都好多人外賣，街坊店大概都係咁，有點期待。先點個千島海鮮，本身想食怪獸多寶，不過有牛肉，阿媽麻麻，點了海鮮最好。有洋蔥，青椒，蟹柳，菠蘿，蝦，蜆仔，魷魚等等，以百零蚊嘅價錢都幾多元化，又幾厚，感覺不錯。田園沙律，好大碟，醬汁好多，芝麻醬也幾開胃。招牌炸雞價錢唔算貴，有幾種唔同嘅味，當中有台式辣味，我喜歡檸檬味，感覺不錯。小食拼盤有雞翼，咖哩角，春卷等等，都幾大碟。蒜蓉包好精美，不過有點貴，價錢直逼尖沙咀的海港城靚麵包。飲品飲左凍即磨咖啡同餐湯，選擇不算多，但小店有酒牌，算幾好 。四個人，每人一百元都不用，食飽仲可以外賣，價錢夠哂實際。最重要，落街樓梯轉角就開飯，方便。

Among the historical old community🏛🎈Pizza Monster/Learn to appreciate the history of the old community and respect the mental spirit of it./🥗田園沙律 配日式麻醬Garden Salad w/ Sesame Dressing ($47)沙律嘅份量好多有生菜 沙律菜 同蕃茄仔 全部都好新鮮$47蚊真係好抵食🤑🍖秘製燒豬排骨Pork Ribs & French Fries ($137)一黎到真係嘩左一聲 好大碟 有8-10舊一字排骨食落惹味 唔太油同太鹹不過就略嫌燒乾左少少肉質唔夠juicy 仲有大量薯條做配菜🍟呢碟菜送啤酒一流🍻 無叫啤酒真係失策失策🤣🍕夏威夷 細批Hawaii (Contains pineapple & ham) ($65)新鮮出爐嘅pizza厚批外脆內軟 再鋪上菠蘿🍍火腿🐷同芝士而芝士多到可以拉絲添 正🤤🥤凍奶茶Iced Milk Tea ($19)大大杯嘅凍奶茶 多到要2個人先飲得曬🙈🥘餐湯 Soup of the Day ($

🍕心型PIZZA出沒🍕輕鬆食個下午茶☕️之前都系叫過外賣未試過堂食 入邊都靚有feel最中意佢個Mini Pizza系心型咖😍😍呢到醬底都有成21款 揀都揀到我暈😂食左個田園沙律🥗配蒜蓉包 田園沙律Portion 系好大份加埋日式麻醬就系perfect !!千島海鮮🦞Pizza 跟杯凍咖啡🧊☕️簡直係light up my life😆😆呢個Pizza食到尾都系脆卜卜 好香重點系好多芝士🧀🧀🧀拉絲感滿滿 同老公傾下計 就咁就過左一個晏晝朱訓醒晏覺了 🥲🥲🥲響起歸家的訊號88

今日經過土瓜灣好想食一間真正百分百意大利薄餅，因為真正嘅意大利薄餅香港唔容易搵到。同老公仔試一試它們的午餐裏面有炸雞，肉醬蒜蓉包更加有沙律。首先要講炸雞絕對係比任何出邊食嘅更好。可以做到皮薄餡靚裏邊都有溫度。其實佢哋嘅薄餅才用意大利純正芝士mozzarella, 每一個都分量十足成本好高廚師好有心思。我自己最愛當然係佢哋嘅蒜蓉包同埋沙律有圖為證真係好大分男朋友食得好滿足。自己可以飲可樂之外仲最愛係佢哋嘅芝士雞翼,十足十真係自助餐一樣豐富。omg, its lovely🌝

經過土瓜灣門面見到都幾抵食咁😍入面空間都算大 卡位好舒適每個6吋pizza都正係65蚊咋點左個我最愛既千島海鮮好欣賞 有心型圖案而且無邊 平時d pizza 唔會食個邊呢個我可以食曬 材料十足 熱辣辣超好味😋海鮮焗闊條麵都係呢度精選滿滿既蟹柳，蜆，魷魚焗得剛剛好 唔會太乾 仲有好多芝士❤️檸檬蜜糖雞翼都好出色酸酸甜甜 檸檬清新又開胃焗完都仲鎖到肉汁😚不過最中意其實係個檸檬茶檸檬茶 最緊要係靚檸檬呢個飲得出係有放心機係飲品上清新 最怕係苦澀味 呢個1d都無埋單都係150倒 cp值好高😘🥰#薄餅怪獸 #pizza monster土瓜灣馬頭圍道418號樂意居地下2號舖

#跟住我食唔中伏.呢間舖係早兩日我番工經過lunch發現🙈真係有驚喜😍以後想食pizza🍕唔洗去連鎖店喇～.呢度嘅pizza最正係有6"😁就算1-2個人都可以食到而且價錢好貼地，街坊價👍🏻味道都唔錯😋最深印象係個pizza底好厚但好鬆脆！勁爆好味🤤.除咗pizza仲有焗意粉，味道都唔差，份量又多😍小食order咗雞翼＆芝士焗薯條雞翼相對其他野就普通芝士焗薯條好大碟，粗條滿薯仔我最愛😋.之後去土瓜灣食野又多個選擇喇💞呢度真係好有家嘅感覺❤️(😂雖然我屋企唔會有呢啲野食)但成件事真係好舒服好warm！Thank you pizza monster👾❤️...#pizzahk #nomorepizzahut #lovepizza #eatpizza #homepizza #nicepizza #awesome #awesomepizza #ilovepizza

小店好親民，入到餐廳見到好多學生突然有一種好似以前中學時期放lunch嘅感覺😆呢度除咗有pizza、意粉、小食、仲有炸雞，今日就嚟試吓佢嘅午餐，午餐都好多選擇下😆可以揀是日意粉/熱狗餐，仲可以配埋小食，好誇張嘅係小食可以揀¼塊嘅Pizza😆又或者可以揀炸雞，成個餐都只係50幾蚊左右，難怪咁多學生個捧場，淨係睇個份量已經好誇張價錢亦都好平😆咁啱嗰日嘅是日意粉係肉醬意粉，我又貪得意又想試吓pizza😆不過我建議細食嘅朋友真係唔好咁樣揀🤣🤣🤣一定要叫多個朋友同你一齊食先會食得晒🙈肉醬意粉夠多汁，仲好多肉粒，味道都唔錯！唔好睇塊pizza得¼，都好多芝士好足料，而且焗得好脆😎👍🏻另外，一定要試埋炸雞，外層超脆，入面勁嫩滑🤤🤤🤤單件都只係$18，有原味、台式辣味，大大件好抵食！

土瓜灣雖然仲未有地鐵，但呢區既餐廳種類同數目絕對唔會比有地鐵既地方少 haha! 今日難得黎呢度探朋友，而佢又咁岩想食品Pizza，就帶左我黎呢間都幾新淨既pizza 餐廳食下午茶！-1⃣蒜蓉包沙律 💰54（👅: 6.9/10）先來一份醒胃沙律，蔬菜尚算新鮮，而兩塊長方形的蒜蓉包亦係香脆可口，蒜香十足。-2⃣烤雞（兩件）💰36（👅: 7/10）烤雞有一件雞胸一件雞槌，表皮燒我香脆，裡層嫩肉，簡單而滋味！-3⃣加洲風情心型迷你批 💰63（👅: 6.8/10）心型Pizza幾有心思，迷你批適合二人份量，有菠蘿、火腿、洋蔥同粟米。餅底香薄。整體中規中矩.

美食博士今日帶大家去土瓜灣食薄餅🍕👉怪獸多寶（迷你批）$65👉海鮮闊條麵（白汁）$57👉半分檸檬糖雞翼（四隻）$31👉熱即磨咖啡 $20👉熱奶茶佢嘅Pizza有三款，分別係六吋、九吋、同12吋，我哋食嗰個係六吋迷你批，雖然最細但兩個人來講都算大份，而且佢嘅批幾厚身，裏面有洋蔥、青椒、辣肉腸、火腿、蘑菇、菠蘿、牛肉、豬肉， 用料都幾豐富。我自己最鍾意食嘅就係雞翼，佢啲檸檬甜甜地酸酸地，又有清新嘅感覺。另外佢仲有自助湯飲，可以飲羅宋湯。

Pizza monster 位於土瓜灣馬頭圍道418號。佢係一間小店，大約容納到30+ 人。 怪獸多寶呢個pizza 係佢既招牌，當然要試試，佢其實就係乜都有d. 由於早食，所以仲有心形批，餅底係厚批底，口感有d 似脆脆地既麵包。overall 來講係幾好食的。另外，佢既pizza 有3個size 揀，所以人少都岩食。海鮮焗闊條麵因為menu 上推薦，就叫左試下。份量雖然足夠，但我感覺就略嫌淡左d.惹味烤雞 (檸檬味)有一隻雞髀加塊雞扒，有肉汁，外脆內軟。唔貴又有驚喜，值得一試。如果1 2個人想食下PIZZA 又唔想食太多 不妨一試~

成日食pizza來來去去都係嗰兩間，今日嚟土瓜灣食完呢間，真係覺得呢d先叫質數。除咗Pizza、意粉，仲有炸雞必定要試。樣樣都即叫即製熱辣辣，炸雞好脆呀，裡面肉質仲要好嫩滑，又多肉汁...超正🥰肉醬意粉都好味，鍾意個汁又夠哂肉粒...Yummy😋檸檬雞翼真係好fresh好香檸檬味，甜甜酸酸好醒胃，連伴碟嘅沙律菜好新鮮爽脆。呢度嘅份量好正，有得揀半份/全份，就算一兩個人嚟，都可以食到不同款。原來外賣自取仲有9折，下次可以外賣拎返去同屋企人一齊嘆🤗

紅磡美食系列（九）紅磡，黃埔，土瓜灣，真係環環相連，呢三個地區真係好多美食，我住紅磡，就啱啱係黃埔同土瓜灣中間，就算行都係10鐘左右，真係好方便。😚😚😚紅磡，黃埔嘅餐廳就介紹得多，今次就去吓土瓜灣發屈吓新嘢食，老公話之前睇到有人介紹呢間餐廳，已經好想去試，所以今次就滿足佢，就去試一試啦！😍😍😍Pizza Monster HK 薄餅怪獸地址：土瓜灣馬頭圍道418號樂意居地下2號舖秘制燒豬排骨 $137我真係覺得冇叫錯，先講份量，真係唔細，仲要叫做多嗰隻，嚟到上枱已經聞到好香，薯條份量又唔少，全部都係熱辣辣咁上枱，一咬勁多肉汁，肉質好嫩，唔會燒過龍變成好乾，香草味好正，呢個真心推介👍👍👍因為即叫即整，呢個講明需要等30分鐘，所以大家想食一定入到去叫咗先，再慢慢諗食其他啦！😋😋😋熱情如火 （細批）$65店員姐姐行過嚟問我哋想食乜？我話我哋仲諗緊，姐姐好好咁問我哋有乜唔食或想食，我哋話想食d辣嘢，佢就推介我哋食呢個Pizza同燒雞，Pizza係有墨西哥辣椒，所以食落係有少少辣，外觀心型Pizza，夠特別，Pizza邊都好脆，就算我有一件凍咗我最後先食，個批邊同底都仲脆嫁，最重要佢嘅芝士真係做到

難得去開土瓜灣，一定試下依到嘅小店！今日想食pizza，見到依間個名就知入去就岩入到去雖然店舖細但裝修都有啲心思。幾鍾意佢呢度嘅Pizza有分6’，9’，同12’，就算人少少嚟食都唔使驚！另外佢餐牌係用唔同醬底分類，非常清晰叫左個6’怪獸多寶($65)，餡料好豐富，有洋蔥、青椒、辣肉腸、火腿、蘑菇、菠蘿、牛肉同豬肉。好滿足，同呢度個薄餅底係好脆！正另外叫咗個白汁吞拿魚長通粉（$54），依個就不過不失，略嫌啲通粉煮得太軟。小食方面就叫咗半份檸檬蜜糖雞翼（$31），都幾驚喜，雞翼焗得幾好，外皮甜又脆！Overall依到嘅食物質素尤其係pizza真係幾正！價錢又實惠，都值得食！

傳說中芝麻街有 Cookie Monster，馬頭圍道則有 Pizza Monster 。今日與女友到牛棚取景拍照，順道於附近午餐，找到了這間「怪獸薄餅」，被門口正中的怪獸吸引住了。心形薄餅，全人手製造，材料有肉腸、肉碎、青椒、蕃茄、蘑菇、洋蔥、芝士等等，配上香甜的蕃茄醬汁，餅底香脆鬆軟。餅底厚但鬆化麻辣烤雞和蜜糖烤雞，西式餐廳食到麻辣烤雞都係第一次，但做得真係唔錯。麻辣味道平均，夠哂惹味。至於蜜糖烤雞外層香脆，滿滿蜜糖香味，又不掩蓋雞脾的香嫩。海鮮寬條麵，表層鋪滿魷魚、蟹柳、蜆肉等海鮮材料，夾起寬條麵時，拉出一絲絲芝士，口感香濃又creamy。大大杯凍檸茶，茶底夠濃，檸檬亦有很多片。兩個人都勉强夠飲。薄餅款式有很多，可以外賣回家睇波吃。