薄餅怪獸

营业中

休息中

偶爾經過馬頭圍道，見到這間pizza嘅招牌好揚眼，即可愛又卡通。入到店內，鋪仔細細，幾張卡位和兩張長枱。但座位都闊落，坐得舒服。什菜湯和台式辣味炸雞，什菜湯好夠料，味道剛剛好。炸雞熱辣辣，外層少許辣味粉，內裡一啲都唔乾，仲有少許肉汁，咬落脆卜卜，少少辣好好味😋海鮮焗長通粉，海鮮鋪面，份量夠大碟。星級夏威夷pizza，心型pizza，齋打卡都攞到唔少分😂上面一層厚厚芝士，中間有菠蘿和蜜桃，夾着香草腸，食落好味又開胃。pizza邊好脆好鬆軟，好好食。這裡pizza種類都有好多選擇，仲有三個size揀，最特別係有心型pizza。價錢經濟實惠，值得去食！