蕃滿門

营业中

休息中

 好耐無嚟蕃滿門喇! 以前仲係喺附近返學, 差唔多日日都係嚟呢度食學生餐,  自從畢業出嚟做嘢後已經少嚟咗！今日突然好想食返呢個花枝丸縲絲粉, 一於嚟懷念下先~以前我去舊舖多, 而家已經搬咗去前面, 大間啲裝修都靚啲，我坐咗喺新門口吧枱，啱晒我一個人慢慢享受唔使搭枱, 吧枱仲唔使等位！梗係直入即坐啦～出面熱到溶!3分鐘後我個久違嘅蕃茄花枝丸縲絲粉嚟喇!湯一樣濃, 花枝丸一樣鮮味彈牙, 係蛋.............無以前咁滑, 不過都ok, 杯檸茶都唔錯, 整體上都keep得住水準。一路碌下電話, 一路不下不下慢慢就食晒！好滿足, 好多回憶好有感覺~

今日下午我們喺大埔附近做完嘢之後行過海寶花園見到呢間係以蕃茄濃湯做主題嘅餐廳叫「蕃滿門」，因媽咪最鍾意食蕃茄濃湯，所以我們就決定入去食下午茶！我們叫咗招牌蕃茄滑蛋濃湯鷄肉螺絲粉同特式蕃茄滑蛋濃湯脆皮鹹豬手意大利粉！蕃茄濃湯係用新鮮蕃茄熬製而成，味道極之鮮甜濃郁，而且加埋可以畀我們自己揀選辣度，令到味道更加惹味醒胃！而滑蛋就真係好滑溜，就算浸著喺湯入面，都唔會變「嚡」，真係好正呀！鷄肉係輕輕煎香過，所以食落更加芳香，肉質相當嫩滑！脆皮鹹豬手嘅外皮相當酥脆，食落好脆卜卜，肉質亦好非常厚身同好鬆軟，唔會又乾又硬，再配埋香甜嘅蜜糖芥末醬一齊食，除咗可以減低鹹度之外，而且會更加惹味！螺絲粉亦好煙煙韌韌！

中意蕃茄嘅啱你啦呢到湯底係用咗四種番茄及大堆雜菜熬成 飲落好鮮甜 酸度都ok高 食一啖都滿口茄香 仲要大大兜！👍🏼😋 軟殼蟹又炸得好香口😍 賣飛彿！😚 ~大埔係原店啊！~ - -📍 蕃滿門 (大埔) 大埔安慈路1號海寶花園地下8號舖

第一次比差評本身見下奏冇咩人排隊就行左入去食叫左個唔記得C定D餐既午餐鴨胸跟微辣蕃茄螺絲粉叫左冇幾耐就好快到但一黎到就見倒個鴨胸粉粉地色就唔為意照食落肚 點知完全唔熱 好似放左好耐咁 重點係成個盤都勁多油都唔係第一次食架啦 一次比一次多油咁個螺絲粉湯本身係叫左微辣但我食落去肯定唔只微辣因為之後趕住走 就快快手腳咁食完比錢 番到公司 就開始肚唔舒服🤢中途已經痾左次番到屋企更加變本加厲 痾左幾次服務態度係唔差 但好急咁趕住收客人啲野食迫佢地快啲去比錢咁 真係好失望 過左兩日都重可以胃痛緊 確診食物中毒啦

星期日同朋友們一齊出去食個午餐，就去咗返蕃滿門度食啦～～～一如圖片中所見，係好多人排隊㗎！不過都唔係排左好耐其實我嚟過食唔少次㗎啦，今日先認真打返個食評😂😂😂我自己對番茄就有濃厚嘅興趣，所以都幾鍾意呢間以蕃茄為主題嘅餐廳🍅🍅🍅🍅今日我就食咗脆皮豬手微辣米線🤤份量係非常之足夠！如果細食嘅朋友可以嗌佢少米線㗎！我哋今日仲叫咗個粒粒多士（朱古力），都係值得一試㗎🤤其實呢到其他配料都好好食，除咗豬手之外我平時最多叫嘅就係香酥雞扒啦🤗鍾意蕃茄味嘅朋友就唔好錯過啦！

今日午餐食唔夠, 趁早食個早啲嘅晚餐, 聽日返工返學唔使咁夜, 嚟到呢度呀女最鍾意食蕃茄, 點咗個雜錦蕃茄湯飯，蕃茄滑蛋雞軟骨餃子 螺絲粉，老公最鍾意焗飯，今次揀鴛鴦焗薑飯。 蕃茄湯貫徹始終濃濃的番茄味，今次係微辣，更加醒胃。軟骨餃子都唔錯，都是新鮮煎起，食到裏面有軟骨，堅好爽口!加廿蚊可以多個薯餅粟米同飲品，今日只係得南瓜薯餅， 個薯餅新鮮炸起，熱辣辣送到上枱，切開出曬煙，意外的勁好食邊度平日學生嚟食嘢著校服有八折，亦都有兒童餐，適合一家大細帶埋bb嚟食嘢。

來到農曆新年的時間，除了大型連鎖店外，不少餐廳也會休息，年初四的時間來到大埔拜年後，就順便看看附近有咩好選擇啦！新年當然要著得紅通通一點先有節日氣氛呢，所以食物也要應節一點，選擇紅卜卜的選擇啦！😆年糕，蘿蔔糕食得太多，希望可以食一點醒胃的食物！蕃茄濃湯飯配炒滑蛋🍅蕃茄濃十分香濃，內有不少蕃茄肉及洋蔥呢！蛋也炒得十分香滑！惹味黑椒牛扒～牛扒煎得金黃，但黑椒味不夠，略有一點油膩感！牛扒也不是整件上，分別分開了數件！蕃茄濃湯真的不錯，很香濃！但牛扒就有待改善啦！

試過蕃滿門不同分店的味道，唯獨最喜歡大埔分店的，感覺蕃茄味較真及濃，而其他分店的湯真的比不上。每次必吃的是豬手，脆口入味！今日再試黑椒牛扒，味道一般，但無筯容易切，加分！

去親大埔就會想食蕃滿門，諗起蕃茄湯酸酸辣辣，就流口水啦我食開米線既，因為夠掛湯，我平時食譚仔三少辣既，呢度既小辣係冇辣味，至少都要叫中辣起我呢度大辣都食到，但朝早第一餐廢時食咁濃味就叫左中辣😂個炒蛋就不嬲都出色既，夠大年夠厚身。我自己最中意跟既小食係豬手，因為佢炸得好爽脆，加埋個芥末醬，好惹味！鹽酥雞都不過不失，都大份既魚柳我就略嫌細份左啲啦全都都熱辣辣上黎，即炸既雖然野食唔錯，但我覺得啲枱面可以抺乾淨啲🙈

每次同男友去食都會食佢個香酥雞扒同香脆豬手蕃茄粉....好味道之餘....又十分抵食....雞扒同豬手都大大件熱辣辣....但今次放假朝早行過見到佢早餐都幾吸引就食左佢早餐....原來加埋芝士嘅蕃茄螺絲粉再加小辣係好好食....下次會再咁食

位置挺好找的，大埔中心！晚上排隊等了一下就進去了。推薦點番茄湯面。但是分量超級多，女孩子的話兩個人點一份就夠了。下次來想嘗嘗德國脆皮豬手，應該很好吃。會繼續幫襯噠！

今日又去到我飯堂 同樣地叫豬手 配 蕃茄湯螺絲粉。豬手依然外皮脆卜卜，肉質厚實，點芥末蜜糖平衡豬手既咸度，恰到好處。湯底用新鮮蕃茄熬成，濃郁又鮮甜，加上少少辣醬好惹味！螺絲粉熟成度亦淥得剛好，有咬口！唔中意食螺絲粉亦可以揀其他麵，甚至飯！就係中意佢彈性高。二人晚餐盛惠$117，$53有豬手，大大蕃茄湯粉仲來想點？侍應亦冇圬間講得咁惡劣，起碼經理好有禮貌

次次黎必點豬手螺絲粉，今次叫埋牛排螺絲粉。兩個螺絲粉都係微辣，上次叫小辣辣得滯。好鍾意個湯底咁濃郁，好濃蕃茄味，仲要有個炒蛋放面，好好味。豬手好抵食，兩大舊，又多肉，點埋個芥辣汁仲正。黑椒牛排相對冇豬手咁抵食，但個味好出色，好香黑椒味，而且唔難嚼，林林地。

蕃滿門真係窮人恩物❤️❤️平時以為一碗40幾蚊已經平原來叫一個什錦嘅粉（唔太記得個名）先係至抵 夠兩個人食 都係68蚊（冇記錯的話）！一碗已經有鴨胸 蟹柳 炒蛋 冬菇 牛腩 豆卜 丸 西蘭花亦可以揀辣度同咩粉 我地揀左螺絲粉同微辣 螺絲粉真係好適合配呢到嘅湯 因為粒粒都掛到湯 而微辣就令個湯有多啲層次 辣辣地嘅蕃茄湯 大人細路都啱而且呢個什錦份量又夠 超級抵食啊不過意猶未盡 就叫多左個一口麵包 花生醬好香 好厚身嘅一粒粒多士咁 幾唔錯！晚餐每人40零蚊 有咁嘅質素

次次經過蕃滿門都非常多人排隊，應該都好好食。咁週末就同屋企人一齊早d去啦，但點知都要排隊。最後要搭台同其他食客一齊坐。入到餐廳睇完餐牌，真係嘩左一聲，因為$50左右先得一個湯飯或者湯粉麵，仲要唔包飲品，不過試下無所謂啦。最後叫左個蕃茄牛肉長通粉、蕃茄牛肚螺絲粉同埋蕃茄雞扒公仔麵。頭2個餐都好快到左，但個雞扒公仔麵遲遲都未到，最後俾左個炸魚柳同公仔麵，但我叫雞扒咼，當然話個魚柳唔係我啦。咁個侍應就俾左個公仔麵我先。點知坐隔離台條友一早攞左個雞扒但佢係叫魚柳，之後個侍應就將個魚柳俾左佢，然後將佢個雞扒俾我。有乜理由將人地可能食過個餸拎黎俾我就算。我當然即刻要佢換啦，佢好似唔想換咁。以後都唔會再黎。