蕃滿門

营业中

休息中

一看到以蕃茄🍅為主題的食店，作為蕃茄控的我當然要試試。我們點了兩份也是特色蕃茄滑蛋濃湯，一個配長通粉，一個配螺絲粉，這兩種粉配蕃茄簡直是絕配。蕃茄湯粉大大碗，湯底濃厚味美，另外選了餃子🥟雙拼作配料，還有精美甜品，美好的一餐

作為一個蕃茄控，絕對抵受不了  的誘惑🤤 濃郁的蕃茄湯底加上粒粒蕃茄肉，這是餓底吃過最有蕃茄味的蕃茄麵！非常之真材實料！！！.而且還可以根據個人喜好挑選不同的配料（額外加錢），結合港式車仔麵的吸引，教人如何可以不愛他🤤.只可恨最近的蕃滿門卻在  😭 每次泛起單思之苦都難以釋懷，非要人家千里迢迢入大埔不可😭 為了再嚐蕃滿門，我入！.味道：9/10價錢：HKD 50-60

朋友推介黎間舖既番茄湯好濃郁好好食，所以今次出大埔順便就去試下，果然無令我失望！我叫左個特色番茄滑蛋濃湯配黑椒牛扒，落左單一陣大大碗螺絲粉就送到，5會太耐飲一啖湯就已經感覺到味道非常濃郁，主要係重番茄既甜味，同屋企阿媽整鮮番茄炒蛋個種既鮮甜味真係有少少似！唔會覺得有太多調味料味係度份量都係岩岩好，女仔都5會食剩太多，上面既蛋都好食至於黑椒牛扒都好食，入味，肉質都算軟焾，唔會un雖然5包野飲，但53 蚊食到咁高質既食物算係咁！

同朋友去大埔林村時順便黎左呢間食。之前係元朗食過都覺得個蕃茄湯加辣好好食，今次都唔例外。今次我地叫左佢個餐，魚柳、牛排、豬手，份量都夠多，味道又唔錯！會再黎食！

好耐冇黎食過，因為平日夜晚，所以唔洗等位就入左去，本身唔太肚餓，所以只叫左個餐肉蕃茄麵(但最後差唔多食晒，太開胃啦)好好好濃嘅蕃茄湯，食到中段都超級熱，蕃茄味好夠，餐肉都好厚另外一個餐叫左炸雞，份量都好足，又好好味，佢有比泰式辣醬，不過我比較鍾意放圦蕃茄湯度食，又夠味又冇咁乾(其實本身都唔乾)如果有套餐就更好，不過其實冇野飲都唔會太口乾，只係麵太熱，有少少想飲凍野

想落單時招手，有位樓面同事完全無視，直至2分鐘後才叫我們「等等」，沒有任何解釋。然後我們又再招手叫了另一位樓面同事，同樣又叫我們「等等」，同樣沒有任何解釋。等了5分鐘，終於（由我們主動）叫到一位同事可以落單沒有任何解釋，並表達不滿。這位同事解釋有兩位樓面新同事未能為顧客落單，只能叫我們「等等」。這樣不要緊，但這兩位新同事完全沒有通知過可以落單的同事，這位同事還說「咪叫左你等等囉」。原來顧客需要自行辨認出可落單的同事！！顧客要不斷嘗試叫到有樓面可以落單為止！！極度離譜！！！！

食左好多次嘅蕃滿門，今次終於黎寫食評。每次黎食都一定會叫豬手意大利粉，佢嘅豬手真係好好食呀，仲有蜜糖芥末醬，味道一流。最好食嘅係佢嘅蕃茄湯底，入面有好多蕃茄碎，十分濃郁。

今日搵lunch食行經過蕃滿門難得見到平日Lunch時段唔洗點等位就決定食佢啦。之前都久唔久食佢嘅lunch set嘅，坐地左之後發現佢嘅lunch set轉左款。主菜依然係佢出名嘅炒蛋蕃茄濃湯配意粉/通粉/螺絲粉，轉嘅係set嘅餸。今期有佢另外都幾出名嘅豬手配吉列蝦，見到即刻嗌佢。上菜時間有少少慢，但係上到黎同以前一樣咁吸引。個湯底嘅蕃茄味十分濃，今次碗湯入面仲有原個蕃茄係入面。炒蛋唔係好鹹，但係當有個蕃茄湯嘅時候唔需要鹹。鹹味由個豬手補番。豬手份量比想像中大份同埋好好味。個湯同螺絲粉食到唔停口，絕對會繼續返黎食lunch。

住大埔既我終於都試到啦 每次見到咁多人 所以都未試過同男朋友都好中意食蕃茄 佢既蕃茄湯底真係滿滿既濃茄味好味道另外佢既豬手都好好味整體上黎講好滿意價錢方面都好實惠 下次等到無咁多人再食

四圍嘅快餐店都以健康為題，加咗唔少話係有營養嘅食物比大家有更好選擇，最經典嘅緊係蕃茄湯乜乜乜⋯不過佢哋所謂嘅蕃茄湯，只不過係味精湯加蕃茄蓉，又或者係茄膏加水再加幾粒蕃茄碎。打工仔，朝朝趕返工，連瞓都唔夠時間，對早餐又點會仲有奢望。所以星期六、日放假嘅早餐就可以食得好d! 今日決定食返個真真正正嘅蕃茄濃湯早(午)餐！蕃滿門其實係已經喺大埔區好多年，由喺巷仔細細間做到而家搬出咗大街，不過我都係第一次食！其實我唔知招牌蕃茄滑蛋濃湯同特式蕃茄滑蛋濃湯有乜分別？！除咗個中文/英文字唔同、餸唔同、價錢唔同，我估係一樣！個人認為蕃茄湯配長通粉或者螺絲粉係最夾，因為可以掛到湯！雖然可以揀意大利粉，公仔麵，米粉同飯，但公仔麵同米粉好似有d九唔撘八，第一餐又唔想食意粉同飯。特式蕃茄滑蛋濃湯長通粉配脆皮咸豬手我哋揀咗原味蕃茄湯底，第一啖入囗係有d酸，不過可以食到蕃茄原有嘅味道。香濃嘅蕃茄湯，一啖湯+粉、再一啖香囗惹味嘅咸香豬手，正！入門囗果陣見到呢個好吸引嘅泰式風味軟殻蟹套餐！泰式辣肉碎鮮蝦蕃茄湯螺絲粉配炸軟殻蟹呢個湯就揀咗微辣，可能我鐘意食辣，同埋呢個湯底加咗蝦，更加濃郁更加香！加上少少辣，味道比原味惹味

前陣子經常到大埔去遊蕩都會到「蕃滿門」食個蕃茄湯底意大利面🍅🍅🍅 特色蕃茄滑蛋濃湯配脆皮咸豬手$53不包餐飲湯底酸甜適茄香撲鼻，豬手皮脆肉可惜肉有點鞋口🐖🐖 下午茶之選1）雞肉意大利粉跟餐飲$43 雞肉嫩滑味美。 2）芝士米線跟餐飲$43 姪女叫的年輕人喜愛芝士，她告訴我好味道，芝香四溢喎！

雖然依家好多地方都有蕃滿門，但係細個嘅時候好似淨係得大埔先有(好似係)。自從搬咗鋪都無食過，見唔知食乜好，咁岩又收到張傳單話送野飲，所以就去咗試下，睇下水準係咪仲係同以前一樣。去到門口都係同以前一樣好多人，等幾張先有枱。咁就叫咗豬手羅絲粉同一個有哂所有料嘅套餐。張傳單送咗兩杯野飲。個豬手大大份有好多肉，焗得岩岩好，好香好脆！至於個套餐就好多料，味道都幾好。仲有個泡沫檸檬茶，幾好飲又唔會太甜。餐廳環境好過以前，乾淨過以前，幾好坐。

尋晚8點幾左右去到餐廳個時仲有幾張空枱，入到去完全無人打算帶位！我地一行五人唯有問可以坐邊，然後俾個相信係店長嘅男人嘴藐藐咁話我地心急，叫我地坐低先！大佬你位都唔帶點知坐邊啫？去到叫嘢食，我地有人問另一位店員有關日式獅子卷同芝士竹輪卷有無分別，點知位無禮貌嘅店員又係旁邊搭訕話猴子卷咪猴子卷，竹輪卷咪竹輸卷囉！個語氣勁差！完全無意慾解答問題！雖然食物ok，但好地地食一餐都要俾位店員咁串幾獲，貼錢買難受囉！

夜晚八點幾一行5個人入去食晚餐，諗住快靚正。疑似係店長既男服務員叫我地坐一張4人枱。我地重申我地5個人，男店長以呼喝既態度講左句「你地坐低先！」，然後先將隔離一張二人枱合併。點餐果陣，同行友人查詢餐牌食物，該男店長問非所答，並無解答到同行友人既問題就走左。同很友人既炒蛋湯螺絲粉入面有蛋殻。食物味道係唔錯，但店員態度真係大扣分。唔會再去。

大埔區出左名係食物天堂所以係咁多選擇之中都仲有好多人食其實都唔容易呢間蕃滿門係其中一間間中有人提起話好食的點左個午餐咸豬手拼雞軟骨餃子蕃茄湯螺絲粉少辣咸豬手方面有少少韌瘦肉同肥肉都適中但我不喜歡太乾無咩水份雞軟骨餃子好有趣食落有d軟骨脆脆多一點層次好味蕃茄湯都好特別因為佢有辣度既選擇呢個係佢特別之處加左辣味更加開胃配埋螺絲粉留住d濃稠的蕃茄湯更加好味餐飲點左泡沫檸檬茶好有仙跡岩既味道好有回憶的味道所以總括而言我覺得滿意