蒲羅

营业中

休息中

位於樂富廣場A區的「蒲羅」是食新加坡菜，大大的門面裝修新淨光猛，店內有很多卡位，坐得舒服。餐牌上有很多東南亞美食，價錢親民，而套餐A+B+C 有主食、小食和飲品，選擇多，價錢更抵。《 海南雞配油香飯》$86食新加坡菜怎少得海南雞呢！無骨海南雞啖啖肉，食得過癮，皮薄肉嫩，配埋油飯和湯，滋味無窮。《 牛肉湯河粉》 $90 有生牛肉、牛𦟌、牛肉丸，三樣餸都好正，加了勁多蔥和蒜更加惹味豐富。《 酸辣無骨鳳爪》鳳爪加入自製的辣椒油、醋、蒜蓉等醃過，香辣有嚼勁《 順化香茅雞翼》雞翼皮香肉嫩，很惹味。《 越南炸春卷》$48春卷香脆不油膩，包著生菜一齊食，更添風味。套餐還包埋特色飲品薄荷青檸梳打 桂圓紅棗茶

主打新加坡菜嘅［蒲羅］，糅合越南嘅特色美食，各有捧場客~今晚就約朋友，一個食正宗巴生肉茶，另外一個就點河內生牛肉湯粉😋在這裡，內骨茶基本係招牌菜，一上枱已經聞到濃濃藥材味，喝一啖就停不了，藥材加香料餚製嘅排骨，口感鬆棉，肉質香甜，把豆卜和油條浸在肉骨茶片刻，吸收完湯嘅精華後放入口，回味無窮💯生牛肉湯河啲牛肉大塊又有肉味，睇住啲生肉慢慢俾熱辣辣嘅湯淥熟，必試！街頭雞肉串燒味道有層次，香茅味香吾韌而且入味，加埋祕製辣汁好開胃😌呢度食物質素好，坐得舒服，服務又吾錯，樂富站行嚟都近，下次再食過！

上次食完依間已經念念不忘😍 今日約朋友去旺角終於有機會食返，質素依然都係咁高，叫咗兩個套餐再加個小食都唔使$240，真係超抵食呀，兩個食到勁飽😆😆😆 誠意推薦大家一定要嚟試！💟正宗巴生肉骨茶 配 油香飯必食肉骨茶😍 肉骨湯采用豬骨和香料長時間熬煮,湯頭醇厚濃郁,搭配油香飯一起食用,讓人回味無窮💟香葉烤雞扒喇沙摻摻喇沙湯底好惹味！用上兩種麵條口感好特別，好豐富😆 雞扒外酥內嫩，好好味！💟酸辣無骨鳳爪口感爽脆，酸酸辣辣好正啊😆💟越南炸春卷（2件）酥脆香口的春卷，很不錯😋😋💟櫻花蝦娃娃菜新鮮娃娃菜加香氣四溢的櫻花蝦，蔬菜爽脆清甜💟桂圓紅棗茶女士必飲養生茶，有桂圓、紅棗、玫瑰、龍眼，帶有自然甜香，有助於養顏補氣～

最近食咗呢間好抵食嘅餐廳，全日都有set，價錢由$48起，性價比極高！食物質素都好好👍🏻👍🏻👍🏻.✨吉羅烤香茅雞扒配油香飯香茅雞扒烤得好香，雞皮脆口，調味都好好味❤️✨海南雞清雞湯米粉海南雞肉質非常嫩滑，米粉吸收咗湯汁味道唔錯！✨參岩醬燒豬頸肉一定要叫豬頸肉！燒得好香囗，肉質軟稔之中又帶啲爽囗👍🏻👍🏻👍🏻✨馬來芒果汁配芒果雪糕跟餐加8蚊就可以叫到呢杯特飲，性價比好高❤️.📍 蒲羅 (樂富)樂富聯合道198號樂富廣場A區1樓1104-1105號舖

其實呢間餐廳已經開咗好耐，但因為嗰陣覺得價錢稍貴，只係疫情有折嗰陣食過一次外賣，堂食真係第一定嚟。點咗個娘惹蔥油辣菜甫醬排骨飯，餐飲係凍桔仔話梅水。對於非常喜歡食蔥油嘅我，覺得蔥油份量太少，下次要記得要求多蔥油。😛 菜脯我覺得幾辣（辣度係正常，只係我自己食唔到太辣），蛋就正常發揮。好在排骨無欺場，三大件，全部真係啖啖肉嘅！唔會太靭，無羶味，唔會好鹹，真心好食。飯軟硬度啱啱好，無話唔夠水過硬嘅情況。當附近新開嗰批茶記同粉麵舖都接近$70埋單，佢哋嘅set lunch加咗一先至$63，就變得相對抵食。見隔離枱喇沙同油飯都好靚仔，搵日再嚟試吓。😋

樂富呢間Pulau小編周不時都去都食，中意佢夠地道，款式多又抵食。精選套餐配飲品海南雞清雞湯米粉海南雞份量多，第一次食海南雞配米粉，一啖湯，一啖米粉，別有一番風味。娘惹茶燻鴨配油香飯同平時食的燒鴨不同，這款茶燻鴨鴨肉非常嫰滑，皮則是彈滑個款，更帶有一陣茶葉的燻香，不錯。班蘭咖也多士多士夾著班蘭醬和一大片厚牛油，有點heavy，但好正。新加坡鹹蛋黃單骨雞翼💯這款超好食，單骨雞翼方便食得黎，雞翼亦好肥美，食到啖啖肉，炸得剛好，超juicy, 每只雞翼亦包著濃濃咸蛋黃，超惹味。恐龍蛋椰子和咖也口味的雪糕，加上美祿波波，夠特別。凍青檸紅茶青檸紅茶冰涼爽口，特別解膩。#樂富美食#樂富#foodie#hkfoodie#甜品#樂富必食#香港必食#香港美食#香港网红打卡#香港美食探店#新加坡菜#pulau#moodzfoodie#moodzfoodz

呢間蒲羅之前食過佢其他分店，味道唔錯所以好有印象，難得嚟到樂富原來都有分店，就決定再食一次。娘惹蔥油辣菜圃醬排骨飯 $56有3塊超大塊厚切醬排骨，肉質鬆軟醬香味濃，蔥油同辣菜圃用嚟撈飯一齊食亦十分之惹味開胃。巴東牛肉 配 斑蘭椰漿飯 $48佢哋嘅巴東牛肉煮得好軟腍，口味濃郁又多汁，斑蘭椰漿飯有獨特香氣，飯粒分明配埋花生同青瓜一齊食更好味。地道老鼠粉 $58將花生、蔥、魚乾、肉燥、水波蛋等8種材料撈勻後就可以食，老鼠粉本身已經煮到上晒色有醬汁香味，配合埋其他材料口感同味道都豐富。烤馬來蔥餅 配 咖哩 $42蔥餅非常之香口惹味，就咁食已經好好味，點埋個咖哩辣辣地咁就更好味。馬來芒果汁配芒果雪糕 跟餐+$8芒果汁好濃郁鮮甜，夾埋個雪糕一齊食夠晒爽。海鹽雪糕椰汁珍多冰 跟餐+$8底層有特色珍多冰，上面有海鹽雪糕，整體口味十分之清新。馬來拉茶傳統馬來拉茶，有濃濃椰奶味。蒲羅 (樂富)樂富聯合道198號樂富廣場A區1樓1104-1105號舖

我今日去樂富廣場辦事，順道約同好友去位於聯合道198號樂富廣場A區1樓1044-1045號舖的蒲羅食下午茶，環境舒適，坐得舒服。我點左個巴東牛肉配斑蘭椰漿飯$48，好友點左個海南雞飯$58，另外點左班蘭咖吔多士$26，街頭雞鴨絲湯米粉$46，餐飲係熱桔仔話梅水（跟餐），凍馬來芒果汁配芒果雪糕$8（跟餐）。巴東牛肉軟腍入味，海南雞嫩滑，咖吔多士味濃好味，雞鴨絲湯米好食，桔仔話梅水解渴，馬來芒果汁的芒果味香濃，配芒果雪糕好完美。

約好友嘆下午茶，餐廳價錢親民座位舒適。我們點左下午茶套餐：🥢海南雞飯配冬瓜湯$58（+$8馬來芒果汁配芒果雪糕）去骨雞肉很嫩滑配三款醬料，增加味道層次👍油飯甘香軟滑，芒果雪糕香滑🥭汁香香甜甜。🥢巴東牛肉配斑蘭椰漿飯$48配馬來拉茶，用綠色的斑蘭汁液煮成飯很清香，牛肉炆夠惹味夠淋配半隻糖心蛋，炸花生和炸魚仔很豐富又美味😋馬來拉茶香滑好飲。🥢街頭串燒拼盤$58配馬來拉茶，有蝦、雞各三串，去左殼的蝦肉方便食用，醃肉香料足雞髀肉夠味醮沙茶醬更香。

人好多， 等咗20分鐘 🙄️晚市有得等即係唔會執都係好事😊海南雞應該係直接喺雪櫃拎出嚟。凍但肉質正常唔係特別好食又唔會話難食， 只係凍冰冰🥶油飯熱嘅叫比較好😉個湯普通通菜全部又乾又鞋😖少少馬拉盞味囉個樣唔差嘅但唔好食😑食剩一啲可以選擇嘅，都未必有下次唔算貴但出街食會有啲期望見到不停有人入嚟食， 我諗大家都唔介意質量人人都話上大陸食又平又正， 留得低又屋村生意其實只可以話是但求其一餐咪ok囉， 唔係可以點

評分🩷食物：⭐️⭐️⭐️環境：⭐️⭐️⭐️⭐️價錢：⭐️⭐️⭐️服務：⭐️⭐️⭐️總括而言無論食物、價錢或者服務質素都屬於中規中矩既表現，如果住係附近不妨可以試下。餐廳內部既風格充滿住東南亞既特色，所以係裏面食野其實都幾舒服同享受•美食Gogogooo🥪💡 海南雞飯 基於對油飯既喜愛，所以店員一上枱就即刻要試試先。雖然個飯都好有油香味，但可惜飯既口感偏硬偏亁。而海南雞方面，雞既肉質都幾軟滑，只係份量相對較少，男士們應該會覺得未必夠💡 斑蘭咖哋多士 咖哋多士就屬於正常水準，都唔錯既

樂富廣場中庭開滿唔同餐廳🥢，喺附近收工都好啱過去食飯😋！我哋今次就喺嗰度揀咗一間裝修靚，價錢又抵食嘅東南亞菜🌏。.🐔吉羅烤香茅雞扒配油香飯($56)呢度嘅雞扒真係好正😍，推薦嚟呢度要嗌！雞扒外層酥脆，而且醃得入味👅，夠香口，而且裏面嘅肉質亦都夠嫩身，好味又送飯🍚。配埋油香飯，同埋帶有刺激辣味嘅醬汁，好有feel💕。.🍜海南雞清雞湯米粉($48)海南雞飯都成日食😝，不過海南雞配湯米粉原來都好夾。雞湯味道夠濃，而且雞肉嫩滑，又有雞油香♨️。米粉係半透明嘅，比起茶餐廳港式米粉，口感更加好🫦。.🍢街頭雞肉串燒($56)串燒嘅口感就貼近東南亞嘅口味🏝️，用咗味道濃郁，而口感比較結實嘅整法🐥。點埋好香嘅香油醬汁，好夾同飯麵一齊食😆。.🍳松露茶葉蛋($28)茶葉蛋係半熟狀態，望落去好吸引😍！下面仲有好多南洋風情嘅炸蔥片，同隻蛋一齊放落口，真係夠晒香口💥。

🌟樂富廣場呢度開左好多餐廳，今日揀左呢間連鎖新加坡餐廳。裝修風格係亞熱帶的感覺，木色為主配竹籐座椅，感覺幾清新。🥢全日精選套餐相當抵食，$48起包埋飲品，另外都有二人/四人套餐。今日第一次黎，想試下最地道的新加坡菜，所以決定散叫。🍞班蘭咖吔多士熱辣辣脆卜卜多士，中間夾左層牛油，加埋甜甜地的班蘭醬😋好食🍜新加坡大蝦喇唦滲滲湯底俾出面食過的濃郁，惹味但食完吾口渴。米粉係比較透明果隻，幾彈牙。配料都幾多，有半熟蛋，魚蛋，魚片，豆角，豆卜，大蝦👍🏻🐥海南雞飯配白胡椒肉骨茶一次可以滿足兩個願望！佢另外都有海南雞拚喇唦的配搭，好體貼。海南雞幾滑，雞皮下面有層水晶👍🏻肉骨茶好香白胡椒，食完暖笠笠，入面有舊一字骨，骨肉分離，好嫩好香肉味。🍦海鹽雪糕椰汁珍多冰海鹽雪糕超級好食!味道好特別，椰汁飲品永遠不會另人失望👍🏻

朋友帶我去樂富，一間新加坡餐廳，叫做“蒲羅餐廳”，有好多新加坡美食選擇.新加坡喇沙大蝦參參：材料非常豐富，有大蝦、魚片、魚蛋，豆角、雞蛋、豆芽,有麵線同米粉兩種，喇沙湯底非常惹味.凍美祿哥斯拉：一杯濃濃嘅美祿，加上脆脆嘅美祿波波，特別好飲美味.

蒲羅，位於樂富聯合道198號樂富廣場A區1樓1104-1105號舖， 餐廳主打新加坡菜式， 款式多，晚餐 ～ 馬六甲三寶檳城拉麵$52、 娘惹菜燻鴨配香油飯$58、 咖央多士$26、 凍青檸紅茶$3、 熱馬來拉茶。   🔸馬六甲三寶檳城拉麵 ～ 有炸魚皮、豆卜、魚蛋和半隻蛋，整體正常發揮。 🔸娘惹菜燻鴨配香油飯 ～ 煙鴨胸好肥味， 香油飯口感偏乾。 🔸咖央多士 ～ 味道不錯，但多士凍了。 🔸凍青檸紅茶 ～ 與平時茶餐廳的凍檸茶味道差不多。 🔸熱馬來拉茶 ～ 味道甜甜的，茶味不算濃。 整體價錢合理， 相比起茶餐廳價錢仲經濟。 🏷️溫馨提示～ 整個用餐體驗均屬個人分享意見， 只作參考😊。