葫蘆館

营业中

休息中

網上看了下原來這間鋪經營有40年歷史可惜2月後就易手到他人繼續經營店舖細細間都幾多人光顧不過人手有點少而且好亂應該好好安排人手 薑汁撞奶好足料的薑汁但辣度蓋過奶香 楊枝甘露豆腐花 雜果西米露

呢間葫蘆館已經開業左四十年絕對係陪伴住觀塘人成長既小店大家都大讚佢地既薑汁撞奶好出色今次就特登黎觀塘試下佢一黎到見到好水汪汪 仲天真以為佢未撞好點知放左隻鐵匙羹上去就知道 係撞得岩岩好🥺係DONG L DONG L 岩岩好既狀態一食落啲薑味非常出 非常濃郁 好夠辣薑味唔會淡貿貿 食得出係真材實料呢到另一樣好好既係 可以自由選擇辣度如果怕辣又或者想食辣啲 可以自由選擇下次黎要試個再辣啲既先得😋薑汁撞奶 $30📍葫蘆館觀塘宜安街二至四號地下

係觀塘區讀書工作遊走多年，葫蘆館係其中一間伴我成長嘅小店，好local 嘅中式糖水店，家庭式營業，藍底紅字，鐵羹，好多記憶點嘅食店，特別喜歡佢個“羗”字自己唔太飲得奶，但每到冬天都會幫襯佢個熱薑汁撞奶（加辣）好多做薑汁都係唔夠薑。但佢薑夠辣，奶又滑，冬天食簡直暖在心。因為係即撞，所以呢d就係手工，心機。今次很奇怪，知道這味道正倒數中... 當前畫面既熟悉又陌生，感觸良多，但亦無奈！眼見越來越多小店因為不同嘅原因慢慢消失，更令自己要努力去珍惜這些現有嘅回憶同味道。

係觀塘區讀書工作遊走多年，葫蘆館係其中一間伴我成長嘅小店，好local 嘅中式糖水店，家庭式營業，藍底紅字，鐵羹，好多記憶點嘅食店，特別喜歡佢個“羗”字自己唔太飲得奶，但每到冬天都會幫襯佢個熱薑汁撞奶（加辣）好多做薑汁都係唔夠薑。但佢薑夠辣，奶又滑，冬天食簡直暖在心。因為係即撞，所以呢d就係手工，心機。今次很奇怪，知道這味道正倒數中... 當前畫面既熟悉又陌生，感觸良多，但亦無奈！眼見越來越多小店因為不同嘅原因慢慢消失，更令自己要努力去珍惜這些現有嘅回憶同味道。

開業起過40年，號稱全港首間薑汁撞奶專門店的葫蘆館早前宣布將於2024年2月24日結業。由於我家是這間店的忠實顧客，得知這個消息後亦大感不捨。畢竟，如今還會供應薑汁撞奶的甜品店已經少之又少，再覓替代品也不是易事。🍴薑汁撞奶 ($30)這裡的薑汁撞奶有三大特色。一，手法正宗，店舖標榜無需蒸焗燉，只要靠純粹的「撞奶」便能成功製成。二，糖度和辣度通通任食客決定，甚至無糖也可以。不過要注意無糖版本不是甚麼時候也供應，所以也非常靠運數。三，撞奶有多種口味供選擇，除了正宗的原味，還有很多迎合年輕人的另類口味，例如椰子和士多啤梨味。一個合格的薑汁撞奶，匙羹要能夠放在奶的表面上而不會掉下，這點葫蘆館做得到。奶亦非常順滑且不會呈水狀。最重要是薑味十足，同時又跟奶香取得平衡。不太能忍受薑的朋友記得選擇少薑。還有一星期，大家快點好好跟它道別吧。

以前試過，無乜消息，以為已經執咗，原來未，今次再黎，雖然要等20mins，不過唔緊要啦，因為好可能係最後一次人龍8:30pm 後開始出現，起碼20+人個人意見：好食過義順，因為姜味夠辣

網上見到唔少老字號、人氣小店等相繼宣佈結業，幾許唏噓😢有幸係開業將近四十載嘅呢間中式糖水舖，結業前提前嚟回味一下～下午3點開門前已經有人龍排隊等，天氣凍入到去食碗熱辣辣嘅薑汁撞奶真係暖入心😳店舖以即點即撞嘅薑汁撞奶馳名，辣度同甜度都可以按顧客要求加減呢樣貼心👍薑汁味重而且奶香濃，兩者平衡得好好味😋用薄身鐵匙羹片起食，入口好滑溜，食完一碗會想再encore~臨走不忘買包薑汁軟糖，甜得嚟煙煙韌韌，薑味相對冇咁強勁，即使完全唔食得辣都啱食👍家庭式嘅經營，除咗keep到味道水準好，仲有份人情味☺️可惜店主年紀大，店舖將會係2月底結業，成為街坊回憶入面嘅味道了～

呢間觀塘薑汁撞奶老店呢？喺2月29號就正式結業，趁住佢未結業之前就一於買兩碗懷念吓，好耐之前食過一次係唔錯的，而家嘅傳統中式糖水真係買少見少！夜晚10去到都係要排長龍好多人，薑汁撞奶每張單只係限購兩碗，生意非常之好！🍴薑汁撞奶 $30 (7/10)非常強嘅薑汁味，有少少味，奶味都濃郁，不過唔知係咪撞得唔好成個質感係流質嘅狀態，一啲都唔係凝固 😂好失望…🍴冰花燉蛋 $27 (5/10)有蛋味但過左火候，好老，唔夠滑推薦指數: 6/10可能堂食好啲….

葫蘆館由細食到大，由佢仲係斜路舊舖已經開始黎幫襯。細個鐘意食佢既大堆頭，大個接受到薑味就開始食佢既薑汁撞奶。薑汁撞奶係每次黎必食！薑味濃，唔太甜，而且個texture係撞得岩岩好，唔會太水溜溜，亦唔會太硬。依家香港真係好少有地方做得咁有水準！另外叫左個冰花燉蛋，只有凍，無熱。蛋味香，而且都幾嫩滑，好食！可惜葫蘆館做到2月底就結業，以後就只能夠係記憶中回味。

📍 葫蘆館🇭🇰 觀塘宜安街2-4號地下2A號舖早前係網上見到佢結業通知一於就去試下呢個傳統著名嘅薑汁撞奶🤩晚上10點左右去 排左15分鐘左右除左甜品 原來佢都有啲鹹食！想試嘅話 就要趁24/2之前去食啦～😋 薑汁撞奶 $30之前都試過係屋企整過 但無一次成功同埋唔係好多地方有得食呢度整得好完美！睇落好似好水咁但其實唔係 質感好似燉奶咁滑～同埋超夠薑 夠辣！😋 凍紅豆沙燉奶 $27唔錯～一樣好滑 唔會好甜😆😆

每次經過觀塘都會想食葫蘆館，特別係冬天的夜晚，必點多薑的薑汁撞奶做宵夜。薑汁撞奶唔係太多糖水店會做，而且我會要求多薑汁，特別正，食完成個人暖晒，驅寒最啱養生女士。薑汁撞奶 $31我要求多薑汁，唔好見佢咁奶白色，其實好辣。今次叫外賣係車趁熱食埋先走。如果堂食仲可以親眼見住佢點樣用薑汁撞奶。剛剛見到有新產品，$10包薑糖，簡直係街坊親民價錢。即刻買來試下。估唔到好味喎，即刻再買多一包。其實小店有好多類型嘅糖水，有芋圓，豆腐花，飛碟之類嘅傳統糖水同埋小食，多士，沙律，刨冰，布甸，涼粉，西米露，紫米露，燉糖水之類，好多類別。一家大細去食一定搵到啱嘅嘢食。

⭐️  椰汁西米露加黑珍珠呢個椰汁西米露真係好正，西米晶瑩剔透🤤，再加埋椰汁，甜度剛剛好。凍食嘅時候，真係有種涼到骨子裡嘅感覺。特別加上蘭香子黑珍珠，味道真係好夾🤩🤩。飲一口，一種清香嘅椰汁同埋彈牙嘅黑珍珠一齊爆發，絕對係一個好配搭👍🏻👍🏻。⭐️  芝麻蛋白燉鮮奶 加雲呢拿雪糕呢杯芝麻蛋白燉鮮奶真係好香濃同埋嫩滑😎😎。燉鮮奶嘅口感真係好順滑，奶味好濃郁。蛋同奶嘅比例掌握得好啱啱好，火候都掌握得剛剛好。再加埋芝麻一齊食，芝麻味道冇被燉蛋嘅味道蓋過，仲係可以食到奶香四溢、入口即化嘅燉鮮奶😋😋。而芝麻蛋白燉鮮奶唔係好甜，可以清楚咁嚟感受到蛋白同埋奶糖嘅味道😚😚。加埋芝麻一齊食，味道更加香濃，食完之後飽足感好足，真係好好味㗎🤪。至於雲呢拿雪糕就一如既往，正常水準，冇特別之處。🍄 總括嚟講呢個芝麻蛋白燉鮮奶真係好滑好香濃，每一口都令人陶醉😝😝。而加埋芝麻食，味道更加豐富，芝麻嘅香氣冇得挑剔。同時，雲呢拿雪糕作為搭配，呈現出一種平衡嘅口感。整體而言，呢個組合真係好好食，叫人難以忘懷。📍 葫蘆館 Woo Lo Koon觀塘宜安街2-4號地下2A號舖Shop 2A, G/F, 2-4 Yee On Str

🚩觀塘宜安街🚩🫚正宗既薑汁撞奶而又夠哂薑味係香港唔係好多，最近入左一間門面比較舊既糖水舖, 見有薑汁撞奶馬上試下，即叫即撞, 除左原味原來仲有好多其他味道, 除左呢中式糖水，仲有其他新式既甜品添架🥛原味薑汁撞奶 $30食第一淡已經覺得好夠薑味，好有回憶以前細個嫏下既味道，熱辣辣咁，好岩冬天個陣食，食完一定個身會暖笠笠🍫朱古力味薑汁撞奶 $30相對上薑汁味無咁重, 可能始終朱古力都有少少蓋左薑味，中和個味道如果想食薑味重少少, 建議大家食原味，真係好好味😋📍 葫蘆館🗺️ 觀塘宜安街 2 號地下

餐牌有好多好多張哦 不能盡錄〰️蛋白燉奶 $30 + 湯圓 $10 （3粒）製作需時 趕時間的不建議去🤣🤣而且店員的年齡都偏大 要體諒一下〰️燉奶非常滑溜 〰️從圖中大家亦可想像得到那質感吧😆十分香濃的牛奶味 🍼🍼濃到我一度以為是奶粉的味道🤣 中段也會吃到淡淡的蛋白的味道🥚湯圓應該只有一隻味道可以選擇〰️ Default 了是黑芝麻味吧🐻‍❄️微溫 糯米皮比較厚身 同時也比較煙靭👅 芝麻餡偏甜 芝麻味道不算很香濃可試可不試🐻‍❄️當天也留意到很多客人來吃薑汁撞奶🤪留意到店員一直用微波爐叮東西😂😂 觀感有點不太好〰️ 不過味道是不錯的☺️-餐廳環境衛生欠佳 枱面地下都是可肉眼看到的污跡〰️

朋友帶咗我嚟呢間中式糖水舊舖，話好鍾意食佢哋嘅薑汁撞奶，一於嚟試吓佢哋嘅招牌薑汁撞奶啦！佢哋有原味，朱古力味好多唔同特別嘅口味都可以試嘅，不過一場嚟到就試吓原味先！仲有得俾你揀少甜多甜，多薑少薑，真係遷就客人嘅口味啊！🍴 薑汁撞奶 原味 少甜 $30 (7/10)呢度嘅薑汁撞奶係即叫即做嘅，真係新鮮熱辣啊😆 奶非常滑，質感唔係豆腐花咁結實，係比較稀少少水少少嘅狀態，薑味非常濃郁，濃郁度有啲好辣嘅感覺，食落比較刺激，略嫌薑味過分濃郁，冇咗奶嘅香同埋濃味，但整體來講都幾唔錯！推薦指數: 7/10$30來講都唔算貴，睇落好似唔大碗不過識落都好飽肚，可以食下老鋪嘅手藝，如果唔係太食到薑汁嘅話可以叫少薑汁，真係太攻鼻了🤣🤣