萬豚屋

营业中

休息中

雖然次次去食都要提早去攞位,但食物質素唔錯,夠熱又大碗,次次都有驚喜.個個人都讚佢烏東點好點掂,反而我同男朋友試過佢個沙律,嗶,簡直*勁呀*,我地冇想過會咁大碟!兩至三個人食先好叫,味道幾好,特別係佢d蟹子,好新鮮,好好味!大家不訪去試下!

o向openrice見有咁多好評，所以特地來一試，點知失望到極點。估唔到呢間食店，竟然令我有衝動寫我人生o既第一個食評。話說當日一早打電話想book位，佢話成個星期都fully booked，叫我o黎到排隊walkin。準時收工六點九去到，門口只有五個人(一2人一3人)，心諗應該唔會等好耐。點知....一等再等，兩張竟然等o左半個鐘，都算，但入到去先發現佢裡面只有半滿，好多明明四人只坐一、兩人，餘下座位只用o黎放袋。唉，d四人仲要係由兩張細拍埋o個種，點解唔分開少少俾人坐？咁咪唔覺搭o羅，d客又唔洗等咁耐，做多幾轉生意都好嘛！講返食物，佢個餐牌本身選擇已經唔多，仲要有好多暫停供應，我o地兩個人選極都選唔到想食o既o野，結果叫o左豚肉烏東同牛肉烏東。接下來又是漫長o既等待，二十五分鐘後，終於有o野食。一試，d牛肉只係一般肥牛，豚肉好d，不過都幾多肥膏。至於主打o既烏東，口感都無咩特別咋喎，湯底就幾濃，總算加返少少分啦。埋單走人，見出面長長人龍，真係覺得唔值得等咁耐o羅。仲有，點解唔派飛仔要d客企定定排隊？龍尾o個幾位要排成個幾鐘，俾人行o下街都好嘛！呢間肯定無下次！

一向都只睇不寫comment, 不過今次好想寫, 因為去完之後真係覺得唔係太值咁多個好評。晚上7:30去到門口, 當時已經有十幾人等緊, 本來諗住走, 不過老公話哩間野有好多好評, 心諗好野唔怕等, 點知一等就係個半鐘! 一邊排隊一邊有book左枱既人入去, 搞到我地前面有兩班人走左。絕對同意樓下"懶恩"的講法, 如果要人排隊就唔好有book位服務, 咁樣等個d客真係會唔好受, 因為根本就預唔到幾時先可以入到去。終於都入到去, 馬上叫左一個肥牛烏冬、吉烈豬扒烏冬同小食。點知接下來又係一個等, 其實已經開始無心情.....半個鐘之後先有野到。不過老公的吉烈豬扒只上左個烏冬, 唔見左塊吉烈豬扒, 咁問下個waitress係咪漏左, 點知佢答我"烏冬同吉烈豬扒係分開上!" o下~~~分開碟上就見過, 分開時段上就真係大開眼界!! 最後, 老公食剩一啖, 豬扒終於都到。個小食就唔好講喇, 佢好似甜品咁最後先上.....唉!!講下d食物質素, 我唔可以話佢唔好味, 不過佢既質素, 好坦白咁講係唔值用咁多時間去等。超長等候時間, 服務態度差加上普通既食物質素, 我同老公都覺得不如去citysupe

Went there with my friends today for lunch. Needless to say it was necessary to book a table in advance. But it is a very frustrating experience because they do not seem to answer the phone for 99% of the time ... ...I tried the curry pork 烏東which is quite nice. The 烏東is cooked just right and the soup base is not too hot. The good thing is that they do not seem to use a lot of MSG for their soup. The hot pot is an ingenious device as it keeps the food hot for a long time, which will be great esp

一去到就有成20人倒排隊, 好在前一晚訂左位je~芝麻湯底豚肉手打烏冬: 湯底好'杰', 好似芝麻糊, 豚肉夠腍另一個係牛肉手打烏冬(好似係豬骨湯底吧), 冇乜特別手打烏冬, 比出面的彈牙呢~ 用'保暖鍋'載住, 幾好o既idea~ 冬天黎食會更'開心'呢~ 意外驚喜::: 芝士豚肉玉子卷好香好香芝士味~ 正~覺得佢ge食物質素未至於俾人讚到天上有地下無ge~

第4次打算黎呢間鋪食今次醒目左... 6點半就同女友黎到排隊...(佢個訂座電話打極都打唔通既... -.-)都係要係門口企到7點9先等到.......企到餓晒... J 到去未坐暖就叫左一口牛... 炸蠔... 石頭鍋手打豚肉烏冬...黑担担豬肉烏冬(個名咁上下啦...唔太肯定係咁咪樣-.-...)一口牛... 麻麻地... 味道好似阿媽係jusco買番黎煎既牛咁炸蠔... 幾大隻... 都不俗啊~~~女友的石頭鍋手打豚肉烏冬... 非常不俗...豚肉超正... 湯底夠濃!!! 食完個陣個bowl仲keep住勁熱咁... 非常好野我的黑担担豬肉烏冬... d豬肉...好似煲完湯個d瘦肉(即係好食)咁... 湯底都好特別呀(食完個咀好似食左芝麻糊咁@_@)我們的bowl...到食完仲keep住勁熱咁... 非常好野不過到底... d烏冬有乜咁煙"un"呢...... :s食緊烏冬個時見到d waiter竟然會接電話...@@!!!嗯... 下次試下呢個時間打去book先!!!(不過唔知係咪眼花... 好似得3個book位quota架咋)如果book唔到位既話都應該唔會再去的了..btw

食過兩次, 頭一次食晏, 排隊指數食物同服務都唔錯, 不過第二次夜晚食就唔同啦, 其實都係好味0既, 不過要乾排個半鐘以上, 就唔係人人做得到.係現今咁文明0既社會, 其實唔一定要侷限左客人排隊, 其實可以派飛仔, 但係既然要人排隊, 咁就唔好接受訂位, 一路排隊一路見到d訂左位0既人入坐, 呢種感覺唔好受, 一係你就只接受訂位, 我相信排過隊0既朋友都會有同感, 一間用心做食物0既餐廳, 除左食物, 同時亦都應該考慮到客人0既感受...(抵食分要扣...)

見這裏好評如潮,今晚忍唔住要試下。同老公六點四到門口己經有幾啤排緊隊,之後一路有人排在後面,到七點零五分終於有位啦!老公點左牛肉烏冬,我點了黑担担厚切豚肉烏冬,另點了一客豬手。先嚟豬手,熱辣辣又夠入味,好淋,好好味,到老公的牛肉烏冬,豬骨湯好味,烏冬夠煙un,到我的黑担担鸟冬,原來黑担担即係黑芝麻湯底,本人就覺得麻麻地,好杰,而豚肉我怕肥之人就覺得好肥,個石頭煱就真係好耐熱,上枱時仲係滾緊,到食完個煱仲係熱嘅!但要排咁耐隊先食到又唔係咁值得。

听朋友说了很多次这家店，味道很好。刚从大陆返来当天就去了这家店，还好朋友告诉要早点去，要不需要等位。点了乌冬和几样小食，服务态度也不错，东西都很好吃。以后一定会经常光顾。。呵呵~！希望朋友们都去尝尝，一定不会后悔的！

3 月8 日, 第一次, 同Honey 一起到萬豚屋食我最愛吃既noodle~ 烏冬.我們預先定位, 6:30pm 準時到達時, 門外已排滿長長人龍, 約20人~比店內位子還多呢. 心想真的這麼好味??? 試食後, 會說: 烏冬真係好好味, 好warm我要了豚肉烏冬, 烏冬好香又肥美, d烏冬真係好好味, 好滑, d 湯好香濃又warm. 呵呵~ 真係好味!Honey 要了鰻魚飯, 鰻魚都好香, 但相比之下, 還是烏冬好味d!食完後, 好開心又飽飽^^!希望可以同Honey一起試食所有openrice 既美食!

被「煎熬」了成個早上, lunch 決定對自己好d, 0黎呢度碰碰運氣. 1:30pm 0黎到, 當然要等位啦, 不過可能一條友比較易搵位, 只等了5 分鐘就有得坐低. 想食的咖喱海鮮烏冬已售罄(as expected...), 結果叫了「石燒上級豚肉手打烏冬」($58, 包括餐飲一杯).Order 後等了差不多30 分鐘先有得食, 不過既然唔趕時間, 無所謂啦. 用石鍋載住的烏冬係滾熱的, 除0左有d 菜同5-6 件正方形的豬腩肉之外, 撈撈0下仲有隻「月見」的生雞蛋0係下面, 當然將佢撈晒落d 豬骨度. 撈完再飲啖湯, 味道極鮮甜, 完全無人造味精, 勁得; 烏冬條條粗幼均勻, 食落煙韌, 果然係「手打」;「上級豚肉」係五花腩, 瘦肉部分鬆化, 肥油就入口即溶, 層皮部分仲帶「汁煮」0既甜味, 勁好食! 不過因為勁肥的關係, 0岩0岩腸胃炎好返的我真係唔敢食太多, 可惜... 放棄了大部分肥油, 唯有食晒其他0野兼飲晒成碗湯, 當做補返數=P另外不得不提, 到我飲最後一滴(無錯, 係一「滴」, 唔係一「啖」!) 湯, 石鍋仍然勁熱, 食到滿頭大汗又流晒鼻水, 非常滿足,

食左：牛肉凍烏東＜－－上次食過好味，但係今次無味。豚肉烏東＜－－豚肉好肥，好味，餃子＜－－正。炸蠔＜－－ｎｏｔ　ｇｏｏｄ蟹肉沙律＜－－－ｎｏｔ　ｇｏｏｄ，女仔食。ｓｕｓｈｉ窩巴＜－－－ｇｏｏｄ．唔抵一口牛肉＜－－好食過上次又是想食既好多味都未食。今次ｂｏｏｋ左枱佢都好ｎｉｃｅ咁幫我２人轉左４人．但４個人食好似好悶咁連男朋友都說今次食得無咁新鮮無咁好味不過我會再回來的．．．．

二零零八年三月十三日我和女朋友在差不多七點鐘到達萬豚屋的門外。由於沒有訂位而又不知walk-in只能在門外等，而不能攞ticket等位，於是走了入去想攞ticket，點知遭那店員欠缺禮貌對待︰你無訂位ga ma, 出去等啦﹗(語氣甚為不耐煩)於是我只好在外面等位。在等候期間，我女朋友看到店內的位置其實沒有坐滿。每個人的隔離都不讓別人坐，都用來給那人放東西，令到成個場的入座率只有一半，出面D人有排等位，真係未食就氣都頂埋。不過呢，入到去坐低，叫左三個烏冬︰肥牛烏冬、豚肉烏冬、黑担担肥牛烏冬。其中以肥牛烏冬的湯底最清，豚肉烏冬的湯底最濃，而黑担担肥牛烏冬的湯底有黑芝麻和一點點帶辣味的碎豚肉︰三碗的味道都很好﹗肥牛烏冬牛肉的脂肪分佈主要集中在表面。雖然如此，但整體來說，牛肉還是很甜美。而且不會太熟，很適合我和女友這此喜歡食生野的人。整個味道配合得當，而我覺得烏冬的質素則只是一般。豚肉烏冬豚肉腌得很好吃。只是我女友略嫌豚肉較肥。我就覺得個湯底味道太濃，吃久了就覺得口渴。黑担担肥牛烏冬這個是整晚的高潮所在﹗整個湯都充滿著黑芝麻，味道香濃，但不口渴。吃著吃著覺得個湯底有一點點辣，如果把這點辣味去除

上兩個星期六前,終於有機會一試呢間聞名而久既烏冬店..食之前個星期已經好努力咁打電話去訂,但係就打極都唔通,好失望,不過好好彩食之前一晚終於打通,個位小姐仲好有禮貌添..嚟到唔係好多人,不過d卡位就已經比人坐哂,但係唔緊要啦,有得食就冇所謂^^我叫左炸豬抄扒烏冬,男友叫左牛肉烏冬..等左一陣就得食,真係好熱呀,辣到個咀都熟左..=_="不過真係好好味,個湯好正,我都差唔多飲哂,又唔係好口渴...我個豬扒都幾好味,唔會話粉皮好厚,鞋唔鞋就見人見智,因為我本身鍾意食雞胸肉既..我男友就普普通通..食完見到咁多人排隊都有d驚!!

見到咁多人都話呢度D 烏冬好食, 終於都去左試, 仲一試就係2 次添, 結果發現果然係好介紹!第一次去到比較夜, 好多款都已經賣晒, 唯有叫一個吉烈豬扒烏冬. 吉烈豬扒一向都唔係我杯茶, 但係一咬佢件豬扒, 發覺佢炸得好好喎~ D 豬扒好易入口, 唔會太硬, 而且放左好耐個皮都唔會焾, 比好多間食過既日式麵店還要好. 至於烏冬, 好彈牙, 有口感, 同埋用石鍋上令佢可以放好耐都唔會凍, 唔錯!第二次終於都打電話去訂枱, 終於都食到豬手烏冬! D 豬手好滑好好食, 烏冬亦維持到水準!鍾意食烏冬既人一定要去試下