萬豚屋

营业中

休息中

係生記食完小食,到主菜出場,即刻由油麻地轉去老尖,點知去到竟然仲未開舖,想坐低等又唔比,唯有四處逛,打個白鴿轉返黎,已經見到一pair情侶係度等開門.舖內檯子不少,但大多已給人訂下,而當我在店內等食之間,但凡有電話響起,侍應隨即拿起便放下,根本唔會聽電話,服務一項是可以比負分的.反而在店內有問題想問,可能店內只得四,五檯客,雖未至於有禮貌,但都一一作答.一坐低二話不說是先端上一杯熱麥茶,係店外吹風吹到手腳凍時有d熱飲係唔同.此店主打石燒手打烏冬,而店名’萬豚’,無理由唔叫豚肉架?就選了石燒上豚肉手打烏冬,等了大約十五分鐘, 一窩熱騰騰的烏冬便在眼前嘖氣,幾條溫室豆苗及少許蔥花平放在肉塊之上,而湯面浮了一層豬油,踫一踫窩邊,熱得辣手,是原窩煮的沒錯,先喝一口湯,熱燙得要命,但實在鮮甜,再咬一口豚肉,脂肪是入口即化,瘦肉亦煮得淋中帶柔嫩,好吃得不得了,碗底有少許粟米已不重要,而烏冬吸收了肉湯的精華之後亦變得有層次起來,煙韌得來彈牙,帶點肉香,從外觀到食料的選材,都是令人滿足的一餐,如能在服務水平上加一把,在我心中的評分會更高.

其實好多餐廳,人地點講好味,係無用既,最緊要係自己去試.萬豚屋,食物係唔錯,烏東係有水準,炸蠔用料新鮮,兩樣食物都值得一試. 不過講服務態度,就真係要改善一下.係15/2 星期五晚,咁諗住試下e 間烏東鋪,係咪真係咁好味啦.我六點半到,前面已經有成莉唔多廿個人排緊隊,排隊都唔係咩問題,好野自然就有排.咁我都相信e 個道理.但排左差唔多一個鐘,前面人龍都好似無咩點入過舖.咁我自不然就問一問侍應大約會等幾耐啦.點知果侍應好似好憎人問佢咁,話唔知喎,有人出先可以比人入. (但我明明見入面重有兩張"吉"),咁我問係咪果d 係留比訂客,所以要"吉"左係到,佢都重係重覆頭先既回覆.覺得我好似打搞佢咁.咁我當然問問佢,其實您地可以試下係門口派飛,唔洗有成條街咁長既人龍係度等啊,佢又無理我,自己行開去. 老實講,咁既服務態度,食物水準係幾好都無用啦."貼錢買難受",一定無人會鐘意.P.S. 食物唔錯,但因態度差,所以只比中立既評分.

我為左呢間烏冬冬第一次0係呢度寫食評~我幾年前已經去呢間烏冬冬食~已經唔記得食左幾多次喇~我諗冇一百都有幾十次~好似飯堂咁~我仲join左佢地vip添~我見到佢地俾人話服務態度差我真係忍唔住要講返我既意見~第一~我承認係好難book位~不過只要你有心早d book同埋岩時間就會book到~到果日先book或者早一日有機會book唔到~第二~烏冬冬幾個姐姐仔侍應個look雖然係有性格d~不過唔代表人地串~同埋有時我覺得你對人好人地自自然對你好~我食左幾年都未試過有侍應服務同態度差~佢地對我~我daddy媽咪同d朋友仔都成日去~都話有個男仔頭既好好人~第三~我每次book位都問定有冇我心目中想食既野~咁就唔會失望冇得食啦~同埋如果真係冇咪唔去食囉~好簡單~我尋日先去食~真係好多人~我都拿拿淋食完唔好要d人係咁等~我叫左2個淨烏冬冬(一個三十幾蚊)一口牛肉(四十幾蚊)蒲燒饅魚(三至四十蚊)2杯凍檸茶(一杯十幾蚊)烏冬冬梗係好食啦~食到最尾都係熱辣辣~牛肉真係好好味~有牛味又多肉汁~唔駛點醬汁都好滋味~食完想再食~饅魚肥美多肉~唔似食壽司果d饅魚咁"un 痴痴"~燒得岩岩好又香又脆口~vip有

嘩要食這家店，真的要好好腳骨力，居然由七點十五分開始排隊，要八點五十分先入到去，如不是報章話這裏好吃，而男友又喜愛吃豬肉，真的不會這樣等下去。在門口排隊時已覺得侍應安排不妥善，沒有理會排隊的每枱人數與店內的空位去安排入座。店內的吉枱多的是，但就是不讓你入去坐。如果你人多我想訂位較穩陣，因看見訂位的枱子可以空了大半個鐘才有人入坐都沒問題，對WALK IN的我們來說都幾無奈。入到去怱怱的點了菜，因為九點last order ，點了黑坦坦豬肉烏冬、炸豬扒烏冬、蟹肉沙律、照燒豬肉飯、芝麻芝士焗豬肉和鰻魚飯。雖然我不太愛吃豬肉，但味道真的不錯，不知是否肚餓的關係，我愛吃芝麻芝士的豬扒，味道香濃不油膩，也不像黑坦坦烏冬般太大芝麻味蓋了豬肉的味道。我的朋友則愛吃蟹肉沙律說味道清新，還有炸豬扒，香口而且有豬的味道不是乾淨淨的。而我男友則支持照燒豬肉說豬肉味道濃。

係慕名而黎, 6點下班後便與男友於6點15分到達食店門口。門口已有一位女士門口排著隊,此時食店仍未著燈亦沒有意思要食客坐著等。果然是6時30分才營業,食店門外已經超過20位食客, 實在厲害。對於沒有耐性的男友黎講, 佢覺得太誇張, 我地都抱有好大期望呢。今天沒有帶相機,提供唔到靚相but一定有下次。遲左ORDER蜆, 下次一定要叫, 因為好大隻, 好香呀!叫左豚肉手打烏東、醬油豬手烏東同埋一個海鮮壽司窩巴。樣樣都食到LAP LAP 利, 其實烏東質地真係好煙UN, 湯底熱辣辣值得一讚, 湯味唔係太過濃BUT好有鮮味。而個海鮮沙律窩巴就食5啖先食得哂, 好大舊!!食左45分鐘, 見到門口依然大排長龍就知道每次想黎食就一定要6點15分開始排隊了。但太早食飯, 夜晚好易又餓呢~~~ =)

星期六晚幫襯, 電話又係打唔通, 無得訂位, 咁惟有去排隊啦.6.30pm去到, 已經一條人龍, 大約係第十張台先到我地. 而且係無派籌, 即係中間想去行下街都唔得. 好彩天氣仍未算凍到得幾度, 咪企係條街度等下lor.一等就等到8.15才入座.好多食物都話暫停. 選左牛肉豬肉烏冬, 用石頭窩上, 的確係好保暖, 湯底及豬肉都幾好味.再點左個一口牛肉,都幾入味,味道唔錯.至於個豆腐及餃子就真係極普通,下次可以不試.食到9.10時, 門口仍有一堆人在排隊, 無10人都有至少8人. 當時有個侍應走出去講:我地收九點,你地唔使再排啦.雖然佢地係有張紙寫明服務時間, 9.00 last order.但直至8.00pm時, 都無侍應出黎截人龍, 咁好正常反應係諗住佢會做埋出面既人龍先收舖啦? 因為如果佢地認為最多只能做多2-3台客, 咁就應該一早去截人龍, 或者用派籌方式, 話今晚既籌已經派晒. 無為要人係出面等左成粒幾鐘, 你先話收舖唔使再等. 呢d係一個食肆既普通常識呀下? 算唔算係過份要求? 點解佢都會安排得咁差? 仲話開業左一年? 一年都無改善個排隊系統. 佢又唔係人手唔夠喎, d侍應寧

之前食過兩次, 烏東係幾好味, 價錢亦屬平宜. 其他野食普普通通. boyfriend 話想試試. 我地星期六- 2/16 大約7:55pm 到達, 見到一條長龍, 大約18-20人.我地照排隊啦. 等到9:00pm, 前面得返一家人, 後面一pair人. 個waitress出黎話lastorder已經過. 我真係谷氣到爆. 我話我地等咗一個鐘, 你而家先講. 之後佢態度極差的答我"我地張note寫明9:00pm lastorder". 佢返入去之後無打算出來say sorry. 我後面個pair 人即刻上前話"你無理由而家先出來同人講law, 人地等咗一個鐘". 之後第二個waitress話之前有人出過來講". 但我100% 肯定佢無人出過黎. 我地都無行開過. 我boyfriend亦忍唔住講有無攪錯!! 佢地仲熄燈tim. boyfriend 話走啦!! 以後唔會再黎... 個waitress 仲要話"係呀! 我地有問題" 之後入面有個類似tomboy 的waitress 出來睥住我地. 我覺得佢地d service 真係好有問題. 其實食餐飯姐, 都唔知點解要gum谷氣.. 最後

有朋友話好好味, 諗住去試下, 打去BOOK位, 打左100次都係唔通, 何謂"設有訂檯"?? 真係唔明白...打唔通都算, 我朋友6:30已經去到, 出面已經有好多人排隊, 我就6:45到, 但係條隊冇郁過, 因為我地趕時間, 最後等到7:15, 我走入去問佢係咪有人走先會入, 佢話係, 我再問佢咁D空位係咪唔會有人坐, 佢都話係.因為佢咁樣答完我, 我覺得佢地好似唔想做生意咁, 又或者係等多D人企向出面幫佢地賣廣告, 如果佢個D空位坐埋人, 我諗我已經坐低食緊.其實如果等左咁耐先食到, 個烏冬幾好味都冇用...

情人節大餐太貴，但是男友仔記得我鍾意食手打烏冬，帶我來到這間小店，但是這小店該非常出名，外面排了人龍。幸好我男友之前親自前來訂座。這裡的電話長期擱起，所以打電話是不能訂座的。不過果然這裡甚為好吃。雖然外面大排長龍，但是裡面的卡位還是可以安排坐兩人，讓食客食得非常舒適。口渴先唻一杯涷朱古力，朱古力味濃而不過甜，整杯朱古力直至最後還是有冰塊，溶掉的冰塊也沒有把朱古力沖淡！之後的小吃是水準以上。最好吃還是石頭烏冬，裡面那隻生雞蛋因石頭碗的熱力漸漸煮成溏心蛋！加上鳥冬的確彈牙。

大年初五忽然想食萬豚屋...怕要等好耐..就上黎搵左個電話打去訂位...但打極都唔通...其實都唔係第一次..以前都試過打..未試過通...算吧...諗住6:45去到應該唔會等好耐...一去到...驚見人龍....之前食咁多次都未試過...同埋以往都係登記派籌...唔洗企向度等...望入間鋪...坐得好疏..6人木台只坐4人...咁中間張台用黎做咩? 答案係俾客人用黎放袋...佢咁做都係想客人坐得舒服d...但佢有冇諗到客人等向十零度ge環境下排隊係幾唔舒服....尼個時候見到佢門口有個訂座電話..同我搵番黎ge一樣..冇錯...但永世打唔通....咁佢寫個電話出黎做乜?個電話似乎係要lunch time 果兩小時...dinner 時段果三小時先有人聽...大家注意啦..即係你2點後...6點半前...你點打都唔會通.....等左成個半鐘...先入到去....打開menu...乜都暫停供應....海鮮湯烏冬...我都好耐冇食過....點解連招牌菜都永遠暫停供應....唔明!?今次試左黑牛肉烏冬...唔太arm我....都係豬骨湯底好味d....軟X蟹好麻麻...泡菜煮豚肉唔錯..幾惹

本人與朋友今天約7:15左右到，等了2個鐘到9:15左右應該下一張就到了，特然侍應小姐出來講，我地要收工啦，你地唔洗再等。非常極之不滿意他們的安排，間鋪都已開了一段時間，不明白侍應小姐她們為何不知道怎樣去安排在門外排隊等候的客人，要客人在門外等了2小時後，竟然話比客人知要收工啦，你地唔洗再等。她們是否應該在1小時或半小時前已開始控制排隊的客人及是否需提醒客人一下她們收鋪時間的問題呢？另外，店裡那個男性化的女侍應的態度非常是差。

試左一個牛肉同埋一個豚肉既手打烏冬用石頭鍋裝住烏冬, 上枱個時好熱, 熱到好似煲緊咁聞到好香已經好想食d豚肉勁勁勁好味!好肥. 不過有入口就融既感覺雖然份量唔係太多不過真係好好味

繼續寒冷警告，唔繼續食D暖笠笠嘅嘢，實聽凍瓜...太太好恨嚟食，所以不惜冒寒响門口排十五至二十分鐘，面不改色...兩個人比較易等到位，因裏面比較細，ニ人位比較多...話明叫萬豚屋，嚟到唔叫豚肉及招牌烏冬點得?厚切豚肉再加醬油豬手烏冬，一人一個。普通情侶可能夠脾，但我哋呢對大食夫妻，當然唔夠"撩牙"。再加兩個小食先夠，食到旁人惻目...端上嚟依然係剛剛滾起，湯熱得不斷翻騰，好似岩漿咁熱。豬骨湯底依然甜美，配合依舊質感煙韌彈口嘅烏冬，的確係一碗水準不可多得嘅udon...豚肉及豬手做得入口即化，食落肚，感覺充實。若果豬手可以做得皮有點點脆就仲正...小食就有炸北海道蠔及創作嘢海鮮米通壽司。蠔夠大隻亦juicy，炸得又不太油，係太太嘅摯愛；米通壽司雖號稱創作料理，但只係响米通上面放上少許蟹籽、開邊熟蝦及啄碎三文魚沙律。對小弟嚟講，確實不怎特別，雖味道不錯，不過無乜驚喜...太太大讚，自己亦食得相當愜意...食完走出門口，暖到褸都唔使着

早就鎖定了要嘗一嘗, 正值今天氣溫驟降, 便帶女朋友來了這裡.六時四十五分來到, 已經有不少人在等位, 拿了張6號飛, 侍應姐姐說要等半小時左右, 故跟女友逛了一會. 回來時, 連飛也沒有派了, 新來的只能呆呆的等著別人結賬, 不希望等的便要早點來了.剛好有位, 店內燈光很溫和, 感覺真的很不錯. 坐上了闊落的卡位, 來這裡當然是要吃豚肉, 女友點了一個黑担担豚肉烏冬, 小弟則點了個石燒醬油豬手烏冬, 還加了一客鮮蝦窩巴壽司.良久, 先上烏冬, 其外表已令我們驚嘆不已, 湯還是滾著的, 單是這樣已足見其烹調功架. 豬手烏冬, 豬手和烏冬是分開上的, 湯底是豬骨湯底. 黑担担豚肉烏冬, 豚肉切成方狀有條地放在烏冬上, 湯底是黑芝麻湯底. 先試其湯底, 豬骨湯底因沒有與配料混在一起故清甜非常; 黑芝麻湯底剛好成了對比, 足料的湯底有豬肉碎和玉米, 加上豚肉的香味, 使原來的濃湯加倍香濃, 實在不得不讚. 配料方面, 豬手的皮與肉份量剛好, 而烹調的醬汁亦滲入了其, 甜甜的口感不錯; 而豚肉的肥瘦比例亦非常洽當, 放進口內很快便融化於舌頭間, 可見這些豚肉也煮了很久. 最後是鮮蝦窩巴壽司,

食烏冬好好味呀...哈...食左個牛肉同豚肉豚肉好好好好味不過好肥大半係肥膏上台既烏冬好熱好似煲緊既咁熱左好耐食完都仲係好熱架d湯入面仲有隻生既蛋當食完碗野之後隻蛋都熟左如果唔想食咁熟記得唔好比佢沈低or早d食左佢咁就會有一隻好好味既半生熟蛋喇不過食完係未飽架...哈...但係好味所以值得一試但係有d怪其實入面明明有好多空位但係d職員會叫我地係出面等哈...可能想坐得舒服d呱同埋tea已經無左喇不過兩點鐘入去都會比你食兩點3~last order