萬豚屋

营业中

休息中

餐廳面積不大, 附近office放lunch時間會漸漸多人, 早到為妙;waitress推介佢地既手打拉麵, 於是我同朋友都各自叫左一個.我叫左個有鰻魚既, 唔錯; 個拉麵放左一陣都係"熱辣辣", 我會給 8/10.服務很好.

6點去架時間, 待應話要7:30交場, 人未到齊只好放棄啦7點幾人齊, 再去see see有沒希望幸好落雨天, 冇咩人排隊.....但都得左半個鍾多的*值我一讚*就算坐四人枱都唔需要同的唔識架人一起坐, 而大枱中間一定會格住, 唔會比人眼望望而且佢冇係咁收野"趕人走"既感覺豚肉冷烏冬麵豉湯味道剛剛好, 與冷烏冬合起來"正"豚肉有點點"趣", 口感好好but 衰在份量太少(男孩一定唔救飽)牛肉石鍋烏冬 $53牛肉都有10多塊....其它唔洗多講食完個湯重熱"Good"煎餃 $28用左薑汁去伴, 感覺幾新但唔點汁都好好食其它掛住食唔記得影相

一直都想去試吓呢到o既烏冬~知道好多人但個訂座電話打o左好多次都無人聽~o尋晚放工同老公諗住去試試碰吓運氣睇吓有無得食~去到大概8:20pm~好好彩等o左大概15mins就有位~但店員話俾我o地知好多o野都沽清，不過我都好想試~~我o地 order o左牛肉烏冬鍋、吉烈豬扒烏冬鍋、燒雞翼同埋鐵板上級豚肉~每一樣o野食都好好味，好熱辣辣~烏冬湯底好好有豬骨味~吉烈豬扒一o的都唔油雞翼表脆肉滑，燒得好好味~鐵板上級豚肉上枱時仲 "吱吱" 響，好有肉味同埋一o的都唔"鞋"我老公話睇得出師傅好用心機去整每一樣食物 食物雖然簡單，但只要肯用心整就會好味~o係萬豚屋我體會得到呢一樣o野~店員服務都好好呀....仲不斷幫我o地加茶呀~臨走時已book定下星期一再去食過喇~希望下次可以試到更多唔同o既o野啦~

見啲人講到掛隊排得咁厲害，仲要係星期五，我快快趣六點半去到呢度，居然大把位，側邊成行卡位啲客都已經開緊餐。我叫咗黑担担烏冬，男友就叫豬肉飯，再order一客芝麻芝士豬扒。黑担担烏冬芝麻味唔夠勁但係又好杰，都幾滯，烏冬ok可惜份量少，不過豬肉似煲湯豬肉。豬肉飯啲豬肉煎過吓，香口亦有肉汁，芝麻豬扒就普通貨色。服務方面侍應全部都木無表情，不過唔會十問九唔應又或者扮睇你唔到，都已經合格架喇，或者我要求低啦。食完7：30pm，就見到出面有人條龍。有緣的話會再嚟嘅，就俾個ok佢啦。

張相影得唔好.搞到好似揾渠水煮出黎甘.哈哈本身諗住食第二到,後尾諗起呢度,平時晏去一定食唔到甘今日六點多已係尖沙咀就去試試去到即刻有位,真好之前食過一次都係豚肉最好食今次一人一豚肉,分別要左飯同烏冬(好似叫黑擔擔)佢d豚真係做得好好.飯個種好似係厚切,肥同瘦既組合令到塊肉好有肉味同咬口烏冬真係好好味,仲好過海港城food court個間,每條都做到甘好.唔會有d地方特別硬而d豚肉就好似五花腩,林得黎好入味,最好連埋d肥膏食美中不足既就係d冷氣唔夠,加埋個石頭鍋好熱.d烏冬食極都好熱呢走既時候間外已有長長人龍.....

我老公係Burger King，最鍾意食Burger!!我係佢個BB，最鍾意跟住佢四圍食!!!之前係openrice見到呢度ge烏冬係HK之冠，試完的確好好好味，所以再黎多一次。2次去Book左位都要排隊，不過係值得ge!!!!!第一次去我點左厚切豚肉石鍋烏冬，而老公就點左牛肉石鍋烏冬。諗住係萬”豚”屋，豬肉一定係主打，點知係肥豚肉。一向最怕肥肉ge我最後都同老公交換左。第二次去我點左黑芝麻豬扒石鍋烏冬，而老公又再一次點左厚切豚肉石鍋烏冬，wa我諗鍾意食肥豬肉ge人一定覺得好好味喇！牛肉：BB印象中都ok，就好係shabushabu咁樣樣~~肥豚肉：好扣肉既人回覺得好好食~因為佢好鬆軟好入味! 肥既份量我覺得可以接受, 咁入味既肉配彈牙烏冬係一流!黑芝麻豬扒：雖然黑咪蚊ge芝麻包住豬扒感覺唔太靚，但我覺得好好味！！可能本身我好鍾意芝麻香la~值得試~烏冬：超好味啊!!!!!真係令人感動之作!!d烏冬煙煙靭靭好彈牙!!!!呢度ge烏冬果然名不虛傳!! 老公都覺得係佢o係香港食過最好食既烏冬!!老公想再食多一次的指數： 4.5/5 BB想再食多一次的指數：4.5/5(haha夏天食真係可能

我昨晚真係食(等)到一肚火!!我7:15 到, (到差不多8:00便有侍應出黎派飛仔及截人), 結果企到 8:45, 才入座, 入座發現餐牌內有三份一的食品貼有"暫停供應"字樣!! 無奈下點了大骨濃湯豚肉鍋, 黑擔擔厚切豚烏東, 上將牛仔骨飯, 及醬油豬手, 但醬油豬手竟然賣哂 ( o下??? 而家 8:45 咋喎!!), 黑擔擔厚切豚烏東,又話湯厎冇貨!! 叫乜冇乜! 真係離普!! 當時真有衝動想起身走人!! 侍應建議改叫石鍋厚切豚肉手打烏冬,(但d 湯厎同大骨濃湯豚肉鍋一樣!! 只係多左d 烏東), 侍應又顯示出一副不耐煩之模樣及催促.....( 而家係你間餐廳叫乜冇乜咋喎, 好似係我錯咁?!), 結果冇哂心機食, 只 order 了大骨濃湯豚肉鍋及 上將牛仔骨飯. 落完 order 後未夠9:00, 就話 last order!想再叫都冇!!上將牛仔骨飯, 牛仔骨冇點醃過, 只係煎過, 若冇左d 醬油, 根本同普通貨色差不多. 大骨濃湯豚肉鍋的豚肉是肥豬肉(減肥瘦身人士切勿order 此道菜), 當中只有肥豬肉, 金菇, 黃芽白及豆腐, 湯厎無可否認係幾夠濃, 幾好味.而配料只

成日跟朋友食好野, 好野點可以收收埋埋要同人分享今次講o既係日式食店主打係豬肉同烏東一坐底就梗係o係餐牌搵好味o既烏東喇!叫o左一個厚切豚石鍋一個蟹肉沙律一個炸蠔我地兩個人, 一人一杯特色飲品個蟹肉沙律好爽, 好大碗, 一人可以分到兩次仲有剩少少到個炸蠔, 雖然d 炸粉都有少少厚度, 但係都唔可以睇少, 裡面隻蠔都有返咁上下厚到個厚切豚肉石鍋喇!主菜, 梗係先試湯底, 好濃o既豬骨湯, 鮮味烏東夠彈牙, 係半透明架豚肉好淋, 差d 可以用入口即溶來形容湯都要飲哂先滿足兩個人, 好似三個菜夠食喇!~點知唔夠喉, 叫多o左個辣泡菜煮豚肉如果唔食得辣都唔使驚, 因為唔係好辣咋, 豚肉就有咬口d再食埋呢個就真係飽到上心口呀!全程都嘩嘩聲, 連d 服務生都覺得我地一路食一路影一路嘩好搞笑!d 服務生都幾fine只係兩杯野飲就比較遜色埋單都只係二百幾

琴日與友人特登到訪萬豚屋點知下午得set lunch (有d失望)不過唔緊要我地點左石鍋上級豚肉烏冬同埋石鍋咖哩海鮮烏冬豚肉好入味 正 (不過本人自己唔係好鍾意肥膏)海鮮亦好多料 唔錯星期二下午都唔洗等位不過有一點好差就係冷氣好唔夠

尋晚第1次去萬豚屋雖然知道就算平日都好多人排隊不過之前我同男友都忙只好7點半去到,排隊等左陣有個WAITRESS走左出黎派籌仔派到我就同後面的人講"今晚做埋LEI個唔做LA"心諗真好彩~排到8點半多D終於可以入去都知大部份野都賣哂就叫左大骨濃湯豚肉鍋,蟹肉SALAD同海鮮PIZZA黎左個SALAD同PIZZA好耐見個豚肉鍋未到就催佢發現廚房MISS左單,仲要廚房已經洗哂野即係我地想食其他野都冇真係O哂咀>< 無奈去萬豚屋食唔到豚肉就走不過食左的SALAD同PIZZA就真係幾好食~下次一定會勁早到, 希望食到想食GE野LA~由於印象差哂,真係比唔到高分佢~

尖沙咀赫德道 <<萬豚屋燒鍋手打烏冬>> 超好味, 尤其係配豬骨湯或咖哩湯底 (LUNCH SET 加一後每位 ~$65), 不過, service方面就不敢恭維喇.... 已經冇 walk-in (lunch time全部訂位), 就算打電話訂位, 都係會令人一肚氣, 實例有好多: 實例1:由12:00開始打電話, 打超過20次都沒有人聽或接唔通, 亦試過有人拎起但即 "吸" 線 實例2打10幾次終於打通)朋友T: 唔該我想訂今日1:00, 4位......shop: ok朋友T: 咁有冇得訂4個咖哩湯底呀?shop: 買晒喇喎 (佢地12點開舖, 我地12:10訂檯) ............ 實例3:朋友T: 唔該我想訂今日1:00, 4位......SHOP: ok朋友T: 咁有冇得訂4個咖哩湯底呀?SHOP: 買晒喇喎 (同樣地12點開舖, 我地12:10訂檯) 朋友T: 吓?! 又賣晒, 你地O岩O岩開咋喎?!SHOP: 廚房話冇, 我都幫唔到你架喎!! (朋友T好想用粗口鬧佢) 實例4:朋友H: (打左10幾20次)唔該我想訂今日1:00,

相片記錄日期在 05年11月21日..一張很久的殘照.我揀豬屋作為我第一個食評, 其一是因為豬屋是我跟同事既中午飯堂,另一個因由是和亞紫第一次聖誕節慶祝的記念餐廳. 一年復一年,與很多朋友一同留下許多回憶我知道很多朋友都喜歡豬屋的石燒厚豚肉烏冬及海洋濃湯烏冬.吃過會有種幸褔既感覺,由其在冬天時份吃飽後離開時..滿足非常!!唔知有去食過既朋友有冇同我一樣既feeling呢?我的推介是:- 大骨濃湯豚肉鍋 + 另加烏冬:湯是豬骨濃湯,,其他材料大既包括有豆腐,冬菇,芋絲,豚肉片十數片...等等豬鍋是獨立用燭台"煲"熱, 等所有菜熟透及豚肉翻熱後..就可以開動嚕. 豬鍋會配合一個醬汁....小弟不才..只能嚐出有芝麻,酒及麻醬的味道.配合豚肉非常美味~~~yo大家記得要另加一個烏冬喔....放入熱騰騰既豬骨濃湯...真的與其他石燒烏冬有著不同的風味!其他推介: 北海道炸蠔 - um...鮮味,size正常,但有時炸會過厚.鰻魚雞扒飯 - 喜歡吃飯既男士可以一試白汁煮xx蜆 - 鮮味,量多, 但先到先得,難得一試給餐廳意見:um...計計都忘記多少個年頭..豬屋給我的感覺係溫馨既.希望老闆會安

又到萬豚屋, 是次叫了猪手烏冬, 吉列蠔同埋鐡板牛肉粒。 猪手同烏冬分開上, 試食猪手, 肉淋, 整得好入味! 有走油, 皮層都唔覺油膩. 唔係好食豬既我都食左幾舊. 男友就食左大部份. 以豚掛帥, 果然係改左個好名.吉列蠔是安哥之作, 炸得好之餘蠔汁仍在, 是有水準之作. 相反, 牛肉粒就給比了下去, 雖然都好淋同有肉味, 但就少左點蒜味. 每次都能令人那麼滿意, 難怪一過六點半就要排隊 .

估唔到黑雨之後...仲都有人同我地一樣擔住遮等食烏冬喎...冷烏冬比熱GE出.色...可能係天氣悶熱啦...吉列豬扒勁香脆...吉列蠔都唔錯...好可惜...牛肉冇貨...食唔到一口牛...食左一口豬...不過都好味道...下次來一定要係六點半前到...為求唔駛等位...早D食飯都冇所謂啦...

早前的一個晚上, 來了這家人氣店晚飯. 叫得人氣店, 當然係好有人氣, 門口已經有好多人排隊. 這裡沒有飛仔的, 要等位就排隊, 想行開下都唔得. 又或許這個係製造人氣的好辦法.等了大半個鐘, 終於有得入內了. 環境比較細, 我們兩個人來到, 也要搭一搭臺, 不過仲未算好逼的. 不知是否等得大耐了, 又加上部份食物已經售罄了, 糊糊塗塗地叫了三個豚肉菜色.香炸北海道鮮蠔 $38: 7分, 吃不出是否來自北海道, 但肯定比本地蠔大隻同肥美, 吃落口, 即炸的, 自然熱辣辣, 燙口的, 也有小小蠔的鮮味, 但係嫌炸得比較勁同埋油.一口上級豚肉燒 $38: 8分, 跟著就係豚肉之旅了. 先來的係一口上級豚肉燒, 雖然並不是甚麼黑豚的貨色, 但水準也相當好, 豚肉實在幾肥美, 肉質仍然做到幾嫩滑的效果, 肥羔同瘦肉比例也恰當, 是一口接一口不停的吃下去.照燒上級豚肉飯 $46: 8分, 基本上係同一口上級豚肉燒一樣的, 只係底下加上飯, 面頭又加了點芝麻, 令到豚肉更加之香口, 不過豚肉不太好送飯, 而且無乜汁, 偏乾身的, 都有點飯還飯食, 豚肉還豚肉食的感覺.大骨濃湯萬豚鍋 $58: 6分