影片
更多
2008-06-25
15 浏览
尖沙咀赫德道 <<萬豚屋燒鍋手打烏冬>> 超好味, 尤其係配豬骨湯或咖哩湯底 (LUNCH SET 加一後每位 ~$65), 不過, service方面就不敢恭維喇.... 已經冇 walk-in (lunch time全部訂位), 就算打電話訂位, 都係會令人一肚氣, 實例有好多: 實例1:由12:00開始打電話, 打超過20次都沒有人聽或接唔通, 亦試過有人拎起但即 "吸" 線 實例2打10幾次終於打通)朋友T: 唔該我想訂今日1:00, 4位......shop: ok朋友T: 咁有冇得訂4個咖哩湯底呀?shop: 買晒喇喎 (佢地12點開舖, 我地12:10訂檯) ............ 實例3:朋友T: 唔該我想訂今日1:00, 4位......SHOP: ok朋友T: 咁有冇得訂4個咖哩湯底呀?SHOP: 買晒喇喎 (同樣地12點開舖, 我地12:10訂檯) 朋友T: 吓?! 又賣晒, 你地O岩O岩開咋喎?!SHOP: 廚房話冇, 我都幫唔到你架喎!! (朋友T好想用粗口鬧佢) 實例4:朋友H: (打左10幾20次)唔該我想訂今日1:00,
尖沙咀赫德道 <<萬豚屋燒鍋手打烏冬>> 超好味, 尤其係配豬骨湯或咖哩湯底 (LUNCH SET 加一後每位 ~$65), 不過, service方面就不敢恭維喇.... 已經冇 walk-in (lunch time全部訂位), 就算打電話訂位, 都係會令人一肚氣, 實例有好多:
實例1:
由12:00開始打電話, 打超過20次都沒有人聽或接唔通, 亦試過有人拎起但即 "吸" 線
實例2:
(打10幾次終於打通)
朋友T: 唔該我想訂今日1:00, 4位......
shop: ok
朋友T: 咁有冇得訂4個咖哩湯底呀?
shop: 買晒喇喎 (佢地12點開舖, 我地12:10訂檯) ............
實例3:
朋友T: 唔該我想訂今日1:00, 4位......
SHOP: ok
朋友T: 咁有冇得訂4個咖哩湯底呀?
SHOP: 買晒喇喎 (同樣地12點開舖, 我地12:10訂檯)
朋友T: 吓?! 又賣晒, 你地O岩O岩開咋喎?!
SHOP: 廚房話冇, 我都幫唔到你架喎!! (朋友T好想用粗口鬧佢)
實例4:
朋友H: (打左10幾20次)唔該我想訂今日1:00, 4位......
SHOP: ok
朋友H: 我想問下, 你地個電話咁難打(一係唔通, 一係冇人聽), 其實有冇其他方法可以訂到位, 例如 FAX 或者 EMAIL...
SHOP: 你親身黎丫 !!!!!!!!!!!!!!!!!!!!!!!!!!!!!!! (我地公司行去要15-20分鐘架, 唔好玩啦!!)
實例5:
我: 想訂檯, 今日1:10
Shop: 你幾多個呀?
我: 3個
SHOP: 未必有喎1:10
我: 咁要早D?
SHOP: 反而要晏D, 如果唔係就有張訂左12:20.....
我: 咁佢地會1:10-1:15 走啦?
SHOP: 答唔到你喎 (咁又講話有人食12:20, 有就有, 冇就冇, 唔知講咁多野做咩)
我: 咁我地企响等??
SHOP: 係呀 (直接d叫我地等下咪好咯)
咁人地12:20, 咁你起得快d咪可以接第2檯咯, 又話講唔到, 又要講.... 態度又唔好.....
6月20日
今日又係打爆個電話先 book到.... 但係, 我地話5位, 佢答: "5位冇, 淨係得4位!"
我地: "我地坐迫d都可以架喎"
佢: 得卡位, 冇得加位!
我地: 加多個坐出面都ok
佢: 唔加得!
(上次我地book 5位, 去到時, 佢地夾硬迫我地卡位加一個就我, 今次自願就反而唔得)
我地: 咁照book 4位丫
佢: 係4位架咋, 黎到都唔會加位架.....
如果唔係d fd 超鍾意食, 我真係唔會再幫襯.....60幾蚊一個 lunch...... 仲要受氣?!
张贴