萬豚屋

营业中

休息中

Today, we passed by this 13 years old Japanese restaurant. While it ling passed its fresh opening, the hype is still there as we’ve seen people still lining up it. It means something about this restaurant. We order some appetizers, snacks and main course to see if it’s any good. Cold Japanese tofu with truffle - you really can’t go wrong with truffle, can’t you? It’s a great appetizers because truffle goes very well with the tofu. Spinach with salad dressing - this is very good too. A nice littl

成日想食萬豚屋都見到佢門口排曬隊，今次我地一放工就去食，終於一飽口福！去到用marker圈低想食咩就唔使驚落錯order喇👀上級牛肉手打烏冬（香菌濃湯）$88朋友第一次黎，我介紹佢食呢度既招牌香菌濃底，啖啖湯好濃黑松露同菌既味道，朋友最後食到湯都飲曬😋因爲個鍋一直都保溫好滾，d牛係生住上，到食個時生熟嫩滑程度係岩岩好💯活花甲手打烏冬（香辣三色味噌湯）$94花甲好大隻，成個鍋有六隻都咪話唔抵，湯底一樣好出色，小辣都幾辣下，熱辣辣食成個胃好暖好滿足❣️伯爵茶芝士凍餅$32福岡柚子芝士蛋糕$32甜品好有驚喜，先唔講裝飾得好精緻，個口感係好綿滑，伯爵茶味芝士蛋糕好清新，配埋我杯紅柚茉莉果茶，一個字：嘆😌

萬豚屋一直好出名，今次終於排隊去食，未到7點已經好多人等，等了半小時才入座。餐廳有好多不同打扮的豬，好設合萬豚屋的餐廳名。點餐加 $8 的桃果汁，桃味幾香不假，甜度還可以。燒活鰻兩串 $86外皮香脆可口，鰻魚好狀滑入味！墨魚炸彈黑蒜咖哩烏冬 $88這個是手打烏冬，質感帶點煙韌，拌黑蒜咖哩的撈烏冬確實幾惹味。墨魚炸彈是必點！咬開是香脆、彈牙的質感，因為是墨魚膠包著溏心蛋，還有沙律醬的點綴，好滿足。石燒烏冬 daily catch 海鮮稻庭烏冬 $94有是日海鮮，花甲、帆立貝、鮮蝦等全部都好新鮮~~石燒烏冬上檯非常熱，食的烏冬可以一直保持熱騰騰，冬天暖笠笠。選了小辣，但都幾辣下～過癮烏冬可選手打或稻庭，這個是稻庭烏冬，細長滑身，好吸湯。

今日黎左一間食烏冬既餐廳，黎到人流都幾多，所以都需要係門口排隊，店員會出黎點人數，人齊方可入座。先黎一杯熱茶，味道幾特別，同平時日本餐廳既茶有啲唔同，好清香😍我幾鐘意香菌濃湯厚切豚肉手打烏冬　成個鍋一上枱都係熱辣辣，啲湯仲系滾緊，湯底好濃味，除左普通蘑菇外，仲有黑松露，仲有好爽口既翡翠苗，湯底好香濃，大大陣黑松露香味，手打烏冬比較粗，都算煙韌。豚肉好淋份量都幾多。照燒雞扒稻庭烏冬 香辣三色味噌湯小辣湯都幾辣，湯入面仲有大量粟米🌽。稻庭烏冬就比較扁身同埋比手打烏冬更煙韌。照燒雞扒皮燒得脆身，雞肉都算淋可以更加淋就更好味。香煎豚肉餃子餃子🥟皮煎得好香脆，內裡Ｄ肉好入味。豚肉玉子燒玉子燒有大量燒汁同沙律醬。玉子燒入面都好多豚肉。

搵緊野食行行下見呢間排哂隊，人排我又排，應該吾會太差既我諗。兩行拼枱座位之間空隙好細，次次上菜都要行出黎讓位，好驚啲熱石鍋湯類，坐沙發雅座會舒服啲。【Catch up 海鮮手打烏冬】 $96帆立貝、蜆、蝦等海鮮，材料豐富。烏冬夠哂煙韌彈牙，食落順滑有嚼勁。叫左黑蒜油豚骨湯，湯底濃厚但系黑蒜味吾夠鮮明。【三味豚手打烏冬】$88豬大腸，薄片豚肉片同埋厚切豚肉，豬大腸炸過勁香口，有得追加就好，厚切豚肉有啲似拉麵店既叉燒。香菌濃湯調味得宜，飲落濃郁但菌味吾會太強烈，加埋少少黑松露醬更加香。【北海道燒帆立貝】$68加入大量美奶滋同芝士去焗，味道甜甜地好正，不過少食多滋味。帆立貝好肥美，焗到岩岩好，無收乾哂啲水份，食落柔軟。【墨魚炸彈】$48墨魚肉內包住隻流心蛋，幾有創意。

我有個舊同事約我去食午餐，佢話好耐無去尖沙咀行街，我當然應承去啦！好彩我記得佢唔食牛肉，所以就帶佢去食萬䐁屋石燒烏冬專門店，試過好幾次門口總是排長龍，所以就無等去了別處，今次12:15就到左不用等枱食第一輪真好，入去店員很有禮貌問我地幾位?仲比左個卡位我們座得很舒服，睇左餐牌後我地叫左個燒活鰻魚串(2串)$86，雖然貴左d,但我都知鰻魚真是很貴的食材，但都想試下，食落口之後感到心情超開心，因鰻魚肉質厚厚地，燒得甘香和脆脆地又有水份唔乾身，仲散發出鰻魚鮮味，簡直$86(2串)值回票價。另外仲叫左碗:厚切豚肉手打烏冬$88，豚肉件件都係切成厚厚的，夾左一層層少少地既肥肉，食落口一梳梳不會太肥膩又不硬，碗內仲有很多咖啡菇，菇身很爽又入味，手打烏冬煙韌又彈牙，湯底係香菌濃湯底，非常好味。朋友就叫左碗:三味豚手打烏冬$88，原來有豬腸、豬肉薄片，豬肉厚切，咖啡菇，豬腸先煮淋再燒，食到廚師的用心去做，外脆內淋非常嘢味，薄片豬肉好像打邊爐的薄薄幾片，仲有厚切豬肉，如喜歡吃幾種不同口味，這款係唔錯的選擇，而且係用左石鍋黎做碗，所以慢慢食都唔怕會凍，下次去記得早D去啦！餐廳仲提供免費wifi,方便大家即

晚上來到這一間專吃豚肉和手打烏冬的日本小店吃晚餐。沒想到星期一已經有那麼多人來這裏吃晚飯, 晚一點來還要排隊呢！我點了一碗厚切豚肉手打烏冬, 湯底選擇了黑蒜油豚骨湯。另外, 亦點了一些小食, 有蟹肉牛油果野菜沙律🥑、日式炒雜菜、燒活鰻魚串。蟹肉牛油果野菜沙律🥗 - 份量多, 裏面有番茄粒、沙律菜、蟹籽、牛油果粒。日式炒雜菜 - 炒得很惹味, 很喜歡日式醬油的味道。厚切豚肉手打烏冬 - 烏冬放入石鍋裡, 以保持熱辣辣的溫度。豚肉厚厚的，肥肥的, 不乾身。我幾喜歡湯底的味道, 豚骨湯的味道算濃厚, 但又不會覺得過咸。手打烏冬屬於粗身, 質感煙韌, 有少少彈牙的口感, 很滑溜。烏冬亦充分吸收到湯底的味道。

萬豚屋次次去到都好多人等位，今日一於去等下啦~非常地道日本感覺6點幾已經坐滿晒人啦好有日本feelFree wifi , 非常方便呢多款不同醬料, 梗有一款適合你環保MENU，直接在menu 上tick 多元化的食物選擇上級牛肉手打烏冬(菌湯) $88用石鍋上，上菜時是熱騰騰呢~如果冬天食更佳呢烏冬有菜，野菌湯底入面有菇粒，仲有黑松露 及埋隻蛋，清甜而不膩，推介牛肉是鮮紅色，好似生牛河咁，見到牛肉紋理睇得出係靚牛好豐富北海道燒帆立貝$68香口芝士X牛油味道，食完都唔膩加D檸檬汁更香口，仲要係勁大隻，真係好好食~呢餐真係非常滿足

早幾日收工黎尖沙咀行街，朋友話好耐無依間餐廳，所以就決定黎依度食。因為我地咁岩都早收工，所以7點左右入到黎都唔使排隊就有位。 依度出名都係烏冬，我朋友繼續都係揀左依度指介既厚切豚肉烏冬，配上香菌濃湯, 都係88元。咁我就決定試下叫丼飯，叫左個美國一口牛丼，80元。另外，再叫多個小食，木魚豚肉玉子燒，52元。 等左一陣食物就到啦，烏冬依然熱辣辣，湯底濃，豚肉塊塊厚切，但肉質夠腍，肥瘦適中而且重豬肉味。溫泉蛋半熟，一口食哂口感一流。 美國一口牛丼分量多，牛柳粒唔會燒到太韌，加上燒汁撈飯，性價比高。不過相對而言我自己都係偏好烏冬。 小食木魚豚肉玉子燒 食熱食梗係叫凍飲，叫左兩杯凍柚子蜜，埋單都係每日150左右。總結係食左咁多年，水準依然keep到，人氣依舊高企，我地接近8點食完門口都有不少人排隊，絕對值得再來幫襯。

*16年老店*人生有幾多個10年？這間萬豚屋快將迎接她的第16年，相信喜歡食手打烏冬既你，對呢間小店絕不會陌生，以前手打烏冬曾經紅極一時，這間店亦以自家的手打烏冬、稻庭烏冬打響她的名堂，曾經排隊排到萬人空巷，現在偶而經過的話，尤其係星期五晚時間，基本上排隊20-30分鐘是正常的，不信的話，可以來碰一下運氣，感受下排隊朝聖的感覺。來朝聖的話，當然要再回味下個招牌烏冬 --- 厚切豚肉手打烏冬(菌湯)內裡當然有厚切豚肉(5塊)、雞蛋、東菇、粟米、手打烏冬，豚肉口感軟硬度適中，唔會太肥、口感幾好，再配上香菌湯底，食上去清清地，感覺還好另外，用上石燒鍋，食烏冬由頭到尾都係出煙，熱辣辣，keep到温度點了個小食 – 墨魚炸彈，味道挺特別，最外層是炸的、中層則用了墨魚滑去整、內裡則係温泉蛋蟹柳沙律醬，可以試下總括來說，16年小店，值得回來回味下

萬豚屋個名成日聽，好多朋友都話好出名，好多人去排隊食。今日見時間岩岩好，終於試到喇🤩烏冬係我最愛，而呢到就係烏冬控既天地😋同朋友叫左唔同既湯底，🍜一個菌湯 配 厚切豚肉稻庭烏冬熱辣辣既石鍋，塊豬扒都真係好厚切架🐷菌湯既菇味勁出，仲有好多菇係到🍄 再有黑松露醬配埋，味道一流而稻庭烏冬個質感仲好滑身添 🍜另一個魚介湯 配 三味豚（厚，薄切豚肉&豬大腸） 手打烏冬魚介重魚味之餘，純對唔會有腥味，而成碗都係豬肉，好豐富，手打烏冬同稻庭烏冬都有分別架，手打彈性比較高啲，中意有咬感既朋友可以叫呢個👍🏻小食方面推介墨魚炸彈，墨魚膠包左隻日本蛋黎炸，好香口又唔怕漏😋

做完瑜珈，當然要食一頓豐富的補充一下體力。適逢午飯時間，恰巧看見這間日式味濃的餐廳，所以就進去試試。店裡面牆壁都畫滿小豬，不同的小豬都有不同特色，蠻漂亮。厚切豚肉手打烏冬 (香菌濃湯):豚肉好厚，煮得軟軟的，但肥膏較多，件數都不少。香菌濃湯有滿滿的菇類及黑松露味道，湯頭屬於清淡類。手打烏冬煙靱彈牙，不會爛，而且滑溜溜的。三味豚手打烏冬 (黑蒜豚骨濃湯)：三味包括厚切豚肉、薄切豚肉及豚大腸。薄切豚肉比厚切豚肉更有口感及咬口；豚大腸挺爽挺彈牙；厚切豚肉是一樣的，但配上黑蒜豚骨濃湯，則是另一種感覺。黑蒜豚骨濃湯是走濃味的路線，可以帶給舌頭刺激。木魚豚肉玉子燒：外表像是玉子燒，但入口感覺像奄列，豚肉配上炒雜菜，餡料尚算豐富，但醬汁過多。北海道燒帆立貝：帆立貝大大顆，不會燒得過老，但是醬汁過多，吃不出來帆立貝本來的味道。

鍾意食石燒(石鍋)烏冬嘅人要黎試下！萬豚屋嘅石燒烏冬一律都系用石鍋上，湯底同配料都有好多選擇！特徵 : 烏冬用石鍋上，熱度維持好耐，唔驚烏冬會凍🔥烏冬 : 有手打烏冬同稻庭烏冬揀，手打烏冬有咬口，好味！稻庭烏冬就會分湯上，應該系怕扁身烏冬會癡底，幾貼心👍🏿湯底 : 好似有4,5款，我地揀左黑蒜油豚骨同雜菌湯底。黑豚湯底豚骨味幾濃，黑蒜油唔會太多太搶味🐖雜菌好濃菇味，鍾意菇嘅朋友可以試下🍄配料 : 有超過十款選擇，今次我地揀左活花甲同豬軟骨。活花甲有6隻，都幾大隻，鮮甜新鮮🐚豬軟骨煮得好lum，而且好入味🐗P.S. 如果想食花甲或者是日海鮮，建議大家早啲去。當日8點左右到，落完order冇耐就聽到花甲停，十分鐘後海鮮停😨好彩我地叫得切😂服務 : 侍應態度幾好，有禮貌，加茶埋單都好快手。熱茶雖然系普通膠壺裝，但熱度非常高，唔知點做到😂

這間石燒烏冬店是熱門餐廳，常常排囇隊。店子以木色系裝潢，牆上有大大小小的曰式豬仔插畫，趣味十足，又帶有東洋風格。在門前仲見到有唔少的明星合照，而且入圍飲食雜誌必吃2018名單。真是人氣十足。這兒有十款不同的石燒烏冬供應，可選稻庭烏冬或手打烏冬，四款湯底選擇，分別有香菌濃湯、魚介豚骨濃湯、香辣三色味噌湯和黑蒜油豚骨湯，價錢由$86-$106。今天簡單的點一些小食和招牌石燒烏冬作晚餐。北海道燒帆立貝$68燒帆立貝一客二件，即點即燒，所以製作需時。帆立貝大大隻，燒到表面微焦，加上滑溜的旦王醬，十分香口。燒活鰻串（2串）$86這燒活鰻串真好吃！鰻魚帶一點厚度，口感十足，燒得香脆又juicy,而鰻汁濃淡有致，yummy! 加上選用活鰻的關係，肉質尤其爽彈，口感爽身，無平日的鰻魚咁膩口，好吃！醬油豬軟骨手打烏冬$84這醬油豬軟骨手打烏冬用石窩盛裝。看著熱湯的泡泡沸騰，熱呼呼的，在微涼的天氣下特別吸引。醬油豬軟骨的份量唔少，啖啖肉，炆得軟腍入味，入口即化。魚介豚骨濃湯底味道鮮美，有著濃濃的豚骨的風味，味濃而不膩，配上滑滑的手打烏冬，實在美味。上級牛肉手打烏冬$86上級牛肉大大片，上枱時仍保留半生熟狀

«日式萬豚屋monchi cafe»係石燒烏冬專門店， 用嘅係日本嘅食材， 最出名嘅係石頭鍋手打烏冬， 雖然食個烏冬加一後要100hkd， 不過食完之後一定會覺得好抵， 手打烏冬分量足， 食量大嘅人一定非常滿意， 非常飽肚， 上碟食完之後個湯仲會霧煙， 可見呢個石鍋保溫能力極強。«豚肉玉子燒»52hkd玉子燒食落似大阪燒， 份量好足， 適合食主菜之前叫 ，如果食完烏冬之後食會覺得有啲heavy，份量太足啦， 豚肉多，椰菜多，粟米多， 紙魷魚多，沙律醬多， 如果少啲燒汁會仲好食。«香菇濃湯厚切豚肉手打烏東冬» 88hkd厚切豚肉入口即溶，生雞蛋熔融狀態，實心彈牙烏冬食落似拉麵，好香黑松露同埋各種菇嘅味道，重香菇味日本大菇。«大阪風石燒鍋，金胡麻担手打烏冬»88hkd實心彈牙烏冬食落似拉麵，充滿麻醬嘅香味，半隻熟雞蛋，厚切豚肉入口即溶。