萬豚屋

营业中

休息中

前所未有咁離譜，今晚收工去食飯，6:45去到唔洗點排隊，可以入座，不嬲知道都要時間等上菜，但冇諗過可以等45分鐘都冇煮過。我地叫左兩個烏冬加一個玉子燒，個玉子燒等左15分鐘就黎左，係幾好食，之後傾下計等上其他烏冬，點知等左25分鐘就問個女人有冇留單，個女侍應話整緊，我地叫佢問一問廚房，點知等左五分鐘都冇理我地，我地就再問另一個侍應，我問等35分鐘係咪正常，佢答我唔係，正常係20分鐘，幫你催緊廚房架喇。好，等左10分鐘再問，點知同我地講整緊，火都黎，我地話唔要打算走，點知個女侍應先走黎話未開始整，問我地仲要唔要！一個二個侍應係度hea你，等左45分鐘係可以冇上菜同求其答你話整緊，野食係好食，但態度真係不知所謂，食唔食真係你諗你。

▪️ 厚切豚肉手打烏冬 + 香菌濃湯 💲88叫得萬豚屋，招牌之一當然係佢嘅厚切豚肉，有得揀兩件或者四件，價錢差幾蚊之下要左後者🤔厚厚既豚肉入口比較多肥膏，會有種入口即溶既感覺，不過如果肥瘦均勻一點會更合我心意🤤烏冬亦有分兩種，細問店員分別何在，佢都耐心解釋手打烏冬係粗身彈牙煙韌一點，而稻庭烏冬比較幼身會另上，個人鍾意有口感既野就叫左前者😙最值得一提既係湯底，四款選擇包括香菌濃湯、魚介豚骨濃湯、香辣三色味噌湯、黑蒜油豚肉湯🥣第一款最為吸引，面頭有舊黑松露，入面亦都足料有唔少菇菌，味道夠濃厚🤓幾欣賞佢擺係石鍋入面既設計，保持到熱騰騰既溫度🤠本身仲想要芝士凍餅甜品，但最後太飽放棄左🔎 整體評分（7/10）

Warm & delicious Japanese🇯🇵 Udon Pot❤️..呢排天氣又涼涼地🍃 最岩食一碗熱騰騰既石燒湯鍋♨️ 暖暖身。一間主打懷燒料理 石鍋濃湯烏冬，雖然小店經營 但卻多份人情味。入到店 店長💁🏻‍♂️已經好熱情招待，仲好詳細講解餐牌呢。店內主打石燒料理，其中必試既 濃濃香菌湯底 配上手打煙韌烏冬；亦會限時加入新元素，最近就推出左 帶點胡麻香帶微辣，據說美味又抗衰老呢。ll作為前菜沙律都不能睇少 份量一點都唔野少，真係好大份量又足料呢。2個女生看到都嚇了跳。llllll點了3款小食，味道`水準都很不錯❤️。其中偏愛吃鰻魚🐟 原條生燒而成 真係好睇師傅功夫&火喉，慢功出慢工出細貨 真係好肥美 每口都好滋味。ll最後最後 必推介呢款甜品 ，我和朋友一致推介呢。賣相已經美美的💛 蛋糕質感好輕 像雪糕般幼滑既凍餅，但伯爵茶味卻異常濃濃 每口都是幸福的💫。..

今日特意來尖沙咀萬豚屋吃烏冬的，聽同事講左好耐話他的石鍋烏冬特別好吃、彈牙⋯⋯入到餐廳7點左右，座位幾乎爆滿，老板熱情好客，來到當然要吃懷石料理黃金胡麻担担石燒手打烏冬啦，營養兼抗衰老，熱辣辣盛上，香噴噴，非常足料，奶白色湯底十分鮮甜，手打烏冬果然不同凡響，煙韌彈牙，索左湯汁十分之美味，和豚肉一起吃更滋味，秋葵蟹肉沙律，秋葵清翠爽口，蟹肉鮮味配上㊙️醬甜甜酸酸勁醒胃玉子燒特別之處是配上北海道精选的優質豚肉作餡料外層是微金黃的滑嫩蛋皮加上木魚薄絲再淋上秘醬，出奇地夾，口感豐富，好好味，真是令人回味無窮飲番杯熱檸榢茶好舒服和滿足我會再次光顧的。

星期日想喺尖沙咀食個late lunch，但又唔想等位同人迫，就去咗夜晚熱鬧但日頭僻靜嘅赫德道搵食。 萬豚屋主打石燒手打烏冬，啱晒我哋胃口。 【三味豚手打烏冬 魚介豚骨濃湯$84】 石鍋烏冬上枱時啲湯仲係翻騰緊，熱辣辣，香味四溢。 不過幾熱都好，食日本拉麵或烏冬，湯底都好重要。 試吓頭啖湯，味道夠濃厚，應該花咗唔少時間熬製。 我哋叫嘅係三味豚，三味豚包括厚切豚肉、薄切豚肉、豚大腸。 豚肉夠肥美，我就鍾意豚大腸嘅爽口同味道。 【大阪風《黃金胡麻担担》石燒手打烏冬$88】 担担麵食過唔少，但担担麵湯底嘅烏冬真係第一次食。 担担麵湯嘅胡麻來自百年老店「大阪和田萬」中懷石料理級別嘅黃金胡麻，好香濃，而且仲加埋担担麵嘅肉醬，好正宗。味道帶微辣，食落更惹味香口。豚肉就好厚切，有豐富肉香同油香。兩個烏冬都加咗溫室豆苗中和吓濃味。 【北海道燒帆立貝(兩隻)$68】 兩隻巨型帆立貝，落咗芝士同沙律醬燒到黃金色。 燒出嚟微焦嘅芝士好滋味，帆立貝就燒完仲feel到好鮮爽。 食完濃味湯烏冬想食啲甜品平衡返，叫咗個【伯爵茶芝士凍餅Cake set】，送咖啡或茶都只係$32，加$5就送特飲或果茶，咁抵，唔叫返s

朋友話之前經過呢間萬豚屋排晒長龍，呢晚就搵埋我陪佢試下食！烏冬花款好多，不論係湯底、配料，定整法。我哋就叫咗一個比較多人食嘅石鍋烏冬、一個比較特別嘅咖哩烏冬，配兩個小食，全部都係「料理長推介」架！首先講下小食！好食喎！🤩尤其推介墨魚炸彈！墨魚炸彈（$48）墨魚炸彈用咗墨魚滑包住一隻蛋，蘸上炸粉攞去炸，蛋整到半熟，仲有流心效果添！外層脆卜卜，墨魚就彈牙，而流心蛋就軟淋淋，口感豐富👍🏽另外仲有炸蟹柳，不過就比墨魚炸彈搶晒風頭啦！🤣木魚豚肉玉子燒（$52）另一個小食係都好多人推介嘅玉子燒～餡料好多，有蟹柳絲、椰菜，最緊要係有叉燒，非常特別嘅配搭！出面食嘅玉子燒通常層蛋會好厚，包好多層；而呢到嘅玉子燒就只有薄薄嘅一層，所以餡料好易跌晒出嚟。同埋鍾意食好厚嘅玉子燒嘅朋友可能會嫌呢個蛋太薄😛之後就到烏冬喇！烏冬有四種湯底揀🥣：魚介豬骨濃湯、香菌濃湯、香辣三色味噌湯、黑蒜油豚骨湯。厚切豚肉手打烏冬（香菌濃湯）（$88）我哋就揀咗香菌濃湯🍄，係用豬骨湯加入大菇整成嘅，菇味好濃郁，而且仲有黑松露醬，一齊食嘅話會好香！我哋都好鍾意呢個湯底！另外因為佢用個石鍋嚟裝住，所以一路食到仍然keep到好高嘅溫度，抵

服務態度惡劣就算餐廳大把位也要求客人只可坐指定一枱係一枱 冇得揀任何相同座位數目的枱重點係現場客人只有2位冷氣大風到頭痛食物一般員工面口極差收錢時俾左錢後冇人黎收好似乞求咁叫員工才理你沒有去的必要

萬豚屋lunch time長期都超級多人，排晒隊。今日咁好彩有同事早少少去排，排左15分鐘，終於有得入坐啦！入到去未落order有個waiter大叔就已經同我地講要20分鐘以上，咁因為好想食所以我地都ok啦，落單時候都大概1點20分，我就叫左厚切豚肉手打烏冬。到左大約1點40以為會有野食，但都未到，我地又唔敢問waiter, 因為佢地一早就叫左我地唔好催單。到2點，終於有得食了，完全係等左20分鐘x2!!! 我地唯有極速食晒佢。平心而論，食物味道係好既，好重菇味，豚肉又厚肥瘦適中，烏冬又彈牙。但上菜也太慢了，waiter態度亦好傲慢，唔會再係lunch time黎。

好多年前同朋友食過一次，記憶中係好好味同好多款擇。今次去到竟然係無豚肉，得返厚切個種。朋友叫左個薑汁豚肉井，肉都幾多塊，但朋友就過難咬左少少，都係薄切好食點。我就食左個花甲三味辣線烏冬。黎到賣相幾好，好吸引，花甲麵好大隻同厚肉，係不錯既選擇。同埋距湯入面有隻蛋，同熱湯撞埋就變左流心蛋，仲keep到甘多年水準都算吾錯。不過侍應既服務態度就要好好加強，我要食藥要杯水都好似罪過甘😑希望下次再黎係十全十美。

在尖沙咀有一間很有名吃豚肉的日本料理叫「萬豚屋」，常常有人在門外排隊，而且專門是食豚肉的餐廳。餐廳內裝修很有日本風，有木製的傢俬及裝飾，在門口附近更掛上明星幫襯的相片，四周還有不同的豬仔圖案，相當得意，令人有種想一嚐豚肉的感覺。來到必吃「燒十勝豚肉丼」，厚厚的肥肉，爽脆煙韌，肉質炆到很腍嫩入味，好有豚肉的香，一點腥羶味也沒有。飯的份量驚人，一人前可作2人食用，同朋友share必定2人都會食到好飽。前菜及小食，我們就點了「山葵醬汁鮮蝦毛茄」清爽可口，「香煎豚肉餃子」即叫即煎，外脆肉香，另外最惹味的「香味照燒雞翼」雞皮煎得香口，雞肉都滑溜。至於「三味屯手打烏冬」包括有厚切豚肉，薄切豚肉，豚大腸，而湯類可選小辣香菌濃湯，魚介豚骨濃湯，香辣三色味噌湯，黑蒜油豚骨湯。今次就叫了香辣三式味噌湯 (小辣)，用熱石鍋熱辣辣送上，三式味噌湯好杰身，剛剛好令烏冬可掛上湯，烏冬彈牙，豚肉非常出名，我最愛厚切豚肉，入口即熔，甘香入味。薄切豚肉都不錯，豚大腸脆口，味道很濃郁，超讚。

尖沙咀呢間豚肉烏冬店晚市6點開始，6點就有人龍係店外排隊～～店名係「萬豚屋」，店內裝修設計都有好多隻豚，畫風好色彩繽紛，隻隻豬都好cute~~先黎一碗「厚切豚肉手打烏冬」，湯底我揀左黑蒜油豚骨湯，湯底好濃郁，黑蒜好香，同手打烏冬好夾，厚切豚肉好淋好入味，超正，有入口即溶既感覺～份量好足，有五嚿豚肉，大滿足～～小食方面，order左鰻魚串同墨魚炸彈～鰻魚串肉質幾彈牙，有別於一般食開既鰻魚，幾特別～墨魚炸彈有驚喜！！其實係炸墨魚包住溏心蛋，半熟蛋好滑溜，沙律醬又甜又香，墨魚彈牙，外皮酥脆，伴碟仲有炸蟹柳～～另外，朋友order左碗海鮮凍烏冬，海鮮份量多，海蝦燒得夠香口，稻庭烏冬夠彈好味～

接女友收工黎尖沙咀食飯，想食d暖胃的料理，就揀左一間石窩烏冬。7點幾左右排左一陣就入左餐廳。我叫左個厚切豚肉手打烏冬(黑蒜油豚骨湯)女友就叫左上級牛肉手打烏冬(魚介豚骨湯)食物黎到，熱辣辣，湯底極濃，我地兩個分別試晒2個湯底，覺得黑蒜油豚骨湯較香濃惹味！豚肉厚切的，肥瘦適中，而且好腍。手打烏冬都已經非常有口感。小食叫左個木魚豚肉玉子燒同香味照燒雞翼。豚肉玉子燒加上雜菜，餡料非常豐富。不得不說雞翼有驚喜！！味道帶點甜帶點辣，而且雞翼肉質嫩滑又大隻，真的十分推薦。平均每人$100多dd，但食物質素真的超值，已經約定左搵日放工再過黎食🤤

#厚切豚肉手打烏冬 $78 (跟熱飲 凍飲+$3)烏冬用石鍋裝著 上到枱時仲係滾滾吓 熱辣辣🤩小編揀咗魚介豚骨湯底 都幾濃魚介味😆而烏冬都好彈牙 果然係主打烏冬😋而厚切豚肉就麻麻 有啲就好淋 有啲就好鞋🤨作為以豚肉為賣點嘅餐廳 豚肉質素咁參差就有少少扣分😞小編本來仲有叫餃子 但係食曬烏冬再追單嘅時候發現原來漏咗單😢見員工咁好禮貌又道咗歉 又嬲唔落😂唯有下次再試過啦🤣評分:7/10

是次和閏密的飯局, 選了地點方便的尖沙咀,店鋪位置在有好幾間酒吧的赫德道, 很易找.店內坐位頗多, 有少部份卡位,門口位置貼滿店主與明星的合照,果然是人氣小店~點了以下食物:吉列芝士豬扒手打烏冬 (香菌濃湯)  ($94)烏冬送來的時候, 湯還一直在滾著呢~熱辣辣的, 非常吸引~手打烏冬非常煙 "un", 香菌濃湯不會太杰, 而且味道很清新~好味吉列芝士豬扒是另外放在碟上的,這樣就可以保持脆卜卜, 不錯~芝士份量剛剛好, 不會過膩, 好味~黑胡椒活花甲手打烏冬 (香辣湯)  ($94)花甲很大隻, 而且份量很多,辣度分了三個程度, 點了小辣,很惹味, 烏冬吸了辣湯超好味~看照片就知道那個湯是一直在滾著啦~哈哈北海道燒帆立貝  ($68)帆立貝同樣很大隻, 配上牛油, 很香很正~燒得剛剛好, 肉質依然很爽黑魚炸蛋  ($48)用墨魚滑包著雞蛋再炸, 非常特別啦~咬下去外脆內軟的, 而且是流心蛋黃~超正店員很主動的加水及收拾東西,食物都很好味~和朋友聊到快關門都沒有版趕 過了一個很滿足的晚上呢~

最近朋友推介我去尖沙咀呢間萬豚屋試下，開頭聽個名以為係食吉列豬排，點知原來係食烏冬！呢間萬豚屋好受歡迎，黎到排哂長龍，平日都要等位先可以入座。食物既選擇基本上就係烏冬，但你可以揀手打烏冬或者稻庭烏冬。另外就可以揀唔同既湯底同配料。我同朋友第一次食，就揀左一個香菇濃湯豚肉手打烏冬，另外一個Daily Catch 海鮮稻庭烏冬配魚介湯，咁就可以試哂兩款唔同既烏冬。我地就覺得其實兩款烏冬都好食既，手打烏冬既麵身比較粗，所以食落會煙韌啲，不過由於佢係石鍋烏冬，所以浸住喺湯底度一路恆溫煮住，所以食到尾個口感就會比較淋。而稻庭烏冬麵食比較幼，口感偏滑，另外佢係分開上既，所以可以好似食沾麵咁，食到尾都保持煙韌。湯底方面，我自己就比較鍾意香菇濃湯，因為真係有好多菇！加上有少少黑松露既味道，勁香！配料方面，推介Daily Catch 海鮮！！有三隻花甲、兩隻蚊、一件帆立貝同埋蟹柳，勁足料！！而且啲花甲非常鮮甜，正！食食下見到差唔多每檯都有叫啲小食，所以我地都加左一份燒鰻魚，雖然價錢唔平，但鰻魚好厚身，燒完有爽脆既感覺，只係略嫌有少少咸，如果配啤酒應該唔錯！