萬豚屋

营业中

休息中

今日黎左一間食烏冬既餐廳，黎到人流都幾多，所以都需要係門口排隊，店員會出黎點人數，人齊方可入座。先黎一杯熱茶，味道幾特別，同平時日本餐廳既茶有啲唔同，好清香😍我幾鐘意香菌濃湯厚切豚肉手打烏冬　成個鍋一上枱都係熱辣辣，啲湯仲系滾緊，湯底好濃味，除左普通蘑菇外，仲有黑松露，仲有好爽口既翡翠苗，湯底好香濃，大大陣黑松露香味，手打烏冬比較粗，都算煙韌。豚肉好淋份量都幾多。照燒雞扒稻庭烏冬 香辣三色味噌湯小辣湯都幾辣，湯入面仲有大量粟米🌽。稻庭烏冬就比較扁身同埋比手打烏冬更煙韌。照燒雞扒皮燒得脆身，雞肉都算淋可以更加淋就更好味。香煎豚肉餃子餃子🥟皮煎得好香脆，內裡Ｄ肉好入味。豚肉玉子燒玉子燒有大量燒汁同沙律醬。玉子燒入面都好多豚肉。