華

营业中

休息中

此時此刻的西九龍中心依舊人流不絕！朋友上次食完後讚不絕口，而且環觀整個商場售賣雪糕的店舖何其多，不過大多都是自選數球。本想食特濃的北海道8.0，可惜售罄！唯有轉食最基本的呍呢嗱味雪糕～看圖確實吸引，價錢亦合理！但不想食得太飽故此沒有考慮～呍呢嗱(小) - 奶味不過不失，質感尚算軟滑！但溶掉速度卻十分快～

近日西九中心開左間甜品店，咁近屋企又即試試～ 店面乾淨企理，宣傳海報也很吸引。水信玄餅＋迷你軟雪糕，用糯米粉做成的水信玄餅，外型像水晶球般晶瑩剔透，口感像啫喱般順滑，加上黑糖漿及黄豆粉，嚐到微微的甜味，有點像芝麻糊甜味。可惜，份量很少，只有ＢＢ拳頭般細，兩三啖食完不飽肚。迷你軟雪糕奶味濃郁，可能雪櫃溫度太低，以致雪糕口感略冰硬，不夠細滑，而且真的很＂迷你＂。整體味道不錯，但份量偏少又不飽肚，遠遠不及同商場的雪糕店抵食。

日本火紅火熱既水玄信餅都黎左西九龍中心 呢個潮流勝地~ 水信玄餅柔軟得似果凍，所以拎時要小心翼翼，而且水信玄餅中水佔左好大既比例，室溫下大概30分鐘內就會消溶。(會慢慢出水)本身水信玄餅係冇味，沾上黑糖與黃豆粉後，有左黑糖就變得比較清甜，黃豆粉增添香氣，仲有住沙沙既口感。旁邊小小既牛乳雪糕亦不可忽視，因為牛乳特濃由3.6已跳升至8.0，牛奶味確實比一般香醇，食完之後覺得真係幾牛奶，口感頗絲滑，不過都有少少易融化，最好同水玄信餅一齊快啲食。除左牛乳雪糕之外，呢度仲有黑朱古力同雲呢拿選擇，個人想下次試下朱古力，睇下係咪同牛乳一樣咁特濃。

是日全因要買上網卡到外地旅遊，又來到被標籤為全港最貧窮地區-深水埗。你可能覺得呢度又多人又多車，買完理應閃人！但係就係因為貧窮先有種舊日的感覺。時空穿梭又帶到西九龍中心，雖則我不是此地的居民但滿有兒時回憶。全因我的黃阿姨是此地的常客，從小到大都令我熟悉-那時的雪糕，那時的酒樓，那時的零食店；一一保留到現在，此情此景足以令人懷念。尋尋覓覓行到六樓，嘩⋯⋯北海道特濃牛奶雪糕8.0。無花無假特濃牛奶8.0，第一啖覺得好濃郁的奶味。食食下唔知點解有煉奶味咁，但係確實幼滑同大杯抵讚。我幾鍾意佢既雪糕筒食到最後仍香脆。現凡follow @hanasoft 即減$2·現在大只係$22，影低雪糕放上ig tag @hanasoft 拎第二件半價優惠券。西九龍中心最多新奇事物及懷舊小食，有時候途徑此地會發掘了很多新「食物」。今次又見識到全港8.0的雪糕，真的不枉之行。

好少黎西九但Instagram見到blogger推介呢間新開軟雪糕qq飯團最後一間結業 就特登黎行番轉食完飯團過黎同朋友一人一杯Blogger推介8.0牛奶 但朱古力控既我要左大既黑朱古力$22 朋友果杯$20黑朱vanilla扭紋本身好鍾意食godiva既黑朱雪糕呢間同樣有做黑朱不過價錢平咁多起初都唔係好大期望點知見到雪糕擠出黎真係黑朱既深啡色唔同奶朱果隻啡食落仲好有驚喜雪糕幼滑冇冰粒朱古力味夠醇 估計去到70%食完有回甘 呢個價錢拍得住大牌子朱古力真係冇得輸脆筒就正常平時食果d不過食完之後個嘴會啡左 記得抹嘴朋友果杯佢都話黑朱味好濃就算扭紋vanilla都蓋過左vanilla咁濟呢間真係好岩鍾意黑朱既人！

仲喺度講緊北海道3.6牛乳？🌚少年你太年青啦！而家已經升level升到去北海道8.0啦😏雪糕嘅牛奶味都幾濃郁，食起上嚟甜甜地，似係加左煉奶落去☺️奶味在口腔內徘徊😝雪糕唔算太易溶，食起上嚟都算幼滑！而且價錢黎講唔算係太貴～雪糕筒做得香脆，配上雪糕食確系吾錯😁

I don't often go to Sham shui po but went here because I wanted to try QQ rice one more time before they close down.While I was there, I discovered this joint selling Hokkaido 8 soft serve, stevia tea and this raindrop cake (water cake/Mizu Shingen Mochi).As it was only $15, I decided to give it a try.It literally looked like a blob of water an a bit like breast implants surrounded in brown sugar syrup and bean powder!!Basically it was like eating a very soft jelly with a hint of sweetness, if y

同女朋友放假係西九龍行街食完晚飯臨走前黎到試下號稱全港最濃既8.0牛乳最近見唔少blogger有講呢間既牛乳雪糕,於是晚飯食得再飽都黎試一試(而且難得黎西九龍中心)雪糕方面有抹茶同8.0牛乳   可以揀大細或者連配料既杯裝女朋友鍾意紅豆 於是點左個特盛杯入面有紅豆同蕨餅,雪糕揀左8.0而我就要左$15既水信玄餅8.0牛乳第一啖食落已經好滑身,牛乳味好重好似飲緊奶咁個奶味比起3.6牛乳仲要更加濃食完個口仲有陣牛奶既香味, 有d似係日本食過既cremia雪糕蕨餅夠柔軟有黃豆粉香,連埋雪糕食有唔錯既口感紅豆不過不失唔算太特別主要都係以8.0牛乳為主角 因為真係太香濃至於水信玄餅 估唔到佢同menu一樣用隻紙船仔黎上,個樣整得好靚, 但個玄餅本身就冇乜味,係靠個黑糖漿同黃豆粉溝埋一齊食賣相一流,味道唔差,只係份量食幾啖就食完,可以當係飯後小甜品

第一次食嘅時候係大概8月20號因為新開張 所以試下 真係好濃好好食但到佐9月16嘅 唧係琴日 我介紹朋友一齊食我同佢分別買佐抹茶 同牛奶味發覺 我地嘅雪糕溝稀佐 每啖都有沙冰而且無比第一次食個陣咁濃樓下雪糕車做佐咁多年 都係咁濃華軟雪糕 呢間做唔夠一個月就已經溝稀24蚊 香 滑 我覺得值得買依家偷工減料 我寧願落去雪糕車買兩杯食真係⋯⋯ 唉

呢排工作辛苦所以要買細細杯雪糕獎勵下自己。店舖推介3.6牛乳雪糕！雪糕的確又軟又滑，但係牛奶味就唔重，反而有啲似煉奶味，所以覺得偏甜左啲啲。不過，都可以一試家，為左唔想食得太甜，可以食細杯試下個味道。S$22 L$24 #chexeat

今早上網看到推介這間雪糕店，賣點是比3.6牛乳更犀利的8.0進化版，碰巧下午便到深水埗，真的找不著理由不到此一吃雪糕分大小兩種size，建議加兩蚊叫大的，因為小真的略為細小另外，本想試試抹茶雪糕，可惜店員說只是週末限定。有機會下次會試試這個蕨餅，28蚊有雪糕有蕨餅有紅豆蓉，價錢合理。先吃一口，確實如文章介紹，有點像煉奶的味道，比3.6雪糕香濃得多，奶味徘徊在口腔之中，質感亦頗幼滑，但溶得比較快，如室外吃應加速，不然會十分狼狽。雖然望落份量不大，但吃後竟有飽肚感以質素來說價錢十分合理，好比那些標榜怎麼特濃牛乳的連鎖店，有空到深水埗就來支持一下小店吧

上網見到 e間野 講到d雪榚好正！留意左佢！咁岩早幾日又出去深水到拎團購！就去試下啦！果日係平日 試唔到e個 可惜閒日關係 冇咩簡 得原味價錢係e區唔算平！不過老細都幾親切下！味道 一入口 好濃郁慨奶味 同極滑！！！奶味係個口入面無限輪回！！正爆真係好有日本雪榚慨感覺！！！！個筒都好脆 好好食不過 其實佢都有d優惠比大家慨！！！多d支持本地小店 等佢地可以帶來更多同大型連鎖店唔同慨野比大家！！