華

营业中

休息中

特別推薦大家✅北海道8.0牛乳 Hokkaido Milk 8.0✅意大利特濃黑朱古力 Italian Dark Chocolate《北海道8.0牛乳》超重奶味🥛😍有北海道感覺，又好滑，好值得食😌💰$24(S) 圖係this💰$26(L)《意大利特濃黑朱古力》超濃郁嘅朱古力🍫，係好濃好濃😍好似仲濃過過Godiva😂，加埋cone食好好食💰$24(S) 圖係this💰$26(L)*個Cone好脆😌**有一口牛乳軟雪糕($8)🍦，勁得意😂真係得一啖

每次黎西九都會食好香牛奶味 又唔會太甜之前食過抹茶味 麻麻地所以今次都係唔好試新野啦今次加咗迷你麻薯+$5 好有咬口 正 唯一缺點係啲雪糕好快溶買完要快啲食哂同埋份量感覺無之前咁多。。。

話說家姐仔今日去西九買blackpink嘢，本身想幫襯同層7/F 果間雪糕，點知冇開友人就介紹呢間Hana 試下，靚仔店員都推薦可以試北海道8.0牛乳 $24（S ), $26(L)差果2蚊梗係試下個大啦，本身諗住邊度有友心講神級好味😋點知性價比高，仲好食高Habour City 「I」字頭果間！非常濃郁牛奶味，好滑，而且個cone食得出落心機做，好香蛋味又脆！估唔到今時今日仲有咁好嘅良心有質素小店！大家去開西九不妨試下！靚仔店員除咗吸睛，仲好nice!

深水埗西九龍中心係學生行街同搵食飯堂，當中亦有滿滿的黃店，而依間日本進口軟雪糕店就喺food court下一層電梯位隔離，雪糕性價比很高又黃，但可惜見無乜人幫襯☹️星期四晏就一點半去幫襯，但明明food court都爆哂人😗👓8.0牛乳+黑朱古力 雙層軟雪糕$32雪糕店招牌的意大利黑朱古力雪糕，好濃郁黑朱古力味帶點苦澀，唔太甜亦唔會有朱古力死甜嘅假味。質地都香滑厚實，唔係嗰隻好淋身好快溶嘅軟雪糕。雪糕筒香脆好食，完全冇淋身或油膱味。見好多人都叫佢做平民版Godiva，當然相比下佢質地冇咁幼滑同黑朱古力味冇甘苦澀濃郁，不過整體嚟講好食，價錢平一半喎，性價比高！不過其實淨食黑朱古力味雪糕都幾漏，於是決定兩溝叫埋牛乳味，再加上平時最多都係見到4.4牛乳但呢度竟然有雙倍去到8.0，食落奶味真係重亦帶甜味，係好食嘅，不過老實講又覺得未去到叫8.0甘誇張。最後相比下黑朱古力稍為略勝，牛乳味甜左少少！評分：8/10

出開深水埗就一定會去西九龍中心行一轉🙆🏻‍♂️今次俾我發現到呢間雪糕小店 價錢唔會好貴之餘 味道都唔錯 性格比很可以💖身為抹茶控就當然試返啲抹茶野啦🤤所以我嗌咗北海道8.0牛乳雪糕加由政小山園抹茶粉 ($24 + $2)🤤 牛乳雪糕口感幾滑 牛乳味都幾出 喜歡牛乳雪糕嘅朋友要試下呀🐮值得一讚嘅係只係加兩蚊 估唔到佢俾嘅由政小山園抹茶粉嘅份量都幾多 鋪滿咗成個雪糕面🍦連埋香濃嘅牛乳雪糕一齊食真係幾滿足㗎💚💚💚

喺ig見過foodie推介過呢間日本軟雪糕店🍦對上一次同朋友經過個陣個肚冇位🤭 今日同媽媽經過深水埗，我就拉埋佢同我一齊些牙喇😌本來想試下🍵抹茶盆栽，但媽媽抗拒抹茶，表明「你嗌呢個既話，我一啖都唔食架喇！」好啦，就就下佢叫佢想食個個👇🏽➿ 雙色扭紋：黑朱古力 + 白桃 (L: 28)雪糕質感幼滑～🍫黑朱古力味真係超濃郁，仲回甘添～黑朱古力迷必試啊！🍑白桃味道果香味唔出，酸酸甜甜，似乳酸既味道～睇其他foodie影既餐牌發現軟雪糕🍦既口味會定期轉，有時係黑朱古力拼唔同茶🍵 不過我都係覺得分開食會好味d 😋 唔會搶左各自既味道～下次再黎試下抹茶盆栽睇下北海道8.0牛奶到底有幾濃先😚

叫左一個伯爵茶口味雪糕，有少少失望，因為之前見好多報導話好高質。佢一唧出黎就已經係咁樣，好縮水同埋塌曬。而一試味道就食到伯爵茶味，但坦白講唔算好濃，咬落個曲奇筒都無特別，唔係難食，不過同價錢我會選擇其他。

對於好鍾意食雪糕嘅我來講 呢個雪糕係一流 叫咗一半係伯爵茶一半係朱古力 好似係其他限定 特別啲 朱古力個味濃好多 冚左少少伯爵茶嘅味 不過兩邊啲味都好食好creamy 個cone 又好脆 最重要先$30以內 推介大家食

🍦意大利黑朱古力雪糕($28)好厚實好濃朱古力味，完全冇cheap cheap死甜朱古力味雪糕嘅感覺！食完一啖仲要有苦苦澀澀嘅黑朱古力味( ˘ ³˘)♥︎雖然冇𝐺𝑜𝑑𝑖𝑣𝑎咁細滑，不過$28有80% 𝐺𝑜𝑑𝑖𝑣𝑎質素，性價比很高！🍦波子汽水雪糕($24)雪葩的質地，我食咗一啖又唔至於好甜，幾清新，好啱夏天消暑食～好彩男朋友鍾意波子汽水味多啲，我先有機會食晒成支朱古力雪糕🤣總括嚟講，呢到嘅雪糕絕對係可以無限loop🤤尤其係意大利黑朱古力雪糕！

唔知有無人同我哋一樣好鐘意跟 @foodki.may 搵食呢?👅今次嚟到係西九龍中心嘅 @hanasoftcream 試吓係咪真係會有去咗日本食雪糕嘅感覺先🇯🇵呢度嘅雪糕選擇好多，又有脆皮、又有波子汽水味、又有紐紋、又大又細等等，真係可以用花多眼亂去形容😻.anyone else huge fans of @foodki.may 😆 went to the ice shop that they recommended @hanasoftcream for some japanese style icecrean 😊 tons of ice cream choices to choose from 🍦 for the price you are paying its very high quality ice cream! definitely recommend the italian dark chocolate 🍫 .💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 6.8/10服務 𝐬𝐞𝐫𝐯𝐢𝐜𝐞 7.5/10性價比 𝐚𝐟𝐟𝐨

難得去一次深水埗，咁就順便去呢間位於西九龍中心的雪糕店。之前友人推介過，話呢間嘅雪糕好好食，我呢個雪糕控就一於去試試!!今次叫咗意大利黑朱古力雪糕，首先入口已經係好濃好濃的朱古力味，而且食得出雪糕本身好厚實，係有咬得開嘅口感，不是一般好快溶水汪汪嘅雪糕，有係歐洲街頭的gelato小店的感覺啊。呢個質素，只係某些大牌朱古力店雪糕嘅一半價錢，真係好抵食，果然無介紹錯!!

行下西九龍中心，突然想食雪糕就搵咗間黃店支持下！有好多口味，最終1516之下揀咗伯爵茶，本身好鍾意伯爵茶，雪糕味伯爵茶又唔係成日食到，所以就佢啦！伯爵茶味道適中，唔會太淡，雪糕筒都好脆，好味！好過食haggen dazs😋😍

唔知西九開左間雪糕店，淨係比佢門前既雪糕公仔吸引左，感覺有d日本feel。作為朱古力控，見到佢多款選擇，都係會揀意大利黑朱古力雪糕。平時都鍾意飲特濃朱古力既多，鍾意朱古力味濃d既野食。呢款雪糕就滿足到我，朱古力味濃郁，甚至比好多人排既Godiva黑朱古力雪糕好食。廿幾蚊我覺得價錢okay。本身個朋友當日肚唔舒服，冇打算食雪糕既，佢試左一啖之後都忍唔住食多幾啖。可能我食唔同雪糕既經驗少，又或者佢咁岩中我口味，呢款暫時係我食過最好味既黑朱古力雪糕。好彩我咁岩冇人排既時候買。我見keep住都有人排，生意算唔錯。我相信呢間鋪會越黎越受歡迎既。

今晚出來深水埗掃街，經過西九龍中心，發現自己好耐無行過，就突發其想行下，經過呢間雪糕店，見佢 LOGO 都幾日式，就停底腳步睇下，覺得熱熱地都想涼下，所以就決定試下，口味都幾多，款式多樣化，仲有水信玄餅，窩夫，飲品可以揀～又想試牛乳，又想試朱古力，睇相個朱古力好深色，覺得應該會相當濃味，所以索性兩樣一齊試曬佢，要左個雙層軟雪糕 (8.0 牛乳 + 黑朱古力)，滿足兩個願望～賣相非常靚仔，份量都ＯＫ，其實對於 8.0 牛乳我有D期待，因為就算係日本買牛奶，最多都係見到 4.4 左右，不過佢呢個 8.0 牛乳令我有少少失望，因為我覺得其實奶味唔算特別好濃厚，感覺佢唔太似係 8.0 咁？而個朱古力都感覺還好，唔算真係好濃，又可能自己畀太多期望，同想像有落差，個雪糕筒就相當鬆化既，無意慾試其他。

如果你鍾意食牛乳軟雪糕，就要嚟西九龍中心，試下呢間嘅北海道 8.0 牛乳軟雪糕，奶味超濃，質素絕對拍得住其他大牌子，但係售價就平一半😍。呢度嘅另一名物係意大利黑朱古力軟雪糕，店主話曾經有顧客稱之為平民版嘅 Godiva😱，我今日試咗，朱古力味的確濃郁，但係感覺上稍為偏甜（幅相係食咗一半先記得要影😂）。所以雖然我勁鍾意食朱古力，但係下次再去幫襯，應該會返兜牛乳雪糕。如果怕肥又想過下口癮，可以試下呢度嘅一口雪糕，只有一隻手指咁長，好 cute，售價係八蚊，食哂十隻手指都唔驚破產😆。另外，小店亦有賣雪糕雪條造型嘅文具，包括水筆同擦膠，同樣好 cute🤗。同店主傾過兩次偈，雖然佢哋冇告急，但係呢幾個月生意其實非常差，但係業主堅決唔肯減租，而家只係苦苦經營😔，加上佢哋只係攞住冰凍甜點製造廠牌照，未能受惠於政府發放嘅抗疫基金，可謂雪上加霜🥺。如果有雪糕控去開西九龍中心，希望可以過去幫襯下佢哋啦🙏🙏。