華香園

营业中

休息中

其實除左食德發之外, 仲柯打左華香園的加也多, 加也多, 有的餐廳叫加央多, 都係同一樣野, 係椰蓉多士加央好味, 不過美中不足係層加央真係超薄, 所以九成係食麵包的感覺, 只有一成係加央, 但係, 又要講多次, 好食!對角切成四等份, 賣相幾好, 而且細件d, 食得方便!

五月一日中午時份,因要辦理要事行經尖沙咀,據知附近海防道有間熟食市場,所以處理要事後,便到此用膳.起初到達門外,看到只有廖廖數檔的豬肉檔,而售或買的也只有巴藉人仕.如事前不做點功課的話,相信單憑外表無法想像內裏有一大堆熟食檔鋪.基本上,只要越過外面的豬肉檔,再往前行一點,便會發現熟食檔位置.正當踏入之際,已出現少許爭客的情況.不過,我早已立定心意鎖定了華香豬扒和德發牛丸...坐下後,女友叫德發的牛丸,我叫華香園的"豬扒麵",另加"新野".雖然兩間不同的店鋪,但可以同一張桌叫兩間不同的食物,這真的不錯!豬扒麵品評如下:首先公仔麵跟豬扒是分開上的.麵條應屬大光麵,煮出來軟硬適中,但份量略為不足.而主角豬扒份量尚算合格,厚度約四五毫米,而且切條形式上碟可方便食客細嘗.味道方面,豬扒本身很野味,當然跟秘制醃料有關,但本人應為有點點過咸的感覺.夾起放入口中,撕開的感覺只能蠻鬆軟,因豬扒本身厚度所致,若能再厚一點效果相信不錯.平心而論,豬扒未見非常突出,但味道確實野味,我看乃屬心機之作.豬扒如能去掉骨並做到厚一點,帶入鬆軟的感覺.真可望更上一層樓,價錢方面要廿四元一碗,確實有點貴.新野品評如下:貎

海防道臨時街市内,無空調,環境差,衛生差,這間華香園铺頭,賣的是一般冰室麵,最出色是豬扒,頗入味,但無餐叫!!一碗豬扒大光麵,24蚊,飲品另計,在沒有空調,租金便宜的大排擋,真是太貴,豬扒好食,但不合理,豬扒是另一個碟送上,且以切件,即叫即製,外脆内軟,有少少鞋,秘制醃料很入味!!若有豬扒餐叫(包飲品),價錢在30蚊以下,我一定給笑面!!

上次個同事話帶我食好野黎左呢度,個個都話呢度d豬扒超正!我食完之後覺得...真係勁入味喎!最緊要我係一個唔太好豬肉既人都鍾意食果下先掂因為真係掩得好好,d料好香,塊豬扒好脆!正呀~!!仲有佢d牛丸都好掂!!唔同街市買果d...果陣味唔識形容,但係佢地煮得好好食,我見到好似係有放d蔥,好鬼爽口彈牙架!環境都好地道下,周圍都係上班一族,or附近行街黎hea下既後生仔女,雖然逼左小小,但你唔會話覺得污糟囉!反而好地道,我鍾意地道野呀^^又平又好味,仲想係邊度搵!

平時午餐唸唔到食咩or冇咩錢都會去食佢，平均一個豬扒米、麵、通$24，出前一到就d$27，但係唔包野飲，衰在冇餐叫，好在佢都有d好平既粉麵食下~~$14起......

睇完《硬銷》(參閱donsterz view內專題報導), 去左TST係海防道街市熟食檔既華香園/合香園。 食亞蘇施黃係Cable TV時期介紹既牛筋腩&咖央多。因為之前已經食左 Freshness Burger, 唔算好餓。所以淨係叫ne兩樣再加一杯凍奶茶, 凍奶茶算幾香滑。牛筋腩一上枱, 已經被佢既賣相所吸引, 食落好有牛味, 牛筋彈牙, 牛腩好冧, 佢既牛腩汁令到我有想勞飯or麵既衝動。 相對之下, 咖央多味道一般, 說穿了其實是烘麵包加上咖央。不過一定會再去因這裡的牛筋腩的確美味。pls check my blog for details: http://hk.myblog.yahoo.com/donsterz-donsterz

招牌豬排,,,真係好食!!!真的炸完出黎,個面脆.d肉白真係好好好味!!!而我個friend就覺得d雞翼好味再跟個麵再叫左2杯野飲而且又可以係到叫埋隔離ge野食...十分方便!!

今朝去開老尖,專程去試吓佢地嘅豬扒,無睇餐牌就叫咗奶茶,晨早個 個都係食早餐同三文治,我係第一個叫豬扒,見佢響雪櫃度攞出嚟,即叫即煎,豬扒同麵分開上,豬扒仲剪開方便食幾有心思.豬扒真係醃得入味唔會死咸,不過比較鞋,奶茶幾獨特因為係用瓦煲,茶味好濃甚咗帶點苦味.埋單$33,以早餐嚟講算貴,值唔值?又係見仁見智喇!

我同老公在蘇施黃的節目見到介紹這間茶餐廳話幾好味.再加埋D食評話OK! 所以便同老公由屯門出來試吓! 我們到達後覺得環境真係認真麻麻! 我們叫左一份豬扒,一份混醬多,飲凍奶荼&凍檸賓.我們覺得D豬扒好好味,混醬多雖然佢加左出名的"加央",但都是麻麻地!覺得在新加坡食好味D! 我們埋單54元總結一句: OK la!

海防道的大牌檔有唔少野食，除左最出名的牛丸，就數呢度既秘制豬扒。豬扒是逐塊煎，煎完再切條上，肉質鬆軟醃得入味，連埋少少肥膏，真係好味！通粉夠彈牙，湯底就一般。幾檔茶檔都坐埋一齊，唔知會唔會叫錯隔離。服務方面，阿姐見我冇叫野飲，都比左杯冰茶我。衛生就你諗都諗到，有潔癖果d唔好黎。見隔離檯食的雞翼也不錯，價錢仲平幾蚊，可以試下。

海防道熟食檔有好幾間食試，今次無心插柳下去了華香園。未坐底老細已大買廣告，誇口的說"黎尖沙咀一定要食我地既豬扒"，好!就要試試你的秘制豬扒與發興的有何分別。豬扒紅腸通粉-豬扒是另上，薄薄的一塊，肉質唔夠鬆，咬落有點實的，味道甜了又一些；兩大塊紅腸，顏色瘀瘀黑黑；通粉較為細粒，彈牙感覺不明顯。厚醬多-真是幾厚身，可惜烘得不過透徹，做不到外脆內軟的效果。原來同發興一樣有「正野」，承為$8，比厚多士貴，原來很少人食的包頭都是幾值錢。蛋牛治-方包比一般的厚，又軟熟；饀了勁熱辣，不過雞蛋煎得過老。奶茶-夠濃但竟然茶味不夠，入口有點粗糙。雖然水準一般，但伙計的態度好熱誠，服務方面加多一份啦!

雞翼一丁︰一個悶熱的下午, 跟同事來這裡吃雞翼一丁, 不得不佩服大排檔的高效率, 不用片刻已送上一丁, 雞翼是剛炸起的,香氣撲鼻, 炸得均勻, 看起來金黃得出奇, 皮夠香脆, 肉夠juicy, 味道恰到好處, 可能是新鮮熱辣的關係, 好味到不得了, 完全是無懈可擊呢~ 豬扒一丁︰第二次來, 當然要點馳名的豬扒, 可惜豬扒不夠熱, 又比較油, 而且稍咸, 配上一丁的話便咸上加咸了, 除此之外, 豬扒味道真的不錯, 夠香, 帶點甜, 如肉質肥一點更好。新o野︰很特別的名稱, 說穿了其實是烘麵包皮加上混醬及鮮油一件。由於捨不得放下手上的雞翼, 吃「新o野」的時候鮮油已溶了, 麵包皮亦不夠香脆, 味道一般, 似是「物盡其用」多於「新o野」, 結果一邊吃一邊在想勝香園的牛油檸蜜脆脆~ 天呀~整體而言, 雞翼及豬扒都值得一試~ 服務方面,老闆及公仔哥哥超好人, 大排檔既地方, 五星級既服務, 值得讚揚~

這裡的豬扒，的確好味 ！ 豬扒不太厚，但肉質鬆軟，帶點甜豉油的味道，新鮮炸起，脆香熱辣，特別是連骨的部份，更是惹味，缺點是較爲油膩。豬扒跟米粉是分開上的，這樣豬扒就不會被浸腍，但米粉沒有特別，是即食版本加味精湯粉。熱奶茶也是一般，而且已經加了糖才上枱，除非十分嗜甜，否則不必再落。豬扒米：23元熱奶茶：10元

今日放工,大份朋友話想食德發牛丸,已經有成十年冇黎過海防道熟食中心,今日星期日黎到,仲以為冇開,入到去又見到好多人行到入去搵位,有個人一路食野一路叫我們坐那張枱,我們坐下才知那個人是在這裡做,但坐下後才知原來坐錯枱,我們是想食德發牛丸,但卻坐在華香園的枱但華香園的豬扒也很出名,最後我們叫了華香園的豬扒飯,奶油多,凍檸樂,凍檸賓及德發的淨牛丸德發的牛丸比想像中沒什麼特別,但比出面的有牛肉味,爽口但不彈牙而華香園的豬扒有驚喜,豬扒及飯分開上,一上枱已經很香,豬扒薄薄的,炸得鬆化很多汁,果然是祕制,飯好像已變得可有可無奶油多等了很久都未到,之後吹了一次,可能漏了單,不一會就到,多士比想像中厚,很大份,而牛油還未完全溶化,美味埋單時收了$59,我還說很便宜,想走時,侍應叫回我們,原來牛丸丸未收錢,又再比多$20不知這裡有沒有送外賣的服務,如果有就太好了,因這裡的豬扒的確美味埋單$59+$20

沒有文化的人,這天中午在文化中心,拿住本場刊,架住副粗眶眼鏡,充其偽文化龜.中午場太過緊逼,在餐廳吃午餐一定趕不及,這個時候,那些茶檔就充份發揮其作用.十二點正的海防道熟食中心,食客不絕,各個地頭敵壘分明,之前吃過兩間牛丸同財記,聽聞海防道熟食中心某檔炸豬扒很有水準,但一時不記得個檔口名稱.抬頭一看,有個橫額掛在上面,寫住馳名炸豬扒,這檔口為華香園,雞"啦"咁大隻字,一定不會錯.即叫即炸之故,需要等一段時間,先喝一口凍奶茶,又算幾香滑.這店的炸豬扒有別龍城街市的樂園,華香園的豬扒只是略略醃過,沒有上粉就放下油炸.上桌前還預先斬件.略施脂粉的豬扒,肉質很鬆化,兼且完全將其香甜的肉汁,鎖在肉內.最後連骨頭的邊位,也啜得一乾二淨.因為這個豬扒,本來跟豬扒上的丁麵,已變得可有可無.文化中心內嚴禁飲食,否則可貪心一點,再打包幾塊邊看邊吃....只是一時之想而已,我並不是那些看電影也不關掉手機,或同旁人在睇戲時,大聲說話的無品戲迷呵.