華豐燒臘

营业中

休息中

本局長得悉副局長家中高堂愛以街市燒味作菜，本局長遂於今午帶領副局長至中環一燒味飯堂用膳。據悉此飯店已屹立中環七十多年，本局長年前曾於半山幫襯，留下美好回憶，現時店面已遷至域多利皇后街中環街市對面，雖則位置不同，卻是美味依舊。本局長與副局長分嚐叉燒燒肉飯及燒鵝油雞飯。叉燒肥瘦適中，香味濃郁，燒肉皮脆肉嫩，菜心鮮嫩可口，飯粒粒粒分明，豉油香甜而不太咸。副局長亦對燒鵝油雞多有溢美之辭，更一度仰天長歎：「好食過街市嗰D好多！」總括而言，好食。

老爺一向是華豐义燒Fans，西環舖收檔後，一家人打算幫襯中環新舖，老人家比我們早到，同侍應講話6個人枱，獲回覆只有兩個人唔比得枱住，後來叔仔兩個到達，4個人都話未夠人，奶奶打電話比我們，確認我們已在中環站行緊去，但啲侍應堅持唔比枱，明明場內有空枱，都要叫個80歲的老人家繼續企在街外等，兼且態度奇差，激到他們即走。兩分鐘後我們到達時，其實場內仍有兩張枱可供六人坐。想問華豐，呢啲係咩服務態度？任憑你的食物幾好味，呢啲趕客態度，連粉絲都一走了之！

本是一間很有歷史很有人情味的老字號，環境食品不錯的餐廳，接手主理的小姐都好nice, 其他服務人員都好有專業態度，耐何一位着黑恤衫的男服務員的態度就不知所謂，客人落單唔答，問佢攞嘢聽唔到，就算彩你，佢嘅態度都係勁差，佢係全店最大聲最沒禮貌的一個，真心不明白點解老闆會縱容一個這樣的員工繼續服務客人。

經過我四次的幫襯，來個大總結啦第一次食係朋友推薦我食燒味的，我當然係點油雞瘦叉燒啦。老實說，他們的燒味是不錯的即使切了雞胸給我，但也不算太乾太‘鞋’。他們的叉燒有別於傳統叉燒，並不會燒得太乾，而且切得比較薄，我就非常滿意，不帶一點肥，但口感都很軟。雖然是下午茶，但價錢都要$57。相比附近的茶記，價錢就會略貴第二&第三次，我就點 乾炒豬頸肉烏冬$50無可否認，炒烏東就是比較油。但怕肥怕油的我仍然選擇兩次都點原因就是好香，豬頸肉又彈牙，對於烏東亦是無可抗拒不要被老抽的顔色嚇怕，其實他們的炒烏東味道比較淡，而我這個時候就發現了他們的辣椒油原來好正香而不辣食開小辣的我，我都完全食到，而且愈落愈多食這個烏東加辣椒油是最佳配搭而今日正正就是第四次啦一去到好肚餓即刻點了一個特餐$50。叉燒米粉+火腿絲奄列+蒜蓉包。當侍應送叉燒米粉上枱，我見到份量很迷你，我差點以為米粉是否分開上呢。一叉下去，當然不是啦，只能說，真是下午茶米粉的份量真係極小，三兩扒就食完了。打工仔當lunch就肯定不會飽，但味道很好，湯底很濃當然，我也會放他們的辣椒油吊味而火腿絲奄列，就有點失望蛋太熟，而且很油膩。蒜蓉包很香脆，也是建

華豐燒臘 從威靈頓街搬來中環域多利皇后之後，第一次來幫襯吃早餐。沙爹牛肉麵餐，配煎雙蛋 或 洋蔥蘑菇奄列，蒜蓉包 及 即磨咖啡，非常豐富都只是 37元 ；奶油脆豬 （豬仔包）餐 跟飲品 29元，但脆豬 就一點都不脆。我哋要求咖啡 - 奶另上，但夥計話沒有這種服務，而且語氣好掘，唯有叫咖啡少奶，但咖啡嚟到都係白晒， 即係話杯咖啡落咗好多奶啦！我真係唔明，咖啡“奶另上 ”有何難... 就連“大家樂”都做得到啦 ！華豐燒臘的食物質數一般 但服務未如理想！

明白中環區店舖想做多兩轉生意， 但係要四個人坐在一排店舖堅持可以坐四人的卡位上， 真係食得好辛苦， 坐最近路口個位真係只有半個身有位坐， 食緊飯時要分前後排， 當坐對面卡位食客離開時， 坐最路口個位換到對面卡位被男店員要求坐回原位， 原因係果張係八人枱， 但前面後面枱都只坐六人， 就算同枱對面都只坐三個人， 吾明白點解我地要坐四個人，雖然食物質素可以， 但係坐得辛苦過食大家樂，價錢貴過大家樂但係服務差咁多， 吾會再幫襯囉！

幾日前去中環，拎野比朋友，見到一間燒臘茶餐廳，門面企理，當時係10㸃45分，仲有早餐，便入去一試，員工做事勤快，落單後好快有得食，早餐味道ok，杯奶茶都好掂！有下次！

The food is nothing special.  The service is bad to the core.  Many of the people there acted as if they were your bosses!  I had been there a number of times but the service was getting so bad that I would never go there again!I hope they close down soon and hope that there will be a better replacement.  It is getting difficult to find food in Central.If you want to be pixxed, this place will not disappoint!

依間燒味餐廳有啲過份，因為味道真係一般！如果要我再幫襯都幾難58蚊下午茶。。叫左個叉燒燒肉飯。以為貴會好食啲，點知中伏叉燒乾爭爭，瘦位好硬好乾，肥位多筋咬唔到。叉燒無叉燒味。食左3舊，一舊仲要吐反出離。燒肉比左腩位我，以位執到寶。點知太咸入唔到口，唔想浪費但真係放唔到入口，食左兩舊就停手，全部食左小半碗同青菜就賣單走左去隔離食南記。。。總結離講，老闆張鋪面裝修得幾靚其既人，可惜對食物既要求好底，食物品質差唔改善，連杯檸茶都可以無茶味既，希望佢會改正。

你地嗌外賣出去買，唔好阻住我做生意。我未聽過咁差野說話。不停叫我地快啲賣單，未食完就汁走哂。以後唔會再食，野食又唔係好食，不如唔好做生意啦，以後唔會再食。。。。

假日經過附近，就入去食野涼下冷氣😜華豐燒臘係中環都有好一段歷史今年舊店結束，而且係三聯書局隔離新開環境坐得舒服，而且人手年輕化可能假日關係同鋪位方便，都幾多遊客黎到燒臘餐廳當然要食燒味叉燒係呢到必食，而燒鴨係我中意既燒味之一咁就黎個叉燒燒鴨瀨粉 叉燒燒得唔會太燶而且係我中意既半肥瘦呀😍而燒鴨都幾香同皮薄，不過就多骨食唔到個肉質瀨粉都幾大碗，而且重點係唔碎可以夾得到👍份量都幾多，一個人食都好飽總括黎講: 食物質素不差，不過可能對佢期望過高，驚喜不大環境坐得舒服，食得舒服

不嬲唔寫食評 但今次真係食到一肚火，差到要開post 講先係menu無話有燒味飯食 係叫左小菜之後，見到人食先知原來晚市係有燒味飯算！食小菜，個湯味精超多，個餸唔撈飯，係咸到食唔到。食左個小菜套餐，成晚要不停飲水！最最最惡頂係，收銀個阿姐十問9唔應，係你面前但扮睇你唔到。好啦，阿姐終於俾面你肯答下你野，但態度係勁悔氣。中環收人地100蚊個小菜，食物難食都算，仲要受你氣。好後悔入左呢間野，呢個大聲夾惡嘅阿姐令我永遠唔會再幫襯

由中環威靈頓街到堅尼地城，又回到中環開舖，質素不變（街市檔口仔差不多）服務不變但價格不段上升！！最初舊中環同堅尼地城分店開張時早午餐都唔錯（不過午餐太貴），但可惜，水準不段下滑，可能這因素兩舖就此完蛋。起初以為他們重開，必定有驚喜，點知。。。今次新開連早餐都令人失望，午餐都不敢去試。飲食業已經非常大競爭，無服務，無質素，齋食裝修，佢嘅價錢又不值，應該三年貨仔又完蛋。有咁多資金開舖，應該都用不低人工請人，為何會請這麽差的人手？一間店鋪經理，大廚非常緊要，有好岀品都要有好服務才能發揮到最好，希望店鋪老闆好好改善一下（不過我都是不會再光顧）

簡單不到10分鐘路程，送貨地址是只是兩條天橋之隔的五星級酒店也說不知道在那，更甚是聽電話的服務員態度惡劣，說明滿200元可以送貨，而且我想像不到這樣的距離也叫遠，那什麼才是你們的送貨範圍，星期日也說忙，真心不明白你們店如何吸引人，食物質素已經倍況愈下，現在服務態度也這樣。垃圾！什麼質素的管理層就會培養出什麼素質的員工，只靠積存下來的名氣厄飯食，所有事已變得劣無可劣，員工不懂待人接物。。。。。。。。

星期六都要返工，為左同自己加油就食好D揀左火腿通配蘑菇奄列，個通粉就普普通通，但奄列勁正，切開入面仲有少少流汁出黎，而且蘑菇同洋蔥又配合得好好，好香甜。蒜蓉多士都有驚喜，食完勁滿足，可以俾心機做野😊