華豐燒臘

营业中

休息中

今日下午要到中環工作，喺中環想搵啲簡簡單單嘅嘢食，都唔係冇㗎，其實好多橫街小巷，都有好多特色嘅美食，價錢都好大眾化，其中一間呢就喺中央街市旁邊嘅呢一間燒臘，我記得上次嚟食晏嘅時候，食咗一個叉燒燒鴨飯，皮脆肉滑，印像都唔錯，所以我聽朋友講呢間甜實都幾出名。今次就係下午茶時間嚟食，原來佢除咗燒臘之外，都仲有好多唔同嘅茶餐，我就食咗一個叉燒通粉配多士同埋奄列，叉燒都保持到水準喎，少少燶邊，肉質鮮味，另外朋友就嗌咗一個雞扒米線，坦白講就冇佢嘅燒味咁出色啦，不過整體嚟講都唔錯嘅，再加上同位置好方便嘅關係，所以下午茶時間一樣爆到七彩。

買了好幾份燒味、我買的是102元的乳豬燒鵝奶粉、質量非常差、燒鵝肉基本上咬不進去。另外一份74元的燒鵝奶粉的燒鵝也是咬不進去。我們中午幫襯了華豐已經很多年但是這次的經歷實在是太差太差、叫了凍檸茶但是用熱的杯子來裝、餐具也沒有給。其他兩份炒菜一般但是乳豬、燒鵝怎麼可能有這種質量呢？他們是換了個師傅還是怎麼樣？我買102元就是沒有計較價格、像幫襯一下吃點兒好吃的乳豬和燒鵝結果燒鵝肉咬不進去、有兩三塊是那種皮乾乾也是咬不進去、總的燒鵝件數是6件、有3塊基本沒有吃、另外3塊吃了皮肉咬不進去！

幫襯左華豐好多年，但以後唔會再去喺中環返工幾十年，華豐未搬以前喺士丹利街再上啲嗰時，已經開始幫襯。今日一點半同朋友行過，見冇乜人大把位，坐低叫咗個餐（$84），加例湯加凍檸茶（$11）。我因為趕住返工，諗住坐5分鐘就走所以冇叫嘢食。我都知道茶餐廳規矩淨飲雙計，不過冇諗過坐喺度第2分鐘，侍應已經埋黎不停趕我，話如果我唔叫嘢食，朋友杯嘢飲同例湯就要計正價。咁我話明我好快走，可否通融下坐多幾分鐘。即刻又叫第二個侍應過嚟…大把位有必要咁樣趕客嗎？

今天下午同老婆睇完戲想去中環搵燒味食一落冇開行吓行吓行咗去華豐入到去見人多以為自己食都OK啦點知叫咗個燒鵝瀨無味無道 簡直係出世以來識個最差嘅燒味在叫咗個下午茶星洲米 一模一樣真係想抌低咗佢就算服務態度又差 唔知點解仲可以營業到落去喺中環冇嘢食 寧願食大家樂麥當勞都唔會再幫襯

晏就中環落大雨所以決定叫華豐嘅外賣。滿$200佢哋就會送上附近幾條街。華豐每日有八款午餐+一款「有營午餐」對比同地區嘅茶餐廳來講，叫做有好多選擇，當中通常有至少一款係屬於炒粉麵類別，對於鍾意食麵嘅我就啱晒喇！由於今日好想食菜遠牛河，所以無叫到是日午餐menu,12:30打去落單，13:00外賣哥哥好快送到上來；份量好足，成個盒裝滿晒；如果你係細食的OL,不妨叫扣底～味道適中唔會太咸；河粉唔夠汁，去到最尾好乾；$68無野飲有d貴。P.S. 以前要打電話問佢哋今日有咩午餐，好似罰抄咁抄低嗰9個餐但自從佢地開咗個WhatsApp group，send當日嘅Menu圖出嚟，同事之間互傳就知有咩食，真係方便左好多。

黎到中環食野，如果想食平少少🤏，大多數人都會選擇茶餐廳，因為種類多，價錢合理，宜晚飯仲有小菜提供😎叉燒飯～叉燒好淋，好好食👍$58晚飯黎講唔算貴，我個囡最愛🥰小菜～蜜糖欖角金沙骨—$88加10蚊有湯同飯呢碟小菜估唔到咁好食，有甜味，有酸味，金沙骨d肉到好嫩，送飯一流😋😋加$10既老火湯都好夠味最後叫左碟頭抽干炒牛河，睇賣相好似麻麻地，食落好淡味，大失所望，牛肉份量都好少😞整體來講都唔錯，下次想試下佢d煲仔小菜😉

今天早上要去中環的卡佛大廈辦事啊，早上突然有點肚子餓，想找個茶餐廳去吃早餐，恰巧經過這家華豐燒臘，所以就進來試一下。早餐非常的豐盛，有分西式早餐和中式早餐，西式早餐有很多，豬扒雞，扒魚扒餐，然後中式早餐呢，有很多就是粉拉面的套餐。我選的中式早餐，然後加一杯共貢茶，一共是44塊錢港幣，然後還有配了炒蛋加那個，多數覺得性價比還是蠻高的，環境也不錯。下次還會再來，中環其實茶餐廳特別多，但是覺得這一家還是挺值得推薦的，聽說他家的叉燒是非常非常有名的，下次想來是一個有叉燒的這個面。

唔通我少見多怪，第一次見到在麥皮上加上杞子，想不到味道又幾夾幾唔錯喎；杞子不但色澤紅潤，顆粒完整兼肉厚、還帶有少許甜味，令麥皮食落唔會咁寡口；蛋治(烘底)及即磨咖啡就普普通通，不過不失啦。這裏以燒臘命名，相信水準應該不差，下次一於再嚟試吓！對身體好啲，間唔中也要食得清淡少少。#營養早餐 #杞子鮮奶原味麥皮 #蛋治烘底 #即磨咖啡#華豐燒臘 地址: 中環域多利皇后街5-8號地下A,B,E舖電話: 25443466

慢慢開始適應有晚市的日子 這次和家人來到了位於域多利皇后街的華豐燒臘 真的是衝著他們的燒味而來 但原來還有各款港式撚手小菜😗我們想少吃一點carbs 只加了兩個白飯 例湯是冬瓜湯 火氣十足 超好喝-🌟-▪️叉燒燒肉雙拼叉燒實在太驚艷了🥰白熊和婆婆都偏好燶邊叉燒 焦焦脆脆的口感最讚！肉超嫩 但稍嫌有點過鹹😗相比起來 燒肉就比較普通 皮有些脆有些不脆▪️咕嚕肉有點軟掉 如果桃的份量多一點就好▪️啫啫雞煲香氣撲鼻而來 但是不知道為何有很多叉燒在裡面😂▪️魚香茄子煲鹹魚的鹹香味十足 熱辣辣！

今日同事生日諗住叫半隻燒鵝，一份雙併食下（燒肉加叉燒）咁就係外賣平台 落order ,收左586$收左錢之後就等人打黎之後有電話到喇，滿心歡喜去拎得一盒仔？拎上手輕飄飄問個外送員，係咪有第二個送埋第二盒？然後佢話係咪取消咗啊我返到去開返個app,先見到佢話取消咗個燒鵝，然後嗱嗱臨上網再訂，咁樣都算我打開盒雙拼，眼都凸198蚊得10件叉燒10件燒肉打電話去問佢，勁串話，唔鍾意咪拎返黎換囉態度差到！

同屋企人晚飯，貪方便揀選返工地點附近。最終揀了老牌燒臘舖華豐燒臘。叫了叉燒油雞雙拼，豉汁蒸倉魚及魚香茄子煲。另叫了西洋菜煲豬展湯。西洋菜豬展湯味道鮮甜，火候十足，非常好飲。燒味份量大，叉燒咬落鬆化，蜜糖味剛剛好。油雞則非常嫩滑，雞皮沒有半點肥膏，好好食。豉汁蒸倉魚絕無欺場，魚非常大條，豉汁味道香濃，魚蒸得剛剛好，非常滑。魚香茄子煲味道濃郁，茄子及肉鬆份量配合得宜，送飯一流。華豐燒臘燒味固然出色，估唔到其他小菜亦很不俗，呢餐食得非常高興。

華豐號稱燒味出名，附近有唔少上班族幫襯。呢度我時不時都來食晏，雖然午市套餐價錢唔算平。我通常都叫四寶飯，唔想飲凍野嘅話可以叫例湯，而且食物水準都尚算穩定，所以幾乎每次都叫呢個餐食。呢度嘅叉燒係好味嘅，而且份量都幾足，上菜速度都好快。

今日嚟咗中環呢間好出名嘅燒味店，佢位置好方便，喺中環街市對面，之前聽朋友講話呢度嘅燒味好好食，所以就過咗嚟試吓😋 佢哋個下午茶好抵食，黎食下午茶梗係要試吓佢啲燒味啦！我就揀咗雙拼瀨粉（$61)，有唔同種類嘅燒味揀，覺得叉燒同埋油雞好正，叉燒揀咗半肥瘦，多汁好食！可以揀飲湯或者飲品👍👍

第一次到華豐買外賣飯盒, 原來燒鵝雙併都要$82, 都幾貴, 但見佢掛出黎既燒味的確幾靚, 所以就試下啦. 返到公司一開飯盒, 真係嚇一嚇. 燒鵝全骨一舊肉都無, 而燒肉都係黑色(平時唔會比人既部位) 第一次食竟然就咁差, 都好既…以後唔使再去! $82收得人呢個價, 比啲咁既貨

😵喺中環返工已經超過八年近排先比知道原來有間叫華豐嘅燒味 😋好好食價錢的確貴咗啲 但係每一舊叉燒每一舊油雞 都係冇得輸當然未必係最好 但係我心目中都有頭三名雖然呢個叉油雞飯差唔多$100😱😱我覺得係值得嘅今次已經系第2次食啦⋯叉燒肥瘦比例好均勻😍 啖啖肉中意食半肥瘦偏肥就perfect😍😋😋油雞亦都好嫩滑飯份量亦都唔會過多/過少 比例唔錯 飯味都好香👍🏼絕對會食第三次😋😋