華星冰室 (克街)

营业中

休息中

聽聞呢度d炒蛋好好食，開張左咁耐都冇食過，今日一於收工後去試下由於時間係下午5點幾 就黎6點，好多位坐一個人都可以坐到卡位，仲要唔駛俾人趕叫左個常餐:叉燒通粉+火腿炒蛋+牛油多士+凍檸檬茶滿心歡喜咁食啖炒蛋先...............凍既？唔熱架，凍架！！！超失望囉食埋其他野:唔記得叉燒有5舊定6舊，全部都幾厚通粉就淋淋地火腿: 普通，冇乜特別牛油多士: 熱熱地又厚身，相比其他野食 好食得多凍檸檬茶: 普通，冇乜特別總結:為左炒蛋而黎，結果失望而回唔會再食

心血來潮事件簿(24)😋秋天的時候，就總係本尊忙的時候，所以就決定係夜晚繼續工作之前一於去探索下灣仔食野的好去處😎一向鍾意食茶餐廳的本尊就決定到華星冰室一試😝當然本尊又係叫左最愛的常餐😋不過今次係飲品就有新的嘗試🤔話說我就係餐牌見到一樣飲品叫做谷古，原來其實就係我地平常講的可可，佢同朱古力有D唔同，有少少比較苦嘅感覺，但係個種感覺令我愛上左依款飲品❣️如果唔係太了解依款飲品嘅人可以下次叫一杯試下😎話咁快D主菜就上左啦😝就係常餐😎今次我對依間的常餐有少少失望，叉燒比較難入口同埋較韌😓不過佢的牛油多士同埋炒蛋都係十分好食😋食落後面兩樣之後即刻大滿足😎佢同其他茶餐廳一樣都係可以將意粉變通粉,煎蛋變炒蛋😎現場仲有好多明星留低嘅簽名😝真係好值得一去👍下次有機會再同大家介紹下啦 多啦😊

早午餐普通到極，熱飲，凍飲不外如是，價錢不算便宜，環境及座位比較大家樂和大快活遜色。最離譜就是一班楼面伙記，聚在一起聲線高頻率，旁若無人，粗言穢語高談濶論，句句令我們坐在一起用餐的男女同事坐立不安，特別是看見一些年青的女姓顧客進入餐廳更是評頭品足，互相粗口交流所見所聞怎樣！怎樣！簡直十足十似一間爛仔竇的場所。寄語女仕門或携同女朋友幫襯切記帶耳塞入去。我們的男女同事以後也不會再去光顧這間餐室，避免聽太多的炒媽拆蟹backing music! 不信？你或妳們去試試收聽吧。

yeah有滑蛋食係最開心架😜去華星嘆返個就最好了！常餐有叉燒通粉、火腿炒蛋同牛油多士😋叉燒通粉既雞湯幾清甜，叉燒雖然薄但勝在無肥膏。炒蛋超級滑用左牛乳來炒🥚😍多士烘過再搽左牛油，外脆內軟，太滿足了❣️午餐時間大約12:15來到，等左5分鐘都唔使就入座了。呢道重點當然係坐落嗌野要快，同樣上菜超快，所以大家都要食得夠快🤣靚仔哥哥們會不停明示暗示想你快d離座😂對於小編呢種平日食野好慢既人黎講都有d壓力架🙈

好耐冇黎華星冰室食嘢🙈🙈好掛住佢啲多士、炒蛋真係好好食㗎！以前差唔多日日食都唔厭但番新工之後就無黎過喇😭😭今日咁啱經過梗係要黎食番餐啦個校長多士就係必叫㗎啦🤷🏻‍♂️但係就咁一個多士又唔夠飽😂😂所以就叫埋個常餐豪食番餐個校長多士一啲都唔令人失望黑松露味好重加上啲芝士係上面一齊焗打埋塊厚多士夠脆真係食極都唔厭啦🤤而個常餐識叫一定係將個煎蛋轉做炒蛋炒蛋夠晒滑配埋塊查滿牛油嘅多士食落去成口都係由好滿足雖然都好肥雖然都好肥🙈🙈🙈依個叉燒通就正常茶餐廳水準但係食個炒蛋同埋校長多士已經值得啦👀

港式早晨全餐, 煎蛋可以轉炒蛋, 而炒蛋滑度足夠, 蛋味濃郁, 厚厚的多士塗上牛油十分香脆, 通粉湯底味道也算濃，火腿絲夠幼細，吃起來較細膩, 至於我至愛的熱奶茶質素很好，一口品嚐, 奶茶味齒頰留香, 口感不錯, 店員服務感覺良好，值得一讚!

華星冰室係我未轉工前常去既飯堂之一♡但並唔係次次都咁好彩 可以係午餐時間搵到位有時候排隊既人會好多 所以每到午餐時間都要及早趕黎 佢既常餐係我一向既首選價錢較為划算之餘 份量亦足 仲包一杯熱飲而且佢既搭配非常個性化可以自己選擇意粉/通粉 炒蛋/煎蛋通粉同炒蛋係我慣常既選擇一黎因為通粉同個湯較搭二黎係因為炒蛋做得非常出色蛋雖然炒得嫩滑 但既唔會水汪汪 亦唔會過生而且蛋既份量非常多 蛋香亦濃牛油多士亦烘得香脆可口我最鐘意將厚厚既一層蛋鋪係牛油多士上上軟下脆 口感非常豐富 通粉並唔會煮得太淋身 仍然留有一定既口感而湯則咸度適中 唔會過稀 亦唔會過於濃稠唯獨係內裡既叉燒略瘦 肉質較乾即使有時叉燒帶肥肉位置 該部分亦較為韌身 較以咬開~ 但整體上個常餐水準都唔錯~華星除左食物質素有保證外侍應哥哥亦好殷勤 服務態度好好雖然佢地外表好cool 但總係會隨傳隨到 盡力滿足食客既每一個需要♡同其他冰室比較 咁既服務水平實在令人感到非常滿意!

來到灣仔呢邊就去試下呢度好出名嘅華星冰室，叫左個常餐配奶茶。效率好快，落完單等左五分鐘左右，個叉燒意粉就送到，食緊嘅時候其他野都陸陸續續送到。叉燒意粉嘅叉燒雖然無平時燒味嘅叉燒汁，但就咁依然好入味，意粉軟硬度適中。我叫左煎蛋，無叫炒蛋，個蛋係剛剛煎好，熱辣辣，切開裡面流出d蛋漿，幾好食。火腿就好似純粹煮熟完就算，無咩特別。而個多士哄得剛剛好，唔會太燶，咬落有少少脆，口感非常好。雖然唔係塗左好多牛油係個多士上面，但我覺得已經好足夠，食落有淡淡嘅牛油香。至於杯奶茶好有水準，奶同茶嘅比例掌握得幾好，飲落好香滑。華星冰室嘅食物都好高質素，出野又快，＄40幾一個常餐好抵食，下次來打算試下校長多士。

今次我揀佐有20幾年歷史既「華星冰室」裝修現代中帶點懷舊氣息，黎到冰室當然再要試下佢既招牌，「常餐」......唔好睇少個常餐，佢個常餐已經包含晒華星既精華，凍奶茶 ，炒旦厚多士，叉燒意粉（當然你可以選擇通粉）先講個炒旦多士 外脆內軟 佢個鬆軟絕非一般茶餐廳做到，而炒旦保留佐滑溜旦香既味道凍奶茶3個字形容晒，滑香濃，如果可以得話當然叫熱既會最好。叉燒意粉既賣相雖不好，但勝在叉燒肥瘦剛剛好整體而言，非食不可

華星冰室當然最出名就係炒蛋啦。即刻要點返個常餐。另外仲點多咗個黑松露炒蛋多士。常餐質素一如以往嘅好，最鍾意食佢個炒滑蛋。蛋炒得好嫰滑，仲有啲奶味添。個包亦都香脆鬆軟。至於火腿同埋叉燒通粉貨色一般。但呢啲都唔緊要因為個主打滑蛋已經滿足晒我嘅願望啦至於黑松露炒蛋，佢塗左牛油喺塊面包上面，再擺咗滑蛋，上面仲放左d黑松露。只可惜黑松露嘅味道唔多突出。不過以呢個價錢食到咁多蛋又有少少黑松露，都絕對物有所值啦。假如佢能夠係炒蛋嘅時候加入啲黑松露油就更加不得了啦

今日上完運動堂便與同學們去食晚餐，就選了呢間坐落灣仔的華星冰室。我們一行5人都叫了常餐$45份，部份叫熱飲。部份叫凍飲，凍飲需要另加$3。常餐包括叉燒意粉，火腿炒蛋，牛油蛋士及餐飲。叉燒意粉，亦可轉通粉，叉燒份量ok，意粉軟硬適中。火腿炒蛋，火腿正常，而炒蛋好滑，好juicy, 好味。牛油多士，係由兩塊已烘的牛油多士組成，牛油鬆軟，唔錯。以灣仔區黎講性格較高，下次會再光顧，試下其他特色產品，例如：特色豬扒包。

今日去灣仔返工咁啱朋友喺附近，於是約埋一起午飯我們去到下午12點半已經要排隊。其實真係冇乜得選擇全間餐廳得一個Menu我們叫了一份常餐有炒蛋，火腿，多士，叉燒意粉和一杯熱奶茶。價值$45其實呢個價錢食咁普通嘅食物算係貴，除咗杯奶茶夠香夠滑.....同埋炒蛋真係高水準其餘食物真係好普通。試完唔會再試下一次，因為服務態度真係麻麻....我明白出邊開始有人排隊但係都唔需要一食完就即刻收走野仲要叫我去埋單。我係連杯奶茶都未飲完，飲到一半佢就已經多謝光顧買單嗰邊⋯⋯嘢食煮得幾好味都好但係服務質素咁樣好似催命符咁催人走，我覺得幾好食都唔會再嚟！

係附近返工咁奈，第一次去哩到食Lunch . 落雨天，Lunch都唔使等，大把位。環境無特別，一般茶餐廳格局。入到去都係食常餐，其實無野好Order架啦。食物一般，大把茶餐廳做得好過佢。衰在待應態度特差！叫左3個餐，一個要意粉，一個要通粉，一個轉炒旦，有幾難落單? 有幾難明？個待應阿叔聲大夾惡，好似有人"少"佢咁。去得茶記，無要求有好服務，但無諗過要對住爛佬待應！落雨唔多客都咁爛，旺場嗰陣都唔知點😑 不知所謂！名過於實，佢個名同地理位置救左佢。無下次

常餐($45):叉燒通粉-叉燒嘅份量都叫做啱啱好。火腿炒蛋-炒蛋真係好食又juicy！牛油多士-多士有兩塊烘得啱啱好，牛油都鋪滿係面。特色豬扒包($25)-個人認為豬扒包有小小乾，入面有小小沙律醬同酸瓜，由於豬扒係炸，包又比較硬，所以食起身會更加乾，個人不太推薦。

環境0分：超迫茶記格局，Ｄ牆又爛又花喱碌，坐得唔舒服，眼都花埋，如果可以的話會比零分！衛生0分：地下污漕不凸止，連埋位坐前剛抹張枱都唔乾淨，枱面Ｄ胡椒粉又黐立立，一樣想比零分！服務 -2分：Ｄ夥記選擇性失聰，唔想幫你落order就一於睇你唔到，先扣頭兩分。基本上張枱一定會濕，因為放碗嘢落嚟實會倒瀉湯，整到果碗通粉滑嚟滑去，再扣多兩分。未食完已經大聲講多謝，見你冇乜反應就拍你張枱兩下再大聲講多謝多謝多謝，咁仲唔扣多三分？！總數負兩分！味道2分：常餐碗暖通粉都叫正常茶記質量，但頂多只可由三分計起。通粉裡面Ｄ叉燒數量非常之少，切得薄薄果幾片，但咬落非常之韌，可能Ｄ叉燒係用嚟煲湯底Ｄ湯渣，扣佢兩分！炒蛋正常，塊厚多夠鬆最好食，可以加返分。抵食-1分：以為淨係翠華差，點知華星仲差，污漕邋遢唔再講，服務九流，食物一般過一般，絕對絕對唔抵食，負硬分！