華星冰室 (克街)

营业中

休息中

返工前要充充電💪🏽, 一於去我的最愛茶記 - 華星❤喇！平時食早餐都食開哩到既沙嗲牛麵, 今日想清清地食個簡單既通粉早餐！華星出品既煎蛋可以話係世界第一, 少少燶邊既蛋白非常香口, 再加上流心既蛋黃, 冇得彈🤤。如果唔食生蛋黃可以轉食炒蛋, 炒蛋既香滑口感同樣令人讚嘆。超厚既飛邊多士加上牛油既香味, 令人一試難忘。最後再黎個充滿口感既火腿通粉畫上完美既句號。如果仲食得落, 不妨點多個蛋牛治。😳份量十足到你唔信！牛肉既牛香味沖擊住味蕾, 鬆軟嘅麵包夾住淋淋既牛肉同滑蛋, 口感令人欲罷不能！

差唔多半年無去過呢度食了 以前喺港島區嗰邊返學會成日過去 今次係自己一個人 餐廳多咗好多新面孔🤠但係侍應依然都仲係好麻甩 依然覺得呢度係好有人情味🤫－－－－－－－－－今次食嘅都係常餐⛱食食吓聽到隔離枱個男仔話有加左價 係啊依家啲物價真係越嚟越貴 第一次食華星係兩年前😩嗰陣嘅常餐仲係$38 不過兩年後嘅今日已經加左＄4 😫不過其實咁大個餐40幾蚊都算係咁 起碼食得飽肚😋.🍜常餐 $42包括叉燒通粉🍲多士🥪火腿炒蛋🥓仲有杯野飲☕️嘢飲當然係叫茶走 因為我最鍾意茶走 貴就貴 不過真係有質素 叉燒份量唔少👍🏻多士又烘得啱啱好 仲有好香嘅牛油味😍 炒蛋夠滑 仲有蛋汁 😍茶走沖得好 煉奶份量剛剛好 茶不苦澀 但係相比起兩年前味道卻有種說不出的不一樣😪 同埋今年分店都多咗好多 唔知會唔會係咁樣所以影響咗質素呢－－－－－－－－－真心覺得華星比起澳X牛奶公司好好多 因為員工都好有禮貌 每次走都會同我講拜拜👋🏻☺️

黑松露炒蛋多士的分量还是蛮大的，炒蛋很滑，红豆冰很足料，甜度刚刚好，红豆又很绵，这里的红豆冰我觉得算蛮好喝的，而奶茶就还好，可能热奶茶都会有点涩，校长多士，感觉一般般，比较脆身

早上八點三人到華星食早餐，二人到了，帶位侍應安排了三人卡位。先到的二人order了兩個regular早餐，食住等。食了五分鐘，一位長髮男侍應語氣惡劣問你個朋友仲有幾耐到，我朋友當時已在灣仔地鐵站，我答5-10分鐘。話口未完，安排了兩位客人，坐滿了整個卡坐，也沒有留一個位給我友人。在長髮男侍應幫對面兩位客人落單時，我也幫未到的朋友先落單，怎料侍應拒絕，話「唉你到咗先講啦」。好，我也罷了。五分鐘後朋友到了，我和原本朋友的早餐仍未食完，我朋友站在卡座旁你眼望我眼，剛才話「你朋友到咗先講嘅啦」，閃閃縮縮咁避開我地張卡座，冇過嚟幫手處理座位分配。另一侍應經過，也感到奇怪為何原本安排好的座位，俾人坐了，話「咦，點解咁嘅，咩事」。長髮侍應叫我嘅朋友獨自一人坐到店中另一角個位坐。我立即嬲怒到企起身，飲埋半杯咖啡就算，坐都唔想再坐，自己埋單，企喺門外等朋友食完算。食客來到，要求就是簡單食完早餐就走。但華星嘅態度簡直係要踩人底線，當食客過街老鼠，要食客對惡劣態度照單全收，就是覺得大部分香港人稔善，不會還口。食店由知名人仕開辦，理應對形象更有要求，即使冇，基本做人態度應該差極都有個譜，但感覺，此店就是提供普

今天入元朗，在又新街下巴士行又ㄧ陣見到新開間華星冰室，見裝修得幾有五十年代冰室feel又正正下午茶時間，於是就入左去叫個下午餐肉蛋一丁。坐位是叭前大排檔的木條 木條凳或者冇靠背嘅木椅，古黑白瓷磚牆， 罐頭印刷裝飾牆，好以粵語長仔場景， 眼前對聯寫前專心沖好奶茶，用心做好炒蛋，所以特別期待試它的奶茶。試一口， 水溫啱我夠熱 茶味濃奶夠滑，正宗茶檔的絲襪奶茶，好滿意， 所謂行行出狀元，只要用心做杯茶冲得真係特別好味。 日後有時間 行過一會 來 嘆杯茶。有別於其他餐廳一丁麵係將調味料麻油分開相畀你自己落嘅，我 都未試過要自己落的，真搞嘢。

我都不知道校長多士點解会成为佢嘅signature，overcook的同时食之冇味，餐包都烤到硬的扎嘴，我都不會再返來，九不搭八！仲有啊，尼個software點解要80個字才能po！

食物算還好，可能因為太多遊客，服務態樣極差吃完了要好吃也不會去了...............香港一出名的店，服務態度走下坡，其實很讓人失望，因為錢都太好賺了，反正沒服務也是很多人排隊

聽朋友說華星冰室有唂咕飲就特地來吃，唂咕就是朱古力加奶没有加糖，口感很滑。另外點了個＂校長多士＂，就是黑松露芝士多士，很香的黑松露芝士味，多士又厚又夠脆。食過一次就愛上了這個多士。

今日黎到灣仔工作，去左克街既華星冰室度食午餐。華星冰室可算係香港人既茶餐廳，充滿左好多香港人既點滴同回憶，連有啲食品既名稱都用了香港明星來命名，例如校長多士，森美雞批，梁文寶寶等。我就叫左個常餐(HKD42) ，內有叉燒通粉， 火腿炒蛋 同埋牛油多士。 叉燒半肥瘦，通粉加埋啲胡椒粉一齊食，一個字正，不過如果分量再多啲啲就好嗱。 火腿就大大塊，我就同埋厚切牛油多士一齊食。 炒蛋就非常嫩滑，我亦都將部分既雞蛋放埋係多士一齊食。餐飲我就叫左熱華田，味道不過不失。

喺落住滂沱大雨嘅工作天，我同朋友選擇到就近嘅華星冰室。下雨天唔使等位。華星好窩心咁準備咗遮袋，令到大家唔使濕住咁食飯。我會形容華星嘅設計係「現代嘅懷舊冰室」。雖然佢冇陳舊嘅擺設，但係佢嘅設計都有一種令人回到過去嘅感覺。華星冰室都有各種常見嘅冰室美食，不過我都係叫左最常食嘅常餐。常餐 ($42)價錢喺灣仔區嚟講一啲都唔貴，所以平日都吸引好多打工仔嚟排隊等食。常餐可以揀叉燒意粉/通心粉、煎蛋/炒蛋，跟牛油多士，包熱飲。叉燒係半肥瘦，通粉嘅軟硬度適中，湯底幾濃，唔多味精。炒蛋相當有驚喜，炒到滑嘟嘟，仲有好多蛋汁添！！牛油多士係兩面烘底，唔算烘得好脆，但夠鬆軟，ok啦。熱華田沖得唔算濃，適合我呢啲唔鍾意太甜嘅人。華星係唔錯嘅午餐選擇平靚正兼快

近年流行懷舊冰室熱潮，本人並未有深究各個冰室的自身特色，但也離不開本港鄉土懷舊茶餐廳風格，抑或八十年代的港西式晚餐。華星冰室主打炒蛋多士，湯意粉等的一類。價錢適中，食佢既裝修為主。懷舊西多士$28，厚切吐絲對摺，軟綿綿的口感，不會似劣食版西多士的偏身死甜，這西多士清清甜甜，不會過於油膩。牛肉湯意粉，意粉略硬，浸湯放多一兩分鐘後享用較好，牛乳滑蛋，知初乳般的滑溜，蛋與蛋之間佈滿滋味滑蛋汁，半熟的感覺，叫人回味無窮。$42

前幾日早左放LUNCH, 早到一個地步, 竟然仲有早餐賣!!同事又未試過哩間餐廳, 咁就試試佢個早餐啦熱奶茶, 都幾滑O既, 都好有奶味,同埋茶味, 不過我冇落甜, 所以有小小苦苦地...都OK O既個鬼佬早餐睇落都好似幾豐富有茄汁豆, 有塊薯餅, 有煙肉, 有炒蛋, 有栗米, 外加兩塊多士薯餅炸得都幾脆, 同老麥個薯餅有得比,炒蛋就保持水準, 幾滑幾濃不過煙肉就好似冇乜煎香, 凍凍地...仲好油種類就多, 食落份量就麻麻地...每樣有D 咁囉,,唔係太夠喉可能要另外加多個麵先夠飽....

食華星 唔一定要係食常餐或者蛋治，識食既 緊係要食公司三文治🙊最鍾意係食公治裡面既炒蛋🍳澳洲牛奶公司既滑蛋好食，但其實華星冰室嘅炒蛋都好好食！侍應哥哥嘅服務態度仲比澳牛好👍🏻黎華星食親公治我都會走烘，咁先食到麵包嘅香，公治裏邊有芝士，火腿，鹹牛肉，炒蛋，酸瓜，一次過滿足晒幾個願望🍞分開兩層慢慢食，或是一啖咬晒佢都得😋食晒佢其實已經飽足一個中午😂Btw. 個人認為，港島區分店既食物質素比旺角店好🤔

早幾日同朋友行過灣仔，咁啱經過呢間嘢咪想試下（好似好多明星吃過）點知入到去嗰啲員工服務態度差，又講嘢串到。如果你食物質素好就抵你囂張啦，點知啲嘢食普通到同我樓下茶記無分別重點係啲嘢食好難食、好難食、好難食啊

當年的 動感La La La金曲品牌 ，今天化作一間茶餐廳， 真的是十年人事幾番新。 華星孕育的歌星， 隨口說也有 陳奕迅、楊千樺、梁漢文、 許志安、鄭秀文 、郭富城 、張國榮 、梅艷芳 等等。 說到 華星 的金曲，更是多不勝數。打著懷80年代的舊情懷， 成功變身成為 香港的旅遊景點 。除了食到經典香港冰室名物， 還可以 在這裏看到很多 香港明星的簽名， 所以這天我特地帶了台灣朋友來光顧。叫了兩份常餐 : 有火腿通粉、 太陽蛋 、多士和熱奶茶，分量都不少。食味方面， 和一般茶餐廳差不多， 奶茶也挺香滑， 茶味濃郁， 滑滑的 ，口感不錯。多士也烘得挺脆， 夾住太陽蛋來食， 港味。。濃情化不開 !吃著華星 招牌常餐 ，聽著當年情金曲。 那些年的美好舊情懷 ，又回來了！