華星冰室 (克街)

营业中

休息中

午市去食佢個常餐，叉燒通粉、火腿炒蛋、牛油多士、咖啡或茶，叉燒通粉既湯底幾清冇乜油，唔算濃郁，叉燒就偏林，叉燒浸得耐左。牛油多士脆身，牛油都均勻，厚度OK。炒蛋算滑，但唔算夠蛋香。 但以呢個價錢食個常餐就唔多化算，我黎講一次便夠了。

係灣仔呢個物價比較高嘅地區，想食一餐平平哋嘅並唔係咁易，今日晏晝嚟咗華星食茶餐。佢會叉燒通粉一嚟到嘅時候我嚇一嚇，因為得嗰少少叉燒浮左係面，不過原來沉晒底姐，嚇死人咩。雖然唔係啱你但係佢個炒蛋都做得幾好食，好嫩滑，火腿又唔會煎得太窿。最後飲埋杯熱華田，正呀。

這間華星做緊推廣，好多廣告，好得意呀！周圍也是佈置。好得意同好特別！！連櫈也是有字架公仔麵自己落味粉的，麻油也是，我覺得味粉加埋落去好味d！麵也是啱啱好的。好味的！上海排骨，炸得好靚，又金黃好香脆，好味道的，只是有些乾身了些！厚多土，奶油多士，唔夠金黄色，也唔夠香脆呀。上環分店整得好味d！炸雞脾好大隻，好香口，雞脾肉嫩好滑的，好味呀！！

系灣仔番工既我，每逢星期六放工就會同男朋友四圍搵野食，其實佢原本系想食清湯腩，但為何最尾會揀左冰室黎食？我地系行去銅鑼灣既方向，點知一經過克街我就見到華星，即刻勁開心，因為華星都算系我「好想食」既食物清單入面既其中一間。由於係星期六去，可能唔係一至五所以冇乜打工仔或者OL去，一去就有位。裝修亦系一貫懷舊既風格，其實呢家既冰室普遍黎講都肯花錢去裝修成冰室既style，環境以黑白為主題，牆側更有眾多明星簽名既簽名版，來頭不小。黎到華星冰室要食啲咩，相信非常餐莫屬，常餐包括叉燒意粉或者通粉、火腿炒蛋、牛油多士、咖啡或茶，我就揀左叉燒通粉，叉燒通粉既湯底幾清冇乜油幾岩我心水，不過叉燒就偏林，再硬啲就完美，不過系張相完全睇吾到有叉燒😂每一件都系細細件同埋沉曬底。常餐包埋戈份牛油多士好脆身，牛油好均勻咁搽曬系兩片多士度，厚度亦好足夠火腿炒蛋既蛋好滑呀，用黎同多士撈埋一齊食好正。 聽男朋友講一塊多士系就咁食，另外一塊就同火腿、炒蛋一齊食，原來識食系要咁食所謂嘅校長多士其實係黑松露芝士多士，對於勁中意食黑松露又勁中意食芝士既我實在非叫不可，開頭一睇仲以為做咩咁窿，但食落真係好香黑松露味，應該係表面烘過

說起茶記炒蛋，大家便想起歐洲牛奶公司，但現在遊客多，經常大排長龍才爭取到10分鐘用餐時間，叫我卻步呀😪個人認為，華星的炒蛋同樣美味😋炒蛋治 ($20)麵包鬆軟，蛋炒得香滑，蛋中央有少許溏心，相比起澳牛，這個炒蛋不夠鬆，但依然好吃有蛋香😋 值得一提的是華星的服務，上菜效率雖快，但我從未被像澳牛passive-aggressive (or aggressive)的伙記趕走，相反他們的服務很貼心和富人情味☺️味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️價錢 ⭐️⭐️⭐️⭐️

和同事一起相約在這家享負盛名的茶記吃午飯，午飯繁忙時間要搭檯，室內冷氣有點勁，凍凍地。order了營養常餐（飲熱鮮奶）同叉燒意粉常餐（飲熱奶茶）建議可以餐後才叫熱野飲，不然很容易凍曬。多士和叉燒沒有太大驚喜，但個人覺得煎蛋比炒蛋好吃，煎蛋的蛋白和蛋黃分明，嫩滑。鮮奶香甜，確實是招牌。

星期日,在中環看完老爺車展覽後,行吓行吓就行到灣仔。肚子有點餓,又是時候揾嘢食醫肚。華星冰室，港式茶餐廳，當然是效率其高。ㄧ入到去就有位,坐低唔使ㄧ分鐘,待應就過來問你想食什麼。食物都是ㄧ般茶餐廳的款式。見到餐牌上有個營養餐,38元正,就點了個營養餐試ㄧ試。這個營養餐有杯牛奶,火腿煎蛋,牛油多士。雖然餐牌寫煎蛋,待應問我要煎蛋還是炒蛋,我就隨便叫了炒蛋。我又估唔到廚師將火腿放在炒蛋上,將炒蛋好似怕怕醜的收藏着。牛油多士,牛油味好香,多士烘得剛好,很脆口。蛋很滑,油又不算多,入口口感一流。牛奶一杯,我估就是這個餐叫做營養餐的原因。整餐連等連食只用了20分鐘,效率一流。

星期日的下午想找一個地方可以不太擠迫、不用被人趕走，所以決定來到華星冰室一試。嘗試左鹹牛肉蛋餅出前一丁公仔麵，鴛鴦走。在這個時代叫得冰室，已預計價錢比正常茶餐廳貴，出奇地食物質素也比想像中好，合乎價錢那個蛋餅是很大的，熱度適中，味道適宜。公仔麵的調味粉及麻油分開上，可以自行選擇加入與否。鴛鴦走的味道很有咖啡及茶味，環境裝修感覺舒適衛生。上菜的時間也很快，服務員年青及有禮貌，整體來說，感覺十分良好。

This place offers traditional, heart warming meals. I came on a Saturday morning and the line up was approximately 20 minutes, which was not bad. This is a no frills kind of place. Don’t expect service or super clean tables but you will have a great meal.

小二經歷人生第一次搬屋，記得初初裝修時，由於新屋內烏煙瘴氣，我們姐弟三人一起床後便會走出屋外天井位置空地坐，玩，食......那時候女麻女麻準會買定樓下某舊式老牌茶餐廳的公司會意粉俾我食。那種蕃茄汁底，那種食到一咀都係污糟貓，那種滿載童年回憶的味道而家好難食得番啦！......某夜，一個人由灣仔尾行落老銅搵食，行至英皇，突然醒起都好耐冇食過華星冰室了，不如就去食啦！當時人唔多，所以有卡位坐。由於唔係太想食常餐果類食物，赫見有蕃茄會意粉 (單拼$44，雙拼$47，仲要唔跟野飲)......雖然貴，反正坐左入黎，試一次咁多啦！打下機睇下面書，等左一陣，就開餐了！呢度嘅會意粉同餸料係分開上的！煎雙蛋自己一碟，而碟意粉就有蔥段和洋蔥在上，蕃茄原個切件，似係舊式茶仔果種。唔知，佢個蕃茄汁係咪自己調較架呢？眼前溫熱的意粉，似曾相識，我急不及待叉一注意粉入口，嗯，係呢種味呀！就係細個女麻女麻外賣俾我食果種蕃茄會意粉嘅味呀！個蕃茄汁不慍不火，酸甜度適中，不會過份黏稠，食著食著，充滿親切感。邊食著不無感動......更令我憶起昔日與祖母的日常。

As a local, you must be heard about this restaurant! I love their nomal tea set which included ham, fried egg, toasts, and pasta.  The fried egg is made with milk so the texture is just so smooth. Toasts is crispy as well which you can eat with the ham and like sandwiches. Pasta usually go with sweet-pork, the portion is just fine and won't be so salty at all. The coffee and milk tea there also very nice.

一直係常客，每次都係叫常餐，今次食味道依舊，食物都夠熱，好過上次麵包凍左，美中不足係得3舊叉燒。都算可以啦食完俾錢，拎碎銀拎慢幾秒，收銀個呀姐竟然拋D碎銀出黎，發悔氣鬧我阻佢時間，態度差到一個點，我係度諗後面又無人要俾錢，又唔係就關門阻你收工，拎錢出黎都阻你時間？真係食茶餐廳咁耐都未遇過態度咁差既人，佢個樣仲完全覺得自己無錯！我想話幾好食都好，咁既服務態度只會趕客，我以後都會唔會再幫襯！

作為九龍人，對於港島有咩好野食其實真係唔太了解。但聽聞灣仔出名多有名嘅茶餐廳。華星冰室應該係其中比較出名嘅，呢日黎開灣仔，終於有機會試到啦～黎得呢類茶餐廳通常最出名就係個常餐，而且常餐唔洗諗又豐富，一次過滿足晒咁多個願望，都不失係一個好選擇黎嘅。呢度嘅常餐有叉燒意粉﹑火腿煎蛋﹑牛油多士，當然仲有我都幾鐘意飲都又唔可以成日飲嘅咖啡，成日飲完都有好攰但又吊住靈魂嘅感覺。作為九龍人，覺得港島嘅野偏貴少少，可能係因為佢出名啦。個叉燒意粉方面，意粉不過不失，叉燒幾軟滑，又唔會太油。火腿煎蛋，火腿略為太薄，貨色普通。煎蛋夠火喉，中上級數，呢種程度嘅煎蛋係我鐘意嘅好欣賞佢個牛油多士係有烘底，出面好多茶餐廳要烘底都要加錢個包都哄得幾好，火喉適中，夠香口。咁多樣之中我覺得咖啡最出色，香濃又幼滑，奶嘅比例都適中，我個人飲唔到太重嘅咖啡，覺得太苦同會胃痛，呢度嘅就岩我整體算係唔錯，不過又冇太大驚喜，算係四平八穩不過不失

In Causeway bay after work people always want to have to have a nice meal with cheap price 華星冰室 is deffinately one of the best choice.  it would be unlucky if you have never tried the taste of the food is so so so good.  The restaurant is lways packed for afternoon tea as many people come for their famously cheap and delicious food.  The restaurant works very swiftly therefore waiting for food and space is never a problem even thought its always packed.

OL 放 Lunch 輕鬆選擇 ~ 華星冰室以前係灣仔返工, 幾乎每個星期都會去幫襯華星冰室每次都係叫常餐, 簡簡單單已經好飽肚佢地既伙計都好搞笑好親切縱使全台同事個個叫常餐, 但個個要求唔同佢地都面帶笑容而且好好記性例如一個要反蛋, 一個炒蛋, 一個轉牛肉, 一個要意粉, 一個多奶, 一個走糖等等佢地都唔會俾面色客人睇架~所以每次去都食得好開心~^^~返工個排成日去, 佢地直程一見到我地都認得我地~記得我地大部份人食咩, 好有HEART呀~常餐通常就火腿通, 可以轉意粉牛肉個D另外仲有多士, 厚多士面層少少脆, 內層勁鬆軟加埋少少牛油無得頂~覺得黎華星冰室係黎食親切感返工咁大壓力, 放LUNCH都係想鬆一鬆者~^^~就算而家無係個頭返工, 每次去開灣仔都會入去回味下~不過要LUNCH TIME時, 真的要早少少去排隊啊~