華星冰室 (西洋菜南街)

营业中

休息中

如果唔洗等位，入去食個常餐都無妨。一個常餐價錢$42（熱飲），價位合理。可惜今日塊火腿「宿」「宿」地，咬落有酸味，同樣貌帶點凶惡嘅侍應哥哥反應完，佢係完全零反應，只係走去水吧講左句：「喂，有人話啲火腿有味喎。」我即刻.......叉燒意粉可以轉做牛肉通粉，都幾夠熱，湯底食食下有啲鹹。火腿煎蛋轉炒蛋，除火腿外，炒蛋合格啦，唔算十分滑；牛油多士幾香，不過多士似擺左陣唔太夠熱。總括黎講，華星冰室質素只係一般而已。

以前食炒蛋多士呢啲常餐,最出名係澳牛,同時都係出名員工好有"性格"。華星班底傳聞都係澳牛出黎, 一開始的食物質素同種類十分相似, 唯一唔同就係,華星對客人態度好好,自從華星越做越好, 澳牛員工啲態度都好左好多。叉燒意粉+火腿炒蛋厚多士+凍檸茶。三爬兩撥話咁快食晒,炒蛋夠滑好好味,叉燒意就正常水準, 我反而想讚下呢度既凍檸茶, 真係好飲,我唔知有乜秘方, 係咪茶膽夠靚? 係真好飲過出面

入到去既時候，其實侍應們唔係太忙，但企係到係冇人理架，最後需要自己搵位坐，然後叫人黎幫手執枱，最後都叫左3次先有人應等等餐牌非常單一，只有呢張餐牌同另一張常餐，常餐戈張我冇影到相，因為係對面朋友張枱到，呢間冰室主要賣一啲炸物，三文治，常餐等，聽講全日餐牌都好單一，我地係晚上6點去食既其實餐牌單一不是問題，常餐係香港既特色，只要做得好食，都有一定的客人會黎幫襯，但呢碗通粉仲難食過其他茶餐廳既常餐，通粉非常淋，碗野最多只可以話係少少溫，上菜速度好快，5分鐘內就出左。多士一面有烘，一面冇烘。常餐做法算係簡單，都可以整得甘唔好食店內環境有明星海報同相片做裝飾，但甘既水準只夠明星效應，似乎差啲！

最近迷上了炸肶，看到同事買回辦公室的炸雞肶十分吸引，翌日午餐小人即自行買了一隻回公司獨享，嘩卡卡！免致回家再被喵星人侵襲。😆新鮮炸起的雞肶，有誰不會著迷? 脆卜卜的雞皮以及啖啖一絲絲的雞肶肉，滿口油脂但又勁其豐厚，即使有油隨著嘴邊順溜著滑下，以本食肉獸而言，實在是滿足至極之至，一隻雞肶，就小人的食力，略可頂肚一餐，不過必定要吃下午茶。隨著雞肶有的一些甚麼蕃茄則極為不堪，看見腍而無鮮味是肯定的，希望不是翻用的吧，小人踫也沒踫過。獨享的炸肶，有點放縱，下次即使堂吃一定帶點給喵星人。😊

炒蛋多士：華星冰室的招牌菜，炒蛋炒得很滑還有蛋味，不禁想起澳洲牛奶公司也很好吃的炒蛋多士。遺憾的炒蛋似乎有點出水，不過只影響了賣相！硬是要和澳洲牛奶公司的炒蛋多士比較的話，澳牛的炒蛋感覺較飽滿，配麵包吃也不會像一陣風一樣，華星的版本就似乎讓人有點不滿足啦~校長多士：另一個招牌菜之一，黑松露和芝士在多士上面烤香才上桌，一開始就聞得到黑松露的香味，芝士更是添加了濃郁的味道。如果嫌多士乾的話校長多士可能不是您的茶，對我而言我覺得還可以的。魔鬼豬排包：烘的香脆的豬仔包夾住炸豬排，沙拉醬，番茄和生菜，豬排不算粗糙，但是想比起澳門的豬扒包就有一點距離呢。可能風味不同吧！ 旺角的這家華星冰室以許多名人的照片裝飾牆壁，一邊吃一邊就看著餐廳的「威水史」，還蠻有趣的！有沒有人跟我一樣滿喜歡拜訪香港懷舊的冰室嗎？無論裝修，人情味，食物都很讓人懷緬過去的光景（沒有經歷特別多，也從電影看到，上一輩口中都可以感受到香港冰室文化的傳奇的!哈哈）。香港十八區裡面比較多舊式冰室一定是深水埗莫屬了，至於個人很想去的是上環的海安咖啡室!要上班甚麼都不可以拜訪那麼多有趣的地方額。

有數個月没去華星冰室了。今天剛好去太子辦一點事，做完後就選擇困難症發作，要去金華，華康，魚米家，花園餐廳。。。。 但腦海中突然出現上星期看的台灣TVBS《看板人物》 Alan Tam 的訪問，就往左麟右李方向走去。。。但。。華星冰室的吸引力是無容至疑的。。我這常餐控就直接被吸了進去!去華星，首選一定是常餐。華星的炒蛋是澳洲牛奶公司的級數，除非你非常討厭炒蛋，不然炒蛋是首選!义燒通粉或意粉在濃香雞湯中又滑又入味!我很喜歡滑通粉，所以這是不用想的。檸檬茶，茶味濃檸檬多令茶很香，正!現在已少見加2元改凍飲了!看看餐牌好像多了食物選擇。今天吃完感覺旺角店的味道已勝過我至愛的湾仔店了!來華星一定要看是明星簽名，旺角店應和 Eason很熟吧!很多他的簽名呢!

外面下著大雨，我一人前住華星冰室吃午餐。12時多，未算多人， 叫了常餐， 要炒蛋，多士，飲品是一次過叫埋的。 難得來吃，便點了茶走 即是奶茶中是加煉奶的， 很邪惡 但當奶茶來到時，有點失望，茶太太太太深色了，是放太長時間嗎？ 而且入口唔滑，有一點苦澀有些失望。食物方面，通粉是正正常常的。多士很厚，但不屬很脆那種。是放涼了嗎？炒蛋很大份，很滑，上面還有兩塊火腿！用面包把炒滑蛋及火腿夾在一起吃，滿足！雖然奶茶令我失望了，但還會再去吃！

今日去左旺角揾朋友仔整下野整整下肚仔餓就諗下周圍有咩好食個天氣又熱到死😰😰😰所以個人更加無乜胃口只想食的自己鍾意食既野諗諗下就叮一聲甘諗到不如食炒蛋啦😍😍😍於是就去左華星啦望左個Menu一陣有選擇困難症既我都係叫常餐算😂😂😂因爲有我最想食既炒蛋又有野飲唔洗諗唔洗煩😂😂😂原本個餐係意粉黎既但我唔係好想食所以轉左通粉(唔洗加錢)個湯ok唔太咸但中意食林野既我覺得通粉太硬叉燒好似酸酸地！？我最期待既炒蛋終於出現啦😍😍😍味道ok但好似濕得滯不過好想食既時候食到已經好好多士夠厚有咬口火腿就無乜特別甘熱既天氣最後既餐飲我叫左凍駌鴦架（不過唔記得影相🙈🙈🙈)甜度茶啡味淡奶適中下次黎可以再飲😂😂😂

My friend told me the fried egg in this cafe is very nice so I went to try it out today. I arrived at around 3 o'clock and the cafe was full so I have to wait outside. After 10-15 minutes, I got a seat; the place is very small so it wasn't comfortable. I ordered a regular set and it came very fast. The BBQ pork with spaghetti was delicious, I don't know if it was because I was hungry but it tasted very good. The BBQ pork was soft to chew and flavourful. My friend was right, the fried egg was ver

🍧華星冰室 📍旺角推薦： 🌝🌝🌝🌝🌚 華星餐牌有中英文版，侍應都聽得明英文。我估本身都做幾多遊客生意，再加上明星效應，應該都唔憂做。原以為味道會一般，但是出乎意料地有驚喜😳係今年食過最好味的茶餐廳。多士自動烘底，外脆內軟仲warm warm地，塊方包比一般的厚，而且仲好有麵包香。蛋就是普通的煎嫩蛋，沒什麼特別，但是算好吃的蛋。通粉湯底濃郁，軟硬適中，比翠華的好👍🏻茶走就稍微太甜，煉奶由水吧幫你加，下次可以少甜。校長多士就超好味👍🏻其實是黑松露醬加芝士拎去焗。黑松露竹本來以為是噱頭，應該係街上無咩味個款。點知上枱發現好足料，唔放落口麵聞到好香，唔係有陣味咁簡單。超香松露味再加上溶溶地的拉絲芝士，又香又好味，肥都抵👍🏻🐷🐷🐷🐷🐷🐷🐷🐷🐷#茶餐廳 #快餐 #外國人 #遊客 #旺角 #冰室 #多士 #明星 #火車站 #校長多士

門口排左一陣隊先入得，叫咗個出名常餐叉燒通+多士炒蛋+凍檸茶+唔該。仲叫咗個西多好邪惡呀救命呀！而啲食物好快手就嚟咗啦。你厚多士呀！ 厚多士呀！ 厚多士呀！蛋好滑唔會加咗太多牛油去炒。厚多士唔夠烘底，脆啲會比較好食！叉燒通粉就一般般啦，湯同通粉都無咩特別。咖映西多反而有驚喜好好味呀！雖然好邪惡好肥膩但咖咉本身甜甜地+厚麵包去炸，麵包唔會炸完變薄，加少少糖漿就足夠了！建議咖咉醬可以加多啲！反而係必食推介

經常叫外賣自取, 但個收銀DAY DAY 都黑口黑面, 想點呢 ???? 唔想我幫襯食物質數唔差GA , 但冇腸仔就怪怪地, 但佢外買勝在快, 就腳, 係唔知點解個收銀女人成日都黑口黑面, 好似欠左佢咁反而樓面個哥哥仲好過佢,真係好唔想見到個女人LOR .

是日中午趁食肆繁忙時間剪頭髮，敵不過熱天把厚實的髮絲剪過乾淨。煩惱少了，決定吃久違了的炒蛋多士，多添加一點快樂。太子有一家華星冰室，是澳牛的副本/對台。雖然店家不乏人流，單人座位是不難找到的。帶位員安排筆者坐在卡座一邊，也順便點了早已決定的「點餐方程式」：炒蛋多士叉燒通熱奶茶 ($40)。一如意料，不消一會兒，已有飲品食物上桌。和澳牛不同的事，這裡的飲品是先上的，但飲品的保溫程度，以華星的較為耐熱。論食物質素，華星的味道和份量略次一等；這也是雞蛋裡挑骨頭的結論。先說熱奶茶，華星的味道也是偏澀欠奶香的，奶茶質素較普通茶餐廳差。。。推薦指數：2/5倒是炒蛋相當嫩滑，不過少了澳牛的鹽味和人造牛油獨有的香味，配上同樣鬆軟香脆的多士，相當味美。推薦指數：5/5倒是叉燒通粉成為是日驚喜，通粉意外地烚得偏硬身的al dente狀態。煙韌的通粉增加了一般快餐欠奉的質感探索，不過選用的叉燒似乎是同樣貨色，帶有一種奇怪的藥水澀味道，而且份量較少。推薦指數：3/5沖沖的來,照片也拍得沖沖了。。。快閃，繼續回到office去。。。

2個人心血來潮就想吃點地道茶餐廳在旺角找吃的十分容易,餐廳林林總總，但轉換得也很快能站得穩的店其實沒多少間。所以，要吃得地道不得不到華星去黑松露炒蛋多士 ($42)蛋炒得很滑, 份量也很大, 啖啖蛋而且黑松露不只是一小小的放在面上是混一起的, 所以啖啖蛋也啖啖黑松露軟硬沙爹牛肉包 ($23)名字沒改錯, 脆脆的麵包配入味十分的沙爹牛肉，既軟又硬口感很好，牛肉比例佔很多，而且不油膩。雖然位置有點擠，侍應也不是提供最最最優秀的服務，但這是香港茶餐廳貼地的味道啊!

看到長長的排隊人潮，心裏十個不情願光顧。不過是茶餐廳嘛，有什麼特別嗎？看著價錢，以排隊餐廳來說，十分超值，食物選擇不多，我想吃冰室風味的意粉都要晚巿才供應招牌炒滑蛋，很有蛋香，也不油膩，很有童年餐室的炒蛋風味。附上的厚多士外脆內軟，和炒蛋同吃，牛油香和蛋香混成美味比起炒蛋，火腿通粉略為失色，和一般餐室通粉一樣，湯底也無甚特別沙嗲牛肉包，包香軟，沙嗲汁濃，牛肉也算軟滑，但稍微過咸。奶茶是香濃的，有茶餐廳獨有的茶香，口感滑而不帶茶澀味，很不錯！值得一提的是這餐廳的侍應，人客雖多，但招呼不慢，帶位的大哥看見有孩子的客人會盡量安排卡位，看見老人家會讓他們先坐下等待，這些窩心的小點滴，正是我們喜愛的香港茶餐廳我終於明白，排隊的人是在等什麼。